شوفي اختي انا يمكن خبرتي في الحياة مو كبيرة
بس الانسان بصفة عامة وخصوصا البنات في سن المراهقة
ما يتقبلوا هذه المعاملة الا من امهاتهم, وهذه فطرة من الله سبحانه وتعالى
يعني امك ايش ما تسوي فيك ما تشيلي عليها واذا زعلت الا ما ترضي
اما انت فصح انك تحبيها وتبغيلها الخير, بس انت تظلي مو امها
وهي في هذا السن ما راح تفهم, وعمرها 13 يعني كبرت على الضرب
واذا ابوها اتغير عليها حاتفهم انو انت السبب وحتكرهك من جد
انا نصيحتي حاولي تهدي الامور معاها, وبالذات في الاشياء اللي مو مرة كبيرة
زي سالفة المريول او الشراريب او غرفتها مثلا
موضوع الفلم موضوع كبير شوي, حاولي تقعدي معاها وتتكلمي بهدوء
كلميها عن انو رح يجيها يوم وتتزوج ويصير كل هذا حلال وان كل شي في وقته حلو
واذا ما تقدري تمسكي اعصابك خلي احد من عماتها او امها تكلمها
والله يهديها ويحببها فيكي والله يعينك المراهقة فعلا صعبة
