اهلي جبروني على الزواج وانا احب ثاني ساعدووووووني زواجي قريب

[NAD08]

ربنا يهدي امورك ويوجهك الى ماهو خير

نجي على مشكلة امك​

اختي بما انك قلتي ان وضعكم المادي جيد جدا ليش امك اصرت على هذا الولد؟​

عموما وفي كل الاحوال اريدك مهما حصل اصبري على والدتك ومهما صار لا تجاريها في اسلوبها​

امك وااااضح عندها جهل واضح الله يهديها وهذي امور تحصل عند بعض الأهل​

واريدك تمسكي امك على صوب وذكريها بأن ربنا مايرضى باللي هي تسويه ​

والزواج مايجي بهالأساليب​

واشذنب هالريال الطيب اللي تبوا تغشوه وتزوجوه بنت غصب عنها مايجوز هالكلام​

وقوليلها اذا النصيب المكتوب جا لا اساليبها بتغصبه ولا رفضك بيرده​

والامور تؤخذ بالهدوء​

وقوليلها اذا خذيت هذا الولد في النهاية مابتجنوا الا الخصومات والزعل لان رغم انه مكتوب لكن صار بالمشاكل والامراض ​

لو اامك صبرت شوي وطولت بالها كان الزواج هذا اذا مكتوب صاير صاير من غير كل الصراخ​

وقوليلها اذا على موت ابوي وحياته هذي بيد الله مب بيدنا نحن العباد​

قوليلها بطلي العناد والمكابره ​

وقوليلها مهما حاولتي تحطي الذنب علي ربنا عارف واقع الحال وكلن بيرجع لربه بعمله ​

كل هذا قوليه بمزيد من الهدوء والتأدب لان هذي امك اللي تحت رجولها الجنة​

وطاعتها واحترامها وخفض الصوت امامها هذا واجب نزل من عند رب العالمين في القران لو كان كافر مابالك بأمك اللي كل همها مصلحتك ومصلحة بيتها​

يالله الحين هدي اعصابج ولاتخافي ربي مابيضيعك​

وياعمري اذا ماخذتي اللي تحبيه تذكري البنات العوانس اللي ربي مارزقهم بالزوج وانتي ربي سترك الحمد لله بانسان خلوق وطيب​

عسى ربي يعوضك خير به قولي امين​

وهدي اعصابك ولاتعصبي ولاتتضايقي أزمة وبتعدي بأذن الله​

هذا هو الكلام الصح الله يكملك بعقلك انا مع الاخت 100/100

 

[القادمه بقوة]

معليش اختي اعذري امك ترى الامهات ياعمري يحسون اننا قطعه منهم

فتلقينها تحس ان هذي هي مصلحتك وانتي ماتعرفين مصلحتك وهي تشوف هالشي صح

فتلقينها تصارخ لانها تخاف تمشين كلمتك وتتوهقين صدقيني هي خاايفه عليييييييييك اكثر من نفسك

وهي من نظرتها تبي هذا لانه مثثل ماقلتي جاه ومنصب وتبي لك واحد غني لانه بنظرها

هذا اللي بيعيشك صح لان الام خلاص جربت الحياه ومايهمها حب وماحب :/

انتي استخيري ربك وتوكليه عليه وهو مو مضيعك ثثقي بهالشييييييييييي

راح يوجهك للي فيه خير لك اذا حبيبك هذا مافيه خير لك فثقي ان ربي بيبعده عنك

انتي ماتعلمين الغيب وتثقين انه بيسعدك ؟! ماتدرين

خلي كل شي ع ربك ولا تواجهين الموج اشتري راحة بالك ودام فوقك الله لا تحاتين

 

["ملسونه عسل"]

حياتي الله يكون في عونــــــــــــــــــــكـ ...

والله ماانساك من الدعاء

 

[ثلج اخضر]

وعليكم السلام ورحمتة الله وبركاته


فكرت كثييير في قصتك قبل لا اكتب ردي. انتي يااختي انسانه واعيه و ناضجه بس العلاقه او بالاحرى العواطف اعمت بصيرتك و خليني اكون معاكي صريحه اذا ماقد تعرفت على هالشاب و حبتيه كن اخترتي اللي تقدملك اول صح كلامي و لا لا؟

أمك ماسوت شي غلط بس يمكن بالغت. يقولون ان الواحد اذا ماقدر بمهارته يوصل او يكسب الي يبغاه (او يوصل المعلومه اللي يبغاه مثل اللي في قصتك) يبدأ بالصراخ. بكلمه ثانيه امك تحاول تقولك انها مو راضيه باللي سويتيه. يمكن تقولين لي ان اذا الخاطب الثاني ماجاء فراح توافق امك بالشاب الاول. اي ام في هالدنيا تشوف بنتها تحب واحد (شريف ولا عفيف المهم انها علاقه محرمه و تغضب الرحمن) و بعدين نفس الشاب يتقدملها اكيد حتوافق علشان تستر بنتها دام مافي خطاب ثانيين طالبوا. الخوف في مثل هالمواقف تخلي الواحد يتسرع.

