اللي يبي يضحك يجي .. واللي يبي يبكي برضه يجي ..

[حزن الماضي]

اخر التطورات

كل من رد على مشكلتي الله يسخر لكم ازواجكم ويصلح لكم دينكم ودنياكم ويسعدكم ويحقق امانيكم ولا يخيب لكم رجاء .. اللهم آمييين..

المهم يا حلوات تعالوا اعلمكم ببقية السالفة ووش صار .. وشر البلية ما يضحك..

كنت حاسة من الصبح ان زوجي ما راح يرجع بعد العمل وراح يطنشني .. قمت قلت لولدي روح دق على بابا وقله كيفك يا بابا وقول له انا طفشان ابي اطلع ..
طبعا قلت بارجعه عن طريق اولاده .. وش رد علي ولدي قال : انتي تبين تطلعين احنا ما نبي (( هع .. ابن الوز عوااام)) .. وجلست افكر الا هو جا الحمد لله وجلس عند التلفزيون وحطيت قهوتي وعصيري وجلست اطقطق على النت .. اسوي ما همني .. وهو طفشان واضح .. رحت لاولادي وقلت لهم ليه تلعبون هنا بابا جاء روحوا العبوا معاه وونسوه وعلموه باللي سويناه اليوم (( مدري ليه ايوم بالذات قرر اولادي يلعبون في غرفتهم .. والله كل يوم اطردهم غرفتهم ولا يروحون )) .. واخذوا العابهم بس دخلوا مع باب غرفة الجلوس قالوا : ماما قالت العبوا مع بابا .. الله يكفيي شركم بس ..
انبسط زوجي مع اولاده وحاولت اشاركهم البسطة باني اضحك معاهم بس عيني ما تجي في عينه .. وشوي راح ينام.. وانا جلست على النت ..
وصحا المغرب الا ويجمع ملابسه .. طالع الرجال ..
رحت قلتله بكل ادب : ابي اروح السوق ناقصني اغراض ..
قال : كلي .... واطلعي ..
مسكت اعصابي قلت :وش فيك وش قلتلك ترد علي كذا ..
قال : سمعتيها .. ومابي اسمع صوتك..
قلت : ما يصير كذا .. الين متى بيتم هالوضع .. وش تبي علمني ..
قال : مابي شي وخري عني وبس وسووق مو موديك الين ما نسافر مافي سوق وهناك مدري وش يصير
قلت : وش بيصير يعني بتطلقني
قال: يمكن بعدين سكت شوي وقال انتي في وادي وانا في وادي قصده لاني ابي اروح السوق
قلت: انت ما طلبت مني اني اتغير كيف اتغير واسلوبك كذا .. وكيف اثبت لك اني تغيرت وانت موهنا ما اشوفك.. المفروض نعيش حياتنا طبيعي وتلاحظ التغير
بعدين حكاي السوق كانت مدخل لحواري معاك لأني ما عرفت كيف ابدأ معاك وانت بهالاسلوب ... وانا ماهمني السوق لو تقول لي يالله قلت لك لا والف لا واحنا بهالوضع >>>> نصااابة
وهو: .............. صمت مدقع
قمت كملت كلامي: معقولة تكون حياتي على المحك وافكر بالسوق .. اللي يهمني الحين وضعنا وانت تعتقد باسلوبك هذا انك تربيني لا عمر السلبية ما تعطي نتايج ايجابيه خليك متجاوب معاي وتكلم معاي وبالاخذ والعطا ممكن نوصل لحل مهما كان هذا الحل اذا كان باقتناع الطرفين حتى لو انفصال عاادي بس يكون قرار عن وعي ونضج مو بعصبية وعدم تركيز (( فديتني يطلع مني احيانا ))
المهم بعد سكوووت ..قرب مني وقال : ليه ماجيتي نمتي معاي العصر.
قلت: جيتك امس وصديتني وكنت قاسي مررة كيف تبيني اجي اليوم صعب ..
حسيت عنده ضحكة كاتمها قلت لكم زين امس اني ما فصخت كان الموقف بيكون اقوى
قمت قلت له انتصارا لنفسي :لايكون هذا هو الوادي اللي انت فيه ... وضحكت ..
وجلسنا من غير ولا كلمة وكان واضح وده اني اضمه وابكي على صدره لكن كنت قويه هالمرة غرييييبة مدري ليه وبعدين طلعت عند اولادي وهو كمل تجميع اغراضه بيطلع يلعب كورة وراح
رجع متعشي وسألته تعشيت قال ايه قلت وين قال بالمطعم الفلاني
قلت لاولادي كانوا جالسين معانا : شفتم بابا وش سوا قالوا ايش
قلت :تعشا في المطعم
قال الولد: اي مطعم
قال زوجي:اللي لوحته حمرا
قال البنت : اعرفه ما احبه ((آآآآه .. لو كانت البراءة رجلا لقتلته ... ههههههه ))
برد على قلبي الولد وقال : ليه واحنا
ووعده ابوه بكره نتعشا في المطعم .. الحمد لله ما بغت تنجح الخطة
بعد ما ناموا الاولاد جلسنا نتابع فلم وقام زوجي راح ينام وما رحت وراه قلت خلي الطفاقة خليه الين يناديني ... وجيت وكتبت لكم السالفة

