انا وزوجي صار بيننا زعله واحنا تونا مادخلنا على بعض

[قمر_ الامارات]

السلام عليكم
لا تخلين الشيطان يدخل من بينكم هاذي امور تافهه لا تخلونها تكبر
اهم شي ياحبيبتي الحب والتفاهم والاحترام يكون بينكم
والله يبارك الكم في زواجكم ويرزقكم بالذريه الصالحه

 

[قصر الأمل]

ياحبي لكن والله مرررررررررررررررررره فرحتوني بردودكن
وان شاء الله تمشي على خير

 

[ديالا2]

انتي ما غلطتي وحقك تعطي رأيك بكل شي ونصيحه لا تعتذري بكل صغيره وكبيره ولا تكوني الزوجه الضعيفه اللي تقول حاضر وبس أكيد أنا ما أعلمك على زوجك بس لازم تكون شخصيتك قويه وخاصة انه في البدايه الزوج يحب يبين انه هو القوي والصح والمرأه لازم تكون مطيعه والغلطانه

 

[معشوقه]

مبرووووووووووووووووك و ربي يتمم لكم على خير و إن شاء الله يتم عرسج على أفضل ما يكون بدون ما ينحاس ...

يا الغاليه بس حبيت أقولك العرس منو مسويه ..؟؟

إذا أهلك خلاص لا اتناقشين تفاصيله معاه و خلي الترتيبات مفاجئة له وقولي له أنا ما أدري عن الترتيبات لأنه أهلي إلي قاعدين يعملونها و أنا مشغوله أهتم بنفسي لأحلى ليلة أما إذا أهله فأنت و أهلج معازيم بتييون ومالج اتحكمين فيه و كل ناس و لهم سلكهم ...

أنا أتفق معاج بمنع حضور الأطفال لأنهم يخربون و يحوسون بس لكل ناس سلكهم و طبعهم في الحفلات و إذا أهل زوجج بدو و قبايل ما تقدرين تمنعين الأطفال صعب ....

على كل وقت العرس إنت بتكونين بعالم ثاني مو حول شي و هذا انا متأكدة منه :shiny:

و بعدين يا الغاليه بالنسبة الإسلوبج معاه وايد ذرب و حلو ماشاء الله حيل عجبني ...

بس نقدت عليج بشغله إنج وايد كررتي لي الحين ما تزوجنا و هو دايم يقول أمي و أمي ..؟؟؟

يا الغاليه و بيظل يقولها إذا الرسول صلى الله عليه وسلم كررها 3 مرات ما تبين يقول أمي عيل

شنو يقول ؟؟؟!!!

و على فكره أنا فهمت شغله من حوارج احتمال تكون صح وهي إن زوجج يبيج تحترمين أمه و

اتبينين هالإحترام و الولاء و الطاعه ... و صدقيني إن شعور حلو لما اتعاملين أهله بشكل طيب

و اتشوفين إشلون فرحته فيج و اعتزازه وفخره و إذا زوجج مثل زوجي هالموضوع أخذ مني تقريبا

سنتين علشان يتأكد إني فعلا أحب أمه و تعاملي الطيب هذا طبيعي و دايم يعني مو متغير ...

القصد مثل ما أنت سامعه و قاريه عن تجارب تكون البطله أم الزوج القثيثه و المزعجه زوجج

عنده نفس الخبرة عن الزوجه العاقه لزوجها و إلي تضر أهله و متوقع إن أهله بعد ينطرون

يشوفون تعاملج معاهم ... القصد لما يعرفونج عدل و يرتاحون لج راح اتلاقين الأمور مشت

بسلاسه وماراح يقولج أمي لأنه بيكون واثق إنج اتحبينها و اتقدرينها و إنه يهمج رضاها مثل ما

يهمج رضا أمج ... و اتلاقين تكراره و تنبيهه لج على تعاملج مع أمه انتهى ...

ربي يصلح بينكم و يوفقكم ....

بارك الله لكم وبارك عليكم و جمع بينكم بالخير



​

 

[الفـ البعيد ـجر]

اااااااااااالف مبرووووووووك ويابنت الحلال هونيها وتهون ومافي شيء في هاالدنيا ماله حل الله ييسر لك امرك يسخر قلب زوجك لك

 

[قصر الأمل]

الله يسهل اموركن يا ديالا ومعشوقه والفجر البعيد

بعدين العرس كله على اهلي وهم اللي ضيوف عندنا

واذا على امه انا قايله له اني احب امه كثير لااني اعرفها من قبل لا نكون لبعض

وبس...........

 

[بنت الدرر]

طيب قولي له لا تكتب ممنوع اصطحاب الاطفال ....وقولي لامك اذا جات للقصر تقول للحارس الي واقف برا ( انا ام العروسة ودخل بس البنات الاولاد لاتدخلهم واذا دخلتهم انتا مسؤل عن اي شيء يسووه الاولاد راح يخاف ومايدخلهم


وكذا تكوني ارضيتيه ومايدري ان امك منعت الاولاد من الدخول

ومبروووووك

 

[قصر الأمل]

بنت الدرر ............... صح فكره كلامك
يسلمووووووووووووووووو

 

[my first love]

الله يوفقك ياختي والامور هاذيصغيره المفروض انك قلتيله انا مالي دخل فيهم هذي رغبه اهلى وخواتي وبهالطريقه تكوني طالعه منها المهم انتي ماغلطتي قلتي رايك بس المفروض انك ماناقشتيه كان قلتي اقول لماما واشوف شو رأيها المهم بالعكس انا شايفه ان اسلوبك حلو واعتذارك بمكانه لتلطيف الجو لانكم بعدكم ماتزوجتو واذا فتحلك الموضوع ثانيه قولي انا قلت لماما ولا رضيت وتكوني باهالحاله خرجتي منها والله يوفقك اختي ويسهل امورك وانصحك تكوني مطيعه له الى ان تحسي انه حبك ومايقدر يستغني عنك بعدين خوذي الي تبغيه بدلع وغنج والحمدلله التفاااهم احسن من الخلافات بالطالعه والنازله هذي وجهه نظري واتمنى انك ماتزعلي عليا والله يوفقك ويسهل امورك يااااااااااااااااااارب

 

[عابـــرة سبيل]

الله يوفقكم ياااارب

 

[قصر الأمل]

اسعدني تواجدكن في صفحتي وجزاكن الله الف خير

 

[صباح الورود]

عادي جدا لاتكبرين السالفة اذا كلمك المرة الجاية لاتجيبين سيرة ممنوع الاطفال واذا قالك قولي كيفكم بس انا ابكتب بالكروت ممنوع الاطفال00الف مبروك 00الله يوفقك

 

[قصر الأمل]

صباح الورود ......... كلمنا بعض اليوم الحمدلله الامور تمام انا ماجبت سيره ولاهو جاب طاري لها
وشاكره لك ردك ونصيحتك