حاولي تفكريين باللي تفكر فيه امك. امك لها تفكيير الاجيال القديمه ان البنت تتكلم مع اي شاب و يحبون بعض فالبنت مو عفيفه و اللي سوته عيييييييب . اذا كانت عائلتك ترضى ان البنات يتكلموا مع الشباب قبل الزواج و يحبو بعض حتى يتزوجوا كن قلتي لابوك من غير ماتفكريين ان هالموضوع راح يضر بصحته بحجة ان الموضوع عادي. بس اتوقع ان عائلتك محافظين و مايرضون ان بنتهم تكلم واحد و تحبه بعد قبل الزواج.

انتي خنتي ثقت اهلك و تبغيهم يجارووك و يلبوك طلبك. معليه يااختي بس في شئ مره زعلني من طريقة كلامك طول الموضوع كنتي كاتبه حبيبي و حبيبي. هل اذا اختك الصغيره حبت واحد و تناديه حبيبي و عشيقي هل راح تساعديهم يجتمعوا مع بعض بالحلال او راح تنصحيها تتركه. تخيلي الوضع و جاوبي لنفسك.

يوم قلتي "الله الي ماكو اكبر منه ما يرضى البنت تنجبر واساس الزواج التوافق والقبول" عرفتي ان الله مايرضى البنت تتزوج بالجبر وماعرفتي ان الله مايرضى بالعلاقه اللي بدأتيها بالغلط. انا ما اعاتبك بس ياليت لو تراجعي كلامك و تفكري في الوضع اللي انتي حطيتي نفسك فيه. الزواج قسمه و نصيب فلا تتسرعي وتأخذي واحد كانك تبغينه بالغصب لك.

كل شئ يصير بمشيئة الله فالخيره فيما اختاره الله و انتي ماتعرفي وين سعادتك تكون ومع مين.

اسمعي نصيحتي و اتركي الشاب اللي بديتي معاه في سخط الله و انسيه وان شاء الله تقدري تحبي هالانسان اللي راح يصونك دام هو شاريك بسنة الله ورسوله.

اذا بتقولين لي ما احبه فانا اقول لك ان الحب مايجي قبل الزواج انسي الاول بعدين شوفي نفسك اذا مرتاحه مع اللي خطبك او لا.

اذا اصريتي ان اللي سويتيه صح (رفضك والحاحك بالزواج من الاخر) فما راح ازيد اكثر من اللي كتبته. انتي لما تصري على الشاب اللي حبيته فماهو الا اتباع للهوى اذا ماحبيتيه كن مارفضت الشخص اللي تزوجك اللحين.

قد يعجبك كلامي و قد تتجاهليه بس اذا ماكنت مهتمه لموضوعك كن مارديت من الاساس.

 

[Q6r..]

حبيبتي ,,

أولا .. انتي غلطتي يوم قلتي لآمج اوك .. بنشوف الريال الثاني ..
دام انتي صج تبين الاول وتحبينه ,, ماكنتي راح تقبلين انج تشوفين الثاني وتتخبرين عنه ..
والسالفه مب سالفه خوف من امج دام انتي من البدايه مقتنعه بالاول ..
كنتي تقدرين تقولين لها وبكل بساطه خلينا ع الاول واذا ماصار نصيب ومارتحت بنشوف الثاني ..

ثانيا .. الي صار صار .. وحطي فبالج شي واحد وخليه مثل الحلق ع اذنج ..
" اللي الله كاتبه لج من نصيب بيصير "
لو تسوين الي تسوينه ماراح تغيرين شي من كتبة ربج ..
ولو حبيبج من نصيبج .. فراح يكون لج لو عقب مية سنه ..

ثالثا .. الله عوضج باللي احسن منه .. انا ماقول ان حبيبج فيه عيوب ولا مافيه اي مزايا .. بالعكس ..
بس ربي ارزقج بعد بولد خلوق ومحترم ومن عايله محترمه ..
دام الريال زين ويبيج ومتمسك فيج ليش تعوفينه

ترى الحب يصير بعد الزواج .. وهو اقوى حب ويدوم ..
افتحي قلبج لخطيبج .. وفكري بكل شي له هو .. وشالي تبين تسوينه ويكون له هو ..
وعشان ترتاحين من عذابج وتفكريج .. غيري شغلج وافتكي ..

الصراحه موقف امج غلط مب صح وماعندها سالفه وسوري ع هالكلام ..
بس طيعيها وان شاء الله تتوفقين ..
اذا مارتحتي بزواجج منه فاعرفي انه نصيب ومقدر ,, ولاتلومين حد فيه
لومي امج عليه ,, بس بعد قلت لج هذا قدر ومكتوب ..

ادري ان كلامي صعب عليج ..
بس احنا البشر فينا بطبيعتنا لو ياخذون منا الشي غصب نقلب الدنيا فوق تحت
لكنه لراح بسهاله ومن نفسه يكون الامر اخف وعادي مع الوقت ..

اعتبريه شي وانتهى وراح مع الوقت ..
اكسبي خطيبج ,, انتي الحين ع ذمة ريال
واذا ماتبينه يا بنت الناس قولي له انا مب مرتاحه معاك والانفصال اريح لي ولك ..

والسموحه ..