بسم الله الرحمن الرحيم
السلام عليكم و رحمة الله و بركاته ..
اشحالكم يا بلقيسيات ؟!
بدخل بالموضوع على طول .. بدون لف و دوران
بقول لكم كل شي من البداية عشان تكونون معاي بس ..
انا عمري 23 سنة .. تزوجت من 3 اشهر و نص تقريبا
قبل الزواج كنت مخطوبة لمدة أربع سنين و شي .. بس طول هالفتره ما كنت اعرف زوجي و لا اكلمه و لا حتى اني شفته نظرة شرعية و لا هم يحزنون .. يعني باختصار ما اعرف عنه اي شي ابدا ..
يوم خطبني .. اول سؤال سأله ابوي كان .. الريال يصلي ولا لأ ..
الجماعه قالوا ايييه يصلي و محافظ على الصلاة ..
و تم ابوي يسأل و ما خلا أحد ما سأله .. و الكل يمدح فيه و يقول أنه نعم الانسان ..
المهم استخرت أنا فوق العشرين مرة يمكن .. بس سبحان الله .. داخليا ما كنت مرتاحه
بس كنت اقول اللي فيه الخير الله بيكتبه ..
مع اني اول الأمر رفضت و قلت لأمي ما ابيه .. بس هي اثرت بحكم انه ما عندي سبب مقنع
و انا سكت من بعدها .. بس داخليا كنت رافضة و مو متقبله الفكرة ابدا
المهم .. مرت السنين و انا مو قادرة اتقبله .. بتقولون ليش ؟!
لأنه وحدة من بنات عمتي قالت لي الأفضل تبتعدين عن هالشخص .. و قالت اخواني يعرفونه
و ما انصحج تاخذينه ..
انا خفت و كلمت امي .. بس للأسف .. ما سوت لي اي سالفة ..
و كل ما مر الوقت يزداد كرهي لهالانسان سبحان الله ..
مرت السنين الأربع و اقترب وقت زواجي .. و الله يا بلقيسيات .. مريت بمرحلة هستيرية ..
بكاء و حالة و فكرت بالانتحار و غيره و غيره .. بس كنت اتذكر ربي .. و اتوب الحمد لله
الكل لاحظ علي حزني و قلقي .. و اني مو فرحانه بعرسي ..
الكل حوالي يجهز و مرتاح و اللي تتكلم عن الفساتين و اللي عن الحنا و الميكب و الصالون
و انا مو هامني شي .. حتى القعده مع البنات ما حبيتها عشان ما اييبون هالطاري..
و تزوجت .. الحمد لله على كل حال ..
قلت في نفسي يمكن اظلم الريال و يمكن و يمكن ..
اول ما دخلت الغرفة و تسكر علينا الباب .. ما همه شي .. لأنه تفكيره كان منحصر بالجنس فقط بهالليلة ..
ما اهتم انا مرتاحة ولا لأ .. خايفة ولا لأ ..
كنت بكامل زينتي .. شفته بدأ يحاول يشل ثيابي .. انا امتنعت .. و قلت له بسير الحمام ..
و سرت لبست شي خفيف بس ساتر .. و مسحت المكياج و غيره ..
المهم يوم طلعت .. حاول يفتح بكارتي .. بس انا كنت مرعوبة .. و الله يا بنات مرعوبة بشكل مو طبيعي لأني ما توقعت هالشي ابدا
و يوم شافني مو قادرة اتجاوب معاه قام يتأفف و يقول لي بلهجة قاسية توترني و وترتيني معاج و من هالكلام ..
و قعد يقول لازم اثبت رجولتي اذا ما فتحتج اليوم معناته انا مو ريال << تخيلوا ؟!
و يوم شاف ما فيه فايده .. قال نامي خلاص .. و راح نام على الكنبه لين الفجر .. و بعدين قومني و قال يلا .. و حاول مرة ثانية ..
المهم .. كرهته و الله العظيم .. كرهته من قلب .. و لا كأني انسانة ما يشوفني مرتعبه حتى كلام ما تكلم .. عافاني الله
اللي صار اليوم الثاني من زواجنا الصبح طلع على طول بحجة انه عليه شغل يبي يخلصه ..
و راح .. و اهلي زعلوا واايد قالوا كيف يترك العروس بأول يوم و يطلع ..
ما سوى لي اي سالفة .. رجع الغدا تغدا .. و عقب بدأ في الجنس ..
عاد اول اسبوع كنت كأني آله للجنس له .. يطلع الصبح .. و يرجع الظهر ينام شوي او يمارس جنس و عقب يطلع العصر و يرجع الليل .. هذا اول اسبوع بزواجي ..
و لا ياخذني للعزايم و لا يسوي لي سالفة هناك مرات يقعدني لين 1 بالليل و هو قاعد مع الشباب و انا ميته تعب ..
