بعد عِشرة 10 سنين قال ...... خلينا أخوان أحسن

[زهراء أم حسين]

لاحول ولاقوة الا بالله
حسبي الله ونعم الوكيل​

 

[حب بلاحدود]

متأكده يحبك ولاتتوهمي
حسبي الله عليه بنات الحرام سوواله عمل أناأتوقع كذاوالله العالم

 

[يارحيم ارزقني]

الله يفرج همك يارب..ويصلح حالكم ...

 

[بنوته ياي]

خليك مع الاولاد وعيشي حياتك ودلعي نفسك واشتركي بنادي وكملي دراستك..واهتمي بنفسك وبيني انك مبسوطه للاخر من دونهمشكورة أختي فتاة الخير بس ترا في بيتي لو رجعت مصيري الحبس يعني لا تتوقعي إنو راح يخليني أروح وأجي على كيفي هذا أحس تفكيره رجعي يعني هوا له الخروج وأنا الحبسه في البيت

 

[hmas]

عزيزتي
انت الوحيدة اللي تعرفين اذا كان زوجك يحبك والا
عشر سنواااات مستحيييييل تكوني مالاحظتي انه مايحبك
صدقييييييني زوجك كذاااب
زوجك يحبك ويموت فيك والدليل
* انه قال لك هالكلام من باب تبرير فعلته والهروب منها
* السبب الثاني انك لما قلتيله طلقني سكت وما رد عليك
ولو كان ما يبيك وباقي عليك كان قال هذي فرصة خليني اطلقها وافتك
عزيزتي ....
اذا انت تحبينه
حاااااااااااااااااااااااربي من اجل هذا الحب
ممكن تتطلقين وتزوجين واحد قاني بس ممكن ما تلقين الحب وهذا شي صعب
لذلك جاهدي علشان يرجع لك زوجك
استفيدي من قصص كثيرة في المنتدى لزوجات عانوا من خيانة ازواجهم بس قدروا يرجعوهم احسن من قبل
مثل قصة كنت احلم
وقصة ام الوليد
وفية قصة الان في هذا القسم لشمالية انتصرت على زوجها الجنوبي
والله يوفقك يااارب

 

[بنوته ياي]

عزيزتي غصوان أسعدني مرورك وصدقتي ترا لرفقاء السوء أكبر دور في خراب زوجي ..
لأنه ما أتعرف على أصحابه اللي هوا ألحين معهم إلا من سنتين وهو من سنتين بدأ يتغير .. وأنا برضو عرفت إنو أصحابه كلهم يكلموا بنات مع إنو كلهم متزوجين

 

[بنوته ياي]

أختي بارونة القمر أسعدني مرورك .. والله أنا مو كاسر خاطرب غير هاالعيال لكن حبيبتي أنا مو ودي أعيش الذل وأتحمل عشان هما قبل كذا شافو أبوهم كيف يهينني .. وترا العيال أحس مصيرهم يكبروا ويعرفوا كل شي

 

[بنوته ياي]

أختي سكرنا والله صدقتي في كل كلامك .. والله اللي يقهر إنهم كيف ينسوا العشرة والمعروف من أول بنت يقابلوها !! الله المستعان

 

[عزتي بحجابي&]

اسال الله ان يكتب لكي الخير

 

[بنوته ياي]

حبيبتي شوشو قلبه أسعدني مرورك .. بالنسبه للعيال مين قال لك إنهم هامينه أو يبغاهم .. هو أصلا أمه أتصلت وقالت تبغي العيال عندك أو عند أبوهم ؟؟ قلت لها والله محد راح يربي عيالي أحسن مني وولدك خليه مع بنات إبليس حسبي الله عليه .. عارفه إيش قالت لي ؟؟!! قالت إيه بس عشان أبوهم يبغا يعرف إذا بيكونوا عندك يرسل لهم المصروف .. وجا والله من الشارع سلم عليهم وقال لهم أنا جيت بس عشان أعطيكم المصروف وراح وكلها على بعضها ما تجي دقيقتين .. يعني حتى العيال ما راضى خاطرهم وهو عارف إنهم مشتاقين له .. ترا هذا ما همه غير نفسه .. الله يكتب لي اللي فيه الخير

 

[القلب الحاني]

