تزوج زوجي ولا كني اصدرت قراري الصعب

[فاااطمه]

:1:مرررحبا اخواتي البلقيسيات انا من فتره قاعده ادور في هاالمنتدى الراقي نصحتني فيه احدا الاخوات جزاها الله خير وتعجبت من حبكم لبعض وتقديمكم النصيحه لاخواتكم بكل حب وحنان ويمكن هاالشي شجعني اقول معاناتي اللي لين الحين مافي مخلوق قدرت اقولها له مدري لين متى بتم اكااااااابر.........مااتمنى اني اطول عليكم وبحاول اختصر كثر مااقدر انا متزوجه من 10سنوات وعمري الحين 27 وتزوجت وعمري 16سنه من شخص كنت احبه وامووووت عليه وهو من اقار الوالده كان عمره 20سنه شاب وسيم واخلاقه عاليه ومن اسره محترمه بس كان عنده بعض العصبيه الزايده....انا عشت في بريطانيا بحكم وظيفة الوالد لانه يداوم هناك 6سنوات وكنا ننزل بوظبي في الاجازات ......المهم هو زار لندن في رحلة علاج مع ابوه واستضفناهم عندنا وبدا الحب بينا:39:اااااااااااااااااااااه يازينها من ايام ........تقدموا لخطبتي بعدستة اشهر وواقنا وتم الزواج وكنا سعيدين فبعض طااااااااايرين فرح عشت فبيت اهله 7سنوات رغم ان كل اخوانه بييوت بروحهم وانجبت ابني الاول بعدسنه من زواجنا الحمدلله بصراااحه بدات مشاكلي من بعدالسنه معه لالنه عصبي مووووت فكان على مشكله يمد يده ولسانه حتى جدام اهله وبعدين يتاسف لي وانا من كثر حبي له اساامحه استغلوا خواته الوضع فكنت على اي تصرف اتصرفه لو كان عادي يخبرونه وعاد هو مايقصر في العقاب الله يسامحه مابطول عليكم انا كنت جاهله واااااااااااااايد وكنت ماابي اشغل اهلي بمشاكلي لانهم مب في البلاد استقروا في بريطانيا لانهم حبوها بس كانوا ينزلون في الاجازات ونفس الشي والله ماخبرتهم باي شي الاالحلووو انجبت اربع اولاد ربي يخليهم لي وبعد معاناه طويله طلع لي بيت بروحي من الحكومه طابقين اللي فبوظبي يعرفون الفلل اليديده ..........بصراااااحه وايد استاسنا ببيتنا الجديد ورتبناه ..........واستقرينا اخيرا وتزوجوا اخوات زوجي فكانوا بين كل فتره يزورونا في بيتنا وارحب فيهم واكرمهم من كل قلبي بس في وحده من خواته كانت دايما تتكلم عن الحريم عند ريلي وتقول له ربيعاتي شافوك واللي وياي في الدوام شافوا صورك ووااااااااايد عجبتهم المهم كنت اتضايق بس احاول اطنشها وبعد ماسكنا في بيتنا بسنه ونص تقريبا بدت تصرفات زوجي تتغير خصوصا بعد ماتزوج اخوه الكبير بزوجه ثاانيه بس لانه كان دايما يوعدني بجزاء صبري عليه انه مستحيل يتزوج علي الحمد بدا يتغير وماصار ياذيني جسديا اقصد يمد يده من سكنا بيتنا اليديد اتاري السبب اهله كانوا يعبون راسه علي بصراحه هو ماكان يعطيني مصروف شهري ولاشي بس مايقصر في بعض الاشياء ........ ماريد اذكر سيئاته الله يستر علينا وعليكم وفي ليله من الليالي بعدسنه ونص ياني وقال لي اسمعي بقول لج شي مهم بس لازم اطلع انا وانتي نتمشى وبخبرج في السياره عاد انا قلت اكيد عنده مشكله وبياخذ رايي فيها ...... تلبست وتكشخت ورقدت عيالي وبخرت بيتي وغرفة نومي وطلعنا نتمشى اشترينا عشى من هارديز الله لايعيدها من ليله كرهته عقبها وعقب العشا خذنا اسكريم باسكن روبنز بعد لاني كنت امووووووت عليه وسرنا لين الكورنيش ع البحر قلت ننزل قال لا خلينا في السياره احسن بس تعمد يوقفنا فمكان مظلم بعيد عن الناس ساعتها بدا قلبي يدق حسيت الموضوع يخصني انا قلت اسمعني لاتطولها وهي قصيره اللي عندك قوله بسرعه حسيت اعصااابي انهارت قبل اسمع منه كلمه مادري ليش خفت وااايد؟احساس الانثى يمكن؟ قال لي بصراحه انا وايد احبج ومن هاالخرابيط قلت له هت المهم هذا كله اعرفه والله ياخواتي احس قلبي ينقبض كل ماذكرت ذيك اللحضات عساكم ماتمرون فيها ياااااااارب .قال انا بصراحه قررت اتزوج عاد انا من الصدمه قعدت اضحك قلت له عن المصاخه لاتخرب علي الطلعه تحسبته مقلب منه .,قال انا اكلمج من صدق والله العظيم .ساعتها انا وقف كل شي عندي تفكيري احساسي حسيت كاني طرت لعالم مظلم مافيه اي حد اشوف كل شي اسود سكت يمكن 10دقايق بديت استوعب الكلام اوووووووص ولاكلمه يالسه مبحلقه فعيني فب باخره كانت تمشي في البحر وهو سكت بعد تداركت وضعي وحسيت اني لازم اكون قويه مااستسلم لانه بدا صراعي طالعته بكل قوه قلت له من بتتزوج ؟ قال بنت ناس محترمين ؟قلت من دلك عليهم ؟ سكت ولاكلمه بس انا حسيت انهم خواته قلت خواتك صح؟ قال لاااااااااااااا قلت له احلف ع المصحف قال لادخيلج عاد انا استوعبت لاكن قلت فقلبي الصبر طيب سالته متى بتتزوج قال انتي شويرضيج؟:10:؟قلت له اللي يريحك حبيبي عااااااااد هو استانس ع باله اني استسلمت قال لي انتي طلعتي كفو والله ونعم فيج وفي رباج .رغم ان عمره مامدح اهلي.بس هاالمره غير انتي طلعتي اصيله واللي تبينه انا حاضر قلت له عندي كم طلب قال امري تدللي ووعد يتنفذون كلهم قلت له بيتي ماتسكن فيه قال تم :30:ثاني شي ابغي منك سيارتك اللي وياك كانت سياره لاندكروزر .استيشن 2008وتطلع لي ليسن .رخصة قياده.رغم انه رافض قال ابشري قلت له باقي طلبين عندي تصرف لي من راتبك على جنب كل شهر خمس تعشر الف 15000وتعطيني بطاقة صراف بروحي راتبه كبير ماشاءالله قال تم وهو مستغرب عباله اني برضى بالفلوس قال لي والطلب الاخير قلت له عاد الطلب الاخير والله وااااااااااااايد سهل عليك بس خله قبل عرسك باسبوع لاتخاف طلب يمكن يفرحك بعد سكت .. قلت له رجعني البيت قال بس بخبرج ان عرسي بعد 20يوم اااااااااااه مووووووت بطيء قلت الله يوفجك ياعمري واااااااااااو شو فرحان رجعت البيت والدنيا مظلمه في ويهي والله غيررررر اعوذبالله من هذاك الاحساس ........ اسفه ع الاطاله بس انتظروني شو يبريح وبكمل الجزء الاهم والمرررررررر والصعب

