بعد إغلاق موضوع "محبوبة الجميع " الاخت "يافرح وينك" موضوع جديد للتواصل والردود

[نوني الدلوعه]

بهلوله وووووووووووينك اشتقنى لك والله كل يوم افتح اشوف اخر اخبارك يالله لاتشغلين بالنا :wink:

 

[يافرح وينك]

السلام عليكم
هلا بالغااااليـــات..الله يسلمكم من كل شر..ويحفظكم..
سامحوني ماقدرت أدخل البارح كنت نعساااانه ونمت..

قبل البارح كنت ..أم.. طول الليل وبنوتة أخوي عندي اللي عمرها 6 شهور..من الساعه 12 إلى الساعة 2 ونص وهي صاحية وأسولف معها وألعب معها هع..إلين نامت نومتها في حضني
طبعا الجوال مقفل..وبعد صلاة الفجر نزلت نورة وتجلس تبوس في بنتها خخخخ رحمتها..قالت خلاص باخذها ايش رايك؟
قلت أوكي أنا أساسا بنام وأرتاح مليت منها هههه
وسألتني ليش جوالي مقفل..قلت مافيه بطارية وماحصلت وقت أحطه في الشاحن..
وبعد الظهر حصلت لبندر مكالمات على جوال أمي
والساعة 2 أتصل على أخوي ..وكان أخوي برا البيت
قال أنه سأل عني وطمنه أني بخير وقال قولها تفتح جوالها
ولا فكرت أفتحه أعجبني الوضع ههه
وطول الوقت مشغولة مع بنات عمي وأمي سوالف وضحك
وبعد العصر طلعت زوجة أخوهم من المستشفى ياحياتي الله يشفيها
أول ماشفتها حسيت أني بنعمه عظيييييييمه
أمي ماكانت موجودة..أستقبلت زوجة فهد و أول ماجلست في الصالة أطفالها كانوا يركضون ويتسابقون لحضنها وهي تضم هذا وتحب جبين ذاك ..
تخيلت نفسي في مكانها رايحه جايه على المستشفى أعاني من الأدوية وألام المرض
ومن التعب النفسي..مرض ماأعرف هل سأشفى منه أم أني سأودع
الحياة ذاهبة إلى القبر!!
تدرون أني من طلاقي الأول من بندر..صرت أي مشكلة أمر فيها أو ألم أو هم.. أتذكررر الموت..مصيبه.. ماأدري هل أنا سأثبت عند السؤال أو لا؟!..هل بيكون قبري روضة من رياض الجنة أو حفرة من حفر النار؟!!..مصيري جنة أو نار!!..
سرعان ماأنهار وأحزن على أي أمر في حياتي..لكن سرعان مايصغر هذا الأمر بعيني عند تذكر الموت..وتطمئن نفسي..
أبوي دائما يضحك وهويسولف معي ويقول يااااصبرك ياابتهال..والله أنك صبور..وأحيانا يقول الله يعينك لووحده ثانيه أنهارت من زمان...كنت أبتسم وأسكت...وفي نفسي أقول
لووصلت يالغالي لتفكيري وأستشعرته وحسبتها مثل حساباتي بسرعه راح تصبر وتطمئن نفسك وتشعر بشعور جميييل أنك من الصابرين..المحتسبين للأجر..