انا طبعي اني هادية جدااااا جداااا .. ما اتكلم وايد .. و ما احب اجادل .. و من اول اسبوع نبهني انه ما يحب المره اللي تجادل زوجها و من هالكلام
و انا وحليلي شو دراني .. قلت طاعة الزوج واجبه و ماله داعي اجادله و ازعله .. فكنت اطوف كل شي
بس القهر الأكبر اني اكتشفت انه ما يصلي ابدا ابدا .. و باارع بالكذب ياااا الله ... الكذب عنده مثل شرب الماي .. و مدمن تبغ و غيره و غيره ..
بس رغم عيوبه كنت اطيعه و احترمه ..
المهم .. من اول اسبوع قال لي ترا يا فلانه انا حاط ببالي آخذ الثانية .. و اقول لج من الحين
تأذيت وايد .. اسكت انزين يمر شهر على الأقل .. لا من اول اسبوع مستعيل الريال
و عقب بدا يكلمني عن وحدة معاه بالشغل .. و يقول انها منجذبه لي و تسوي لي حركات و يوصفها و يوصف جسمها .. و انا لأني استحي منه و اخجل كنت اسكت ما اقول شي .. بس كان ينبان علي اني اغار
فقال لي مرة .. الانسان اللي يغار تراه مريض نفسي لازم يتعالج .. اذا تبين بوديج للعلاج في طبيب نفسي ممتاز اعرفه ... :30:
من يومها قررت اكبت مشاعري و احاول ما ابين شي << ترا كل هذا بأول اسبوع
و عقب رحنا لشقتنا .. و هنيه بدأت معاناتي الحقيقية ..
يوم بدأ رمضان .. شفت منه الويل و الله العظيم ( و انا مو مكمله شهر على زواجي ) ..
ضرب و انضربت .. سب و انسبيت .. لعن و التعنت ..
يدقق بكل شي و كل شغله .. بقول لكم امثله و انتوا احكموا ..
مرة نظفت البيت بالكامل .. و نسيت احط الأغراض بمكانها ( ادوات التنظيف ) ..
يوم شافها رماهم كلهم و قعد يسبني .. بس لأنه قريب اذان المغرب و احن دايما نفطر بيبت اهله سكت و اخذني هناك و هو بالطريق يهددني يقول بس نرجع البيت بوريج
و يا ريتني ما رجعت ..
يوم رجعت البيت اخذ يسبني و يعايرني في اهلي و يقول كلام جرحني بشكل مو طبيعي
و طلب مني احط كل اغراضي بالشنطة عشان يوديني بيت امي .. و قال قوليلهم انه قال
ربوني عدل و عقب رجعوني .. و تكسر ظهري خلاني اشل الشنط و حاله << كل هذا
و انا ساكته ..
قال لي عديمة مشاعر انتي حتى دمعه وحدة ما نزلتي .. ما قلت شي ابدا .. بس كنت تعباانه
و عقب يوم تعب ( كان مخليني طول الوقت واقفه ) من الساعة 10 بالليل إلى الساعة 3 و انا
لابسة عبايتي ..
و عقب بكل وقاحه قال تعالي على السرير بنيـ ** .. بكل حقارة قال لي هالكلمة ..
و مارس الجنس و انا تجاوبي كان 0 بالامية ..
هالشي خلاه يعصب اكثر و يسب و يلعن ..
و عقب قعد يكلمني اونه يبي يسامحني على غلطتي .. و لازم ما اكررها ..
الموقف الثاني .. شاف قطرة زيت على الفرن .. و الله العظيم قطرة يا بنات .. قام يسبني و يلعني
و عقب طلب مني اسوي له السحور .. كنت غاسلة القدر قبل .. قعدت اسخن الزيت ..
يوم شاف القدر ناشف عصب و قال ما غسلتيه .. و حلف يحرقني بالزيت .. حلف يحرق ( منطقتي الحساسة تحت ) عشان اتأدب ..
انا مت من الخوف .. عقب قال لي قوليلي عشان خاطر امك سامحني بسامحج .. قلت له هالكلام و عقب اونه سامحني .. و بدأ بعدها يمارس الجنس و لا كأنه شي صار
( كل هذا يصير و أهلي ما يعرفون و لا 1 بالامية من اللي قاعد يصير .. )
و كل يوم ضرب و سب و لعن .. لين ما لاعت جبدي ..
