تعديل المشاركة السابقة:
وإللي طليقها شمالي وللحيـن يتصل بس حتى ينرفزها ويرفع ضغطها ويقولها انا تزوجت وزوجتي فاهمتني وعقلها كبيرررررررررر
والجنوبية الغربية تولع وتصارخ فيه
شو الحل
ابدا لا تبين انها معصبة وتاخذ الموضوع ببرود
بس تقوله الله يهنيك ويهنيها
وانا ربي يرزقني باللي يفهمني وافهمه ويرزقني بزوج .... ( تحط العيب اللي هو فيه )
لو قالها انت مين حيتزوجك وانت فيك وفيك ........... خليها تستخدم برودها وتصير بااااااااااردة ابرد من الثلج ياجبل مايهزك ريح
وتقوله لأني محترمة واحترم العشرة اللي بيننا عمري مافكرت اقول شي يخدش العشرة اللي انت مادري اش تعتبرها
وابشرك وحدة من صحباتي خطبتني لاخوها وانا قاعدة افكر بالموضوع ، والحين استأذنك عندي شغل مهم ... مع السلامة
واذا قالها الاولاد تقوله اذا خايف عليهم ماعندي مانع يعيشوا معك وانا حكون مطمئنة عليهم دامهم معك
............................
لما تقوله الله يهنيك ويهنيها اولا راح تأثر فيه الدعوة وترقق قلبه لانها كلمات طيبة توحيله بأصلها الطيب ، غير كذا بتعور قلبه لأنه بيخاف انه ماعاد يهمها وانها ماعاد تفكر فيه
اما دعوتها لنفسها تقصم ظهر البعير حتى وان مابين عليه مشاعره لأنه يتأكد انها خلاص ماعاد تبيه وماحتلاحقه وتجري وراه
الخبر المكذوب حق انها انخطبت حيهز كيانه واحتمال كبير يبدأ يغيير من اسلوبه وتصرفاته معها
سابقا ربما كان يظن انها مالها غيره ومي بعيدة انها هي اللي مشعرته بهالشيء
لكن بعد خبر الخطبة يتزلزل كيانه وتتغير افكاره تجاهها ويبدأ يعيد النظر ويستخدم اسلوب جديد وكل حيله عشان يرجعها بس لا يحس انها حترجع بسهولة
اما بالنسبة للأولاد الشمالي يحب يعرف ويشوف ثقتك فيه والشمالي عادة يكونوا قريبين من اللي يثق فيهم ويعجب فيهم فهذي نقطة بصالحها لأنه يضعف امام اللي يقدر جهوده وكونها تطمئن لوجود الاولاد عنده هذا يخليه يفهم انها فااهمته وعارفة قدره وانه رجل قد المسؤلية وهذا اللي يخليه يقول عن الحرمة الثانية تفهمني وافهمها
اعتقد ان طلاقها مو بالثلاث وهو عنده امل انها ترجع ويتوقع انه بالاسلوب بيرجعها اضافة انه يستمتع لما يشوف نرفزتها لانه يشوف قد ايش هو مهم عندها ، والا لو كان مو مهم عندها ماكانت تعصب وتزعل بهالشكل
لا تضعف قدامه ابدا حتى وان حاول يرقق قلبها ويرجعها بكلمتين حلوة او بوعود
واذا تبغى ترجع لازم ترجع بشروط وهالشروط ترسم فيها طريقة حياتها بعد رجوعها مثلا تشرط سواق وتخبره عساس لما احتاج اخرج او اروح السوق .. هي ادرى شتقوله
وتخبره انها تبغى تعيش حياة كريمة مريحة والا ليش ارجع اذا حقوقي ما تلبى
لازم تكون قوية على طول الخط ، الشمالي يكره الضعف جدا جدا
والقوة اللي نقصدها مع الشمالي مو صوت عالي وصراخ
القوة انه يكون ردها بهدوء وثقة بدون مايهمها تعرف ردة فعله او رأية بالكلام
اذا قال خير وبركة وان ماقال عادي جدا
لازم اذا فكرت او حبت ترجعله لاترجع الا بعد ما تجلس فترة نقاهة وتحس انها ارتاحت على الاخر وكلها ريلاكس
تتعرف على ايجابيات شخصيتها وتطورها .
المرحلة اللي بعدها تدرس النقاط المختلفة بينها وبين طليقها واهمها الخلافات اللي تتكرر بشكل دائم
والله يهديهم ويكتبلهم الاصلح
