بعد إغلاق موضوع "محبوبة الجميع " الاخت "يافرح وينك" موضوع جديد للتواصل والردود

[قلوب العذارئ]

في انتضار جديدك ياقمر مملكة بلقيس

 

[أنا غير]

​

بنتظارك قلقنا عليك والله

 

[الزوجة العفيفة]

بهلولة وينك ؟؟؟
قلقت عليكي ؟؟؟
طمنينا .. اجى بندر أو لا ؟؟؟؟؟؟؟؟؟؟
بنستنى الاخبار الطيبة .......

 

[احبك يايمن]

بهلوله شلونك وحشششششششششتيني كثييييييررر
اعذريني تأخرت عليكي بس كنت ادخل اقرأسريع واخرج الوالده الله يحفظها كان معها شغل على الجهاز .......
على العموم عجبتني قوتك واصرارك ودائماًكذا على طول
ولاتتنازلين عن انك تقعدين بيت اهلك الشهر حتى لو رجع هو والخايسه الي معه واصلي علاجك بالرقي واهتمي بنفسك
والله يرجعه لك بالسلامه والخايسه الي معه قطيعه عليها هالسوسه حتى امها مو راضيه عنها ...
حبيبتي اشوفك على خير مع احلى الاخبار عنك
ربي يوفقك ويفك ضيقك ويرزك بالأولاد الصالحين الخدومين لك ولأبوهم بحق برك بأبويك فكل انسان مايلقى اطفاله معاه إلاّمثلما كان مع ابويه
الله يصلحنا لوالدينا ويصلح اولادنا لنا بأذن الله.
مع السلامه استودعك الذي لا تضيع ودائعه..​

 

[يارب نورقلبي]

الله يوفقك يا الغاليه ويفرح قلبك يا كريم ويرزقك بالذريه الصالحه ويديم السعاده عليك تحياتي لك

 

[لك غلا محد وصله]

عزيزتي وينك اشتقتلك ماعليك من اللي يقوللك
طنشية انا لو زوجي بندر احطة في عيوني الثنتين
استقبلية احسن استقبال وانسي انة غاب عنك
واعيشي لحظة شوقك لة وشوقة لك وهذا زوجك قد ماعطيتية تكسبين رضا ربك ورضاة عنك

 

[جمانة الدر]

ياامسكَرْ الـ جَوّآلْ فـ وَجْهً مَغْـٍـٍليْكَ
خَلّ الـ تْغّلـٍـٍـٍيْ لـَ عْنّبَـٍـٍوآ والًديْنه ..
خَلّـٍك عّلْى خَبْـٍـٍريْ ياعَسْى اللّـٍـه يَخّليْك
ياقّـٍـٍرْهَ قَلّيبيْ وَمهجْهَ ضْنينّـٍـٍه ~


\
\
\
ويــــنــــــــك يـــــــــاابتـــهــــــــــــاااال عســـى مـــاااشـــــــــــر ؟؟؟

 

[هادئة البال]

بهلوووووووولة وووينك ؟؟

بنستنى اخبارك على احر من الجمر

نحبك في الله ​

 

[@ام مصعب@]

وينك يا فرح وينك بنستنى اخبارك
ان شاء الله تمام؟

 

[امنيتي في ظلها]

وينك فروحة ترى ابطيتي علينا

 

[عروسة ليبيا]

تحياتي لي اختي فرح وكل محبينها

السلام عليكم عزيزاتي بلقيسات بلقيس​

حبوباتي الله يهني قلب كل وحده فيكن ويهدي سرها وومعانا الاخت ابتهال​

مشاء الله روحها حلوة وخلقها حلو الله يعوضها بالخير من عنده​

اتمنى لما تتاخر نصبر شوي لانها تكتب يوميات واحداث مستمره​

وعارفه انو كله من محبتكم لها ​

ولكن بيكون في امور بتخصها ولها حدود ومصيريها بيجي يوم وتكمل هالموضوع او تتحفظ

لانو مستحيل بتعيش كل عمرها تسجل شنو حاصل معاها وكل المواقف والاحداث

ولي حد الان القصه شبه مكتلمه باذن الله هي محتسبه الاجر لله وزوجها بين نارين ومااحد يلومه حتى لو قصر