أول ماحطيت القهوة قدام زوجة فهد قالت لي الله يرزقك ياحلوة بالطفل اللي يفرح قلبك..
قلت آمين أهم شئ لاتحرميني من دعواتك
قالت سامحيني تعبتك بعيالي وعماتهم..
قلت لاأي تعب عيالك أهتموا فيهم عماتهم أنا ماسويت شئ..لاتخافين علي أنا حريصه على نفسي ههه
تركتها مع أطفالها ومع نجود ورغد عشان تاخذ راحتها حسيتها محرجه مني..بعد نص ساعه طلعوا رايحين لشقة مفروشة بيجلسون فيها طيلة فترة علاجها...يالله حسيييييييت البيت فاضي..لاصوت لاحركه بس أنا والخدامه...أتصلت بنورة ونزلت هي والحلوين
وقفت عند الدرج أستقبل بنتي ههه...دائما" أخوي سعد ينزل من بيته ويسولف كأن بنته معه..هلا يابابا..ياعيون بابا..
وأروح أركض أستقبله وإذا وصلت عنده أتفاجأ أن يدينه فااضيه ههه..ويقول أحسن عشان مرة ثانيه تستقبلين أخوك موتجين تركضين عشان بنتي..
جلست أسولف مع نورة..تدرون أن من أسباب معزتي لنورة وحبي لها أني دائما" أحس معها ريحة عطر بندر ههه يمكن يتهيأ لي..
حتى هي الوحيدة بعد بندر اللي ماعندي مشكلة أشرب بنفس الكاس اللي شربت منه..
سألتني عن جوالي..بعدين غمزت عينها:أعترررفي بينك وبين بندر شئ..لا لاماأصدق ابتهال زعلانه من بندر
:أزعل ليش ماأزعل
:ماأصدق أنه يزعلك
:لا صدقي..
:طيب شو صاير
:موصاير شئ
:توك تقولين
:بس توعديني ماتقولين له أي شئ
:صراحه صعب أوعدك تعرفيني ماأصبر على الغلط أحتمال أفجر فيه
:أجل خلاص مابي أقولك
:طيب خلاص قولي و أوعدك ماأتدخل إلا بإذنك
:سافر أمس مع هدى بيجلس شهر
:شهرررر النحيسه شلون قدرت عليه..الله يالدنيا هذي تسافر شهر وأنتي يالخبله كيف رضيتي
دق جوالها وردت عليه
:هلا سعد..تعال بقولك..هدى طاسه مسافره شهر..والله مايهدا بالي إلين نسافر أنا وأنت شهرين هههه...أيوه بروح لجدتي..أوكي ..باي
:ههههه نورة هي ضرتك وإلا ضرتي
:هههه اسم الله علي من هالأشكال..تدرين لوأن اللي ماخذها سعد كان من زمان مطيرتها لبيت أهلها وورقتها بيدها..آه يالقهر شلون انام الليلة..خليني أتصل على سعد يجيب لي حبوب منومه لمدة شهر
خلوني أنام شهر كامل عشان ماينحرق قلبي وإذا جات صحوني وفكوني عليها أنتفها وأقطعها وأحطها بكيس نايلون وأخليك أنتي بنفسك تدفنينها
:هههه مره وحده تقطيع ودفن
:آه يالقهر الليلة بتلاقين عند جدتي بعض الناس متشققين من الوناسه
:ماعلينا من الناس يانورة أهم شئ أنا
:لحظة لحظة بتصل على أختي شهد أشوف عندها خبر أو لا

