انا وزوجي وضرتي والاولاد

[تائهه لامكان له]

الله يفرج لك وينصرك ويسخرلك زوجك عليكي بالتغير الي نصحوك فيه البنات والدعاء والاستغفار موفقه

 

[ارق على ورق]

ليش يا اختي ليش
....؟ شنو هالذل الي انتي عايشه فيه ..؟ بصراحه ما احسدج ولا ابي اكون بمكانج ابدا ابدا

تصدقين عاد انتي الي خليتيني اشترك بهالمنتدى ,,,فورتي دمي خليتيني اغليييييييي قهررر عليج ومادري ليش بس ذكرتيني بكلام الانسانه الفاضله ناعمه ...

(( حينما تمثلين دور الأم، لا يبقى أمامه، إلا أن يعيش دور الإبن المدلل الذي يحب أن يحياه،
وبالتالي يبحث عن العروس التي سيقدمها لأمه، المطلوب من أمه التي تحبه أن تخطب له حبيبة قلبه))

احس انج تعطينه حنان الام مو الزوجه وهذا الي جعل زوجج يبتعد عنج ........... تبين النصيحه ؟؟...


اتقي الله في نفسج يا اختي ....
اتقي الله ... انتي انسانه ..لج كيانج وحريتج شلون تربطينها بشخص حافظ تصرفاتج وحاطج لعبه بايده متى ما بغى يلعب فيها تذكرها مثل الورقه الرابحه ما تخيبه ابدا ...
اول شي يابنت حبي نفسج قدريها .. ارفعي مكانة نفسج .. حاولي تغيرين نظرته عن نفسج ... مافي شي اسمه احبه بجنون خذي خرافات هذي كلام وحده ذلت نفسها علشان زوجها ..اصلا انتي الي تخلينه يروح منج وينفر بعد ... ماراح اقولج لا تصيرين نكديه ولا عامليه بالزين ولا البسي له لا يا بنت ...
ابي انصحج حبي نفسج ... حبييييييييييييييييييها صيري انانيه حطي لنفسج اعتبااااااااااااااااااار

وعيالج حرام عليييييييييييج شلون بيحسون منج الامان وانتي فاقدته .؟شلووووووووووون

فكري عدل فكري شنو بتخسرين .. تغيري انتي
قولي من اليوم وطالع ماراح احب الا نفسي وعيالي .. شنو يعني؟؟

حبي نفسج علمي نفسج انج مالكتها وهي ملك لج وحدج

اذا قدرتي بسسس قدرتي تحبين نفسج وتعزينها .. صدقيني راح يتغير كل شي

كلام اخواتي على عيني وراسي وانتي لج الاختيار يالغاليه انا مابي اكون من الي يخربون علاقات الازواج ولكني ابي اكون ممن يدعوون الى حب الذااااااات وفقط الذااات بكل ايجابيه

اسفه اذا اخطيت او قلت كلام غلط سامحيني ...

 

[ابتسامه مهجوره]

والله انه لاعب عليك وشلون قدرتي تحبينه بعد ماتزوج عليييييك وشلون ماطاح من عينك بعد زواجه يختي والله انهم كلاب ليه انتي ماقصرتي معه بعدين بعدين يقولون الشرع حلل اربع ماسكين هالايه بس من القران ونسوا باقي الايه(فان خفتوا الاتعدلوا فواحده)وانا اقطع يدي كانهم يعدلون الا ماندر انتي تقولين تزوج ولاهي عنكم مع زوجته ياسلااااااااااااااام ليه؟؟؟انتي قولي له انت تزوجت وصار اللي صار؟؟؟؟بس انا ماارضى انك ماتعدل وانا اقولك الله الله الله لايحللك لادنيا ولا اخره اذا فضلتها علي لو بحبة تمره000

 

[زهور قصري]

