الى حكيمات مملكه بلقيس استشاره عاجله لزوجت اخوي فتحت محموله وانصدمت

[ام \غاده\]

السلام عليكم ورحمه الله وبركاته
صباح \مساء الخير
مستعجله وبدخل بالموضوع على طول
البارح زوجت اخوي فتحت كمبيوتر اخوي وحصلت محادثات محفوضه بالجهاز لخوي مع وحده وليتها اي وحده بنت اخوها والمصيبه متزوجه وعندها اطفال ونادتني وشفت وقرينا المحادثه وعرفتها على طول انها بنت اخوها لان سوالفهم باحداث صايره بالعايله المشكله ليت بس محادثات فهمنا انهم يطلعون مع بعض يتمشون هي والله حزنتني وانا انصدمت باخوي الكبير وهي والله على نياتها وطيبه كثير الحين موقفي صعب هي محتاره وش تسوي تواجهه قبلها ولا اول شي تروح لها هي وتواجهها انا نصحتها اول شي تروح لها هي وتواجهها وتدخل معها احد اخوانها العافل لانها بنت اخوها وهم عمانها الي قلت لها صح شورن علي ولا شورن عليها وش تسوي وانا اعلمها البارح يالله هديتها بتروح على طول تواجهه وقلت اصبري خلينا نفكر بحل المواجهه ماهي حل وانتي معصبه تكفن ياصاحبات التجربه والحكيمات وش اسوي انا بين نارين اخوي وخايفه عليه من الفضيحه وزوجته متعاطفه معها ومحزنتني والله لدعي للي ترد علي ومشكورين مقدما انتضركم

 

[معاداحبك]

يارب سترك اعوذبالله
ومتزوجه بعد انا من رايي انها تواجه بنت اخوها اولا وبدون ماتعلم احد عشان تستر عليها وتهددها وتعرف وش بينعا وبين زوجها واذا تمادت تدخل احد من اخوانها بالسالفه

 

[قشوووطه]

تعلم اخوها وهو يتصرف مع بنته الحقيره
بس انا متاكده ان محد يصدقها
الافضل انه يشوف المحادثات وهو يقول رايه
وبعدها زوجها
والله موقفها صعععععععععععععب
طبعا انا اتكلم لو اني مكانها

 

[ام \غاده\]

مشكورين الي ردو بس البنت ابوها متوفي الله يرحمه

 

[دلوعةزوجي]

تروح تكلم بنت اخوها بدون تدخل للرجال لان لو دخلت احد اخوك بيطيح من عيونهم لانه مايحترم حرمة انسابه
ولا تواجه اخوك ابداً
لان بنت اخوها بتوصل له انها جأتها وهو بينحررررررررج مرررة وبيستحي على وجهه
نصيحه الرجال لا يتدخلون
ولو قدرتوا تنسخون المحادثه يكون افضل علشان البنت لاتنكر وتقلب السالفه على زوجة اخوك

 

[ام \غاده\]

انا خايفه ان اخوي يتهور ويصير شي مانبيه والله ني بهم

 

[دلوعةزوجي]

اخوك ليش يتهور
شين وقوي عين
لو درى زوجها اخوك ممكن يروح فيها يعني تهوره ما بيفيده بشي
المهم زوجته لا تفاتحه بالموضوع ابداً بس تتفاهم مه بنت اخوها
ولو مافاد خليها تدخل ام البنت بس
الرجال لا لا لا مو من صالح اخوك

 

[دلوعةزوجي]

كم عمر اخوك وعمر زوجته وعمر بنت اخوها

 

[Na na nna na]

لا حول ولا قوه الا بالله
موقفك صعب يا اختي وموقفها اصعب بكثييييييير
انا من رايي انها تكلم بنت اخوها كلام جامد ورادع وتفهمها انه لو ما ابتعدت عن طريق زوجها راح تبلغ عمانها
وتفهمها انها تنسحب بهدوء من غير ما تبين لزوجها انها عرفت

 

[ام \غاده\]

عمر اخوي 28 وعمر زوجته 26 وهي 24

 

[طموحه@]

أسأل الله يرشدها لخير الحل ولاتواجه زوجها نصيحه وخليها توري أم البنت المحادثه والأم بتخاف ع سمعة بنتها ..

أسأل الله يهون عليك ..

