يالغاليه انا من سنه سافرت مع زوجي سياحه للخارج وهناك طلعت حامل الحمل الثاني بس تعبت نفسيا وجسديا من حملت جاني تسمم ماكنت متوقعته غير الحمل اللي تعبني حيل المهم يوم رجعت وانا حيل تعبانه ونحفانه ونفسيتي زي الزفت و كان فيه علي ضغوطات بالبيت نفسيه من الناس اللي انا عندهم اثاريهم متكلمين بروحتي وعاتين وعاجنين وصارت بالجنين اللي ببطني والحمد لله على كل حال رحت للدكتوره قالت لي الوضع مو طبيعي بس ارجعي بعد اسبوع ورجعت بعد اسبوع قالت الجنين مافيه نبض وان نبضه توقف عند شهرين ونص قرر المستشفى انه يسوي لي عمليه تنظيف لان الجنين لاصق ومو راضي ينزل حتى مع الطلق الصناعي بيني وبينك حبيته بس حسيت انه ما راح يبقى وكنت على قولتك دايم اقول ليش حملت فيه بس عسى ربي ما يواخذنا يا اختي مريم عليها السلام وهي تولد بعيسى عليه السلام الله اكبر قالت (ياليتني مت قبل هذا وكنت نسيا منسيا) المهم قبل العمليه عجزو الدكاتر لا يبنجوني من كثر ما بكيت متحسره عليه حتى اني دخلت العمليه ابكي ولما طلعوني وصحيت كملت بكاء بس قلت لاحول ولا قوة الا بالله اللهم اجرني في مصيبتي واخلف لي خيرا منها والنا الحين الحمد لله على وشك الولاده ادعي لي ربي يعوضني بالجاي خير من ما مضى بس اذا علاقتك بزوجك حلوه ومستقره احملي مره ثاني ولا تخلين حامض الفوليك عسى ربي يعوضك بخير منه ولكل اجل كتاب ولا تنسين الدعاء ويكفيك انه عصفور من عصافير الجنه وهو الحين مع ابراهيم حول البيت المعمور بالجنه وهو خير من اهل الدنيا بس لا تبكين....
معليش حبيبتي الله يصبر قلبك ويارب يامن هو قادر على كل شي ان الله يجعله شفيع لكي يوم القيامه بس لاتحزنيين وتفائلي بالبيبي الثاني وانه بينسيكي كل همك وهذي خيره من الله ان شاء الله يعني يتستقبلين الطفل اللي بعده بشوق ولهفه وحنيه الله لايحرمك الاجر ويصبر قلبك ويجبره ياااااااااااااااااااااااااااارب يمكن لو عاش بيتعذب ماتدرين يمكن كذا احسن له ورحمه من ربي انك ماجهزتي شي الله رؤوف رحيم بعباده الله يجبر قلبك يارب
حبيبتي الله يعوضج ويعوض كل ام فقدت مولودهاااا ... حبيبتي اللي أثرج وزاااد نفسيتج تعب انج تذمرتي بالحمل ...لا تقولين كذيه والله بعضهم ما يتذمروا المساااكين وشوفي ...ربي يآجركم ... حبيبتي حاااولي كل يوم تقرين القرآن الكريم بالذات سورة البقره ...صدقيني هي اللي بتريحيج ... ويا رب يعوضج بالي احسن منه ... ويعوض كل وحده فقدت اعز ما عندهاااا ...
الخيرة في ما اختاره الله
واحمدي ربك على ما جاك
ان شاء الله يكون اختبار لصبرك الله يربط على قلبك ويهدي سرك
اللهم انزل عليها السكينة والطمانينه وعوض صبرها خيرا
((وبشر الصابرين اللين اذا اصابتهم مصيبه قالوا انا لله وانا اليه راجعون اولئك عليهم صلوات من ربهم ورحمه واؤلئك هم المهتدون))