بيوم ودني لبيت اهلي عشان افطر عندهم .. لاحظ ابوي اني هزلت وايد .. و من يذكر اسم زوجي ارتجف من الخوف .. و الحمد لله ابوي قوة ملاحظته قوية .. سألني شو فيج
انا بالبداية انكرت .. بس بعد الحاح اعترفت .. و قعدت ابكي .. قلت له كل شي .. عن الضرب و السب و الأذى النفسي .. بنات تراه قال لي كلام مستحيل يقوله ريال عاقل لزوجته .. منها انه طعني في شرفي .. و يشككني بأخلاقي و انه ما يثق فيني و انا الحمد لله متربية و من عايلة محترمه و هو يعرف هالشي عدل ..
قلت لأبوي كللللل شي حتى علاقاته مع البنات .. و انه يشرب و و و .. طبعا طبقا لكلامه انا ما شفت شي ..
و ابوي نقطة ضعفه اذا شاف حد من عياله يبكي .. عادي يوقف ضد العالم كلهم ..
صدمته كانت مو طبيعية .. قال كييف ما عرفت حقيقته .. كيف انخدعت ..
قال لا تروحين .. خلج بالبيت و يخسي هو و اللي يابه اذا قدر ياخذج .. بس انا امتنعت ..
قلت له برجع .. و انت لا تخبره اني قلت لك بس ابي يكون لك علم بكل شي و ما تتفاجأ اذا صار شي
اخذ ينصحني و قلبه يتقطع .. و الله العظيم ابوي الصارم الشديد عمري ما شفته بهالموقف ( ابوي شمالي بحت ) .. كان يحاتيني .. قال لي اهم شي كوني قوية .. لا تخافين منه ..
و اذا رفع ايده عليج بس اتصلي و انا بحل كل شي .. و اتصل في اخوه الكبير و قال انا عازمكم انتوا الاخوان عندي باجر ..
و عزمهم و انفرد بأخوه الكبير و قال له كل شي من الألف الى الياء .. اخوه انصدم لأنه زوجي جدام الناس شي و من وراهم شي ثاني
بس أكد قال هذا لا عمره شرب و لا عمره يعرف بنات لأنه يخاف على سمعته وايد .. بس يقول هالكلام عشان يستريل
و انا بيني و بينكم كنت اشوف تناقض كبير بين رواياته اللي يرويها عليه ..فكنت احس انها ملفقة ..
المهم .. بعدها بيومين بدأ مرة ثانية .. و السبب .. أنه يسألني دوم تعتقدين بنستمر مع بعض
كنت اقول له هيه .. بس هالمرة قلت لأ .. أعتقد بنتطلق قريب .. فتضايق و بدأ مرة ثانية ..
انا و الحمد لله على كل حال دبدوبة .. طلب مني اني البس ثياب ضيقة عشان يضحك علي ..
لبست قطعه .. الثانية .. الثالثه .. و هو يستهزء فيني و يضحك و يمدح صديقته اللي بالشغل
يقول اليوم نمت معاها و سوينا جذي و جذي ( و يوصف لي كل اللي صار ) .. و يقارنها بي ..
و انا ساكته ..
يوم قال البسي الرابعه .. كنت واصله حدي .. كنت خايفة بس حاولت استجمع قواي .. و قلت له ما بلبس
هو كأنه انجن و الله العظيم .. اصر اني البسه .. ما طعت .. قلت له تبي روح ييب سكين من المطبخ و اذبحني .. انا ما بلبس هالثياب ..
صار مجنون .. مسكني و رماني بقوه على الأرض و اخذ يسبني .. و يحاول اني اسمع كلامه
بس كنت مصرة على موقفي .. اخذ يتكلم بحنان يقول يلا يا حبيبتي البسيه لا تكسرين كلامي
بس عاندته و ما لبست .. و قلت له انت كله تسبني و تعايرني في اهلي .. درهم واحد ما صرفت علي .. و كل كلامك عن صديقاتك و الجنس معاهم ..
هو كان مصدوم .. ما قال شي ابدا .. و ما تكلمنا .. و رحنا لبيت اهله نفطر كالعادة .. يوم رجع
قال اليوم بنام على السرير باجر بدبر عمري بنام على الأرض .. قلت له ما يحتاج .. انا بنام على الأرض .. و فرشت فراشي و نمت ..
و ما تكلمنا ابدا ابدا ..
اليوم اللي بعده .. بالليل يوم رجعنا من بيت اهله .. اعتذر لي .. استغربت منه .. و قعد يقول كلام يحاول يعدل اللي صار ..و باسني على راسي .. بس ما قدرت اقتنع لاعتذاره لأني كنت
مجروحة وايد بس طوفت له ..
و من بعدها بطل يضربني او يشتمني .. بس يلعن و من هالكلام مرات ..
طبعا طولت عليكم وايد .. بس بغيت تاخذون فكرة عن اللي صار وياي ..
هو للحين ما يعرف اني كلمت اهلي عنه .. ما يعرف شي ابدا ..
هو نوعا ما تغير للأفضل .. بس عنده افكار رجعية متعبتني ..