:مرحبا..هلا شهد ..اخبارك..الحمدلله بخير..بسألك دريتي عن سفرية هدى..عشتوا هالأشكال صارت تقضي أمورها بالكتمان هههه..يالله باي بعدين أكلمك أنا مشغولة مع ابتهال..

:ياحركات صارت ماتعلم شهد بشئ تخاف تعلمك..وأنتي راضيه
:يعني راضيه وموراضية
:أنا لومنك ماأرضى واخليه يطق راسه بالجدار أو أسافر معهم
:لاهيييه وين أسافر معهم لوأشوفها مع بندر تجيني سكتة وأموت
:طيب كيف يعني بيوديك إذا رجع وتسافرين
:يقول بعدين لأن الحين ظروفي ماتسمح وقلت له بجلس عند أهلي إلين ظروفك تسمح ورفض بعدين قال بعوضك وأبشري ومن هالكلام..قلت له إذا رجعت نحلها مع بعض
:إذا ظروفه ماتسمح خليه يعطيك قيمة السفرة بالتقسيط..كل شهر يحط بيدك مبلغ إلين تكمل وشهر يبات فيه عندك..موتجلسين هنا وتتركينها تتهنا فيه..هي تبي توصل لتفرقتكم لاتسمحين لها
:إذا جاء يحلها الله بفكر وأشوف..
:طيب أمك عرفت
:لا
:الله يعين بتهاوشك وتسمعك محاضرة طويلة عريضه..قولي لها قبل نروح لجدتي ..لوعرفت منهم بيبان عليها الصدمه ويعرفون أنك ماقلتي لها ..وبيقولون مسكينه ماقالت لأمها
:يووووه يانورة مليت من سوالف الحريم..طيب ايش رايك أروح لجدتي الليلة معكم أو لا
:براحتك إذا ودك روحي سلمي عليهم..وإذا ماتبين خالاتي خليه بكره روحي لحالك لجدتي وسلمي عليها وعلى جدي وخالي
ولوتروحين الليلة أحسن بيني لناس أن ماهمك شئ شوفيها هي ماتفوت جلسه..لاتصيرين خوافه وضعيفه..
:أوكي بروح
رحت ألبس وأتجهز..ونورة راحت فوق تتجهز..رجعت أمي وأتصلت علي..قالت اللي بيروح معي يطلع أنا عند الباب
طلعت أنا ونورة وأطفالها ورحنا مع أمي وأخوي محمد لجدتي
في السيارة نورة تدفني وتأشر يعني قولي لأمك وأنا أقول أنتي قولي
خايفه من ردة فعلها..تكلمت أمي
:ابتهال وش عندك رايحه اليوم غريبه
:لأن هدى موفيه
:ليش وينها
:مسافره مع بندر
:لبيتها
:لا رايحين يتمشون شهر
:شهررر..ليش شهر..وأنتي!!..
وبدأت أمي بعتابها أني أسكت وأني مونايله من هالزواج إلا التعب والمشاكل..ولاعيال ولاشئ..وختمتها بالنصيحه أني ماأرجع له
وقالت أنتي من رجعتي له لك 3 سنوات
قلت لايمه سنتين..قالت لا 3!!
وقالت بعدين تكبرين ولابتحصلين أحد يطلبك لزواج
أمي كانت تتكلم بعصبيه ...زعلللت لدرجة ماتصدقونها..
وأخوي محمد يقول خلاص يمه الله يهديك إذا هي راضيه بكيفها
قالت ماعلي منها بس أنا أمها وأنصحها
نزلنا لجدتي ومزاجي متعكر..
حصلت خالاتي 3 وندى أخت هدى وأطفالها..
الأطفال يركضون لأمي لأنها معودتهم تجيب ألعاب كل يوم أربعاء
أطفال ندى وأطفال خالي وأطفال خالاتي..
ندى عندها بنت عمرها 5 سنوات معاقه وتزحف لأمي وتضم أمي
أمي تحبهم..وطول الجلسه وهم متجمعين على أمي وجدتي تطردهم برا المجلس..
سلامي لهم كان عادي ..سلمت على أم هدى وحبيت راسها
وهي عادي تسألني عن حالي وتسولف وتضحك معي..مافيه أي مشكلة..أم فهود تتفحصني كالعادة من رأسي إلى قدمي
أم سامي طيبه جدا ..وندى كذلك..وزوجة خالي وجدتي الله يطول بعمرها..
جات بنت خالتي أم هدى.. صغيرة تطلب من أمها فلوس لأنها بتطلب من المطعم مع البنات..قالت ماعندي والله ماعندي إلا عشر ريال نحتاجهم إذا رحنا لبيتنا بعطيهم التاكسي
رحت لغرفة اللي جالسين فيها الصغار..صليت العشاء
وقلت لبنت خالتي..كم تبغين
قالت لا مابي
قلت قولي عاد
قالت لاابتهال مابي
ونزلت راسها مستحيه
قلت لبنت خالي..كم تبي هي؟..كم يكفيها
