بموت قهر

[مملكة أنثى]

اهم شي الحين صحتك
طنشيه لما تولدين يصير خير
عزيزتي للي فهمته من كلامك ان زوجك كان ذو دين يعني عنده وازع ديني
زين عزيزتي ذكريه فربه وذكر إن الذكرى تنفع المؤمنين
كلنا بتحصل لنا فتره بنضيع في حياتنا ومشاغلنا وشهواتنا وبننسى رب العالمين بس بنخاف ، نخاف من نموت واحنا عل المعاصي عشان كذا بنرجع ، ذكريه فربه بأشرطه مثلا شغلي موعظة بصوت عالي ونتي فالمطبخ كانك انتي بتسمعيها ولا تخليها مقصوده وخليه يسمع
إذا عنده ايميل طرشيله ايميلات دينيه
صلي واكثري من الصلاه وخصوصا صلاة الليل راح يخاف ويراجع نفسه
استغفري عزيزتي كثيرا واطلبي ان رب العالمين يرد لك زوجك ردا جميلا ويبعد عنه بنات الحرام وعيال الحرام وين ما كانو واهم شي عزيزتي لا تزنين على كل كبيره وصغيره فكثرة الزن تولد العند والعند احيانا بينفخ فيه الشيطان بوسوساته لن احيانا الواحد بيعاند في الغلط ويعرف انه غلط ويتسمر فيه ضد في الشخص للي جدامه
الله يكفينا شر الإنس والشياطين
موفقه
طمينا عنك

 

[غرامي لك..]

الله يعينك الله يسخر لك ويقومك بالسلامه بس نصيحه اهتمي بنفسك كثير..


امي دائما تقول الوحده اذا شافت زوجها فلوسه كل مالها تزيد لاتخليه هاذا اكثر شي يخليه يتزوج او يخون يعني اسحبي الي وراه ودونه خليه يجي بس يفكر كيف بيخلص طلباتكم مو فاضيبس اذا كانت فلوسه كثير اكيد راح يفكر بزواج((مو بس امي الي قالته والله العضيم حتى زوجي قاله))


يعني عندك طفلين والثالث جاي وبيت ملك ومصروفك 500 وهو عميد يعني بصراحه شي لايعقل..

 

[أنين الحياة]

والله العظيم ذكرته كثير بالأيام الي طافت وكتبت رسالة باسم مكتبته له يعني كأن مكتبته هي الي مرسلته مذكرته فيه بالآيام الحلوة الي كان يقضيها فيها وكيف كانت تصير فيها حلقات للذكر مع أصحابه واخترت كتاب من كتبه وحطيته مع الرسالة جنب فراشه ولا فايدة تدرون وش قالي : أسلوبك حلو في الكتابه وكأني قدام مدرس تعبير يقيمني!
والحمد لله أنا مواظبة على الوتر كل ليلة قبل لأنام ووالله يشوف دموعي على سجادتي ولكن ! لاحياة
يوم الجمعة كنت معاه بروحي مرجعني من بيت عمتي المتوفية وقال بمر المكتبه سألته وش سويت بموضوع الحريم الي عنده بالمكتب قال ما سوى شيئ قلتله أصلا أنا المكتب هذا منا في حاجته وإني أكرهه لأن من يومه تركت طريق الهداية وجلست أذكره كيف كان على الخير وإني حبيت موت ذاك الإنسان قام سكتني وقالي لاعاد تفتحي معاي هذا الموضوع قلتله لا راح أذكرك فيه دايم لين ما ربي يمن عليك بالهداية من جديد تدرون وش قال: إذا مو عاجبك روحي بيت أهلك ......
صدمني والله صدمني وعور لي قلبي يعني ما راعى حزني على عمتي أصلا هو حتى ما عزاني فيها ويوم رحت المستشفى ركض أبي ألحق عتي قبل لا تموت الله يرحمها وداني بعد ما جرحني ولا نزل معاي المستشفى دخلت لحالي ولقيت عمتي فارقت الروح وأبوي وأخواني وأمي وزوج عمتي وعيالها كانوا كلهم موجودين دقيت عليه وأنا أبكي قلتله عمتي ماتت قالي الحين بدخل وكذب علي ولا دخل ولا عزاني أو عزى أبوي إلا مع الناس كأنه غريب علينا ثاني يوم....
مالي غير رب العباد هو حبيبي أرتاح وأنا بين يديه أبكي ليه وأحس بقربه مني الحمد لله على كل حال بس حبيت أفضض لخوياتي في بلقيس الي مالي غنى عنهم .

 

[نور كندا]

الان انتى على وش ولادة يعنى اولى بالاهتمام منه وثانيا 100 مرة قلنا لاتخيروا الرجل بين انفسكم وبين اى شىء لانه لن يختار الزوجة بجميع الاحوال ولانكى تصغرين نفسك وتهينين نفسك وبعدين مشان الحلاقة الموضوع عادى ويمكن صدفة فلا تخلى الشيطان يوسوس لك اما عن المكالمة فاالان صدقيه وانسى القصة وبعد ماتولدى وتقومى بالسلامة بتلاقى حل