البيت احاول انظفه بس مشكلتي ما جد نظفت ببيت اهلي فتنظيفي مو لين هناك ..
بس و الله احاول كل اللي اقدر عليه ..
صار يصرف علي يعطيني 500 بالشهر .. و لو انها ما تكفيني لأني ادرس بالجامعه ..
احتاج لأمور تحتاجها كل بنت من حلاوه و شامبو و معجون و هالأغراض .. ما اييبها لي يقول ما ابي اعودج انج تطلبين تخيلوا ؟ فما صرت اطلب منه ابد
ما يحب يوم اسير لبيت اهلي ينقهر و يزعل فما صرت اسير الا يوم هو يوديني ..
الحين محتاجه لاب توب ما ادري اطلب من منو .. اذا طلبت من ابوي احس عيب ( تخصصي آي تي ) .. و هو ما اقدر اطلب منه ولا بيقوم الدنيا على راسي ولا يقعدها
و الحين علاقتنا جدا باااااااردة .. حتى انه ما ننام بغرفة وحدة ..
انا ارجع من الدوام الساعة 4 هو يكون مو موجود لأنه يداوم الصبح و يتغدا بيت اهله و عقب يروح يدرس الظهر .. و يرجع 9 بالليل يدخل الغرفة يسلم يطلع كندورته .. يروح المجلس على طول .. لين ينام هناك .. ما شي كلام من بيننا إلا هاتي لي العشا و لا هاتي ماي .. و خلاص
و الصبح اشوفه يوم اقومه من النوم بس .. اجهز كل شي و اطلع و هو بعده بالحمام يستحم ..
حياتي صايرة لخبطه .. كنت بعز ببيت أهلي .. ابوي يقول انتي اشري بس قولي ابي اتطلق و بوقف جدامهم كلهم ..
بس قاعده احاول اصلح حياتي .. ابي اعطي لنفسي و له فرصة قبل لا يخترب كل شي ..
عشان ما اظلمه .. ترا فيه ايجابيات .. منها انه عمره ما تكلم عني بالسوء جدام اهله .. بالعكس دايما يمدحني و مخليني ملاك يقول زوجتي مافيه مثلها ..
و اهله و الله ما شفت ناس بطيبتهم خاصة امه .. دايما توصيه تقول اذا تبي رضاي خلي هالحرمة راضية عليك .. حضنوني بالعايله و كأني فرد فيها ..
زوجات اخوانه اذا شافوني ياخذوني بالاحضان يقولون اشتقنا لج وايد .. خواته يعاملون و كأني اختهم .. و دايما يوصونه علي .. و امه الله يحفظها تعاملني مثل ما تعامله .. و توصيه علي دايما
اقول الله حرمني من شي بس عوضني بشي ثاني و الحمد لله ..
عشان هالناس هاذيل بعد ما ابي اتطلق ..
و بعد من فتره لفتره يسألني يقول انتي مرتاحة معاي ولا لأ .. اذا لأ واجهيني قولي شو العيب اللي فيني و انا بحاول اعدله .. بس اف مني و من خوفي و ارتباكي .. ما اقدر اقول شي
انصحوني بنات .. شو اسوي ؟ مشكلتي مو جريئة ابدا و خوافة و استحي .. ما عندي ثقة بالنفس ابدا ..
بس اذا بغيت اطنش حد ترا اطنشه من قلب و لا اسوي له سالفة ..
ادري كلامي ملخبط .. شي اشيا وايدة بغيت اقولها بس قلت ما يحتاج ..
شورواا علي و انصحوني .. كيف اكسبه .. تراه عمره ما قال لي كلمه حلوة ..
مانعني من كل شي لدرجة انه يطلب من البس حجابي جدامه تخيلوا ؟!!
يعني انا متحجبة جدام زوجي .. ممنوع اكشخ ممنوع اتمكيج .. كل شي ممنوع
و كل كلامه اقعدي بالبيت و شوفي شغلج
ما طلعت معاه ولا مرررره .. بس وداني المستشفى مرة ولا نزل .. نزلني و راح و يوم خلصتي شلني
و طبعا بيت اهله او اهلي مراات
و مثل ما قلت ينام بالمجلس و انا انام بغرفة النوم .. يعني ولا كاننا متزوجين ..
بس من يحس انه يبا الجنس ايي لي و يسوي شغله و يروح المجلس على طول ..
انا صرت ما اعرف شو ابا الصراحة .. مشكلتي مو قادرة احبه .. و غاصبة نفسي اني اتأقلم مع الوضع ..و ما اعرف كيف اتصرف ..
ابي نصايحكم بنات !! هو تراه شمالي شرقي ..
و آسفة طولت عليكم وايد .. بس قلت اطلع لكم جزء من اللي امر به .. و تنصحوني عل و عسى تتعدل اموري
السلام عليكم و رحمة الله و بركاته ..
