انا وزوجي وضرتي والاولاد

[كوثر75]

السلام عليكم اخواتي العزيزات

مادري شلون ابدا :sad_1: ميته من القهر المهم زوجي تزوج علي تقريبا من تسعة شهور نمطه شمالي

شرقي وانا مادري من اي نمط بس انا زوجه احب زوجي بجنون ومطيعه جدا جدا جدا ومسالمه اول

ماقالي عن زواجه اصبت بالانهيار والصدمه ولكن لم اتغير عليه بل حبيته اكثر من قبل لانه وقف معاي

الى ان تخلصت من الاكتئاب من بعد الصدمه ولله الحمد الحين ابغي اغير حياتي واسلوبي معاه مو عارف لانه مثل ماقلت انه مسيطر علي وذكي جدا يقرا افكاري قبل ان اتكلم يقول لي انني مثل العجينه

في ايده وهو اللي سواني لانه اخذني صغيره 17 سنه وعندنا اولاد وبنات وانا جميله وهو ايضا يحبني

بجنون ولكن المطلقه اللي تزوجها لاحقته في بعض اسفاره فهو كثير السفر ولاحقته بالتلفون الا ان

وقع في حبائلها والان هي حامل زوجي يحب اولاده جدا ولكن مايقعد معانا الا نادرا واحسه بعد زواجه

مثل الطير اللي كان في ايدي وطار عني وانا ملتهيه مع الصغار وهو مشغول مع الزوجه الجديده

ومغامراته وشهواته فهو وان كان مهموم لايقصر على نفسه ولايحرم نفسه ابدا ولايريد ان يحمل هم اي

حد من الاولاد بالنسبه الى مدارسهم ودروسهم حتى ابني البالغ كان في الاول يراقب صلاته ولكن بعد زواجه اهمله ولايلتفت لصلاته يقول دائما اريد ان اعيش بدون ان امرض اريد ان امتع نفسي ولااحرم نفسي من اي شي

اخواتي ماذا افعل لكي ارجع زوجي لي وللاولاد ؟ انا خايفه على نفسي وعلى الاولاد من الضياع

اعينوني وساعدوني احب زوجي واولادي بجنون ولااعرف ان اتصرف معاهم اريد ان اغير حياتي

اولادي بداو يتراجعون في دراستهم بسبب الهم اللي انا فيه وابوهم اللاهي وراء شهواته والزوجه

الثانيه :sadwalk: انا في حيره اريد اغير حياتي واسلوبي فانا ضعيفه امام زوجي وسيطرته

اختكم في الله
كوثر

 

[حبك بعثر الدنيا]

يااختي العزيزة ..
لازم ترضين بلواقع وتأقلمين روحج معاة واتعيشين لنفسج وااولادج...
ومارد الطير يرجع لعشة ..صلي على النبي وتوكلي على الله واكثري من الاستغفار والدعاء وسورة البقرة ..
ربي يعينج ويهدية لج يارب

 

[شموخ المدينه]

والله اعتقد اهم شي اختي انك تلتفي لنفسك انتي تغيريها وتكوني قويه وذات شخصيه وراي يعني مو العجينه مثل ماقال ووالله المنتدى ملي تجارب حلوه وادعي دوم اللهم رده لي ردا جميلا

 

[كوثر75]

نسيت ان اقول ان زوجي قال لي انني اجمل من زوجته الثانيه قلت له حرام تتكلم عليها وحتى كل من راها قال هذا

ولكن لايهمني هذا الكلام لاني احسها انها اشطر مني لانها اخدت زوجي مني بذكائها وهو لاهي معاها مثل الاعمى

لانه اهم شي عنده الجنس مع انها حامل في الشهر التاسع زوجي يمتع نفسه باي طريقه يريد ان ينسى همه وهمنا

زوجي لم يقصر علينا في الماده والعطف والحنان الحمدلله ولكن لاهي وراء رغباته

 

[شموخ المدينه]

طيب شو نمط زوجك اي شخصيه وبعدين ليه مايلبي رغباته عندك انتي اجمل ومو حامل

 