هو بشرررررر وماهو منزه علا الاخطاء خصوصا انه تحت ضغوط مثل ابتهال وبنفس الوقت خايف يخسرها ولا خايف يخسر عيالها ويعيشو احزانه الي عاشها


الان علينا كل حد فينا ياخذ من تجربتها الصبر والحكمه ومراجعه النفس لانها هي بشر و اكيد لها غلطات ربما زادت من بعدهم او زعلهم ربما سملته لها وتركته واستسلمت لحزنها

وغيره من الامور كله وارد بس الخلاصه انها قامت علا رجليها ووالان تحاول تصلح ما بنفسها


هادى الخلاصه وهادي الفايده الي يجب نطلع بيه من متباعتنا المتحمسه للموضوع​

هالتجربه حلوة منها وحلو انها شاركتنا فيها وحلو هالمحبه والنصح​

بس في الاخر هادي سنة الحياه وماهو مسلسل ولا الفيلم الحياه بتستمر ووووووهي ربي راح يدلها حسن الطريق​

واشوف الحمدلله بلقيس فادها مثل ما افدني وافدكم​

كلمتي لبعض الاخوات نابعه عن محبه حتى لا نحرجو الاخت بتهال بدون ما نحسو هي اليوم معانا بس مو معقول بنصر عليها ونلح عليها كل يوم عشان تدخل وتكتب لنا وش تسوي وش قال بندر وش فعلت هدى


والكل داااااااااااااااااااخ وينك وينك ردي طولتي علينا والي تطلب ايميلها والي والي


يعني الحرمه من حقها وانصحها احيانا تتحفظ لان عالم النت واسع الله العالم مرات احد من معارفه يشوف هالموضوع ونسبب لها حرج


ماتنسو منتدانا منتشر بين الحريم وسوالفه كل العرب تتابعها يعني الحرمه ماتقدر كل شي تقوله او تحطه او تجلس كل يوم تعيشنا جو كاننا نطالع ستار اكاديمي

​

ممممممممممممما اتمنى احد يزعل والي بيزعل بسامحه لاني اتكلم عن حسن نيه ومحبه لكم جميعا​

الان اختي فرح بهلوله​

انتي بحاجه للبحث في نفس وفي دينك وفي شخصيتك وعلمك وعالم النت والي اخره من وسائل الادراك​

علا ما يجبر بخاطرك ويقويك بالله ويصلح من نفسك وجروحها​

في كثير من المواقف اشوف انو بعض الامور مزالت من الماضي ماثره فيكي وكاسرتك​

عشان تستمري فحياتك بما يرضيك ويسعدك عشان تكوني زوجه وام وربه اسره وانسانه سعيده​

لازم تتغلبي ع اوجاعك بالتعقل والدين ومراجعه النفس بحكمه بدون لوم ​

بخصوص الحمل باذن الله نتبشر بيك قريبا ​

انا بعد متزوجه من فتره ماصارلي نصيب وحملت عارفه اهم اهم اهم عوامل الحمل​

العامل النفسي عدة حالات احتار فيها الاطباء الزوج خصوبته عاليه والزوجه كذلك وكل امورهم وفحوصاتهم ممتازه ولا يحدث الحمل​

اما انو التقليح بيحصل في يوم ما بتكون في البويضه نزلت وجاهزه له​

اما ان في حالات كثير الدماغ يفرز ماده مثل الادرنالين الي بالجسم وهادي من التفكير بالحمل ​

وهالماده بتقتل الحيوان المنوي ويفرزها مخ الرجل او المراه​

يعني متلا لحظات حصول الجماع تصير الوحده تفكر يا ترى وصل وحصل يا ترى متى اقدر اعرف يا ترى السائل دخل يا ترى ارفع رجولي احسن ولا انام ع بطني ​

لا ماني متسبحه عشان السايل لا مدري ايش ​

الخ الخ الخ كلها امور تعرقل الحمل
شي اخر ​

حالتك
بكثرة الاجهاض مرت
يها بنت خالي وقد اجهضت 3 مرات خلال سنه واشهر ورحمها تعب جدا وحالتها تازمت السبب قلة وعيها للاسف لانها كانت مصره تحمل ف كل مره​

هالحاله تسمى احيانا بجرثومه الرحم وفي حاله غيرها لي الاسقاط ولكني اقصد حاله بنت خالي هكذا اسمها ​

هي طبعا كانت تحمل ف كل مره بعد وقت بسيط من الاسقاط ​

مصره ع الموضوع زوجها مطلق وله ولد وخايفه علا حاله تبي تربطه بطفل​

وووووووووووووالاطباء قالو لها بعد اخر اجهاااااااااااض ان الرحم يحتاج فتره من الزمن عشان ياخذ الوضع الطبيعي ​

ونصحوها انو الي تسويه ممكن يسبب بعقمها لا سمح الله ​

وفعلالالالالالالالالالالالا صبرت اخر مره كانت لهجة الاطباء شديده جدا ​

وبعد وقت قرابه العام سمعنا بي حملها وجلست نايمه اشهر حتى تبت مع القران طبعا وابر التبيث وسخر الله لها وانجبت بخير وسلامه​

كملي كل الاجراءت الي تهديك روحك من علاج بالدين وعلاج روحي ونفسي ​

سوي لنفسك علاجك الي سويته مع بندر تصالحي مع نفسك​

جددي بكل شي حولك قلبي شوي في بيتك قلبي في غرفتك بي بيت امك​

هي امور شكليه لها الاثر اكبير في نفوسنا ​

ازرعي نبتات ظل في شقتك او في البلكون ​

سوي لون جديد بغرفك نومك​

اعرف بعد الاشخاص المخلصين يتعلقون بالمكان والزمان بشكل كبير وبي ذكرياتهم في تلك الاماكن والاتات والخ الخ من امور تعودها​

ولكن الذكريات الحقيقه الي تربطهم بالمكان والي فيه هي الي محفووره في قلوبهم​

مو في محيطهم وفي امور جامده ​

حاولي تنعشي حياتك وكل مافيها الكلام سهل والتنفيذ راح يكون مره سهل ومره صعب مره سريع ومره بطئ ​

بس المهم ما تياسي وخليك مركزه انو كل هالشي بيوصلك لسعادتك الداخليه والرضا والتصالح مع النفس​

كل هالشي هوا مصدر سعادتك الحقيقي بيكون وبعدها بيكون كل شي حولك مستعد لي القادم الي بيكون اجمل باذن الله ​

==========================​

اخر شي انصحك بمنتج من زين الاتات هو ماهو منشط ولاهو مقوي انما حتى الي ما فيها شي تقدر تاخذه ​

هو منظم لدوره ولو كانت منتظمه هو منظف للرحم ومخفف لي اوجاع الدورة معدل للهرمونات وعده امور ايجابيه فيه ممتازه​

اسم المنتج القريص والالوفيرا وووووصدقيني ممتاز من كلو حتى لي صحتك الانوثيه ولي انوتتك من الداخل روعه​

هالمنتج ما له اضرار باذن الله ويمكن اخذه مع الادويه الطبيه لانه من الاعشاب​

وتابعي برامج زين في قناة المراه العربيه هيا بيتكلم عليه هلبا هلبا === واجد ناس تسال وينصحهم فيه وانا من تجربتي بيفيدك حتى بعيدا علا الحمل​

والان ما املك الا دعوة لك ولكل الاخوات وانا معاكن الله يسخر لنا ازواجنا والله لا يحرم بنت من فرحتها بالحلال​

ادعولي​

عروسة ليبيا​

 

[رواق الخريف]

عروسة ليبيا:

كلامك سليم وعين العقل الله يحفظك ...ولكن أسلوب أبتهال شدنا

ماشاء الله تبارك الله ..يعني لو تدخل وتكتب عن طفولتها مواقف الدراسة المهم نعرف أنها بخير ونستمتع بسردها الله يحقق لك ولها

وللجميع مايتمنين اللهم آمين ويحفظكن ربي .

 

[-من الناس-]

اختي عروسة ليبيا
كلامك دليل على انك انسانة حكيمة وعاقلة توزن الأمور جزاك الله خير ورزقك الذرية الصالحة انت واختنا بهلولة وكل محرومة
تحياتييييي.

 

[" فتاة القريه "]

مآشآء الله يآعروسة ليبيا كلآمك رآآئع

بآرك الله فيك ‏.. وفقك الله لمآ يحبه ويرضآه

وأهم شي اذا كنآ بنسآعدهآ ندعيلهآ دآئمآ

ودعوة المسلم للمسلم في ظهر الغيب مستجآبه ,,

وثآني شي على الأقل نتركهآ تشتغل بنفسهآ ..

والله يفرج همك يآ أبتهآل وينصرك على من ظلمك ..

والله يرزقك الذريه الصآلحه ..


أختكم ..}

‏"‏ فتاة القريه "

 

[عروسة ليبيا]

تسلمون خواتي

ع الدعوات الطيبه


صراحتي من نبع محبتي في بلقيس وفي اميراته وملكاته وانا قلت البعض

والبعض الاخر قمة في كل شي حلو وكل حرف فادني وحتى الالحاح لبهوله هوا نابع عن محبه ادري فيكم

بس حبيت اذكركم بس عشان نعطيها فرصه ترتب اوراقها وتروق شوي


وبسسسسسسسسسسسسسس
​

 

[قلـب طفلـه]

ويننننننننننننننننننننننك

 

[أنا غير]

عسى المانع خير
وأتمنى اللي منعها هو أهتمامها بنفسها والرقية لأنه يبيلها شغلة وتفرغ
واهم ماعليك صحتك يابهلولة ومتى ماجيتي بتلقين جميع خواتك ينتظرونك​

 

[جوهرة المشتاق]

الأخت عروسه ليبيا وفقك الله اعجبني كلامك ...اتمنى للاخت بهلوله السعاده في حضن والديهاوان تسعى في رضاهما فرضا الله في رضا الوالدين وهوسبب التوفيق وإجابة الدعاء.....

 

[البرنسيسه2010]

لك وحشه يافرووووووووووووووحه

 

[يافرح وينك]

السلام عليكم
هلا بفتاة القرية و عشانك يابهلولة واسيرة الغربة...وربي نورتوا الله يسعدكم..
بدايتي حمدلله ع السلامه نورتي أسعدتني دعوااات ام زوجك الله يطول بعمرها
ام بشر بلغي سلامي واشواقي للواضحه
الزوجة العفيفه وربي يوم قريت ردك بكيت هنيئا" لك هذا الشعور والإحساس..دائما إذا تضايقتي اوبكيتي افتحي المصحف وأقري عشان تحسين بسعادة وراحه ويبتعد الشيطان عنك..وكلي أمرك للحي القيوم الله يثبت حملك وتفرحي بطفلك لاتنسي تدعي لكل المحرومات وأستشعري ان هناك ملك يدعوا لكي بالمثل..وماأصدق دعوة من دعوة الملك..
أنا فلة أوعدك بكره اول ماأصحى أرسلك على الخاص ولايهمك لأنه عند امي وامي نايمه الآن..سامحيني ادري طولت عليك بس نسيييت السموحه..
الفقيرة الى الله..قبل امس قريت ردك ههه(وكنت جالسه اكتب لبندر خاطره ههه) وربي من زمان ماضحكت مثل كذا..قمت سكرت باب الغرفه عشان ماحد يسمعني قلت لوتدري اختي الفقيرة الى الله اني جالسه اكتب فيه الشعر شوتعمل فيني؟!!!
عروس ليبيا شكر خاص لك
ردي على بعض الآخوات بيكون هنا من ضمن كلامي:
اولا آسفه وسامحوني على التأخير من قبل امس وانا متقوقعه على نفسي افكر وافكر وافكر
ادعي واستخير
ومن امس المغرب عندي خمول وانفلونزا خفيفه واليوم أجبر نفسي على الأكل ونايمه بالسرير،،اكتب لكم من سريري ههه بس والله مع كل هذا عندي سعادة نابعه من الداخل الحمدلله،،وتراني قريت ردودكم وحدة وحدة ولانسيتكم من دعواتي
الحمدلله مستمرة على الرقية
واقوم الليل(زمان كنت اقوم الليل إما بالبقرة<<وهذا نادر جدا
او بأي سورة
ثم طبعا اصلي ركعتين اقرا بالأولى سبح إسم ربك الأعلى
والثانية الكافرون
ثم ركعة الوتر طبعا تقرأ فيها الإخلاص وبعد الرفع من الركوع ارفع يدي وابدا بالدعاء
في بدايته الصلاة على النبي ثم حمدالله والثناء علية ثم بدعاء القنوت اللهم اهديني فيمن هديت.....الخ الدعاء...بعد السلام اردد 3مرات سبحان الملك القدوس وبالثالثه سبحان الملك القدوس رب الملائكة والروح)لكن قبل فترة ليست بالقصيرة قريت بيوميات اختي سحابة انها تقوم الليل بسورة الأنبياء فأحببت ذلك جدا الله يكتب لها الأجر
وصرت إذا مرهقه اوالوقت متأخر وماني قادرة اقوم بسورة البقرة أقومه بالأنبياء اقراها بركعتين ثم ركعتي الأعلى والكافرون ثم ركعة الوتر..وأحس براحة عجيبه الحمدلله..
من سنوات طويلة وانا اسمع عن سورة الأنبياء ..أذكر في رمضان قبل 3سنوات كان أحد اخواني مريض يشكوا من تعب مايعرف سببه وهذا اخوي ملتزم الحمدلله..الله يشفيه
وفي احدى الليالي بعد صلاة التراويح جلس بالمسجد وأسند رأسه على الجدار من الضيق والتعب..يقول ماحسيت إلا بالإمام يسألني عن سبب جلوسي وعن حالي..
وأخبره أخي بما يعاني..
قال الإمام أقرأ سورة الأنبياء قبل نومك مباشرة وانت على السرير..لمدة 7 ليالي او 8
وسترى بإذن الله في منامك من أذاك أن كنت مصاب بالعين
وإذا رأيته أغتسل بأثره..

