حبيبتي :
صدقيني اهلك ما يبغون لك إلا الخير..
حبيبتي فكري معي شوي لو كنت انت العقيم والعيب منك انت..وش كنت متوقعة يسوي زوجك قسم بالله راح تشوفي من المن منه ورفعة الراس بشكل غريب حتى لو كان طيب مرررة..
ولا وراح يقول لك أنا آسف أبي أطفال ويروح يتزوج عليك ..هذا كمان إذا ما طلقك..ورماك..
بينما نحن الحريم دايم على نياتنا وحبوبات وومكن نضحي بأمومتنا ونضغط على فطرنا ونقبل به ...
فعشان كذا قلبي حاولي تفكري قبل ,,كيف حياتك مع زوجك اصلا هل هي سعيدة وممتازة وترين منه حبا وخدمة وتقديرا..
أمر آخر حاولي ان تختبري زوجك بطريقة او أخرى بان تقولي له مثلا سويت تحاليل جديدة وقالت إني انا العقيم وطبعا تكون معك النتايج مكتوبة ممتازة وسليمة ...وخليه شهر وشوفي تصرفاته معك وردة فعله ..
إن كان اللي تحبيه فبها ونعمت ..امسكي عليه وتقبلي به..
وإن كان ردة فعله سيئة وبدأ يتغير..
وقتها صارحيه بالحقيقة..ولازم ياقلبي تفكرين بنفسك وبأمومتك..
أنا مقدرة خوفك وخوف كثير من الحريم وش يضمن لي اتزوج ؟ أو هل ساعيش مثل ما عشت به الآن مع زوجي ..قد ترين الويل منه لكن تخافين من المصير المجهول..
حبيبتي استخيري ربك واختبري زوجك وممكن توضحي هذا الامر لأعقل واحد من أهلك عشان يهديهم وتمشي الأمور على أفضل ما يمكن...
وممكن إذا اخترت البقاء مع زوجك تساليهم هل تضمنون لي الزواج مرة اخرى؟ وهل تضمنون عيشا آمنا؟
وهل تضمنون لي أنه لايكون هو العقيم الآخر؟
هذا وأتمنى لك التوفيق والخيرة