[كوثر75]

اختي شموخ المدينه لازال زوجي يرغب فيني ولايقصر في هذه الناحيه بس المثل يقول الجديد لذيذ اسه انه رجع مراهق بالنسبه لشخصيته شمالي شرقي شخصيه قويه قيادي كلامه يقنع وحنون ومرتب ونظيف يحب الحياة والمتعه والسفر لايقصر على نفسه ولاعلى غيره كريم وجريء ذكي جدا يغار علي حتى من نفسه ساعات احسه انه مغرور لانه وسيم جدا وجميل دائما يمدح في جماله واناقته وهندامه

ويهتم بمنظره وجماله وعطوراته اذا دخل مكان ينجذب اليه الناس ويحبونه يحب الضحك والمزاح وفي نفس الوقت

جدي وحازم في الامور الثانيه علاقته ضعيفه مع امه واخواته قريب جدا لي يعتبرني انا امه واهله علاقتنا قويه مع بعض قبل ان تدخل في حياتنا الزوجه الثانيه احسه الان تباعد شوي عنا بسبب حياته الجديده كانت

حياتنا هادئه لاتوجد لدينا مشاكل يمكن بسبب طيبتي الزائده وحبي له وحبه وحنانه لايحب المراه المسيطره

عصبي في بعض الاحيان وهادىء احيانا اخرى امووووووووووت فيه لحد الان لااستطيع استغني عنه ولالحظه

حياتي مركبه عليه اعتمد عليه في كل شي لااتخيل الحياة بدونه وللاسف انني دائما اقول له هذا الكلام مع انه اكتشفت

غلطي فهو واثق من حبي له ووفائي له ويعرف اني مازعل عليه من كذا اتوقع انه ياخذ علي الثالثه والرابعه يعلم انني

ساظل احبه لااعرف ماذا افعل مثل المجنونه في حبه

 

[طرايف]

الطمع مب زين يوم كان بادينج مافهمتيه لما راح ولقى راحته عند لي بغته وحبته وفهمت شو يبغي بعيد عن المسووليه وشكاوي خلاص تزوجها بالحلال مايريد الحرام يستمر خلاص ارضي بالله وقدره هي زوجته بعد مثل ماانتي زوجته والاهم كله انه لا يقصر في الماده ولا في المراعاه الرجل دايما اناني يحب نفسه خصوصا الشمالي الشرقي

يلبي حاجات بيته ومكفي ووفي خلاص هذا اهم شي يامن مستقبل بيته وابنائه بعدها يبدا يشوف رغباته وهوايته يبغي يحب من قلبه يبغي يعيش دور الشاب بدون مسوولليه يعيش مثل العزابيه فهمتي

اهو يحبج بس مب حب العشيقه او حبيبه حب انك ام اطفاله وزوجه ومتقبلنها
انتي غيري من نفسج ولا تحسسنه انك مقهوره وزعلانه كله اضحكي وسولفي غيري من تصرفاتج اهتمي بجسمج ورياضتج ولياقتج شوفي لج مشروع صغير او ادرسي او لهي نفسج في شي كنتي تسوينه مثلا ادرسي غيري شخصيتج لا تركزين عليه انه ما يهتم قولي شو اسوي عشان يبدا يهتم ويحس اني حبيته مب بس زوجه عنده وام عياله
الريال يحب نفسه شوفي في لحظه عرس ياب له وحده عقته شويه واوهمته وتزوج كان يقدر انه يتمادى في الحرام بس انه تزوج ارضى نفسه وربه مهما كانت هي

انتي شوفي حياتج في بيتج دوري على سعادتج مع ريلج اطلعي معاه واعديه بروحج عطيه الراحه والامان لا تتذمرين ولا تشتكين ولا تحطين بالج كله مع زوجته الثانيه اهي احلا اهي اشطر لالالا الامور هاي ما تجيبلج االا االمرض والهم ولا تضعف نفسيتج ويبين على شكلج انج مهمومه وضايقه الحمدلله احسن عن غيرج لي طلقها ولا فرها ولا هجرها ولا يسال حتى بالمول عنها ولا عياله