اشحالكم يا بلقيسيات ؟!
بدخل بالموضوع على طول .. بدون لف و دوران
بقول لكم كل شي من البداية عشان تكونون معاي بس ..
انا عمري 23 سنة .. تزوجت من 3 اشهر و نص تقريبا
قبل الزواج كنت مخطوبة لمدة أربع سنين و شي .. بس طول هالفتره ما كنت اعرف زوجي و لا اكلمه و لا حتى اني شفته نظرة شرعية و لا هم يحزنون .. يعني باختصار ما اعرف عنه اي شي ابدا ..
يوم خطبني .. اول سؤال سأله ابوي كان .. الريال يصلي ولا لأ ..
الجماعه قالوا ايييه يصلي و محافظ على الصلاة ..
و تم ابوي يسأل و ما خلا أحد ما سأله .. و الكل يمدح فيه و يقول أنه نعم الانسان ..
المهم استخرت أنا فوق العشرين مرة يمكن .. بس سبحان الله .. داخليا ما كنت مرتاحه
بس كنت اقول اللي فيه الخير الله بيكتبه ..
مع اني اول الأمر رفضت و قلت لأمي ما ابيه .. بس هي اثرت بحكم انه ما عندي سبب مقنع
و انا سكت من بعدها .. بس داخليا كنت رافضة و مو متقبله الفكرة ابدا
المهم .. مرت السنين و انا مو قادرة اتقبله .. بتقولون ليش ؟!
لأنه وحدة من بنات عمتي قالت لي الأفضل تبتعدين عن هالشخص .. و قالت اخواني يعرفونه
و ما انصحج تاخذينه ..
انا خفت و كلمت امي .. بس للأسف .. ما سوت لي اي سالفة ..
و كل ما مر الوقت يزداد كرهي لهالانسان سبحان الله ..
مرت السنين الأربع و اقترب وقت زواجي .. و الله يا بلقيسيات .. مريت بمرحلة هستيرية ..
بكاء و حالة و فكرت بالانتحار و غيره و غيره .. بس كنت اتذكر ربي .. و اتوب الحمد لله
الكل لاحظ علي حزني و قلقي .. و اني مو فرحانه بعرسي ..
الكل حوالي يجهز و مرتاح و اللي تتكلم عن الفساتين و اللي عن الحنا و الميكب و الصالون
و انا مو هامني شي .. حتى القعده مع البنات ما حبيتها عشان ما اييبون هالطاري..
و تزوجت .. الحمد لله على كل حال ..
قلت في نفسي يمكن اظلم الريال و يمكن و يمكن ..
اول ما دخلت الغرفة و تسكر علينا الباب .. ما همه شي .. لأنه تفكيره كان منحصر بالجنس فقط بهالليلة ..
ما اهتم انا مرتاحة ولا لأ .. خايفة ولا لأ ..
كنت بكامل زينتي .. شفته بدأ يحاول يشل ثيابي .. انا امتنعت .. و قلت له بسير الحمام ..
و سرت لبست شي خفيف بس ساتر .. و مسحت المكياج و غيره ..
المهم يوم طلعت .. حاول يفتح بكارتي .. بس انا كنت مرعوبة .. و الله يا بنات مرعوبة بشكل مو طبيعي لأني ما توقعت هالشي ابدا
و يوم شافني مو قادرة اتجاوب معاه قام يتأفف و يقول لي بلهجة قاسية توترني و وترتيني معاج و من هالكلام ..
و قعد يقول لازم اثبت رجولتي اذا ما فتحتج اليوم معناته انا مو ريال << تخيلوا ؟!
و يوم شاف ما فيه فايده .. قال نامي خلاص .. و راح نام على الكنبه لين الفجر .. و بعدين قومني و قال يلا .. و حاول مرة ثانية ..
المهم .. كرهته و الله العظيم .. كرهته من قلب .. و لا كأني انسانة ما يشوفني مرتعبه حتى كلام ما تكلم .. عافاني الله
اللي صار اليوم الثاني من زواجنا الصبح طلع على طول بحجة انه عليه شغل يبي يخلصه ..
و راح .. و اهلي زعلوا واايد قالوا كيف يترك العروس بأول يوم و يطلع ..
ما سوى لي اي سالفة .. رجع الغدا تغدا .. و عقب بدأ في الجنس ..
عاد اول اسبوع كنت كأني آله للجنس له .. يطلع الصبح .. و يرجع الظهر ينام شوي او يمارس جنس و عقب يطلع العصر و يرجع الليل .. هذا اول اسبوع بزواجي ..
و لا ياخذني للعزايم و لا يسوي لي سالفة هناك مرات يقعدني لين 1 بالليل و هو قاعد مع الشباب و انا ميته تعب ..