المهم اني احب زوجي موووت الله يحببه فيني ويسخره لي وابي اتعلم كيف احتويه وافهمه واسعده ..
وان شاء الله معاكم درب النجاح فلا تبخلوا علي بالنصح وانا والله ما قصدتكم الا راغبة في التغيير للأفضل والله يصلح حالي وحالكم ياارب

ودمتم ..

 

[شمس مصباحي]

الله يسعدك ويوفق لك
نتمنى لك كل خير


وخليكي دووووووووم ايجابيه راح يتغير الوضع ان شاء الله

 

[انا من السعودية]

الله يفرجها ويعديها على خير
بس حاولي ما تتكلمين وانتي معصبه لا الانسان ممكن يغلط عند الغضب

 

[بشريكو]

ههههههههههه ,, وربي اسلووووووووبك روووووووووعه ,, الله يكووووووووون بعونك ,....

 

[بشريكو]

حبيبتي فيه مواضيع رووووووووووعه بالمنتدى صدقيني راح تستفيدين ان شاءالله ,,....

 

[l0l0]

الحل معه طنشيه طنشيه طنشييييييييييييييييه

وانتي اكشخي واهتمي بنفسك وسوي نفسك مو معبرته بس اهتمي بنظافة بيتك وبعيالك وبواجبته ملابسه اكله كل شي


بس طنشيه وبيجري وراااااااااك هذا الشمالي خبره

 

[بشريكو]

ميمي ..

اشكرك على ردك .. وكلامك عين العقل بس انا افقد اعصابي بسرعة
وفعلا انا احتاج احد يفهمني اكثر .. وياليت توضحين اكثر واذا عندك شي يفيدني علميني ارجووووك لانه دايم حالتنا كذا وهو قال لي انتي مو راضية تفهمين بس كل مرة ردة فعلي نفسها في اي مشكلة هواش وصراخ ووديني بيت اهلي وطلقني وربي مل الرجال مني وانا بعد ملييت ودي اعيش زين وكمان صارت لي مواااقف لااا احسد عليها وما عرفت اتصرف والله صار لي موقف بيني وبينه عند اهله كان فيه اذلاااال كبير لي وعصبت وهواش بيني وبينه بس اهل البيت عرفوا السالفة واالله ان سلفتي ل ما شافتني اضحك ومبسوطة قالت الا كيف فلان عسى بطل حركاته وانا اطنشها واسوي مو فاهمة مرة كنا لوحدنا وقلت لها وش قصدك حركاته فلاان يهبل مدلعني ومافي منه قالت زي ذاك اليوم صار وصار وزوجي يقول ويقول انقهرت مرررة منها بس ماعندي الا التطنيش
المهم ما ابي افقد زوجي وما ابيه يقلل احترامه لي خصوصا قدام اهله بس ماعرفت اضبط نفسي ما اتحمل منه شي ابدا وكل كلمة يقولها يلاقي ردها جاهز خخخخخخخخخ يعني كأني مع اخواني اتهاوش مو مع زوجي