طلعي دلعج وهدووئج والصمت الصمت الصمت بس لا تلاحقينه ابدا لا تتصلين فيه تكلمي شويه بس معاه وبعدي خليه يفكر فيج اهم شي انج راضيه عن نفسج وارضيتي ربج في صون زوجج ورعياته هذا اهم شي عند الله وعندج
ياختي فكري اذا تميتي تقولين كيف ارجعه كيف وكيف وتحرقين قلبج ماحد يخسر الا انتي وصحتج وعيالج لانهم ما تدهوروا عشان ابوهم لا عشان انتي شاغله بالج مكان ثاني وحاطه العبئ كله على زوجج فقط

ولا تتنازلين عن حقوقج معاه بس بالطيب والذكاء مش بالغصب ولا الملاحق ولاالقهر تحكمي بعقلج قبل قلبج لانها اي خطوه غلط ولا اهانه واو تجريح خلاص تنمسحين كلش من باله بعد دام فيه شي انتي زيدي لا تنقصين بس بعقل

الله يكون في عونج ويصبرج وادعي الله

 

[طرايف]

الشمالي الشرقي معروف انه صاحب حق وعداله ويفكر قبل لا يخطي اي خطوه مليون مره واذا حب حب من قلبه ييخصلص العشره الدليل حتى انتي ما اهانج او طلقج في سبيلج خلاج عنده مهما كان ام عياله نقطه ضعفه الجنس والدلع والاهتمام ماحب الغيره والعصبيه وحراكات اليهال الشكاوي ولا التذمر او التحقيق والشبهات دايما امدحيه امدحيه وتعاملي معاه انج محتاج انثى ضعيفه اطلبي بدلع فقط واشكريه على اي شي بسيط سوالج ياه سواء كان بسيط او كبير اشكريه وامدحيه تفديه بس مب وايد بدلع اهم شي عنده الجسم المليان شويه المرتب مثل هيفا وهبي وغيرها يعني جسم مغري يعني عندج الفرصه رتبي جسمج اذا كان فيه عيون الحمال والعيال ولا غيره خليج هاديه جنه لما يدخل بيته مب حشره ولا زعلانه ولا مادري تشتكين تراه ذكي جدا الشمالي الشرقي جدا ما تتصورين كيف يتعامل مع الامور برويه وهدوء واذا عنده هدف اخذه اخذه مايرتاح لين ما يسوي لي في باله لو شو صار ماحد يرده الا الله فقط

لذا لا تعاندينه ابدا ولا تستوين مضحيه ولا طيبه وايد ينقص عليج وتسكتين او تسامحين بسهوله تعاملي معاه بالمشاعر الحنونه كلام طيب والطاعه لا تلصقين فيه وايد لما ييج

الشمالي الشرقي مزاجي لا تضغطين عليه وايد خصوصا راعي مسؤؤليات وبيت وعيال وشغل يعني شوفي كم شي عليه بس بعد فوق هذا كله يحب يمتع نفسه يتصرف كانه شباب مرغوب فيه كل مكان يحب يسافر يحب البنت المرحه الفرفوشه المغريه الهاديه مب شكاكه ولا غيوره

 

[جامعة الحنان]

هلا بك غاليتي

شوفي عيوني مافي داعي تقعدي تهمي نفسك وتبكي لانه شيء اكيد راح يروح عندها عشان يفك نفسه من النكد ....

واذا هي ذكيه فربي ماخلق احد غبي ابدئي ثقفي نفسك وابحثي عن الشمالي وعن اللي يحبه ...

كمان مافي داعي تقعدي تقولي احبك ومااستغنى عنك وعلى قولتك بالطريقة هذي راح ياخذ الثالثه والرابعه ...

ابدئي غيري نمط حياتك التفتي لنفسك غيري استايلك خلي تفكيرك في نفسك بعدين عيالك وبعدين زوج مع الوقت راح تتاقلمي ...