 

[الأمل المفقووود]

الله يصبر قلبك يافاطمه انا عشت نفس معاناتك
تزوج علي بس الحمد ردلي لاني طلبتالطلاق ونفذ شرطي وهو طلق الحيوانه الل تزوجها لانها دمرت حياتي

 

[أيام وليالي]

الله يصبر قلبك يالغالية

 

[احلام الغلا]

الله يصبر قلبك يالغالية

كملي.......

 

[queen of night]

حلو موقفك
ان شاء الله الطلب اللي قبل عرسه يكون طلاقك

لانك صغيره ويمديك تاخذيم

 

[queen of night]

يمديك تاخذين اللي احسن منه <<< على الاقل تهديد له

 

[أم سموري]

الله المستعان
الله يصبر قلبك يارب

 

[حبيبت زوجهااااا]

الله يكون فعونك ياقلبي

من جد حزنت عليك

كملي انتظرك يالغاليه

 

[vdhq]

نستنا باقي القصة

عساها خيرة

الله يعينك

شئ يعور القلب

 

[{نوتيلا}]

كملي الله يصبرك ولا يكتبها على احد

 

[صباح الورود]

يووووووووووووووووووووووه تحمست كملي بسرعة الله يخليك

 

[ليل العيون]

ما شالله عليك

الله يعينك وعوضك خير

ننتظرك

 

[نبض الخواطر...]

الله يعينك ويصبرك ,وربي لا يحطني بهالموقف

 

[xxx10]

الله يصبرك

كملي

 

[رمال البحر]

الله يصبر قلبك ويعينك

 

[نعومه كول]

اختي عالاسلوب ممنوع في الاستشارات اسلوب التشويق اكتبي قصتك مره وحده ولا بتجي المشرفه تحذف الموضوع

 

[om abad]

الله يصبر قلبك ويساعدك

 

[المتغيرة للأفضل]

الله يصبرك اختي اكملي بسرعه شوقتينا لنعرف باقي قصتك ان شاء الله تكون خير

 

[صديقة الحرف]

الله يهدي الجميع

 

[meme99]

وينك كملي