أخواتي انا كثير اتعرف على نساء ولاتعرف كيفية قيام الليل او آداب الدعاء
مرة نزلت موضوع بأحد المنتديات عن قيام الليل وتفاجأت بالرسائل الكثيرة كلها أسئلة عن كيف تدعي وكيف تحمدالله قبل دعائها وبعضهم تسأل ماهي ركعة الوتر ومتى تقول الدعاء..
اخواتي هذا ليس عيب
والله موعيب ان الإنسان مايعرف انا اعترف اشيااااء كثيرة ماعرفها وكل يوم أتفاجأ بشئ ماكنت أعرفه
لكن العيب اللي مايسأل ويبحث ويتعلم...القوقل موجود بمجرد تكتبين كيفية قيام الليل اوالوتر اوالقنوت انامتأكده انك بتوصلين لمرادك بإذن الله
نرجع لزوجي يابنات احسكم فهمتوني غلط!!!
الرجال مومقصر بشئ ابدا ابدا لاملابس لا اكل لا اثاث لاطلعات
اي شئ احتاجه اواطلبه يقول أبشري..ماأذكر ولامره بغيت شئ وأعتذر..
وملابس العيد لما قلت أنه جاب لي..لأني كنت بفراشي توني طالعه من المستشفى
وإلا دائما أروح واشري
وإذا نزلني عند اهلي يعطيني مصروف مايقصر
بس المشكلة ان هدى كل فتره زعلانه عند اهلها بسبب امور بينهم ولاترجع إلابمبلغ
وهويرضخ ويعطيها
ويسألني تسمحين أعطيها بدون ماعطيك ويعلل ذلك بظروفه المادية وديونه وانا أقول مسموح،،والسفرة صراحه قوووية وهوشكله قال ابتهال بتسمح عادي عندها وتفاجأ برفضي،،وبالفندق لما شديت علية وزعلت وافق أنه ياخذني شهر إذا تحسنت ظروفه بعد شهور،،قلت اوكي بجلس عند اهلي إلين تتحسن ظروفك
ورفض ،،بعدين حسسته أني متردده برجعتي وقلت له خلاص يابندر مابي منك شئ سافر معها انت وانا عادي مومهم<<وهذا الأسلوب يجننه ويأنبه ضميره
المهم انه آخر شئ قال اوعدك نسافر اواعطيك فلوس السفرة واللي تبينه
أنا اللي متعبني ضعفه وتنفيذه لطلباتها مع أني شايفه انه مومرتاح معها..
اليومين اللي راحت بندر كان يكلمني..ماكنت ارد من اول رنه <<مسوية ثقل خخ
واحيانا اقفل جوالي ويتصل على جوال امي ومامي برضو ماترد زعلانه
وهومرات يكلمني بشوق ومرات مسوي زعلان يسألني عن الحال وينهي المكالمه..
يوم الجمعه كان جميل جدا الحمدلله..اناماحب أني أنشغل بالنت اوالجوال بيوم الجمعه بالذات من بعد العصر إلى المغرب
ادعي واستغفر..حتى امي بآخر ساعه قبل المغرب تذكر اخواني فيها وتروح تجلس بالحوش لحالها تدعي
والوالد معروف جدوله بعد صلاة الجمعه يروح عند والدته
ويرجع 2 وبعد صلاة العصر يطلع للبر لحاله يدعي ويستغفر يقول اكون لحالي بعيد عن الناس..قلت بروح معك ووافق
رحت مع الوالد للبر أخذنا معنا عصير ومويه
أول مانزلنا راح الوالد يمشي بعيد شوي عن السيارة
وأنا جلست قريب منها
مااشوف غير التراب والسماء سبحان من رفعها
رفعت يديني ودعيت لكم معي
..دعيت إلين جاء وقت المغرب وبعد مانتهيت فتحت جوالي وحصلت رسالة من بندر
(لاتنسين تدعين لي)<<أول ماقريتها قلت الله يسخرك لي
وأمس وصل(اللي في الرياض ماشفتوا كيف الرياض نووورت هع)
وصل بعد العصر وأهلي هذا الوقت نايمين وعندي اطفال سعد اول ماقال نصور خالي بندر جاء رحت اركض للمرايه ثم للمجلس خخ
كنت مخططه أثقل بس فشلت الخطه
دخلت المجلس ومعي نصور
اول ماشفت بندر قلت في نفسي يآرب لك الحمد
لاأحد يلومني ماقدر اعيش بدونه
قال وش رايك بالمفاجأة
ولارديت بس اوزع ابتسامات
آخر شئ أستوعبت قلت الحمدلله على السلامه