انا طبعي اني هادية جدااااا جداااا .. ما اتكلم وايد .. و ما احب اجادل .. و من اول اسبوع نبهني انه ما يحب المره اللي تجادل زوجها و من هالكلام
و انا وحليلي شو دراني .. قلت طاعة الزوج واجبه و ماله داعي اجادله و ازعله .. فكنت اطوف كل شي
بس القهر الأكبر اني اكتشفت انه ما يصلي ابدا ابدا .. و باارع بالكذب ياااا الله ... الكذب عنده مثل شرب الماي .. و مدمن تبغ و غيره و غيره ..
بس رغم عيوبه كنت اطيعه و احترمه ..
المهم .. من اول اسبوع قال لي ترا يا فلانه انا حاط ببالي آخذ الثانية .. و اقول لج من الحين
تأذيت وايد .. اسكت انزين يمر شهر على الأقل .. لا من اول اسبوع مستعيل الريال
و عقب بدا يكلمني عن وحدة معاه بالشغل .. و يقول انها منجذبه لي و تسوي لي حركات و يوصفها و يوصف جسمها .. و انا لأني استحي منه و اخجل كنت اسكت ما اقول شي .. بس كان ينبان علي اني اغار
فقال لي مرة .. الانسان اللي يغار تراه مريض نفسي لازم يتعالج .. اذا تبين بوديج للعلاج في طبيب نفسي ممتاز اعرفه ... :30:
من يومها قررت اكبت مشاعري و احاول ما ابين شي << ترا كل هذا بأول اسبوع
و عقب رحنا لشقتنا .. و هنيه بدأت معاناتي الحقيقية ..
يوم بدأ رمضان .. شفت منه الويل و الله العظيم ( و انا مو مكمله شهر على زواجي ) ..
ضرب و انضربت .. سب و انسبيت .. لعن و التعنت ..
يدقق بكل شي و كل شغله .. بقول لكم امثله و انتوا احكموا ..
مرة نظفت البيت بالكامل .. و نسيت احط الأغراض بمكانها ( ادوات التنظيف ) ..
يوم شافها رماهم كلهم و قعد يسبني .. بس لأنه قريب اذان المغرب و احن دايما نفطر بيبت اهله سكت و اخذني هناك و هو بالطريق يهددني يقول بس نرجع البيت بوريج
و يا ريتني ما رجعت ..
يوم رجعت البيت اخذ يسبني و يعايرني في اهلي و يقول كلام جرحني بشكل مو طبيعي
و طلب مني احط كل اغراضي بالشنطة عشان يوديني بيت امي .. و قال قوليلهم انه قال
ربوني عدل و عقب رجعوني .. و تكسر ظهري خلاني اشل الشنط و حاله << كل هذا
و انا ساكته ..
قال لي عديمة مشاعر انتي حتى دمعه وحدة ما نزلتي .. ما قلت شي ابدا .. بس كنت تعباانه
و عقب يوم تعب ( كان مخليني طول الوقت واقفه ) من الساعة 10 بالليل إلى الساعة 3 و انا
لابسة عبايتي ..
و عقب بكل وقاحه قال تعالي على السرير بنيـ ** .. بكل حقارة قال لي هالكلمة ..
و مارس الجنس و انا تجاوبي كان 0 بالامية ..
هالشي خلاه يعصب اكثر و يسب و يلعن ..
و عقب قعد يكلمني اونه يبي يسامحني على غلطتي .. و لازم ما اكررها ..
الموقف الثاني .. شاف قطرة زيت على الفرن .. و الله العظيم قطرة يا بنات .. قام يسبني و يلعني
و عقب طلب مني اسوي له السحور .. كنت غاسلة القدر قبل .. قعدت اسخن الزيت ..
يوم شاف القدر ناشف عصب و قال ما غسلتيه .. و حلف يحرقني بالزيت .. حلف يحرق ( منطقتي الحساسة تحت ) عشان اتأدب ..
انا مت من الخوف .. عقب قال لي قوليلي عشان خاطر امك سامحني بسامحج .. قلت له هالكلام و عقب اونه سامحني .. و بدأ بعدها يمارس الجنس و لا كأنه شي صار
( كل هذا يصير و أهلي ما يعرفون و لا 1 بالامية من اللي قاعد يصير .. )
و كل يوم ضرب و سب و لعن .. لين ما لاعت جبدي ..
بيوم ودني لبيت اهلي عشان افطر عندهم .. لاحظ ابوي اني هزلت وايد .. و من يذكر اسم زوجي ارتجف من الخوف .. و الحمد لله ابوي قوة ملاحظته قوية .. سألني شو فيج
انا بالبداية انكرت .. بس بعد الحاح اعترفت .. و قعدت ابكي .. قلت له كل شي .. عن الضرب و السب و الأذى النفسي .. بنات تراه قال لي كلام مستحيل يقوله ريال عاقل لزوجته .. منها انه طعني في شرفي .. و يشككني بأخلاقي و انه ما يثق فيني و انا الحمد لله متربية و من عايلة محترمه و هو يعرف هالشي عدل ..
