بنات الحقوا عليا بموت من القهر اخ ياربي

[تاج الافراح]

الله يعينك

 

[المثابرة دود]

انا اولا عرفت انه طالب غرفه مزدوجه بدون مايدري بس مادري اتاكد حجز الغرفه ولا اخد شئ تاني ولمن ساله ايش نوع الغرفه قالي مفردة والله اعلم هل صدق ولا كذب عليا
وثانيا هو رااااافض مليون مرة اني اروح معاه عشاني حامل وعندي بنت واصحابه بيسافروا معاه وبينزلوا في نفس الفندق ويقول لازم اكون معاهم عشان المؤتمر...
ثالثا هو سافر خلاص مابيدي حيله من يوم الجمعه واليوم يوم الإثنين وبيرجع الجمعه الجايه طبعا ..
وعلى فكرة انا لو كلمت ابويا ماينفع لانه بيتشمت فيني ولا بيوقف معايا حصلت لي مواقف قبل وخلاني ارجع بيتي ووقف معاه لان ابويا كان يسوي نفس حركاااته لمن كان متزوج امي فما عنده مانع يقولي ايش تبغي تسوي له يعني هو رجال ومارح تقدري تقولي له شئ (المعذرة عقليه متخلفه)..
واخويا الكبير كمان مارح يوقف معايا لانه ماكان يبغاني اتزوجه لانه مو ملتزم ..بس النصيب
يعني بالمعنى الأصح اهلي مو حقين وقفه مافي غير امي تهدي عليا الله يجزاها الجنه واختي وخالتي اللي يعرفوا هما اللي يهدوني ويقولولي ان الرجال اكيد بيخاف من الله صح يغازل بس ماتوصل معاه للحرام لانهم يشوفوه يصلي ويخاف من الله بس انا ما اظن من فراغ ....
وبعدين اانااا مارح اخليه ينلم معايا تلا بعد مايحلف لي على المصحف انه ماعمل شئ حرام واشوف ردة فعله واذا ماوافق مارح اخليه يقرب عندي واذا حلف بقوله لو انك تكذب على المصحف وتحلف وانت كاذب بدعي ربي يستجيب دعائي فيك ويحقق دعائي.. بخليه يخاف ...
والله اني اتكلمت معاه وقلت له انا بروح معاك ورجلي على رجلك ومن الكلام الطويل العريض لكنه اتجاهلني بالآخر وسافر ادعولي الله يصبرني ويفرج عليا همي.. وهمكم يارب

 

[ام ميار]

الله يعينك قلبووو

 

[تبيه يحبها]

الله يسهل لك حبيبيتي ممكن عشان تريحين بالك تتصلين على الفندق وتسالني عنه او احد يسال عنه رجال يعين عشان مايشكون

ويقول للرسبشن ابرسل له هديه بس ابتاكد زوجته معه او اي عذر اسالي الرسبشن وش نوع غرفته عندكم حجز فاضي والا فل
قولي سمعت ان قروب جايكم وسمي بلدك تاكدي من كلامه انه صادق

وكذا تكونين ريحيتي بالك ان كانه صاين نفسه وقاعد في حاله ولاتجلسين كذا تعبانه بعدين هدي نفسك شوي تراك حامل والتفكير والهم ياثر على الجنين

يعني فكري بالامور برويه والله يهدي بالك ويحفظ زوجك