الله يعينك حبيبتي البنات وفن وكفن.... بس بزيد انه مرات احنا الحريم سبب في بعد الرجل عنا .. بسبب ثقتنا الزايدة فيهم والطيبة الزايدة وانو ما نقدر نعيش بدونهم .. فكل هذا يعطيهم الامان للبحث عن رغباتهم وتغيير الروتين الزوجي بالزواج بالثانية...
هالحين لما يكلمك وما يناظرج معناه 100% انه ندمان على جرح قلبك بس مكابر وما يعترف.
ثانيا هو هالحين مهووس في الثانية لانها جديدة عليه وعروس لساتها فاصبري فترة ويرد لبيته ويشوفها حالها حالك.
هالحين جينا لدورك انتي ... حاولي تدرسي شخصيتك عيشي لنفسك 50%لبيتك و50% لنفسك . هو تزوج خلاص ارضي باللي الله كاتبنه .. بس مو معناته نهاية العالم .. اشغلي نفسك عنه شوي ولا تجعليه محور حياتك .
اذا هو ما مقصر معاك .. اوكي خليه يوديك الصالون واعملي تنظيف بشرة قصي شعرك او اصبغيه .. اهم شي اللي تسويه لنفسك مو علشانه صدقيني بتحسين بطعم الحياة.. سجلي في نادي للرياضة جدا تشد الجسم وترجعلك كانك بنوتة.مارسي هواياتج .. اذكري شو كنت تحبين لما كنت صغيرة وما سويتيه سويه هالحين .. اذا كان عندك عيال .. لا تفكري في هالفترة انج تجيبين غيرهم ... استمتعي بحياتك مثل ماهو مستمتع بحياته ... خليه يحس انه الزواج مسولية مش لعب ونزوة .. بعدين قوي شخصيتك وخليك غامضة لا تتصلين فيه زيادة .. اذا تكلم عن زوجته الثانية .. وقفيه قوليله لو سمحت لما تدخل البيت لا تجيب طاريها لا بالخير ولا بالشر.. لا تفتحي له مجال انه يشوفك راضية وانتي بداخلك تغلي .. لازم تعبري عن مشاعرك الحقيقية لا تكتميها داخلك.لانك بتتعبين .
ناتي للجنس طبعا المنتدى مليان بطرق الاغراء والدلع والتمنع والمبادرة ووووووووووووووغيرها
وخلطات التضويق ... بس اللي انصحك فيه هي تمارين كيجل او العملية التجميلية للمهبل.والرياضة .
غيري من اسلوب تعاملك مع العيال .. مثلا نوميهم قبل لا ييجي ابوهم اذا كان مهموم وما يبي صدعة الراس .. عطريهم ولبسيهم احسن لبس كانه العيد لما يشوفهم ... صارحي ابنك البالغ عن شعورج وخوفج عليهم من المستقبل .. تكلمي معاه وخليه يسمعك لانك تريدي تفضفضي وما لقيتي حد يفهمك غيره وبدون ما تعطيه اوامر .. تعاليله كانك تبين شوره..
في هاللحظة ابنك راح يفتحلك قلبه وبيحس بالمسؤولية.. حبي نفسك اولا واسعديها واعطيها كل التقدير والرفعة .. وبعدين انتبهي لعيالج وخليهم اصحابك وطلعي معاهم وعيشي حياتهم بترجعي اكثر شباب .. اخر شي( ارضي بما قسمه الله لك تعيشي اسعد الناس)مقولة قريتها في اميلي واعجبتني.واسمحيلي عالاطالة.

 

[كوثر75]

مشكورين اخواتي العزيزات على النصايح والله ريحتوني بكلامكم

والله يوفقني واقدر اطبق كلامكم في حياتي

 

[ملايين الفرح]

http://www.saaid.net/mktarat/alzawaj/73.htm

 

[ام سعود11]

لا ادري ماذا اقول لك

ابقي كما انتي دام انك مطيعه ومحبه

ماذا يوجد اكثر من ذلك ولو فيه خير سيعدل بينك وبينها

ويكون الزوج المثالي

وفقك الله

 

[كوثر75]

الحمدلله على كل حال

الحمدلله الذي لايحمد على مكروه سواه

 

[ندى الذكريات]

اختي كوثر عسى ان تكرهوا شيئ وهو خير لكم

وعليكي بكلام الأخت طرايف جمعت الكلام مختصر عاد انتي فكري فيه

الله يصلح بالك وحالك