قلت لأبوي كللللل شي حتى علاقاته مع البنات .. و انه يشرب و و و .. طبعا طبقا لكلامه انا ما شفت شي ..
و ابوي نقطة ضعفه اذا شاف حد من عياله يبكي .. عادي يوقف ضد العالم كلهم ..
صدمته كانت مو طبيعية .. قال كييف ما عرفت حقيقته .. كيف انخدعت ..
قال لا تروحين .. خلج بالبيت و يخسي هو و اللي يابه اذا قدر ياخذج .. بس انا امتنعت ..
قلت له برجع .. و انت لا تخبره اني قلت لك بس ابي يكون لك علم بكل شي و ما تتفاجأ اذا صار شي
اخذ ينصحني و قلبه يتقطع .. و الله العظيم ابوي الصارم الشديد عمري ما شفته بهالموقف ( ابوي شمالي بحت ) .. كان يحاتيني .. قال لي اهم شي كوني قوية .. لا تخافين منه ..
و اذا رفع ايده عليج بس اتصلي و انا بحل كل شي .. و اتصل في اخوه الكبير و قال انا عازمكم انتوا الاخوان عندي باجر ..
و عزمهم و انفرد بأخوه الكبير و قال له كل شي من الألف الى الياء .. اخوه انصدم لأنه زوجي جدام الناس شي و من وراهم شي ثاني
بس أكد قال هذا لا عمره شرب و لا عمره يعرف بنات لأنه يخاف على سمعته وايد .. بس يقول هالكلام عشان يستريل
و انا بيني و بينكم كنت اشوف تناقض كبير بين رواياته اللي يرويها عليه ..فكنت احس انها ملفقة ..
المهم .. بعدها بيومين بدأ مرة ثانية .. و السبب .. أنه يسألني دوم تعتقدين بنستمر مع بعض
كنت اقول له هيه .. بس هالمرة قلت لأ .. أعتقد بنتطلق قريب .. فتضايق و بدأ مرة ثانية ..
انا و الحمد لله على كل حال دبدوبة .. طلب مني اني البس ثياب ضيقة عشان يضحك علي ..
لبست قطعه .. الثانية .. الثالثه .. و هو يستهزء فيني و يضحك و يمدح صديقته اللي بالشغل
يقول اليوم نمت معاها و سوينا جذي و جذي ( و يوصف لي كل اللي صار ) .. و يقارنها بي ..
و انا ساكته ..
يوم قال البسي الرابعه .. كنت واصله حدي .. كنت خايفة بس حاولت استجمع قواي .. و قلت له ما بلبس
هو كأنه انجن و الله العظيم .. اصر اني البسه .. ما طعت .. قلت له تبي روح ييب سكين من المطبخ و اذبحني .. انا ما بلبس هالثياب ..
صار مجنون .. مسكني و رماني بقوه على الأرض و اخذ يسبني .. و يحاول اني اسمع كلامه
بس كنت مصرة على موقفي .. اخذ يتكلم بحنان يقول يلا يا حبيبتي البسيه لا تكسرين كلامي
بس عاندته و ما لبست .. و قلت له انت كله تسبني و تعايرني في اهلي .. درهم واحد ما صرفت علي .. و كل كلامك عن صديقاتك و الجنس معاهم ..
هو كان مصدوم .. ما قال شي ابدا .. و ما تكلمنا .. و رحنا لبيت اهله نفطر كالعادة .. يوم رجع
قال اليوم بنام على السرير باجر بدبر عمري بنام على الأرض .. قلت له ما يحتاج .. انا بنام على الأرض .. و فرشت فراشي و نمت ..
و ما تكلمنا ابدا ابدا ..
اليوم اللي بعده .. بالليل يوم رجعنا من بيت اهله .. اعتذر لي .. استغربت منه .. و قعد يقول كلام يحاول يعدل اللي صار ..و باسني على راسي .. بس ما قدرت اقتنع لاعتذاره لأني كنت
مجروحة وايد بس طوفت له ..
و من بعدها بطل يضربني او يشتمني .. بس يلعن و من هالكلام مرات ..
طبعا طولت عليكم وايد .. بس بغيت تاخذون فكرة عن اللي صار وياي ..
هو للحين ما يعرف اني كلمت اهلي عنه .. ما يعرف شي ابدا ..
هو نوعا ما تغير للأفضل .. بس عنده افكار رجعية متعبتني ..