وبصراحة اتمنى اتنور وافهم واصير ذكية الذكاء الزوجي اللي يسعد زوجي ويسعدني معااه وانا احبه موووووت وهو دايم يهددني يتزوج علي ومراات يترجاني اسمح له (( مو بصاحي ذا الرجال )) .. وانا حلوة وشيك ودلوووعة ونعووووومة مررة لكن ما عندي اسلوب معاه مدري كيف احتويه وافهمه تراه تعب وهو يقول افهميني وانا مدري شلون افهمه .. واااه ياما بقلبي تعبت وياليت تفيديني ..

ياااااااااويح قلبي وكأنك قاعده تتكلمين عني >>>> ههههههههه :10:

وخاااااااااااااصه الجمله هذي ,,,,كل مرة ردة فعلي نفسها في اي مشكلة هواش :33: وصراخ ووديني بيت اهلي وطلقني وربي مل الرجال ,,,

ماأقول الا الله يخلف علينا وانا اختك صدق نااااقصات عقل

ودين,,,, بس صدقيني بالمواقف اللي امسك لساني فيها :24:

واضغططططططططط على نفسي تمر بسلاااااااام ولله الحمد

اكثري من قراءة القران صدقيني بترتاااااااحين...

 

[مجنونه زعلاته]

ماشاءالله احس الحب اللي بينكم حلوووووو ,,,,,,الله يحفظكم من كل شر ,,, ماشاءالله ​

 

[ام الوردكله]

ماعليه مافي كرامة بين الرجال ومرته واثقلي حتى يحس فيك ودايما عطي الامور حقها فقط

 

[تررف القصيد]

ياشين المره وغيرتها والله مايضيع الرجال إلا إسلوب الصياح

 

[الوردوالياسمن]

يؤيؤيؤيؤيؤ​

تجنن علاقتكم>>>ماشاءالله بسم الله عليكم والله لايضركم​

بس انا احب العلاقات الي كذا ...صح حب بس مع كذا هواش ومشااكل​

فله واكشن>>>خييييييييير اش عندها ذي​

نرجع للموضوع​

شوفي قلبي زوجك يحبك هااذي مافيها كلام​

بس حركته ترفع الضغط خير يرز رقمه وخير يطلع للبحرين​

بس مع كذا لاتضغطين عليه عشان ماينفجر فيك​

اصبري شوي وسايريه على الاقل عشااان السوق ...انت تقولين عندك مناسبااات​

شوفي حبيبتي اليك الخطه>>>>>>>خخخخخخخخخ متحمسه وااجد​

بما انه ماافي بينكم الا الاوامر مشيها على كذا​

واطلبي منه السوق برسميه وبدون هواااااااش وبدون صراخ​

كذا كلميه عاادي انا ابي السوق لاني بسااافر وعشان الاسباب الي عارفها​

ومشي طبيعي لا تلحقين ورااه ولاتطنشينه ..يعني وسط​

وهو يوم عن يوم بيهدي ​

وكل ماهدى شوي انتي قربي شوي ........فاهتمني​

يعني هو بيهدى حبه حبه وانتي بنفس الطريقه قربي حبه حبه​

الين توصلين له ويرضى​

واذا رضى طلعي هالحركااات من عيوونه ..........>>خخخخخخخخ خربتها​

الله يخليكم لبعض ولا يحرمكم من بعض​

من جد هالاسلوب اللي ينفع مع الشمالي الشرقي ولمن تراضيه تعتبر هذي جريمه لان الشمالي الشرقي اذا راضيتيه يشوف انك غلاطانه ويزعل اكثر من اول

 

[نيرسيان]

هذا مقطع من حياتي سابقا والله نفس حركات زوجي ونفس ردة فعلي لكن الحمد الله غيرت نفسي

أفضل أسلوب معه التطنيش والله ماأقوله ولا كلمة وكان تواصلي معه بالرسايل وبعدين نتصالح لا كلمة مني ولا كلمة منه ترفع ضغطي