قالت أممم مدري
ضحكت قلت أنا أساسا شنطتي مافيها إلا عشرين ريال بجيبها لكم واللي يبي من الصغار ولامعه عطيه
رحت آخذ شنطتي ورجعت لها وعطيت بنت خالتي العشرين
قالت أنا مابي إلا 3 ريال
قلت خلاص اتركيها معك أنا مومحتاجتها
قالت طيب بطلب لك معي عصير أو أي شئ
قلت لا حبيبتي سلامتك والله مابي شئ
رجعت للمجلس وقاموا خالاتي اللي تتوضأ واللي تصلي
جلست مع جدتي لحالنا
قالت ابتهال والله أني أدعي لك وأنا قايمه وأنا جالسه وأنا ساجدة
قلت الله يجزاك خير ياجدتي(فرررررررحت بكلامها)
قالت والله وأنا أمك أدعي لك ولاليلة نمت قبل أرفع يديني وأدعي لك أنك تدخلين علي وعيالك معك وبتشوفين ربك بيرزقك أن شاء الله أنه بيرزقك
قلت ياعمري ياجدتي حسك في الدنيا يكفيني
بعد مارجعوا أمي وخالاتي
وبنت ندى اللي عمرها 5 سنوات تحط يدها على وجهي وتتكلم
بس أنا مافهمت كلامها
وضحكت خالتي أم هدى قالت ابتهال تقولك الله ياحلوك
قلت ياعمري أنتي الحلوة ....وطول الليل وهي تزحف ياحياتي وتجلس قدامي وندى تاخذها عني..قلت لاأتركيها وآخذها عندي
وتسولف معي وأبتسم لها وأنا مدري ايش تقول..
وجاء ولد ندى صغير وجهه راااايح تخيلوو كله ضربات
قلت ليش كذا
قالت كل هذا من ولدكم
قلت مين
قالت باسل
وقامت تشكي لي من باسل وأمه..وتقول والله أن أمي تبي الفكه منها
قلت ليش
قالت إذا بندر أرسل لها مبلغ لعياله..تلعب بالفلوس تشري أشياء مومهمه..وعيالها أمي تشري لهم..وأنتي عارفه أمي لارجال يصرف عليها ولاشئ..أحيانا تروح تتسلف من الحريم عشان تشري حليب لعيال هدى!!!! وقالت ماتسوي شئ في البيت أمي تطبخ وتغسل حتى ملابس عيالها أمي تغسلهم!!!!
رجعنا للبيت ونمت من التعب..وحلمت حلم يخووووف عن بندر حلمت أنه مات صحيت وأنا أرتجف..أحس أنه راح مني ولاعاد بشوفه
وبسرعه فتحت الجوال..ووصلت رسايل ولافتحتها ودقيت عليه
ورد ..قلت بندر وينك ..قال فيك شئ
قلت لا..قال لحظة شوي خليك معي..
بعد شوي رد علي..قال نزلت من الشقة..كيف حالك طمنيني عنك
:الحمدلله أنا بخير أنت كيف حالك
:أنا بخير مدامك بخير
:بندر انا أحبك ومشتاقتلك ليش تركتني ..وجلست أبكي ماني مستوعبه أحس أن الحلم كان حقيقه وأنه مات ورجع
:وأنا بعد احبك ليش تبكين ياابتهال والله برجع خلال هذا الأسبوع
:موأنت تقول شهر
:شكلك دعيتي عليها هههه ولدها تعبان مرره لازم نرجع ماتهنينا طول الوقت بالمستشفى
:
:بهلولة أوعديني ماتقفلين جوالك
:بندر خلاص أهم شئ أنك بخير..يعني بتجي هالأسبوع
:بإذن الله بجي
:كم الساعه الحين
:2 هههه شكلك حلمانه صح
:ايه كابوس يخوف
:ههه عساها دوم الكوابيس اللي بتخليك تتصلين علي
:هههه آسفة أزعجتك
:لا عادي تدرين كنت بسابع نومه بس حاطه على العام أنتظر أي شئ منك والحمدلله أتصلتي
:طيب أرجع كمل نومتك وأنا بنام
:لا مستحيل أتركك بتجلسين معي على الخط إلين أمل من سوالفك
:لاوالله أنا أساسا فيني النووووم وأنت أرتاح وكمل نومك
:طيب نامي وخلي الخط مفتوح وأنا أسكره إذا جاني النوم
:هههه طيب الله يعينك على الفاتورة
:عادي أنا اللي بدفع موأنتي
غمضت عيوني وأنا ماسكه الجوال على أذني حسيت بسعاااااادة يوم سمعت صوته..وفررررحت لأنه بيرجع
شكل اللي صار من دعواتكم الطيبه ههههه الله لايحرمني منكم ومن دعواتكم...أحبببببكم في الله....
بس للحين براسي أعطيه درس على هذي السفرة..ماراح أتنازل عن حقي فيها..
لي عودة الليلة بإذن الله

