لا حول ولا قوة الا بالله
انتي ياحبيبتي لازم تعرفين ان الله عز وجل وهبك هبه عظيمه وهي هبه الاطفال احمدي ربك على النعمه الي انت فيها
غيرك يدفع الي فوقه والي تحته عشان يخلف عيال والله ما كتب له
والي يسوي تلقيح انابيب ويركضون يبون بس ريحة الاولاد وانتي تبين تنتحرين لا وعشان مين عشان اناس عقولهم عقول اهل الجاهليه
شوفي يا عمري كلمي زوجك ووضحي انكم في نعمه عظيمه بس يا عمري بطريقه غير مباشره
مثلا تقولين له لو ان الملك عبدالله "هذا ان كنت من اهل المملكه "والاتضربين مثل بملك البلد الي انت فيها
تقولين لو ان الملك عبدالله صرف اراضي ببلاش واعطاك ارضيه في منطقه مثلا منفوحه عندنا في الرياض منطقه مش راقيه واعطى غيرك ارضيه بالعليا "منطقه راقيه "وانت قلت له انا ما ابغى ذي الاعطيه الي في منفوحه ما ابغى الا ارضيه بالعليا !!!
بالله اش راح تكون رده فعل الملك ؟واش تعتبر هذا التطرف ؟
اكيد راح يقول لك هذا جنون وما يفعله الا مجنون
ذيك الساعه وضحي له ان الملك اعطانا اعطيه عظيمه وما اعطاها غيرنا نجي نتشرط ونقول لا يارب ما نبي ذي الاعطيه الا نبي اعطيه ثانيه احسن منها
خليه يحس بالنعمه الي هو فيها