تعالي حبيبتي .. خلينا نتكلم بالجنس .. نقاش للمتزوجات فقط..

[مرو]

ذكرتيني بمعاناتي:tears:
زوجي من النوع البارد وما يحب يسوي شي الا في.........الأحم أحم هذا اذا سوى شي
تصدقين بداية زواجنا كنت أقرب له يبعد,أحضنه يصدني ,أبوسه يقول مو فاضي لحركات المراهقين
ما تركته حاولت قد ما أقدر أسوي هالحركات على طول بس على فترات
تدرين وش سوى




عصب علي وجرحني
لدرجة اني لي الحين صعب اني أقرب له واذا قرب لي جسمي يتكهرب وغصب عني أبعد
وش رايكم ؟؟

نفس الحاله تقريبا في الكهربه

 

[سمو الأميرة]

كشخة دبي .. حتى انا نفسي زوجي اييب لي وردة و لمحت له بعد و يعرف اني احب الورود لكن ما ادري لييييش ولا مره فكر اييب لي حتى لو وردة وحدة:no: .. يمكن نحنا رومنسيات بزيادة

على فكرة لباقي البنات عندي طريقة حبيت افيدكم فيها قريتها في كتاب "النساء من الزهرة و الرجال من المريخ" :c014:
ترى الكتاب وايد حلو و متوفر في كل مكان فيه نصايح مفيدة .. على اساس ان طريقة تفكير الرجل غير عن طريقة تفكير المرأة و كل حركة المرأة تسويها ممكن يفهمها الرجل على انها تقصد شي ثاني..

المهم اللي اتذكره عن هذي الطريقة .. هي ان الرجل ما يفهم احاسيس المرأة و الحركات اللي نحنا نفهمها على الطاير هم ما يفهمونها ابداً :c028: .. يعني اذا في شي ضايقج فيه لازم تجلسين معاه و تكلمينه في هالموضوع .. بس حتى طريقة الكلام تلعب دور .. خليج عادي و ريلاكس و قوليله حبيبي تعال بكلمك في شي:cupidarrow: .. او اذا حسيتي انه يتنرفز من هالجملة .. افتحي الموضوع بشكل غير مباشر مثلاً قاعدين تشربون شاي و تتكلمون في مواضيع عاديه و بعدين قوليله "تدري حبيبي انت لما سويت هالحركة (و اشرحي الموضوع باختصار) يمكن انت معاك حق بس انا تضايقت من هالشي و حبيت اخبرك و ما اخلي هالشي في خاطري.. و بكون شاكرة لك اذا ما كررت هالشي مرة ثانيه" :c018:
لازم تخلينه يعرف ان هالشي ضايقج :blow: و يمكن حاولتي تعبرين عن ضيقج بحركة معينه لكن هو ما بيفهم إلا اذا قلتي هالشي بلسانج .. و اذا ما قلتي انج متضايقة من هالموضوع ما بيعرف او ما بيكون مدرك ان هالشي فعلاً سبب لج الضيق و عدم الراحة و ممكن يكرر هالشي.. و لما تقولين له بكون شاكرة لك اذا ما كررت هالشي بيحس انه في محفز له انه ما يكرره:c017: .. و نفس الشي اذا حبيتي انه يسويلج شي معين لازم تعبرين عن رغباتج بكل هدوء و تكونين صريحة معاه ..
الزبدة: خليج سياسية :a115:.. حتى لو مقهورة من ريلج و حركاته ابتسمي و هاتيه بالطيب و الكلام الحلو و بيني مشاعرج بأسلوب راقي و بيني له انه هو على راحته و انتي ما تجبرينه على شي بس حبيتي تشاركينه في افكارج و مشاعرج..

انا جربت الطريقة مرة و نفعت معايه و الحين انتوا جربوا الطريقة و قولوا لنا نفعت معاكم ولا لا ..