قال الله يسلمك
أول ماطلع نصور مسكت يد بندر وهومبتسم على باله ببوسها..وعضيت اصبعه
قال آه حرام عليك
قلت أحسن عشان مره ثانية ماتتركني
قال خلاص رجعت لك
رجعت بسبب ظروف موبسببي
المهم اني رجعت
صح اهم شئ انك رجعت بالسلامة
الله يسلمك وهالأسبوع بنسافر لبيتنا بإذن الله
لا انت سافر مع عيالك بالسلامه انا بجلس عند اهلي
ليييه؟!!
محتاجه اجلس عندهم
إلى متى
مدري..شهر..شهرين
شهر!!!يهون عليك بندر
انا هنت عنده وقرر يتركني شهر
لامافيه تجلسين شهر..اسبوع يكفيك؟
بندر حبيبي انااشتاق لك واحتاجك بس صراحه من بعد موقفك انك توافق تاخذها شهر وتقول عشان عيالي قررت أعيد حساباتي وياليت تتركني يالغالي على راحتي لاتضغط علي وتاخذني غصب لاتزيد همي هم
ياقلبي ياابتهال خلاص انا وعدتك أبشري باللي تبينه
الموضوع موعلى السفرة يابندر الموضوع انك ترضخ لطلباتها وتتحجج بعيالك اناماقدر استمر معك على هالوضع إلين تخيرك بيني وبينها..تبيني أجلس إلين أمسك ورقة طلاقي بسببها وكأن الماضي يرجع
<<أول ماقلت كذا وجهه صار الوان وحسيته أنحرج وتضايق
قال ماله داعي تحفرين بالماضي هي صحيح جنت علينا بس الحرمه الحين ام عيالي..وعيالي مايستحقون ياابتهال اني اصبر واشوف آخرتها مع أمهم؟..بس طلاقك لا..هي اساسا تدري اني مستحيل أطلقك
:إلى متى تشوف يابندر!!إلى متى وانت ترضخ لطلباتها موانت تقول ماديتي صعبه ليش ماتعطيها القليل ليش تضغط على نفسك بتجلس طول عمرك كذا يابندر
لاموطول عمري بس اناأحاول اني ماأفترق عن عيالي ولاأني ابعدهم عن امهم وإذا شفت أن مافيه فايده منها الشكوى لله انا والله حتى صرت استحي من الناس كل ماتعب احد من العيال يوديه خالي للمستشفى
:الله يعينك
:آمين يالله عاد ماتبين تضيفيني مشتاااق لقهوتك
:من عيوني
رحت للمطبخ وأناأجهزالقهوة دخلت امي
وقلت لها ان بندر موجود وحبيت راسها وترجيتها ماتبين له انها زعلانه منه وقلت لها يمه تكفين لاتفشلينه وتراه حساس بيتضايق
قالت الله يخلف عليك
ههه
قلت ماعليك ان شاءالله كل شئ زين بس لاتزعلين
وفتحت لي محاضرة انها تبي مصلحتي واني خبله اول ماشوفه يطيح اللي براسي خخخ وقالت لورحتي معه قبل يخلص الشهر تراك خبله خخ
قلت اهم شئ يمه لاتبينين له انك متضايقه عشان خاطري
حتى لويطلقني مابيه يتضايق اوينكسر خاطره اوينحرج
قالت أوص خلاص لاتكلمين خخ
أخذنا القهوة وسلمت عليه امي
وطول الوقت يناظر فيها ويسولف بيشوف هي زعلانة او لا...اعرف حركاته
و أمي واضح انها تجامله
وجاء ابوي واخواني
رحت لغرفتي استخير
ماأحس برغبه اني اروح معه
بعد صلاة العشاء قالي ابوي ليش ماتبين تروحين معه
واستحيت قلت عشان الرقية
ويناظر فيني
قلت ولأني ابي اجلس معكم انا اشتاق لكم وماعاد اتحمل البعد وانتم محتاجيني
ضحك قال لايكون صدقتي اننا محتاجينك تطبخين لنا وتهتمين فينا حنا لونبي من بكره نجيب طباخ بس حنا شيبان سكر وقلب اناعن نفسي اتعشى خبزة بر وجبنة قليلة دسم هذا أفضل لي
روحي مع زوجك
انا اللي محتاجتكم وإلاانت يبه مليت مني
لاوالله ماهي كذا بس ليش ترفضين تروحين معه
انا تعبانه و ابي ارتاح عندكم فترة لاتضايق نفسك
طلع ابوي وبعد دقايق رجع
روحي اجلسي مع بندر انا بطلع مشوار وارجع واخوانك موفيه

