حزن الماضي
New member
- إنضم
- 16 أبريل 2010
- المشاركات
- 36
:39: مرحبا يا بنات .. تعالوا شوفوا سالفتي مع زوجي الشمالي وقولوا لي حل ...
رحنا السوق وشفته يلعب بالجوال رجعنا البيت وفتحت البلوتوث حصلته حاط رقمه.. وقلتله عسى بس حد عطاك وجه ؟؟( خخخخ .. قام يضحك ويقول لا والله .. قلت له وش تبي وليه حطيت رقمك فيه احد عجبك والا كيف ..وصارت الهوشه .. طبعا هو يقول والله مانويت اكلم ولا شي بس جا على بالي اسوي دراسة ابي اشوف حد بيدق فعلا قاطعته واذا حد دق بتكمل الدراسة والا خلاص ودراستك حق الماجستير والا بتخبيها تاخذ عليها الدكتوراه .. وهو ماخذ الموضوع بسخرية .. وانا مقهورة :30:لانه سبق كشفت له خيانه مكالمة وتاب على قولته .. طبعا هو قال شفت شلة بنات كلهم بجوالاتهم حبيت اشوف .. وليه تمسكين جوالي ولاعاد اشوفك تفتحينه .. قلت انت ما تستاهل اغار عليك ولا احبك .. قام يطالع فيه بصمت طبعا .. وقلت له .. انا وانا معاك الف من يتمناني .. <<<<<مدري من وين جت هالجملة حشرت نفسها في الهوشة (( طبعا هو يعرف انه كثيييير خطبوني )) .. شكل عامل الغيرة تحرك عنده وعصب وسكت وصار ما يعطيني وجه
اليوم الثاني قال باروح البحرين عندي شغل .. قلت اي شغل من متى لا منت رايح .. وهوشة اخرى .. وما طلع الا بطلعة الروح ..قلت له متى جاي قال باكلمك من هناك... طبعا فيني حركة مو حلوة اني اخبي المفاتيح والمحفظة وما يلاقيها الا بهواش >>>:13:
طبعا ولا كلمني ولا يرد علي ابدا .. انا بمرور الوقت زدت اشتعالا .. كنت بانجن مدري ليه .. وكلمت خالي وقلت له تعااال وجيب جوازك معاك قال خالي ليه عسى ماشر )) طبعا خالي صغير وصاحب لزوجي (( .. انا طالعة البحرين طالعة ..قام خالي يهدي فيني وتوعذي من ابليس وانا اصارخ وهو .. وهو .. المهم جا زوجي واستقبلته ببرود وقلت وين اتصالك وليه ماترد علي قال جوعان هات غداي قلت ليه ما عندهم اكل ولا مطاعم في البحرين .. ليه مارديت علي اول بعدين اجيب غداك .. طبعا كبرت السالفة ووصلت انه قال تبين تروحين لاهلك روحي بكيفك .. قلت يعني انت ماتبيني خلاص بتطلق .. قال اذا تبين الطلاق ماعندي مانع وقال خلاص مابي منك شي .. ونام ..كان هذا يوم الخميس .. ومر الجمعة والسبت .. وانا
وهو على الصامت وهو يقضي اغلب يومه برا .. ويرجع يتعشا وينام..
المهم انا ضعفت وحسيت اني كبرت السالفة (( وبدأ اللوم وذكريات الحب )) .. وفي الصباح قبل لايروح الدوام صار موقف وهو يلبس قام ناظرني وضحك.. انا اعتبرتها اشارة الرضا .. وقمت وكتبتله رسالة تصبيحة مررة حلوة .. ولا رد علي ولا عبرني :30:.. انتظرته لين مارجع من الدوام .. وراح يرتاح قلت فرصة وارتز جنبه على السرير .. ودار بيننا الحوار التالي ..
انا : اسفة لاني رفعت صوتي عليك بس والله من حبي وغيرتي عليك
هو : .............
انا : انا عتبانه عليك وزعلانة مررة لانك قلت لي عادي اذا رحتي بيت اهلك .. معقولة تقدر تستغني عني ..(( هين راح الهياط اللي فوق .. قال الف من يتمناني قال ))
هو: استغني عنك وعن الدنيا واحرق نفسي..
