تجمع بنات ام رفعه الجديد وربي يرزقنا الذريه الصالحه

[حواء ثقيف]

الله المستعان يانوف
والله من جدك احنا طيبات وبسرعه نرضى

 

[حواء ثقيف]

جزاك الله كل خير يانوف
وجعله ربي في موازين حسناتك

 

[حواء ثقيف]

بنات ودي اعرف زوجي من اي نمط بس كيييييييييييييف ؟؟؟؟؟؟؟؟؟؟؟؟؟؟؟
تعبت وانا ادور !!!!!!!!!!!!!!!!!!!!!!!!

 

[نــ ووو ف]

الله يسلمك يا حواء ويجزاك كل خير يارب

بالنسبه للانماط لا تتعبين نفسك .. مافيه احد يفهم زوجك اكثر منك
بلا جنوبي وشمالي وغيره

انا مره حاولت ادخل واقرا مافيه كلام دخل قلبي مافهمت شي

اللي فهمته ان زوجي ماخذ من كل نوع صفه .. احترت !!

لذلك زوجك وانتي ابخص فيه

 

[نــ ووو ف]

حواء العلاج الوحيد للمشكله العابره بين الزوجين و من دون مناقشه ولوم وعتب هي
التحيـــــــــــه خخخخخخخخخخخخخخ

 

[اجمل مشاعر]

الله يرزق الجميييييع

 

[سنيورتا***]

السلام عليكم ورحمة الله
صارت سالفه اليوم زعلت سووسوو..

 

[حواء ثقيف]

نوف واذا كان الطريق خربان
والنفسيه تعبانه وش اسوي
حسبي الله ونعم الوكيل
المشكله رجالنا مايعرفون يقدرون النفسيه وان المرأه اذا جاتها الدوره تنعفس نفسيتها
لاحول ولاقوة الابالله

 

[حواء ثقيف]

هذا طبعا غير العلاجات اللي نبلع فيها ودورها في تحطيم النفسيات
وتغير الهرمونات بالجسم
كله كوم والعيال وحنتهم كوم ثاني
لا اله الا الله
لا والمره بنظرهم جهاز حديدي المفروض انها ماتتعب ولا تزعل ولا تشتكي تشتغل وهي ساكته

 

[حواء ثقيف]

وعليكم السلام سنيورتا
كيفك وكيف الثقل معك ربي يجملها معك ومع كل الحوامل على خير ياااااااااااااااااارب

 

[سنيورتا***]

حواء الله يجزاك خير يارب ..
هذا طريقة الرجال الله يعدلها من عنده مالنا الا الصبر
ياحواء ..

 

[حواء ثقيف]

فعلا سنيورتا مالنا الا الصبر
والمشكله اذا صار مشكله ووصلت للأهل لازم يجي من يغلطك
ويقولون هذا رجل وله كلمته وانتي لازم تتحملين عشان عيالك
وبعدين لازم تقدرين ظروفه هو يشتغل ويتعب وعصبي اتحمليه
حلوه ذي طيب انا مين يتحملني ومين يقدر ظروفي
والله حاله
ادري اني ضيقت صدوركم بس والله مالي الا انتم
لاني من جد ماأحب اشتكي لاأحد وخصوصا اهلى ابد ماأحب ابين لهم اي شئ
وانتم اول مره اتجرأ واشتكيلكم
بس وش اسوي احس اني لازم افضفض ولا راح انفجر من القهر
اتحملوني شوي الله يجزاكم كل خير

 

[سنيورتا***]

والله كلامك سليم 100% ياحواء والاهل لازم
بيكونون في صف الزوج ,والحرمه مغلوب على امرها
مالنا الاالله سبحانه وتعالى .نحل مشاكلنا بنفسنا بدون
ماحديتدخل من الاهل مهما صار ..
انتى حاولى تهدين شوى وربى راح يحس بغلطه وبيرجع لك

 

[حواء ثقيف]

الله المستعان ياسنيورتا
ربك يسهل بأذن الله تعالى لي ولك ولجميع اخواتنا المسلمات
استغفر الله العظيم واتوب اليه
وينكم اليوم
يوم ابغى اتكلم معكم مافي احد

 

[سنيورتا***]

تكلمى حواء انا موجوده..

 

[حواء ثقيف]

النت عندي زفففت بس يقطع
الاقيها من وين والا وين
استغفر الله العظيم

 

[نــ ووو ف]

السلام عليكم

حوااء .. احس انك متضايقه مررره .. ومش عادتك !!! والله اني حاسه فيك لان الاسبوع الماضي كنت متضايقه وفضفضت للبنات وارتحت ..
لا تزعلين نفسيك ما تضيق الا وتفرج باذن الله
الله يشرح صدررررك

وسعي صدرررك ياهووووو

 

[حواء ثقيف]

ااااااااااااااااخ يانوف ابشع شئ الاحساس بالظلم
تدرين مافي مشكله انه يصير زعل بيني وبينه بس اكون ماخذه حقي بالكلام واحتمال يكون اغلط بالكلام ويزعل
هنا وفي هذه اللحظه نتزاعل وانا مرتاحه
لكن اللي قاهرني الظلللللللللللللللللللللم

 

[حواء ثقيف]

---------------------------------------------

 

[نــ ووو ف]

لا تزعلين نفسك اكثر من كذا
افرشي سجادتك آخر الليل واشتكي لله سبحانه عن اللي بخاطرك
وادعي وابكي وراح تشوفين حقك راح يجيك الين عندك
الله يشرح صدرك