باركوووولي...........اتاكدت من خيانتة ريلي

[جمرة غضى]

لولا استاذه ناعمة جان ماقدرت ولا اتشجعت اسوي اللي سويتها......

طبعا بتسؤلون شو سويت........اللي يتذكرون أنا كذا مرة كتب انا ريلي يخوني ومدري شو اسوي

المشكلة ماعرف خيانته لاي درجة بس تلفون وصور ولا لقاءات وغيرها.........

من كم يوم كنت على خلاف معاه لان عندي شك مو بس شك بس والله متاكدة بس بعد من تصرفاته

ويقعد يقول نتي ظلمتيني ونتي مدري وشو....:santa_1:


عموما انا ماحب اظلم فبوشباب صار يقفل تلفونه علشان ما اشوف شو قاعد يصير من وراي

وندخل فالموضوع المهم:cupidarrow:

البارحة يه بليل متاخر 3 تقريبا وانا كل مادقله مايرد ويقعد يتحجج بس يطرشلي مسجات

يه ونام وانا مب قادرة انام اقول لازم احط حل نهائي لمشكلتي واهو ما يحب يتكلم فالموضوع

لان يعرف عمره غلطان......

شو سويت شوفوا الداهية:nosweat:

فبالي قاعد يتردد كلام الاستاذه ناعمة لام بسمه لازم اتاكد من خيانته لازم اصدق

لين متى بقعد احاول انكر الواقع واتلم بروحي وهو لا داري بي

قمت وقلت بشوف تلفونه وطبعا مقفول فقلت بحط بطاقتي فيه عالاقل اشوف

المسجات والصور فالمامري.....فسبحان الله اول ما مسكته الحبيب ناسي يقفله

وطبعا قدرت ادخل بسهولة وانخسيت بالحمام وكل خوفي ولدي يقوم فجأه يصيح

وينتبه أن التلفون ماشي


وقعدت اسجل الارقام واطرش كل الاصور اللي عنده على تلفوني مع ارقام اللي مطرشاتله

واكتشفت واااايد اشيا


الخلاصة:-

الحمدالله الله ساعدني اني اصير قوي واسوي هذي الخطوه وكلام الاستاه كان يتردد فهني.

الحين لازم ابدا معاه باستراتيجية يديده لان قبل كنت اواجهة وزمافي فايده يرجع لعلاقاته

فشو رايكم كيف اتكون الخطة,,,مع العلم انا رايحة اسبوع بيت اهلي من باجر


فشو ممكن اسوي؟؟

عندي الادلة على خيانته

صح ان شي قاسي على قلبي بس فرحانه لاني قدرت ايب دليل ما يقدر ينكره وموجود عندي

 

[دعسوقه]

هلا وغلا حبيبتي .. اولا واضح انك تحبين زوجك وايد لان عنوان رسالتك يدل على هذا ..وماشاء اللة
واللة انك شاطرة واللة يعينك ويرجعلك ريلك مثل قبل واحسن وان شاء اللة نسمع اخبار تسر

 

[وجه المرايا]

انا اتخيلت عمري مكانج
وبما انج راحيه بيت اهلج طبقي الاستراتيجيه الاولى لبسية
هوه بيفكر انج رايحه بيت اهلج فرصه عشان يلعب من وراج
بس انتي كوني اذكى واشطر لمي اغراضج ولااتقولين له كلمه
وان دق عليج لاتردين والمسجات كذلك بيمووت يعرف شو فيج اكيد مسكتي عليه شي
طبعا اذا هوه من ناحيتج مب مطمن شو فيج اكيد مابيكوون متفيق حق الهانم الثانيه

<< وبعدين اقولج هذي مجرد وجهة نظر وانتي ادرى بريلج
والله يعينج والله
ذبحونا هلكووونا
مره مرتاحين وياهم ورمه مية فار يلعب في عبناا
الله المستعان

 

[المحبة لربي الله]

الله المستعان والله يكون في عونج يا اختي

والحمدللله الي الهمج الصبر والذكاء وما تهورتي


اختي الحين تبدا المرحلة الصعبة مرحلة التغير والاهتمام بالنفس واخذ دورات ي اللباقة والتناغم الجنسي


ولازم تسوين الاشياء الي مانعج ريلج اتسوينها يعني اذا تامه في البيت لازم اتقوليله ابغي اكمل دراستي واشتغل


واذا كنتي تشتغلين لازم تشوفين نفسج لانه معضم الي يشتغلن مهملات في انفسهن


المهم لاتبينيله ابدا انج ماسكه دليل على خيانته لج ولو تسوين رقم سري لتلفونج يكون احسن