]حسبنا الله ونعم الوكيل .........يعني كل هالسنين مخدوعه فيه .......وضاعت زهرة شبابك على واحد .........استغفر الله .........اللي مستغربه منه ........كيف عشتوا ثمان سنوات في سعاده حسب كلامك وفجاه يقول لك انا ماحبيتك ؟؟؟؟؟؟؟؟؟؟؟؟ المهم حبيبتي............كرامتك في بيتك ماهو في بيت اهلك ....اجلسي في بيتك وتربعي كمان ..بين اولادك ..ووالله هو اللي خسران بيته واولاده وزوجته واستقراره .........اعتبريه مات .......عيشي حياتك مع اولادك ....وفي النهايه صدقيني ماله غيرك راح يمل ويرجع [/QUOTE]

 

[فتاة الخير]

ركزي على نفسك الحين واهتمي بنفسك..وكملي دراستك اجل ووكلي امرك لله..وتراك بتفكيرك بالطلاق انتي بتجذبينه لك..وانتي تفائلي بالخير دائما..وان شاء الله يرد لك..

 

[بنوته ياي]

أختي زهور أسعدني مرورك ووالله كلامك عين العقل جزاك الله الجنه وأسعدك دنيا وآخرة

 

[شربات]

آآآآآآآآآآآه
سمعي يا اختي
قعدي ببيتج ولا تطلعين منه خليج معززة مكرمة ولا ذل الاهل مصيرهم بيوم يملوا و تنطق جبدهم منج او من الياهال مهما كانوا زينين ، ولا تهدين بيتج عشان يسرح ويمرح مع بنات الحرام ، وعليج بنفسج تصلحين من حالج المعنوية والجمالية يعني عليج بقيام الليل والدعاء وكثرة الاستغفار وكشخي ولبسي و عيشي حياتج صبغي شعرج سوي نيو لووك ، لا تكمليبن باجي حياتج بالدموع والحسرة والندم و لا تحسيسن نفسج انج انتهتي لا انتي بديتي من جديد ، انتي مهما طال فيج العمر ميتة استغلي حياتج بشي يفيدج من طاعات وعبادات و اهتمي بروحج و هواياتج ولا تقضين يوم واحد تتحسفين على واحد ما استاهلك ولا عرف قيمتك والله يحبج و يبي يختبرج كوني عند حسن ظن الله في و شدي حيلج بالصلاة والدعاء وقيام الليل وطمنينا عليج حبيبتي​

 

[بنوته ياي]

حبيبتي ورد الجوري أسعدني مرورك العطر .. والله يرفعك دنيا وآخره ترا يا قلبي أنا أهلي وأهله مصدقيني من أول لأنهم ما عهدوا عليا الكذب وهم كانوا حاسين إنه في وراه مصيبه .. وترا أنا بإذن الله لو رجعت له ما راح أرجع إلا بشروطي وأولهم إني أكمل دراستي لأني هذا الأسبوع سجلت في الجامعه .. والله يكون في العون

 

[ام-حمد]

الله يعينج
خليه وخلي العيال معاه خليه يتبهدل ويحس بقيمتج

 

[بنوته ياي]

حبيبتي نورأسيا أسعدني مرورك .. ووالله ترا عيالي تعلمو عند أهلي أشياء كثيرة حلوة أولها الهدوء والمحافظة على الصلاة والاحترام .. عشان كذا أنا مرتاحه عند أهلي إنو في أشياء حلوة بيتعلموها عيالي يعني إن شاء الله تكون جلستي عندهم خير .. ومشكورة حبيبتي

 

[بنوته ياي]

بنوته فله .. أسعدني مرورك وترا أنا والله عارفه في قرارة نفسي إنه يحبني بس يا قلبي إيش فايدة الحب لمن يتلوث بالخيانة ؟؟!! الله يهديه يارب ويرده لي ردا جميلا

 

[بنوته ياي]

حبيبتي بروود الثلج .. أسعدني مرورك لكن والله لو بأتطلق منه كان تطلقت من زمان .. بس الطلاق مو حل .. يمكن يكون حل لو ما عندي هالعيال .. وترا رأيك نفس رأي أمي هيا تقول لي تطلقي هذا معد يرجى منه خير .. يمكن لأنها تعرف قد إيش عانيت .. لكني أنتظر الفرج من الله ومخليه في داخلي شوية أمل إنو ربنا يهديه .. والله يعين

 

[بنوته ياي]

عزيزتي الجده الصغيرة .. أسعدني مرورك والله يسمع منك