و بعدين غلطانه وستين غلطانه لما تقوليله بتطلقني حتى لو ماهي في باله إنتي حطتيتيها في باله وحكاية ودني بيت أهلي كل المره والثانية ماتصلح اقعدي في بيتك لو مهما صار

شكل زوجك يحبك لا تدوشين الرجال ههههههههههه

الله يهدي سركم ويصلحه

 

[ستروبوري]

امممم يمكن قصده انو اذا زعل يسوي اشياء مايسويها الا الأحمق
قصده بروحته للبحرين اتوقع ما ابي اخوفك بس يمكن يعاقب نفسه
ويعاقبك باشياء نتيجتها ضياع
انا كذا فهمت
الله يفرج همك ويسخر لك زوجك .. حاولي بلحظة صفا تسألية شنو قصده
وهل ممكن توصل لأشياء محرمة لأنه بكذا ريح يضيع آخرته انتي مو جاييك شيء
طمنينا شو صار معاكي

 

[احلى غاده]

حبيبتي الاسلوب الي انتي ماشيه فيه في حلك للمشكله صح و ممتاز بعد وانا راح ازيدك شي لان زوجك نفس زوجي بظبط اذا قالك انتي من جد تفكرين بالنفصال قولي لا الله لا يقوله وبعدين قولي الي كاتبه ربي هو الي بيصير

 

[مارشميلو 2010]

لا تعتذرين كثير لكن لا تطنشيه ترا انا شماليه والتطنيش يعصبني اكثر
بس حاولي تضحكينه لان الشمالي جدي ويفتقد للمرح وممكن يسامح بسرعه لو ضحكتيه كوني مرحه لما تراضينه وخليك حنونه
ولا تتحكمين فيه لانه هو اللي يحب يتحكم
بالنسبة للخيانة قوي الوازع الديني عنده

حاولي تغيرين جو البيت ترا الشمالي شخص ملول وتحياتي

 

[ياقلبي ترك الحس]

الله يسهل امورك

 

[السووسن]

كل اللي سويتيه حلووو
وواضح انه زوجك يحبك
بس تعرفي غلطتك وشي
انه لما راح ينام مالحقتيه
ازعلي من زوجك قد ماتقدري واغضبي عليه واتدلعي وسوي اللي تبيه
لكن اذا حسيتي انه محتاااجك بالفراااااش لا تتمنعي ابد او تقولي لحد هو مايناديني
ترى هذا اكبر غلط
تعرفي ان الاحتواااااء هو انك تكوني بجنب زوجك اذا هو محتاااجك حتى لو زعلانه منه وودك تذبحيه بعد هههه
كل شي الا النقطه هاذي
الشي هذا مثل الاكل والنوم تقدري تجوعي زوجك حتى وانتي زعلانه
تشوفيه جوووووعان وتخليه بحكم انه ماطلب منك الاكل
روحي واشبعي رغبته واللي براسك براسك
يعني اعزلي احتياجاته واحتياجاتك عن مشاكلكم
شوفي انتي تبين يوديك للسوق وهو زعلان منك >>> هو مثلك يبي حقه بالفراش حتى لو متخاصمين
رااااجعي حسابتك ترى زوجك فعلآ راح يمل من هالوضع
لا تحشري مشاكلكم بااحتياجاتكم
والله يهديك ويهديه ويسخركم لبعض

 

[كافيه لاتيه]

الله يسخره ليكي

 

[سهم العشق]

ما شاء الله عليكم صريحين مع بعض والله ما اقدر اعامل زوجي ذي كده 00 والله فله 00 الله يعنيك 00​

 

[قتلني بحبه]

دام السالفه فيها سوووق راضيه باي شكل من الاشكاااااال ههههههههههههه
امزح معك يا قلبي بس شكلوووو يحبك مررررررره لا تشكين فيه كثير خليه ياخذ راحته مو حلو الزوجه تضغط على الرجال كثيرررر
الله يسهل عليك امررررك يا رب.........................وكلامه انا بعد فهمته بس عجبتني سالفتك وحبيت ارد على الموضوع نفسي انا بعد اعرف وش معنى كلامه؟؟؟​