وحاولي تقللين من شكوكج ومن اهتمامج فيه من ناحية التلفون يعني لا تتليقفين


خليه ايحس بالذنب وقوليله قصص عن هالنوع من الخيانات وانج ما تتوقعين انه فيه ريايل انذال لهدرجة



ولا تنسين الدعاء ثم الدعاء


قولي اللهم افتنه بفتنتي وسحري الحلال وابعد عنه نساء العالمين ماعداي


والله الموفق

 

[om_sarah]

الله يعينج ...............ويسرررر امرج

 

[عزيزة نفس]

اللهم اهدنا لاحسن الاخلاق وش هذا يا اختي الله يهديكي ويانا 0 على الاقل بدون باركوووولي 0اللهم اصلح نساءنا وازواجنا وكثري من الدعاء خاصة في يوم الجمعة ففيه ساعة الاجابة بارك الله فيكي

 

[defa]

عزيزتي أنا لا أؤيد أنك تخرجين في هذه الأيام من بيتك لأن أنت الآن في الموقف الضعيف و هي في الموقف القوي .
قوي موقفك أولا ثم أفعلي ماشئت .
أنا ماأقول طارديه طنشيه و زوري أهلك لمدة أسبوع يوميا يعني ماتنامين عندهم لاتتصلين فيه واهتمي بنفسك إذا تقدرين تتصلين بالأستاذات موزه أو ناعمه فيكون أفضل

 

[defa]

عزيزتي أنا لا أؤيد أنك تخرجين في هذه الأيام من بيتك لأن أنت الآن في الموقف الضعيف و هي في الموقف القوي .
قوي موقفك أولا ثم أفعلي ماشئت .
أنا ماأقول طارديه طنشيه و زوري أهلك لمدة أسبوع يوميا يعني ماتنامين عندهم لاتتصلين فيه واهتمي بنفسك إذا تقدرين تتصلين بالأستاذات موزه أو ناعمه فيكون أفضل والجئ إلى الله بالدعاء
أللهم فرج عنها همها وغمها واربط على قلبها و ردعليها زوجها ردا حميدا واجعله اللهم في قلبه وجملها في عينه.

 

[روعة روح]

الله يعينك بس اعتبري من قصة ام بسمه

واشتركي بالدوره

 

[أميره]

يا هلا ..

يا خوفتي ينقلب السحر على الساحر ..

ويا خوفتي تقدمي على خطوه غلط تجعل ردة فعل زوجك عنيفه و غير متوقعه و تعضين بعدها اصابع الندم ..

اختي الله امر بالستر .. تركدي و لا تكوني مندفعه ..

وربي ييسر امرك و يهدي زوجك ..

اختك أميره ..

 

[الجوووري4]

الحمدلله ان ربي كشف لج دواخل ريلج ... تحلّي بالحكمه في الخطوه الجايه لا تحطين ريلج على ماي و تفكرينه ارض صلبه ... و فكري بشخصية زوجج عدل هل اذا واجهتيه بتاخذين النتيجه الي تترجينها أو تدخين حد كبير من اهلج أو تشوفين الطريقه اللي تناسب ظروفج و ربيييييي يكون في عونج

 

[المهيا98]

اختي لا تروحين بيت اهلج الحين ..... هاتي له امثله ع خيانة الازواج و ان كم بيت اخترب بسبب الخيانه وجولي له انج لو اكتشفتي خيانته مش ممكن ترضين و انك بتخربينها على راسه و راسها لان نفسج عزيزه عليج وخليج صادجه في كلامج .... واهتمي بنفسج و زوجك اكثر و حاولي انه ما يكون بروحه و ما يتاخر عن البيت..... و دائما تكلمي عن النساء الي يكلم الرجال بانهن بايعات شرفهن و حقري من شانهن و شان من يخاويهن....

 

[Rooma1]

المهيا98 كلامك فيه الكثير من الصحة ...لكن السوال : هل ينفع مع كل الرجال ؟؟؟
جمرة غضى ...الله يعينك على المواجهة...هي صعبة لكن لا بد منها....:sadwalk:

 

[مساء111]

السلام عليكم ورحمة الله وبركاته
اختي الحبيبه
انا مع الاخوات الفاضلات لاتخرجي من البيت ابدا الا زيارات
واهتمي بمضهرك وكلامك خليه قليل معه حتى يبدا بالبحث عن سبب تغيرك
اكثري من الضحك والهرج مع الاخريات على الهاتف او الزيارات
حتى يشعر بانك منشرحه جدا ولا يعلم سبب انشراحك
دعيه يبحث في حلقه مفرغه ولا يجد شيء
ملاحظه: ((الرجل يغار من الرجل حتى وان كان اخيك او ابوك او ابن اختك ))هل فهمتي ما اقصد
اي اكثري الخروج معهم للتسوق او النزهه او ادعيهم باستمرار الى زيارتك او هاتفيهم عند تواجده او قبل حضوره بثواني...
موبايلك اغلقيه بالرقم السري
حاولي يكون لديك اشياء تفاهه(( واعتذر عن كلمة اشياء تافهه واقصد بها غير مهمه))
واعتبريها سرك المهم الذي تخفيه
بحيث اذا تعب واكتشف السر لا تكون مصيبه في حقك ولكنه مجهود ضاع من قبله
كوني كلعروس في كل شيء في الحياء والضحك والحديث
اهتمي بالناحيه الجنسيه وخترعي كل يوم طريقه حديثه وارهقيه مع كل جديد وياحبذا الطرق الفرنسيه حيث اعتمادها على الرجل اكثر
فسوف يزيد قلقه وينشغل بالتفكير فيك اكثر من التي يعرفها
اخترعي اشياء للمنزل
ولزيارة والدته واخته ماذا ناخد لفلانه اريد ذوقك وهكذا...
واستخيري الله في كل شي
وهو لاتخبريه بانكي تعرفي شي بل اديله طنااااااااااااش
ولو في لحضه ثار وغضب من موقف ما ايضا تعاملي مع الموقف ببرود شديد واجعلي البرود عند غضبه سمه
وعند ما يسألك عن سبب برودك قولي احافض على شبابي وجمالي اذا انت لاتريدني غيرك حفي ورايه بس انا بنت رجال ومتربيه صح
هذا مالدينا ورحم الله والدينا ووالديكم اجمعين
دمتم في ود

 

[جمرة غضى]

شكرا لكل الاخوات اللي ردوا علي

وادعولي الله يوفقني فخطتي اللي ماشيه عليها

وبالنسبة لكلمة باركولي تراني فرحت اني اكتشفت هالشي لان

من سنة وانا شاكة والوسواس بيذبحني ولاكن مادام صرت انا الطرف الاقوى

وعندي الادلة على كلامي انشالله بتتحسن الامور

رجااااااء
الكل يعطيني رايه وخاصة ذوي الخبرة فهالامور

 

[some1]

حبيبتي خبرينا شو خطتك علشان نساعدك بأفكارنا ،، وشو طبيعة زوجك ؟ يعني عصبي أو بارد ؟؟
حاولي تكوني باردة الأعصاب - و الله أدري انه صعب - ولكن العبرة في النهايــة ،،
أهم شيء انه ما يشعر 1 في المائة انك عارفة أو اكتشفت شيء لانه ممكن يجيب بطاقة و موبايل ورقم جديد ويخلليه في السيارة ،،
حاولي ما يكتشف شيء ،، فقط خلليه يستغرب من اهتمامك واعطائك أولويات لنفسك وللعناية بها وبمظهرك ،، :icon30: :icon30: :icon30:
أي بمعنى انه طنشيه و لكن بحدود ،، يعني بحدود المعقول ،، وخللينا نشوف شو بيصير !!
والله الرجال هالأيام خرجوا عن المعقول و اللا معقول ،،
حتى خياناتهم أصبحت لا تطاق وليس لها حدود !!
الله يصبرك عليه ،،
العبرة في الآخر كما ذكرت لك ،،:busted_red: :busted_red: :busted_red:

​

 

[النايفه]

اكثري من دعاء اللهم اهدني وسددني

 

[wmwm]

لاتفكرين تخبرين احد ابدا
واهم شي هوه ما توضحين له انك عرفتي
لانك راح ترجعين تعيشين معاه
ويقول هاه رضيت وراح اكررها
هنا الامر يعتمد على زكائك
وتغيير اسلوب حياتك كله
وزوجك راح يستغرب مره مره
وانت خليك دائما مبتسمه
كيف ؟؟؟؟؟؟؟؟؟ هده عاد شطارتك ؟؟؟

 

[العقد الفريد]

اختي انا اؤيد بشده راي اميره 111 -بلاضافه لكيذا ياليت تاخذين استشاره من الاستاذه موزه والمساله تراها ما تاخذ وقت بس حطي المبلغ 1500 بعدين اتصلي على المركز وارسلي مشكلتك مع صورت زوجك للاستاذه موزه على الايميل-الله يفرج لك

 

[Candle]

الله يكوووووووووووووووووووووووووون ي عونك