 

[هادئة البال]

فرحتيييييييييييييني الله يفرح فلبك

اللهم لك الحمد

شفتي نتيجة الصبر ما اجملهااااااااااااااااااا

بانتظارك

 

[نوني الدلوعه]

الحمد الله ان شاء الله اخبارك كولها ززززززينه ولاتقاطعينى والله يسعدك ولايحرمك الفررررررررررررررررررح.

 

[الواضحة]

الله يسعدك يا قلبي والله انبسطت كتير الله يتمملك الفرحة

 

[انا فله]

فرحتلك يافروووووحه ان شاء الله دوم مرتاحه وسعيده حبيبتي لاتتنازلي عن حقك عالاقل لوينام عندك كثر الايام اللي سافر فيها معها مااحرضك على زوجك لا حبيبتي معاملتك ماشاء الله تبارك الله معاه حلوه خليك مثل مانتي الانسانه الطيبه الحنونه وان شاء الله انك من اهل الخير والصلاح
بس حقك لاتتنازلي عنه وعوديه على هالشي مهما كان
وبالنسبه لندى معليش حبيبتي مهما كان هذي اختها يمكن قالت هالكلام قدامك عشان تشوف ردة فعلك وتنقل لاختها والله اعلم انتبهي حبيبتي

 

[رواق الخريف]

الحمدلله يابتهال أنك بخير .

كل وحدة منا بتقول هذا من دعائي !!

الله ينولك ماتتمنين ويسمع ربي دعاء جدتك ويستجيب
ربي لها ..

أنا أدعي في سجودي (يارب ترزق إبتهال وسحابة الذرية الصالحة

وتكفيهما شر من فيه شر)

ودعيت لبنتي عذراً ياقلبي ربي يسخر لها زوجها

ويمنحها الصبر والقوة .
​

 

[" فتاة القريه "]

الحمدلله والله فررررحت لك كثيييييير ,,
بس اذآ كآن ولدهآ تعبآن يجون على طول !! ليش يجلس أسبوع ..؟
ويمكن يتشآفى ولدهآ ومآيجون ,,

بس يمكن هي قالتله كذا على أساس الولد يتشآفى وتكمل معه الشهر ؛؛

المهم أنتي لآ تقفلين الجوآل وكلميه دايم ‏,,

أختك
‏"‏ فتاة القريه "

 

[منصفةالقلوب]

ربى يوفقك غلاتى وتحققى كل ما تتمنيه

دعواتنا لك

 

[أمةالله الضعيفة]

الحمد لله الذي بنعمته تتم الصالحات
ولازم ما تتنازلي عن حقك ويعوضك عن السفرة هاذي
اعتقد انه كان مستعد يسفرها شهر ومعاه الفلوس
لكن مش معاه يسفرك شهر بعدها
لكن الآن لو رجعوا بعد اسبوع فليس له حجة من ناحية الفلوس
تتفسحوا بباقي فلوس شهرها
وخليها هي تحتاس في ابنها وانتو مسافرين
والله يباركلك ويفتح لك أبواب الخير
ويرزقك الذرية الصالحة ويحفظك من كل شر