رحت لبندر في المجلس
:ليش تدخل ابوي في الموضوع
:ههه مادخلته بس قلت خلني اعلم ابوها يمكن يقنعها تروح معي..هاه بتروحين
لا انا قلت لك بجلس شهر شهرين استخير وافكر على مهلي
الله يستر منك
:
:طيب بتقنعيني انك مااشتقتي لي لما سافرت
:لاوالله إلا اشتقت لك ياشين ايامي بدونك ماتصدق وش كثر احتاجك معي بس سفرتك اجرحتني ماصدق انك فكرت تبعد عني شهر تدري بندر حتى بكل لحظة افقدك فيها اتخيل انك جالس معها وتضحك معها
حتى اليوم وانا تعبانه من الإنفلونزا تمنيتك معي<<الكلام هذا مع دمعة خلاه يحلف ويوعد انها ماتتكرر وانه مايتركني وسويت نفسي اني شاكه بكلامه وخايفه انه يتغير وتمسكت برأيي اني اجلس
وافق وهومومقتنع وقالي تبغين فلوس بدل السفر اونسافر
قلت بعد شهر اوشهرين اقرر الحين مابي شئ اتركني على راحتي<<اخذ نفس عميق احسه انقهر لأنه حس من جملتي اني احتمال ماأرجع
قال وش رايك نجلس في فندق الى نهاية الاسبوع<بيظمن رجعتي خخ
قلت بندر لاتضغط علي اتركني على راحتي مابي اروح لمكان
قال الله يهديك
تعشى معنا وطلع
واليوم اتصل علي قال انا عند نورة تعالي جايب معي الحلا اللي تحبينه
قلت اعذرني تعبانه مافيني حيل اطلع فوق
قال سلامتك آخذك للمستشفى
قلت لامايحتاج
قال وإلازعلانة ماتبين تشوفيني
قلت لاماأقصد كذا والله تعبانه
قال ماتشوفين شر برسلك من الحلا
والليلة نزلت نورة عندي وسألتها عن هدى قالت يقول ولدها تعبان وقال انها بترجع معه

بس مدري ليش ماكملوا الشهر<<نورة تقول هذي عيني ههه
وجدتي كلمت امي
وامي تقول سألتها عن حال الجميع ولا جابت سيرة ان ولد هدى تعبان

وانا بجلس إلى الإمتحانات أتوقع انها بشهر2 وأدعي ربي واستخير وبستمر على الرقية
وماراح يكتب لي ربي إلاكل خير
بإذنه..
وش رايكم أثبت على قراري اوارجع معه..انامتأكده انه بيحاول برجعتي هذا الأسبوع
بس حاليا ماحس برغبه اني اروح معه ابدا..
ملاحظه
ماقرأت جميع الرسائل على الخاص
بحاول بكره ارد عليكم
بنات تكفون لاأحد يزعل مني
اواللي مارديت عليها هنا في الموضوع تظن ان ردها ماعجبني اواني ماهتميت والله فيه بنات ودي اكتب فيهم وبردودهم اشعار بس وقتي دايم ضيق وردودكم كثيره ماشاءالله..ولن انساكم من دعواتي