كانت الصدمة على بالي الموضوع بيمر زي كل مررة لكن شكله هالمرة اصعب .. بلعت الصدمة وكملت ..
انا : بس انا مستحييل استغني عنك انت حياتي وحبي (( وجلست اتذكر قاموس الحب اجمع لي كلمات حلوة والا مقهوورة وناوية اربية بعد ما يرضى باسلوب الحريم اللي فقدته من عصبيتي في بداية المشكلة ))
هو : دوري لك على تعويض ..
انا مصدومة من جده الرجال : كيف يعني ادور لي على تعويض هو في شي يعوضني عنك
هو: من النت والا الشات والا اي مكان
انا : من جدك انت
هو: لا تكثرين كلام قومي حطي عشا للاولاد
انا جلست شوي وقمت حطيت عشا للاولاد وكلمته تروح وتجي ورجعت له وسألته:ليه قلت كذا ووش صار يعني ووش شوفي لك تعويض لايكونك تعاملني كذا يعني عندك تعويض .. تقطعت كلمة تعويض مافي جملة ما انقالت فيها رحمتها مسكينه
قلت له يعني انا غلطانه اللي جيت اعتذر واصلح الموضوع قال لي : عن ايش تعتذرين ؟ قلت : اعتذر عن اسلوبي بس اني رفعت صوتي وتماديت عليك وانت المفروض تعتذر عن تصرفاتك وقلة احترامك وتجاهلك لي وبعدين انت جالس تذلني لاني جيتك واعتذرت وش هالاسلوب وليه
طبعا انا اراضيه اضمه وابوسه وحركات وبعدين جلست بعيد لما شفت صده عني وقمت اتكلم معاه لما شافني ابكي اخر شي قام مد يده يسحبني جهته بهدؤ .. طبعا انا قلت بس الرجال رحمني وحب يأدبني والحين لان .. قمت اتغلى وقلت له فكني انت كنت عارف اني ابيك تبوسني وتضمني وتسامحني وانت عارف ان عصبيتي غصب عني انت تلومني على حبي وغيرتي عليك .. قال : بس قربي باقولك شي ؟؟ قلت له : لا تقول (( على بالي بتنتهي السالفة زي كل مرة زين ما فصخت بعد )) :31:
المهم قال : راح اقولك جملة وحدة تفهمينها زييين
والجملة كالاتي )) انتي متزوجة رجل احمق واذا ماعرفتي تتعاملين معاي راح اضيع نفسي اولا واضيعك ثانيا ))
وطال الصمت واخذت نفسي وخرجت من الغرفة
رجعت له وقلت : العشا جاهز بكل هدؤ ورسمية
قال : مابي
وطلعت ونيمت اولادي وجلست على النت وشوي الا هو قام وجلس وقال ابي عشا وعشيناه مازال الصمت ما بيننا الا الاوامر..
واليوم نفس الشي بس انا قررت اني ما اكلمه الا لما يبدأ هو
وهو جالس يستغل حاجتي لاني طالعة لاهلي قريب وعندنا مناسبات وابي السوق ومافي حد يوديني الا هو وناوي يربيني بهاذي الطريقة انا متأكدة اول ما نسافر بيفرد خشته ويضحك معاي وانا اجلس بحسرتي
فأرجووو افادتي ..
وش سالفة رجل احمق
وكيف اتصرف معاه
وهو نمطه شمالي شرقي وانا ياعيني جنوبيه غربيه
اطلب منه برسمية اروح السوق والا لا
ترا سخريتي من الموضوع من القهر اللي فيني الا والله اني في هم عظيم لكن الله كريم
واسوني وانصحوني ارجوكم..
