المتحطمه تناديكم

[ملايين الفرح]

اختي انتي بس لو اقول لج على انواع التحطيم الي انا تعرضت له ..


يا اختي انا بديت اكبر و رحت الاعدادي شكلي كان جدا قبيح فتره الاعداديه ... سمينه بشكل و كانوا البنات يقولون عني " غوريلا " ينادونني بهالاسم البلوغ كان لاعب دور في ملامح وجهي و علفكره ذيك المرحله وايد اثرت فيني و تعبت و تعقدت ... و كانوا يقارنون و يتكلمون يقولون اجمل وحده في الصف مثلا " نورة" .. و اقبح وحده في الصف " فطوم " وكانوا يتكلمون جد ... و لما سمعت الكلام من كم وحده خبروني و رحت عند الاخصائيه و قلتها " ابله يقولون عني اقبح وحده في الصف" و انا لا ارادي بكيت جدامها ..

تعذبت وايد و علفكره اول مره اصارح احد بهالموقف لأني الى اليوم أتأثر منه بس الحمدلله ...


عادي يا اختي ماكو احد مواصل في الدنيا الا هي كم سنه و كلنا نرجع لله ... عيشي شبابج و استغليه صح و توكلي على الله ...


الحمدلله انا اكمل دراستي و و اقضي وقتي و مرتاحه الحمدلله ..

لاتفكرين بشنو قالت فلانه .. كوني صداقات طيبه و كملي حياتج ..

الله يعطيك العافيه ..... كلامك حلو ... ونصايحك احلى ,,,

 

[ملايين الفرح]

فتشي بداخلك هل هناك سبب تعرضتي له وقت طفولتك؟

ابحثي عن سبب المشكلة الحقيقي
سجلي كل ملاحظاتك عن نفسك
اذا انتي تحسين المشكلة كبيرة وما تقدرين عليها او تحتاجين
الى مساعده من الغير ممكن تلجئ الى اي استشارات خاصة
حاولي تغيري شئ بحياتك​

خارجيا ومن الداخل ضروري -حاولي تحسنين من علاقاتك بمن حولك
قد يكون فرط حساسيتك هو السبب
دائما المشاكل التي نواجهها نكون نحن المتسببين فيها​

ان الله لا يغير ما بقوم حتى يغيرو ما بانفسهم

الله يكون بعونك​

صدقتي ... المشاكل الي نواجهها نحن السبب فيها

ما قصرتي على النصيحه ,,,

 

[ملايين الفرح]

انسانة عاقله لا تهتمي لصغائر البشر

( اذا طعنت من الخلف فاعلم انك تسير في المقدمة)

مشكووووووورة على الكلام الدرر والحكيم

 

[تباشير المطر]

صدقيني اختي كثير من الناس يعانون نفس المشكله وكثير منهم قدرو يتخلصو من المشكله بدون مايحتاجولمساعده من شخص او طبيب
انتي محتاجه بس شوية ثقي اجلسي مع نفسك وقولي لها انا ما راح اسمح لاي انسان انو يقلل من قيمتي او يحطمني واي احد يتطاول عليك بغير وجه حق خذي حقك منه ولا تسكتين ولا يهمك احد شوي شوي الناس بتضرب لك حساب واللي تطاول عليكي مره ما راح يفكر يسويها مره ثانيه الله معاك يالغاليه واذا احتجتي مساعده او حبيتي تفضفضي اختاري الشخص المناسب اللي تشوفين انو بيستر عليك وما راح يطلع سرك لاحد وبينصحك نصيحه من قلب ويوقف معك ويساندك سواء كانت اختك امك اخوك واذا مافيه ممكن اخصائيه تكلميها وتساعدك انشالله الله معك ياقلبي