البيت احاول انظفه بس مشكلتي ما جد نظفت ببيت اهلي فتنظيفي مو لين هناك ..
بس و الله احاول كل اللي اقدر عليه ..
صار يصرف علي يعطيني 500 بالشهر .. و لو انها ما تكفيني لأني ادرس بالجامعه ..
احتاج لأمور تحتاجها كل بنت من حلاوه و شامبو و معجون و هالأغراض .. ما اييبها لي يقول ما ابي اعودج انج تطلبين تخيلوا ؟ فما صرت اطلب منه ابد
ما يحب يوم اسير لبيت اهلي ينقهر و يزعل فما صرت اسير الا يوم هو يوديني ..
الحين محتاجه لاب توب ما ادري اطلب من منو .. اذا طلبت من ابوي احس عيب ( تخصصي آي تي ) .. و هو ما اقدر اطلب منه ولا بيقوم الدنيا على راسي ولا يقعدها
و الحين علاقتنا جدا باااااااردة .. حتى انه ما ننام بغرفة وحدة ..
انا ارجع من الدوام الساعة 4 هو يكون مو موجود لأنه يداوم الصبح و يتغدا بيت اهله و عقب يروح يدرس الظهر .. و يرجع 9 بالليل يدخل الغرفة يسلم يطلع كندورته .. يروح المجلس على طول .. لين ينام هناك .. ما شي كلام من بيننا إلا هاتي لي العشا و لا هاتي ماي .. و خلاص
و الصبح اشوفه يوم اقومه من النوم بس .. اجهز كل شي و اطلع و هو بعده بالحمام يستحم ..
حياتي صايرة لخبطه .. كنت بعز ببيت أهلي .. ابوي يقول انتي اشري بس قولي ابي اتطلق و بوقف جدامهم كلهم ..
بس قاعده احاول اصلح حياتي .. ابي اعطي لنفسي و له فرصة قبل لا يخترب كل شي ..
عشان ما اظلمه .. ترا فيه ايجابيات .. منها انه عمره ما تكلم عني بالسوء جدام اهله .. بالعكس دايما يمدحني و مخليني ملاك يقول زوجتي مافيه مثلها ..
و اهله و الله ما شفت ناس بطيبتهم خاصة امه .. دايما توصيه تقول اذا تبي رضاي خلي هالحرمة راضية عليك .. حضنوني بالعايله و كأني فرد فيها ..
زوجات اخوانه اذا شافوني ياخذوني بالاحضان يقولون اشتقنا لج وايد .. خواته يعاملون و كأني اختهم .. و دايما يوصونه علي .. و امه الله يحفظها تعاملني مثل ما تعامله .. و توصيه علي دايما
اقول الله حرمني من شي بس عوضني بشي ثاني و الحمد لله ..
عشان هالناس هاذيل بعد ما ابي اتطلق ..
و بعد من فتره لفتره يسألني يقول انتي مرتاحة معاي ولا لأ .. اذا لأ واجهيني قولي شو العيب اللي فيني و انا بحاول اعدله .. بس اف مني و من خوفي و ارتباكي .. ما اقدر اقول شي
انصحوني بنات .. شو اسوي ؟ مشكلتي مو جريئة ابدا و خوافة و استحي .. ما عندي ثقة بالنفس ابدا ..
بس اذا بغيت اطنش حد ترا اطنشه من قلب و لا اسوي له سالفة ..
ادري كلامي ملخبط .. شي اشيا وايدة بغيت اقولها بس قلت ما يحتاج ..
شورواا علي و انصحوني .. كيف اكسبه .. تراه عمره ما قال لي كلمه حلوة ..
مانعني من كل شي لدرجة انه يطلب من البس حجابي جدامه تخيلوا ؟!!
يعني انا متحجبة جدام زوجي .. ممنوع اكشخ ممنوع اتمكيج .. كل شي ممنوع
و كل كلامه اقعدي بالبيت و شوفي شغلج
ما طلعت معاه ولا مرررره .. بس وداني المستشفى مرة ولا نزل .. نزلني و راح و يوم خلصتي شلني
و طبعا بيت اهله او اهلي مراات
و مثل ما قلت ينام بالمجلس و انا انام بغرفة النوم .. يعني ولا كاننا متزوجين ..
بس من يحس انه يبا الجنس ايي لي و يسوي شغله و يروح المجلس على طول ..
انا صرت ما اعرف شو ابا الصراحة .. مشكلتي مو قادرة احبه .. و غاصبة نفسي اني اتأقلم مع الوضع ..و ما اعرف كيف اتصرف ..
ابي نصايحكم بنات !! هو تراه شمالي شرقي ..
و آسفة طولت عليكم وايد .. بس قلت اطلع لكم جزء من اللي امر به .. و تنصحوني عل و عسى تتعدل اموري