 

[انا الملكة]

الله يرزقج الذرية الصالحة ويحفضك من كل شر

 

[أنا غير]

والله فرحت لك يابهلولة
الله يرجعه لك سالم

 

[بيعجبني ستايلي]

كللللوووووووووووووووووووووووووش
أحس ذحين بطعم الفرح >> معصبتني هدى
أيووووووة هااذي الاخبار الحلوة ولا بلاش :32::clap::a084:<<متحمسة الاخت

 

[ام بشرالقعقاع]

الحمد لله ربنا يتمم الامر على خير والله يسعدك دنيا وآخرة
وربنا يردلك زوجك ردا سليما معافى بإذن الله

 

[الزوجة العفيفة]

يا بناااااااااااات هاي دعوااااااتي عليها ...
رح ترجع , وهي مو متهنية ..........
فرحتيني .................

هلأ انتي وشطارتك مع بندورك يا حلوة بهلولة ...........

دمتم بوووووووود..........

 

[ام بشرالقعقاع]

على مهلك زوجه عفيفة ما شاء الله المشاركات على اشدها
شو غيرانة مني عشاني صرت ملكة مؤهلة قبليكي؟
ههههههههههههههههههه

 

[المتفائله1]

اخبار ساره احسن ربي عاقبها تستاهل بس انتبهي تتنازلين عن حقك او يسكتك بكلامه المعسول وصادقه امة الله ماعاد له عذر بالفلوس لانه ناوي يسفرها شهر والحين معه الفلوس الباقيه وخليه يسفرك باقي الشهر لاتقولين سفرني نفس الده لالالالالالالالالالالالالالالا قولي باقي الشهر لي بجزم ولاتنازلين لانه دايم يعطيها وانتي تنازلين هالمره لالالالالالالالالالالالالالالالاتنازلين نصيحه مهما كان وبعدين انقلي كلام اختها له وبكذا بانت الصوره اهلها ماراح يخلونها عندهم يعني لو تدلعت عليه بالطلبات يرفض ولو سوت زعلانه يخليها شوي ويطيح الي براسها بس بندر الله يهديه يستسلم لها بسرعه والله لو يتركها كان هي ترجاه يرجع لالالالالالالالالالازم توضحين الصوره له يقوي شخصيته عليها وعلمينا تكفين بالنتايج والله ميته قهر من بندر وهدى لاتستسلمين هالمره

 

[&الماس&]

الله يرد لك بندر سالم يارب العالمين ويكفيك شر من اراد بك سوء امــــــيـــــــــن.
وانا معك لازم تقرصينه شوي عشان يكون اقوى مع اللي ماتتسمى ولايسمح لها تمشيه على كيفها لأن في حياته زوجه غيرها راح تتضرر من حركاتها.

 

[الواضحة]

لا والله انا أبلك صرت ملكة مؤهلة يا ام البشر الله يسعدك يا بهلولة

 

[الثرياا]

والله فرحت الله يسعدك وينولك مرااااااادك ونسمع عنك الاخبااار الحلوووه
وتفرحي باولادك واولاد اولادك ياااااااااااااااااااااااااااااااارب
تبين الصدق لما تنازلتي عن السفرة وتركتي بندر لهدى طق فيني عرق قلت ياليتني اعرفها كان اعطيهاااااااااااااااا طرااااااااااااااااااق يصحيهاااا (هههههههههههه امزززززززح ) الله يهديهم ويصلحهم وعلى فكره اسم الوالد اعرف واحد من جيرااااانا بالرياض نفس الاسم ياربي تسعده هو واهله وبناته لهم غلا ماينوصف بس عندهم ماشاء الله 8 بنات ولدين يارب توفق الجميع