سلام يااخواتي انا قاعده افكر اني اتصل عليه ليلة رمضان وعلى امو وابوه واباركلهم بالشهر طبعا انا اهلو من ايام المشكله مارفعت عليهم سماعه وبالاصح ماكنت عارفه ايش بقولهم بس ياترا ايش راح يفهموها والله انو انا احب اهلو وخاصة امو وماقد شفت شي وحتي هما بيحبوني ولاقدشافو شي مني بس في حاجه انا ماقلتها من اول انو لمن صارت المشكله بيني وبين زوجي كان اهلو عندي ساكنين معايا بالبيت وكانوا جاين يصيفو عندنا بس لمن رحت عند اهلي ورفضت الرجعة زوجي زعل من تصرفي كثير بس والله ماكان القصد اني مابغاهم ولا شي بس هما جو بالطريق وفي نص المشكله وهما مالهم ذنب ولا يد انا اعرف لو اتكلم كمان زيادة عن البلاوي اللي صارت شكلي حتشوتوني من السطوح بس يارب اقدر اسوي شي وارجع الامور احسن من اول بس شويه همتكم معايا وطبعا البلقيسات اللي تفاعلو معايا ماقصرو والله يسعدهم ويصبورو عليا الين مايحلها ربنا
وشكرا