السلام عليكم.
اخواتي القهر شفته اليوم احلامي تبخرت اكبرقهر إذا بنيت حلم وثابرت في تحقيقه،لكن!
تتفاجاء في لحظه انها طارت.
في البدايه بشرح لكم كل الجوانب وابي الحلول والمشوره منكم.
عمر زواجي 4 سنوات خلالها انجبت من الابناء 2
ساكنين في شقه مكونه من غرفه نوم صاله مطبخ وحمام وانتم الكرامه فقط لاغير.
صبرت وتحملت على امل ان تتحسن الاوضاع
مرت الايام وانا اخطط لامتلاك شقه اكبر ولاأخفيكم انني صدقت هذا الحلم فجعلت للكل غرفه ديكور في مخيلتي
وقربنامن تحقيق هذا الحلم ببيع مانملك لنا وهي قطعه ارض
وتمت البيعه بمبلغ من المال لنتمكن من تسديد قرض البنك واستخراج تمويل عقاري لشراء شقه
فرحت واحسست ان احلامي لم ولن تضيع وبحكم اننا نسكن في مدينه غير المدينه التي فيها الارض وهذه المدينه فيها اهل زوجي
هم الذين قبضوا المال من المشتري وطلب زوجي منهم تحويل المال لحسابه ليسدد البنك وهم يعلمون بحاجتنا لكل درهم ولكن عندما اتصل زوجي بالبنك ليستفسرعن الرصيد تفاجا ان المبلغ ناقص فعرفنا ان ابو زوجي اخذه بدون علمنا ولان لانستطيع تسديد البنك انهرت وتحطمت زوجي يقول هذا والدي ياخذ اللي يبي وانا حارمه نفسي وصابره طول السنوات في سبيل تحسين وضعنا المادي واخرتها ماكسبت شي
انا الحين في بيت اهلي للراحه فنفسيتي تعبانه هذا جزاي تحملت وصبرت خلاص كل شي تبخر
افيدوني الله ييسرعليكم شو اقول لزوجي ؟
شوفي حبيبتي انا حابه احكيلك قصتي وان شاء الله تستفيدي منها .. لانه تقريبا نفس الوضع ..
انا و زوجي ( كنا) ساكنين في شقه ايجار والايجارات كل فترة ترتفع فاقترحت على زوجي اننا ناخذ قرض من البنك ونشتري شقه ملك حتى لو كانت صغيره بس اهم شئ تكون ملكنا ونترحم من الايجارات .. رد علي وقال ما اقدر .. قلت له ليش .. قال ابوي اخذ قرض من البنك باسمي وراح يسددها على خمس سنوات تقريبا (يعني ما نقدر ناخذ قرض الا بعد 5 سنوات) وانقهرت مرررررررررررررررررررررررررررررررررررره لانه فرصتنا الوحيده ضاعت في اننا نتملك شقه وحزنت مره وانقهرت في قلبي بس كتمت قهري عشان هذا ( ابوه ) وما اقدر اقوله ليش اعطيته ؟؟
بس ربنا كريم .. وصبرت سنه وانا ادعي يارب ترزقنا وتفرجها علينا وادعي وصبررررررت الين جاني زوجي في مره وكلمني وقالي ابوي رجع القرض ماعاد محتاجه وقاللي روح اشتري به بيت لك وانا ازودك كمان من عندي ..
ماتتخيلي قد ايش فرحت انه صبري جاب نتيجه ودعواتي استجابت ولله الحمد انا الان في شقه ملك واكبر كمان وما كنت متصوره انه يتحقق حلمي بس ما في شئ على ربنا عسير .. بس ادعي واصبري واياااااااااااااااااكي تبيني لزوجك انك مقهورة لانه اخذ فلوسكم .. لانه هذا من البر بالوالدين ..تحياتي واتمنى تكوني استفدتي من قصتي ..
