وهذا قصة ولادتي يابنات ملف ام رفعه الغاليات
السلام عليكم ورحمة الله وبركاته
يوم الأربعاء بتاريخ 14/ 3 / 1430....في تمام الساعة 8 صباحاً رحت المستشفى وكان الرحم
مفتوح عندي 3 سانتي ....طبعاً أنتو عارفين أن أنا مايجيني طلق ....ضروري طلق صناعي
المهم حطتلي تحميله في عنق الرحم طبعاً وقتها حسيت روحي خرجت من مكانها
الساعة 11...دخلت أصباعها علشان تشوف حصلت التحميله ماستجاب لها الرحم
حطت الطلق في المغذي ....وبداء الألم على خفيف .....الساعة 4 العصر أشتد الألم
بعد المغرب بزياده ....في تمام الساعة 10:16 دقيقه شرف سمو الأمير سلمان بن حاتم
طبعاً الساعة 10 كنت أقول للدكتورة أزهمي دكتورتي تقول حاضر دحين تطلع
وهي كذابه ....طبعاً عرفت أنها كذابه بعدين .....كل هذا علشان هي تاخذ نسبتها من المستشفى
أنها ولدتني .....
طبعاً ياحلوات زي ماأنتو عارفين كنت كل ماأكشف يقولوا بنت قسم بالله .....وربي
فوق سابع سماء يقول ولد .....ويريد الله وجيب الولد ....زوجي من فرحته ماخل أحد ماعلمه
الحمدلله
المهم شفت أنه ولد جاني شعور غريب مصدقه ومو مصدقه
جات الممرضه تنقلني من سرير الى سرير حسيت بحر من الدماء تحتي
قلت للممرضه أنا تعبانه ....تقول طبيعي علشان الولاده ......وأنا وقتها أحس أني بس أشوف
بس لا أسمع ولا أتكلم ......نزلت غرفتي كل ماأتحرك شويه على السرير أغرق من الدم
قلت ل أبو سلمان أنا تعبانه والدم من تحتي كثير مره نادا الممرضه لمن شافتني قالت
يوه مدام أش هذا أنتي ضروري ترويش ....والسرير يتغير ....
طبعاً ماأقدر أوقف مسكني حاتم من جهة والممرضه من الجهة الثانيه وأول ماحطيت رجلي
على الأرض .....قلت حاتم (( أنا ماأشوف )) أغمي عليه صحيت وأنا ممدده على الأرض
وحاتم ينادي بأعلى صوته يادكتورة ....والممرضه تصحي فيه يامدام .....وانا غرقانا
دم من رجلي الى شعري قسم بالله شعري مليان دم كان أه أه الحمدلله
المهم رجعوني على السرير ....كان كل هذا الساعة 2 صباح الخميس
نادوا الدكتورة .....ضغطت على بطني والدم ينزل زي البحر كل ماتضغط نفس الشي بحر من الدم
دخلت يدها من جو .....الله لايوريكم دنيا شي غريب ينزل مني
قامت مسكت التليفون أتصلت على دكتورتي الا أنا متابعه معاها ومو الا ولدتني
المهم كلمتها قالت لها يادكتوره المريضه بتعتك حالتها خطيره دحين أرسلك سيارة المستشفى
علشان تيجي ....وتصلت كمان على دكتوره ثانيه أستشاريه....
المهم صار فوق رأسي 3 دكتورات .....1 دكتور
سوت سونار قالت في قطع في بطنك ضروري عملية تنظيف ....
المهم دكتورتي كانت مره زعلانه من الدكتوره الا ولدتني تقول أنا كلمتها الساعة 10 قالت دي لسه
الرحم عندها 6 وهي كذابه أنا خلاص ولاده وقتها
ماخلت عليها ولا كلمه
والله يابنات شالو ملابسي وشرشف السرير وكل شي معدوم دم طلعه في مكان علشان ينوزن
كم نزفت دم .....؟؟؟
المهم قالو ضروري 4 أكياس دم قبل ماتدخل غرفت العمليات .....
دخلت غرفة العمليات .....توقف عندي القلب ....أستخدموا الجهاز حق ضربات القلب
فتحوا فتحه في حلقي الى شريان القلب .....
صحيت من العمليه وأنا بس أستفرغ الله يكرمكم ....ويغما عليه مره ثانيه ....
كل هذا كان الساعة 5 الفجر
دخلت العناية المركز وأنا ماأدري عن أحد صحيت في العنايه الساعة 4 العصر يوم الخميس
حسيت في شي في حلقي أحس في شي في قلبي ....أحس يديني الأثنين ثقيله
طلع في حلقي سيخ ممدود الى القلب .....و 4 مغذيات .....ويديني كلها مغذيات
جات الدكتوره أقلها أنا مرررررره تعبانه من هذا السيخ خرجو من حلقي مره مضايقني
تقول طيب حاضر
راح حاتم وجاب شيخ يقراء عليه .....قسم بالله بعد القرائه حسيت كأني في بحر غرقانه عرق
حرانه بموت من الحر .....ناديت الدكتوره قلتلها يادكتوره بموت من الحر يرفعوا المكيف
مافي فايده أقول ل أختي حرانه ياناس ....قاسوا حرارتي حصلوها مرتفعه
خافت الدكتوره علشان الحراره مرتفعه .....
راحو سحبوا السيخ الا في حلقي .....الحمدلله الحمدلله ....لمن انسحب حسيت أني مرتاحه
رحت غرفتي الساعة 6 المغرب ......طبعاً كنت مرررررررره منفخه رجلي صارت 10 ويديني 20خخخ
وجهي 100 خخخخخخ....
كل هذا من نقل الدم الحمدلله
جات الدكتوره قالت ضروري تمشي علشان الدم لايحجر عندك .....وأنا قسم بالله خايفه أتحرك من
مكاني يسير الا صار البارح ....جاتني حاله نفسيه مايعلم فيها غير الله ...الحمدلله
سرت أمشي شويه وأجلس شويه ....
المهم سلومي ماشفته غير الساعة 8 قسم بالله العظيم ماحسيت باي شعور شفته كده من بعيد
وقلتلهم خلاص ودوه الحضانه
يوم الجمعه صحيت الساعة 9 حسيت أنكتبلي عمر جديد حسيت أني ولدت وربي رزقني بولد
دقيت على الحضانه جبته طالعت فيه حطيتوا على صدري بوسته دخل قلبي
الله يحفظه ويخليه يااااااااااااااااااااااااااارب
وجاتني الدكتوره وكانت تحكيني عن حاتم وش كان مسوي فيهم وقالت والله العظيم ذا قوزك بحبك
خخخخخخخخخ وقالت خلاص بلاش ترفعوا قضيه على الدكتورة الا ولدتني حرام ذي قطع أرزاق
وذا مقدر ومكتوب .....المهم أقتنعنا ومارفعنا القضيه
ماشاء الله المصاريه قلوبهم على بعض
وهذا قصتي ياحلوات .....
والله يكتب لجميع الحوامل ولاده سهله ويقومهم بالسلامه بإذن الله