موضوع مفيييييد تسلمين عليه ..
بكتب كم تجربة شخصية اتمنى تفيدكم :
-- اذا قوالب الثلج عندك قليلة وتحتاجين ثلج كثير .. حاولي تفرغين قوالب الثلج في أكياس
وترجعين تعبين القالب واذا تجمد المويه ارجعي ضيفي في الكيس وهكذا :shiny: ..
-- استخدمت كمفورت مع الموية لغسيل الحمامات عشان يعطي ريحة حلوة .. لكن صارت الأرضية تزلق مع حذاء الحمام وكنت
راح اطيح اكثر من مرة :nosweat: .. انتبهوا من هذي الشغلة .. لأنه زي الصابون السائل.
-- الأرضية عند مجلى المواعين في المطبخ .. غالبا ينسكب عليكي شوية مويه في الأرضية
فتصير الأرضية مبلولة وانتي تغسلين المواعين وبكذا يكون خطر عليك انك تزلقين :crazy: .. عشان كذا
اشتريت قطعة كأنها سجادة من ساكو .. المادة اللي مصنوعة منها مادري كيف أوصفها
بس هي ماتشرب المويه وصايرة مخططة خطوط بارزة .. يبيعونها مطوية عرضها نص متر وطولها
على حسب اختيارك .. تحطيها عند المجلى .. أنا اخترت لون رمادي مناسب جدا في مطبخي.
-- الملابس أول ما تخلص من المجفف الحراري على طول اطويها بالشكل اللي يناسبك
وبكذا مايحتاج تكويها لأنها لسه ساخنه وسهل تشكيلها .. لكن اذا نسيتيها وظلت راح
تتكرفس وراح تضطري تكويها ..
-- معطر الجو اختراع خطير جدا :idea: لاغنى عنه في الحمامات .. مستحيل أعيش من غيره
فيه أكثر من رائحة .. أنا آخذ الرائحة اللي مكتوب عليها (مزيل الروائح الكريهه-ندى الصباح)
أخليه يبخ كل 9 دقائق .. وأغير العبوة حقته مرة في الشهر ..
-- المواعين بعد غسلها اتركيها تنشف أو انتي نشفيها بفوطة نظيفة وجافة >>بعدين وزعيهم
في دواليبهم الخاصة وبكذا تظل الدواليب نظيفة مدة أطول .. لكن اذا وزعتيهم وهم مبلولين
راح يتركون بقع موية أو صدأ على الرف خصوصا إذا المويه عندكم مالحة :dunno:.. وراح تنظفي وراهم كل شوي :blushing: ..
في ملاحظات انتبهت لها في الطبخ وماكنت عارفتها :blushing: .. :
-- عند اعداد الرز الأبيض المسلوق .. الرز كلما تم نقعه مدة أطول قبل سلقه كلما كان أفضل ..
تصير حبته طويلة وماتتكسر .. (كنت أنقعه خمس دقايق وحبته تصير متكسره وقصيرة لما يستوي.. أقل شي مفروض نصف ساعة أو ساعة)
-- البسبوسة أول مرة سويتها .. كنت مسوية كمية كثيرة ولما استوت صار ارتفاعها 3 انش تقريبا ..
لما رشيت عليها القطر لاحظت ان القطر يتشرب إلى الأسفل فـ الطبقة العلوية صارت
جافة واللي تحت لينة .... الحل: كان لازم أقلب البسبوسة عشان يرجع القطر يشرب في الطبقة الثانية ..
-- الخضار في الثلاجة ..(الطماطم-الجزر-الكوسة-الفليفلة-الباذنجان.........)
شكلهم أفضل وأرتب لما ينحطون في علب بلاستيكية بدل ماتحطيهم بأكياس ..
واذا ذكرت شي راح أكتبه :bye1: