اي وحده زززززززززززززززززززعلانه في بيت اهلها تتفضل هنا!!

[نايفة99]

الله يجزاك خير ويسخر لك زوجك يا نايفه99

وإياك حبيبتي تسلمين

 

[نايفة99]

الله يفرج همكم
صباااح الخير
اللهم اني اسالك خير هذا اليوم فتحه ونصره وبركته
اللهم فرج همي وهم المهمومات
شكرا للغاليه نايفه
واااااصلي
واحنا منتظرينك
والف شكر لصاحبة الموضوع
الله يفرج همك
كيف النفسييييه اليوم
الله يفرح قلوبنا
ويانسنا بذكر الله

العفو غاليتي .. وإن شاء الله بواصل ..
جزاها الله خير من كتبت الموضوع(( نظرة واقعية :32) وجعلتنا نجتمع لنشد من ازر بعض:7:..والله يفرج هم كل مهموم

 

[فتاه]

الله يفرج همكم ياااااااااااااارب

 

[نايفة99]

أن تتركي باب القفص مفتوحاً أي أن تطلقي سراح طائر الحب وتدخلي القفص لتقيمي مكانه ..

قرار عليك أن تتاخذيه وأنت في كل قواك العقلية وحساباتك العاطفيه فوحدك تعرفين أي طائر هذا الذي تنتظرين ...

أهو طائر نبيل أو عصفور من أسراب العصافير المهاجرة العابرة ،، تللك التي تنفر الحب في أي كف تمد نحوها .. وتعيش على فتافيت الموائد ،،

صدقيني ليست كل قصة حب تستحق في أيامنا كل هذه التضحيات ..

ملاحظه .. لا تتوقعون اني احرضكم على ازواجكم .. لكن هناك منهم من لايستحق ان ننتظره او نحزن عليه .. بصراحه لما قرأت المشاركات حزنت على بعض الخوات اللي هانها زوجها ومع ذلك تحن له وتنتظره وتشتاق له ..مع انه ما يستاهلها .. اقول ادعي ربك انه يرده واكثري من الأستغفار ..لكن أقرأي ذلك الكتاب عسى أن يكون فيه مؤأساة وجبر لكسر قلبونا ..

 

[ماعدت أنا]

موضوع رائع جدا , لكن قلب علي المواجع وحزنت لامر كثير من الاخوات , الله يفرجهم الجميع وكل واحده متزاعله مع زوجها الله يسخره لها ويرده لها ردا جميلا

حبيباتي..... اخواتي نصيحه لكل واحده وخصوا اذا كان عندك اطفال لاتتركي يتك , حلي كل مشاكلم بالصر والله انا تعلمت اشياء كثير من هذا المنتدى بس بعد فوات الاوان
لي قريبه متزوجه من عشر سنيين وعندها اطفال وزوجها دايما يصرخ عليها ويسبها وهاجرها ينام في غرفه وهي في غرفه , ماياكل معاها , مايصلي الا نادرا مايجلس معاها اتخاصمت معاه كم مره وراحت بيت اهلها واخر مره جلست في يت اهلها سنه ونصف لوما راحت المحكمه عشان تطلب الطلاق اتصالحوا ورجعو لبعض بس نفس الاسلو ماتغير والان الحمدلله بعد الصبر تغير زوجها 180 درجه , هي ماتعرف السبب للان بس تقول اكيد حصل له موقف را البيت

الله يسخره لها ويوفقهم

اما عني انا جلست في بيت اهلي شهر وانا لسه عروسه لي شهرين وبعدين طلقني وماعندي اطفال والحمد لله انا ماغلطت عليه ابد كنت محترمه معاه لاعد الحدود بس هو طمعان في اشياء كثير وماحصلها

لكن احيانا اشعر باني غلطت ممكن مافهمته وممكن وممكن اشياء كثير تراودني بس الحمد لله على كل حال مقدرو ومكتوب

نسيت اشكر الاخت نايفه على المشاركه الجميله جدا جدا جعلها الله في ميزان حسناتك والله يفرج همك وهم كل مهموم واشكر جميع الاخوات اللي شاركوا في الموضوع والله يسخر لكم ازواجكم

 

[اهآت]

الله لا يجيب الزعل يا رب بيني وبين ضنيني

 

[الماسه باخلاقي]

اسال الله للاخت {ماعدت انا} ان الله يعوضكي بزوج صالح وذريه صالحه عاجلا غير اجل ويسخره لك

 

[شهد البحراني]

حبيبااتي اولا اقول لكل وحده زعلانه وجالسه في بيت اهلها ...احتسبي الاجر عند الله وربي قادر على انه يفرج كربتك....
فيه كلام كثير في خاطري ودي اقوله يمكن احد يستفيد منه وارجوا منكم انكم تتقبلوه بصدر رحب...
من خلال تصفحي للموقع وبشكل يومي...استنتجت عدة نقاط و كونت افكار بعضها ايجابيه وبعضها سلبيه....
واخص بالذكر هنا الاخوات السعوديات
..بحكم ان اغلب المشاركات من الاخوات السعودياات
....يعني بأختصار الكلام موجه لكل الخليجيات وبالاخص السعودياات...
انا ودي اتكلم بكل حريه....وماابي احد يزعل...
خواتي الحياه الزوجيه حياه مشتركه بين اثنين ولكل شخص تفكيره وحياته واسلوبه يعني البنت تربت في بيئة ممكن تكون جدا مخالفه عن بيئة زوجها
...واكيد هالشي اله تاثير كبير في الحياة الزوجية خاصتا في بداية الزواج....
علشان كذا دائما نشوف اغلب حالات الطلاق تصير في السنه الاولى من الزواج
بحكم الخلافات الي تصير بين الاثنين....
واكبر غلط توقع فيه الزوجه من وجهة نظري بانها تدخل اهلها في كل مشكلة تحدث بينها وبين زوجها ...وعلى اتفه الاسباب...قالت طلقني....
وكأن الطلاق بالنسبه لها ترجع بيه كرامتها وعزة نفسها .....
لا يابنات الطلاق مو حل وخاصتا للي عندها عيال ....وربي هم الي يضيعون بالنهايه ....وتحكمون على حياتهم بالعذاب من وهم صغار
..................
سؤال اوجها لكل زعلانه وجاعده في بيت اهلها ....​

هل حقا انتي مرتاحة بجلوسك في بيت اهلك ؟​

في اعتقادي ان نصفكم من داخل قلبكم تقولون ......لا .....​

.....يتبع​

 

[شهد البحراني]

كيف بتكوني مرتاحه وانتي مفارقه بيتك يعني مملكتك .. المملكه الي انتي الامره والناهيه بيها ....كيف مرتاحه وانتي مفارقه انسان في يوم من الاياام حبيتيه واخلصتي له وسلمتيه جسدك وروحك وكان ثمرة حبك هم اطفالك
ماتحسي بنوع من الانكسار وانتي جاعده في بيت اهلك ما يجيك احساس بانك ضيقه عندهم
بنات وربي انا لمن اكون بزياره لبيت اهلي ما اقوى افتح ثلاجه واخذ منها شي قبل لا اقول حج امي ,,,,
ماتلمحي الحزن في عين امج وابوج والعطف في عين خواتك واخوانك....ماتلمحي الاشتياق في عيون اطفالك حج ابوهم

ليش اخلي كل هالشي يصير عسب شي تافه ...او نزوه ....او طيش ....او عناد
خوااتي فكروا الف مره قبل لا تهدون مملكتكم...و تطلعون...وتهيئون مكان لوحده ثانيه تجي وتتربع على هالمملكه الي انتي تعبتي فيها
والله انكم قطعتوا قلبي بقصصكم ....صرت احس انه الخليجيه صارت كثير تعاني بحياتها...وكنت احسب العكس
يتبع بعد قليل....​

 

[شهد البحراني]

نصيحتي لكم لا تتركون بيوتكم وتزعلون على انفه الاسباب ....ولو صار ماصار لا تتركين بيتج ....بيتج انتي الاولى بيه وخاصتا لو كان عندج عيال هو الطالع وانتي الداخله...
احتوا ازواجكم تفاهموا تناقشوا لا تخلون الطلاق هو الحل الاسرع والاريح لكم ...لو مهما حصل من المشاكل ...كل مشكله وتنحل
لا تفشين بمشاكلج و اسرار بيتج لاهلج لا خواتج لا امج و لا احد..واجهي مشاكلج بنفسج وحليها من دون مايتدخلون الاهل والله انهم مايزيدون المشاكل الا مشااكل
من وجهة نظري لمن تخبرين امج او اي احد من اهلج بمشاكلج...اولا راح تحزنين قلبهم ويضيق صدرهم عليج ..ثانيا راح تكسرين من هيبة زوجك قدامهم ...ومرات الزوج يتعمد اهانتج مره ثانيه و تطليقج كنوع من رد كرامته بعد ما كسرتي هيبته وشكيتي لاهلج عنه
....
لا تسمحين لاي شخص يتدخل بينكم سواء من اهلج او اهله بيني للعالم كله انج اسعد انسانه بها لدنيا كلها...
.....
خواتي انا من عمان وعندنا نسبة الطلاق جدا متدنيه ولا تذكر...والف حمد وشكر على هالنعمه...وربي نادر نادر ما نسمع وحده تطلقت او زعلانه و جاعده في بيت اهلها..
....لاننا عندنا الصبر وعندنا الامل بان باكر راح يكون احسن من اليوم
بنات كل وحده تمر بمشاكل في بداية زواجها وربي هم انا مريت بمشاكل في بداية الزواج و بشهر العسل ولو وحده مكاني بتقول طلقني على طول...بس انا لا حكمت عقلي ولا قلت كلمه لا حج امي ولا احد ...والحمدلله حليت مشاكلي بنفسي والحين عايشة احلا عيشه مع ريلي ربي يديم هالنعمه...
بس الشاطره فينا الي تحكم عقلها...
وربي يسعدكم
وكل وحده زعلانه وجاعده في بيت اهلها تلم اغراضها ودج على ريلها وتقوله تعال خذني او تروح بيتها وتعمله مفاجاءه ...وتقوله خلنا ننسى الماضي ونبداء قصة حياتنا من جديد....ولا تقولون كرامتي وماادري شنو...حكمي عقلج فوق كل شي...وارسمي الضحكه على وجوه اطفالك فمصيرهم بيدج ... وانتي الي تقررين كيف راح تكون حيااتهم
.....
والسموحه منكم ...​

 

[المعتزه بربها]

هلا شهد
كلامك زينة العقل
والحمدلله ع كل حال
والله يديم المحبه
بينك وبين زوجك
غاليتي
اتكلم عن نفسي
واذا الاخوات يشاركوني الراي
من قال اني ماصبرت
انا للاسف قاعده عند اهلي
خجلانه من نفسي ومن صبري عليه
مااقدر احط عيني بعين ابوي
لاني شريت زوجي بروحي
وحاولت اصبر
ودوس على كرامتي واروح معه
واروح ببيته
واتحمل
بس هو باعني
وشافني اركض وراه محاوله ان احافظ على بيتي
بس للاسف باااااااااااااااااااااااااااعني
من قال اني مرتاحه
اوما خذه راحتي
ومن قال اني ما اشتقت لمطبخي ولغرفتي وصالتي وقعدة المغرب مع زوجي
واشتقت لكل شي
حتى لمسة ايديه
لكن مابيدي حيله وين انا وين زوجي انا بوطن وزوجي بوطن اااااخر
قلبي يتقطع على اولادي
لكن زوجي غرته دنيته
حاولت اتمسك فيه لكن هو من اختار وباعني
انا ساعيش
كل ذكرى حلوه بيني وبينه
عشان اولادي
واحاول ارجع ذكرياتي واعيشها حتى ترتاح نفسي
انا قلبي مجرووووح
ومغلوبه
ومظلومه
ولكن في انتظار الفرج القريب
وفي انتظار
ان يعود لي زوجي
راغبا نادما
حنونا
محبا لي
اسال الله ان يرحم حالي وحال الاخوات
واتمنى ان ارجع للمملكتي
ولا اجعل فرصه لان تاخذه غيري
ولكن مابيدي حيله
حاولت معه في الرجوع ولكن لاحياة لمن تنادي
اسال الله العوض والفرج
امييييين

 

[الماسه باخلاقي]

انا اوافق الاخت معتزه بربها والله صبرنا وصبرنا وشربنا المر والله شرب والرجل اذا شاف المراءه يهينه وهي ساكته يحسبه ضعيفه لازم اتوقفه عند حده لو ماوقفته زاد اهانات وقل احترام واقعد عند اهلي معززه ومكرمه احسن من اهاناته وسبه لو انا غلطانه كان اقول حقي وماجان بس انه ياخذ مني ولا عنده استعداد يعطي والله اني احس عنده كاني خدامه بس اناظر خاطره وخاطر اهله وانا انفذ بس ولا لي راي ولا كلمه ومع ذلك مااسمع منه الا كلام التجريح ويقول شي والله ماصار مااقول الا حسبي الله ونعم الوكيل

 

[اغصان الورد]

اسعد الله مسائكم بكل خير..
كل وحده زعلانه عند اهلها حاليا تدخل وتجيب على الاتي:

1/منذ متى وانت في بيت اهلك؟
من عشرة ايام
2/هل خرجتي من نفسك ام زوجك الذي امرك بالذهاب؟
كنت في زيارة لبيت اهلي قلي خليكي عندهم بسبب سوء تفاهم
3/ماسبب الزعل؟{بدون تفصيل}
مشاده كلامية وانا الغلطانة بس اعترفت وما قبل اعتذاري
4/هل اتصل زوجك بك خلال تلك الفتره او ارسل لك رساله؟
يتصل يطمن على الاولاد
5/هل تفكرين ان تبادري انت بالإتصال إذا كان هو قد تجاهلك تماما من اي اتصال او غيره؟
نعم اتصل وارسل رساله لاني الغلطانه
6/اخيرا وبكل صراحه صفي لنا شعورك في هذه الفتره،،وماذا عن الحنين والشوق؟؟!!!
صراحة كنت اتمنى تنتهي هذي المشكله لانها كانت راح تخربلي بيتي وكنت مشتاقه له حيييييييييييييييل:32:

