الي ريلها يشيش تدخل

[شيخة84]

بنات ردودكم لاتبخلون علي بليييز والله خايفة

 

[قطرية وشيخي حمد]

انا راح اهون عليج مصيبتج
انا ريلي ما يشيش بس يروح لشيش
وما ادراك ما الشيشه
اماكن شياطين وشاشات حاطين قناه قنوه
طبعا بنات اشكال والوان
ومطلقات وبلوتوث ومقاطع سكسيه يعني شاقول
لا واتصله كنت توني متزووجته ما ادري شالفه
يقولي ادعيلي الله يبعدني عن الحرام تخيلي
خليه يشيش سلوم والا عبود اهم شئ عندج في البيت
وصحته هو مو صحتج انتي
واهم شئ مو خاينه لج انتي
وادعيله رمضان ع الابواب

 

[رجاي الله]

حبيبتي بعضهم يحطون مع المعسل قطعه حشيش وهي اللي تخلي العيون حمر وتخليه دايخ اتوقع انه يحشش بس تاكدي لاتظلمينه الله يهديه

 

[**شمس الوداع**]

ماعندي علم اختي شيخة عن انواع الشيشة ..بس بصراحة الشيشة بالنسبة لي شي ماأطيقه وقبل لااتزوج ماكنت اعرف انه يشيش.. وماعرفت عن زوجي انه يشيش الا بعد ماتزوجنا واحس انه كانت صدمة كبيرة بالنسبة لي ولما كنت اساله ايام الملكة كان يضيع السالفة , ومليت من كثر مااقوله اني ماحب ريحتك ولا احب اقرب منك لما تشيش لين فقدت الامل وسلمت امري لله وصرت اتجاهل وصار لي فترة مااقول له شي..وهو من النوع اللي اذا ماشيش يتعكر مزاجه ويعصب علي وعلى الاولاد مااقول الا الله يهديه ويصلحه ويصبرني عليه...

 

[الورده الشرقيه]

هلا ياقلبي ماودي اضيق صدرك بس يمكن زوجك يستخدم حشيش
لانه يسبب نفس الاعراض اللي تكلمتي عنها
والله يهدي زوجك وزوجي وكل رجال المسلمين عن هالوسخ والدمار اللي كلن يشتكي منه
موفقه حبيبتي

 

[دلوعة عميدها]

حبيبتي انصحيه انها مضرة على صحته وانها تجيب السرطان لاسمح الله وانها خطر على صحة اولادكم حاولي معاه واكيبي زوجك والله ماشاء الله واضح انه يحبك حاولي تستغلي حبه لك وان شاء الله يتركها الله يوفقك ويسخر لك زوجك