 

[محبة عائشه]

لاحوووووووووووووووووول ولاقوه الابالله
خليها تحفظ المحادثات وتواجه فيها بنت اخوها عشان ماتنكر
يارب رحمتك وسترك

 

[دلوعةزوجي]

اعانكم الله على هالسالفه
اخوك خلصوا بنات الكون مافي الا بنت اخو زوجته هو مايستحي لو اكتشف زوجها وراح قال لابوها
عيب على اخوك هالشي كيف يخون انسابه وهو عاره وشرفه من شرفهم
اخوك مو مراهق ولا هي مراهقه
​

 

[watyn]

لا لا نصيحه لاتكلمها الله يكفيها شرها ماتدري ايش تسويلها. صدقيني راح تلعب بعقل زوجها ويتغير عليها .
خليها اول شي تتاكد وبعدين تمسك عليهم شي زي المحادثات خليها تنسخها وتحفظها عندها .
وبعدين تشتغل فيهم الاثنين خذي رقم جديد انتي وهيا وارسلو رساله على اخوكي وقولوله انا واحد من العائله وعارف اللي بينك وبينها وانت رجال سمعتك طيبه وامدحييييييييه بالرساله وقولوله لاتضيع سمعتك حرمه خربانه .كذا بالتدريج تطيح من عينه ويحاول يبعد عنها عشان سمعته ,
لكن لااااااااااا تواجهونهم لا هيا ولا اخوكي صدقوني راح تصير امور كثيره لانهم الاثنين من عيله وحده .

 

[ظبي الشمال]

الله يعينك ويعين زوجت أخوك بصراحه موقف صعب..

أنا رايي من راي أختي دلوعه زوجها ماشاءالله عليها حكيمه الله يحفظها..

بس أهم شي الدليل علشاااااان ماتنكر وتقلبهااااااا على زوجت أخوك..

 

[دلوعةزوجي]

لا لا نصيحه لاتكلمها الله يكفيها شرها ماتدري ايش تسويلها. صدقيني راح تلعب بعقل زوجها ويتغير عليها .
خليها اول شي تتاكد وبعدين تمسك عليهم شي زي المحادثات خليها تنسخها وتحفظها عندها .
وبعدين تشتغل فيهم الاثنين خذي رقم جديد انتي وهيا وارسلو رساله على اخوكي وقولوله انا واحد من العائله وعارف اللي بينك وبينها وانت رجال سمعتك طيبه وامدحييييييييه بالرساله وقولوله لاتضيع سمعتك حرمه خربانه .كذا بالتدريج تطيح من عينه ويحاول يبعد عنها عشان سمعته ,
لكن لااااااااااا تواجهونهم لا هيا ولا اخوكي صدقوني راح تصير امور كثيره لانهم الاثنين من عيله وحده .

حبيبتي ليش تطولها وهي قصيره
مستحيل زوجها يسوي شي والا حتى هي
ياقلبي الرجال لو غلط مع وحده مو من العايله يستحي على وجهه فما بالك لو عرف ان زوجته عرفت وما قالت له بتكبر بعينه وبيقدرها
ومستحيل وقتها يفكر يخونها لانها ما صغرته بعيون اهلها ولا بعين نفسه

​

 

[ام \غاده\]

تو صحت من النوم زوجت اخوي وتقول واجهته البارح مع اني موصيتها ماتواجهه بس تقول عجزت اتحمل المصيبه انها على نياتها واي شي يقوله لها اخوي تصدقه على طول لانها تحبه وواثقه فيه مقنعها ان السالفه منها هي الي متبليته والله حزنت عليها الحين مقنعها انه بريئ ومطفي النار الي فيها البارح وزوجت اخوي على قدها اخوي مخليها مثل العجين بيده ليت تفهمون علي شخصيتها ماودي اقول بسهوله ينضحك عليها بس ابيكم تفهمون شخصيتها شلون اقنعها اخوي والله مع انه اخوي لاكن متعاطفه معها

 

[watyn]

حبيبتي دلوعة زوجي هو اصلا مااستحى وخرج معاها ,
صدقيني لو سوت نفس الطريقه فعلا راح يستحي ويمكن يتركها صح .لكن مو عن قناااعه, راح تكون بباله والشيطان راح يلعب بعقله لكن غير لما يكون تركها عن كره وتطيح من عينه افضل .

 

[دلوعةزوجي]

خلاص واجهة اخوك وضحك عليها بكم كلمة وصدقته
جاء دور بنت اخوها
لو ما كلمت بنت اخوها ترى بيستمرون على ماهم عليه وبتنصدم مره ثانيه لاكن بيكونون احرص ومابيتركون اثر

 

[ام \غاده\]

انا اقولها لازم تواجهينها وتحطين لها حد لانها بتمادى اكثر اذا ماوقفيتها وهو مسح ايميلها من عنده القهر اني اشوفه مطلع له رقم ثاني والسالفه غير الي اقنع زوجته فيها والله قهر