 

[امي الكويت]

ردا على شهد البحراني اللة يسعدج مع ريلج وكلامك يبيلة وحدة قوية تطنش انا من خلال قرائتي للمنتدى اشوف ضعف كبير بشخصيات البنات لكن هذة الشخصيات سببها الجو العام للمجتمع يعني يا بنات لازم نتعلم ان نعرف قبل الزواج شنو حقوقنا وواجباتنا بالشرع مو لما تطيح الراس بالفاس عن نفسي كنت ضد ان الوحدة تعرف زوجها قبل الزواج اقصد لما يخطب بس بصراحة بعد ما تزوجت عرفت ان مهم ان الوحدة تقعد مع الخطيب ويتناقشون بوجود المحرم وتقتنع فية مو لما تملج تتكلم وياة هذا مالة داعي كاني طعت من لموضوع لكن من حر ما فيني موفقين

 

[شامخه غصب عليك]

1/منذ متى وانت في بيت اهل من خمس شهور تقريبا
2/هل خرجتي من نفسك ام زوجك الذي امرك بالذهاب؟
انا خالسه اخطط شهر كامل وشلون اطلع لأني صارحته اني ماابيه ورفض ولما زرت اهلي رفضت الرجوع

3/ماسبب الزعل؟{بدون تفصيل}
هوتعبان نفسيا وسيئ خلق ومعقد والله ماابالغ
4/هل اتصل زوجك بك خلال تلك الفتره او ارسل لك رساله؟ ارسل ودق كثير والى الان وهو ماايس ودخل ناس وكلموني مشايخ ولجنات اصلاح
5/هل تفكرين ان تبادري انت بالإتصال إذا كان هو قد تجاهلك تماما من اي اتصال او غيره؟
للااااااااوالف لاااااااا
6/اخيرا وبكل صراحه صفي لنا شعورك في هذه الفتره،،وماذا عن الحنين والشوق؟؟!!!
والله عايشه حياتي ومرتاحه حاليا واقول ياليتي من زمان رايحه لأهلي وتكفون يابنات ادعو اني اتطلق عاجلن غير اجل وعلا فكر انا ماعندي اولاد

 

[sweet_2010]

انا اعتقد لو ريال قال حق مرته مو عاجبت روحي بيت هلت <مفروض ماتضهر من بيتها لان هذي امكن لحظة غضب عند ريال _مفروض ماتتنازل عن بيتها وتشمت ناس فيها خصوصا اذا كان ريال طيب مافي منه زعلي في بيتج واذا سالفة عزة نفس ازعلي ولاتكلمينه وجهزي أغراضج في شنطة
بس لاتروحين وانتضري ان شالله شهر
صدقيني بيي وبيعتذر

 

[شهد البحراني]

الله يفرج همكم.....

 

[ندوووووووووووو]

تخيلوا ارسلت له اليوم قلت ابي مصروف لبنتي والله كأني ارسلت لجدار لا رد ولا ارسل شي والمشكله اني طلعت من البيت بعباتي يعني لا معي لبس لا لبنتي ولا لي كيف اتصرف معه ها الجبل

 

[الماسه باخلاقي]

الله يكون بعونك قولي لابوك يكلمه الله يهديه ويحنن قلبه عليكم

 

[om lujain]

1/منذ متى وانت في بيت اهلك؟
من 8شهور داشه ال9
2/هل خرجتي من نفسك ام زوجك الذي امرك بالذهاب؟
طردني بالشارع انا وبنتي اللي ماكملت سنتين
3/ماسبب الزعل؟{بدون تفصيل}
داش على الخدامه الحمام تكرمون ويطالعهايسولف معاها واهيه رافعه ملابسها
4/هل اتصل زوجك بك خلال تلك الفتره او ارسل لك رساله؟
ابدا قلت له اني حامل ولا على البال مخليني انا وبنتي بدون مصروف ولا سال ولا اتصل مع اني مو موظفه
5/هل تفكرين ان تبادري انت بالإتصال إذا كان هو قد تجاهلك تماما من اي اتصال او غيره؟
لا
6/اخيرا وبكل صراحه صفي لنا شعورك في هذه الفتره،،وماذا عن الحنين والشوق؟؟!!!
شعوري مكسوره ومجروحه وحاسه بمسؤليه كبيره وانا توني عمري22 مع اطفال اثنين الله يحفظهم وامي وابوي منفصلين مشاكل من كل صوب بس الله كريم