تبغينه يرجع لك ويجري وراك خليك غامضه لا تقولي هو شكلني وانك مثل العجينه لا حبيبتي غيري نظامك البسي واكشخي واشبعيه بالجنس واذا جاك لا تقعدي تشكي من العيال عيشيه في جو بعيد لانه هو مايحب الهم فسوي له الجو اللي يحبه ...

لفي المنتدى واقري عن الشمالي بصفة عامه اعتبري نفسك بتحدي ولازم تفوزي فيه ...

ربنا يقول اسعى ياعبدي وانا اسعى معاك ...

خليه يشوفك باحلى صوره وبيتك وعيالك خليه يحتار وشفيها صارت كذه مو كل شيء لازم ينقال له الكتاب اللي كان مفتوح قدامه لازم ينقفل طالبيه بحقوقك مره واثنين وثلاثه روحي المشغل وغيري من شكلك يعني تغيري عن الاول 180 درجه مادام انك احلى منه تثقفي جنسيا مادام انها على وشك ولاده فهذي فرصه راح يجيك اشبعيه ...

والله مافي شيء صعب تبغي زوجك زي اول استخدمي كيد النساء وراح يرجع لك زي اول واحسن ....


دمتي بود غاليتي ...

 

[فكر راقي]

الله يفرج همك الاخوات ما قصرو الله يجزاهم خير .

 

[كوثر75]

شكرا جزيلا لكل الاخوات ونصايحهم والله هو المعين

 

[شموخ المدينه]

كوثر والله لما حكتيني عن حياتك خساره زوجك يضيع منك وان كان هذي الي عند زوجك طيرة الزواج اصبري قلبي والله يرجع للاصل والحنيه والجمال والحب
غير كذا الشمالي المهم انتي عارفه الجنس جننيه في موضوع شوي واجيب لك الرابط ان شاء الله ينفع
بس انتي شوفي الي يجيب راسه الجنس او الثقل او ايش بالضبط
وجددي ارحع واجيب لك الروابط

 

[كوثر75]

اي تكفين اختي محتاجه لنصايحكم الله ينولكم اللي في بالكم ياكريم

 

[كوثر75]

هو ماتغير علي بس احسه مو معاي حتى مايطلع في عيوني اذا يتكلم عكس قبل كان صريح والحين غامض عنده هموم واشياء يفكر فيها بس هو طبعه مايكسر نفسه دائما يقول لي انه مهموم بس ماابين ليكي عشان تنسين همك ولايكدر علي حياتنا قبل كانت اهدء واحسن بدون مشاكل نفسيتي كانت احسن نظرتي للحياة تغيرت ياربي ارحمني مما لاطاقة لي به ولاصبر لي عليه دعواتكم اخواتي لاتنسوني

 

[دلوعة مملكتنا]

احسسسسج طييييييييييييييييبة وايد وعلى نياتج

يبي له وحدة عندها خبرة بالتغلي .. وتتقن فن الاغواء بالجنس .. دامه اهم شي نده الجنس ادخلي المجلة وقسم الزواج وبتتقنين اشيا كثيرة تجذبه لج


موفقةغاليتي

 

[مدري شسوي]

الله يفرج همك ويسخر لك زوجك

 

[شموخ المدينه]

http://www.niswh.com/vb/showthread.php?t=188749

 

[شموخ المدينه]

http://www.niswh.com/vb/showthread.php?t=123631

 

[بقلاوة]

الله يسخر لك ويعينك

 

[رحيل الوقت]

قالوا البنات اغلب الكلام اللي كنت بقوله لك

مجرد انك تقولين له لا تتكلم كذا في انه يقول انك اجمل منها صراحة انتي رائعه ونادره جدا

اختي لازم تنتبهين تحبين نفسك شوي تشوفين انه جرحك بزواجه

لازم تحبين نفسك حتى هو ما يشوف غيرك مو بالجمال لان بكلامك تقولين اخذها وهي مو جميله انتي اجمل منها

ااذا حبيتي نفسك والله هو بيحبك ويشوفك اغلى انسانه بحياته