\
رحنا السوق وشفته يلعب بالجوال رجعنا البيت وفتحت البلوتوث حصلته حاط رقمه.. وقلتله عسى بس حد عطاك وجه ؟؟( خخخخ .. قام يضحك ويقول لا والله .. قلت له وش تبي وليه حطيت رقمك فيه احد عجبك والا كيف ..وصارت الهوشه .. طبعا هو يقول والله مانويت اكلم ولا شي بس جا على بالي اسوي دراسة ابي اشوف حد بيدق فعلا قاطعته واذا حد دق بتكمل الدراسة والا خلاص ودراستك حق الماجستير والا بتخبيها تاخذ عليها الدكتوراه .. وهو ماخذ الموضوع بسخرية .. وانا مقهورة :30:لانه سبق كشفت له خيانه مكالمة وتاب على قولته .. طبعا هو قال شفت شلة بنات كلهم بجوالاتهم حبيت اشوف .. وليه تمسكين جوالي ولاعاد اشوفك تفتحينه .. قلت انت ما تستاهل اغار عليك ولا احبك .. قام يطالع فيه بصمت طبعا .. وقلت له .. انا وانا معاك الف من يتمناني .. <<<<<مدري من وين جت هالجملة حشرت نفسها في الهوشة (( طبعا هو يعرف انه كثيييير خطبوني )) .. شكل عامل الغيرة تحرك عنده وعصب وسكت وصار ما يعطيني وجه
اليوم الثاني قال باروح البحرين عندي شغل .. قلت اي شغل من متى لا منت رايح .. وهوشة اخرى .. وما طلع الا بطلعة الروح ..قلت له متى جاي قال باكلمك من هناك... طبعا فيني حركة مو حلوة اني اخبي المفاتيح والمحفظة وما يلاقيها الا بهواش >>>:13:
طبعا ولا كلمني ولا يرد علي ابدا .. انا بمرور الوقت زدت اشتعالا .. كنت بانجن مدري ليه .. وكلمت خالي وقلت له تعااال وجيب جوازك معاك قال خالي ليه عسى ماشر )) طبعا خالي صغير وصاحب لزوجي (( .. انا طالعة البحرين طالعة ..قام خالي يهدي فيني وتوعذي من ابليس وانا اصارخ وهو .. وهو .. المهم جا زوجي واستقبلته ببرود وقلت وين اتصالك وليه ماترد علي قال جوعان هات غداي قلت ليه ما عندهم اكل ولا مطاعم في البحرين .. ليه مارديت علي اول بعدين اجيب غداك .. طبعا كبرت السالفة ووصلت انه قال تبين تروحين لاهلك روحي بكيفك .. قلت يعني انت ماتبيني خلاص بتطلق .. قال اذا تبين الطلاق ماعندي مانع وقال خلاص مابي منك شي .. ونام ..كان هذا يوم الخميس .. ومر الجمعة والسبت .. وانا
وهو على الصامت وهو يقضي اغلب يومه برا .. ويرجع يتعشا وينام..
المهم انا ضعفت وحسيت اني كبرت السالفة (( وبدأ اللوم وذكريات الحب )) .. وفي الصباح قبل لايروح الدوام صار موقف وهو يلبس قام ناظرني وضحك.. انا اعتبرتها اشارة الرضا .. وقمت وكتبتله رسالة تصبيحة مررة حلوة .. ولا رد علي ولا عبرني :30:.. انتظرته لين مارجع من الدوام .. وراح يرتاح قلت فرصة وارتز جنبه على السرير .. ودار بيننا الحوار التالي ..
انا : اسفة لاني رفعت صوتي عليك بس والله من حبي وغيرتي عليك
هو : .............
انا : انا عتبانه عليك وزعلانة مررة لانك قلت لي عادي اذا رحتي بيت اهلك .. معقولة تقدر تستغني عني ..(( هين راح الهياط اللي فوق .. قال الف من يتمناني قال ))
هو: استغني عنك وعن الدنيا واحرق نفسي..
كانت الصدمة على بالي الموضوع بيمر زي كل مررة لكن شكله هالمرة اصعب .. بلعت الصدمة وكملت ..
انا : بس انا مستحييل استغني عنك انت حياتي وحبي (( وجلست اتذكر قاموس الحب اجمع لي كلمات حلوة والا مقهوورة وناوية اربية بعد ما يرضى باسلوب الحريم اللي فقدته من عصبيتي في بداية المشكلة ))
هو : دوري لك على تعويض ..
انا مصدومة من جده الرجال : كيف يعني ادور لي على تعويض هو في شي يعوضني عنك
هو: من النت والا الشات والا اي مكان
انا : من جدك انت
هو: لا تكثرين كلام قومي حطي عشا للاولاد
انا جلست شوي وقمت حطيت عشا للاولاد وكلمته تروح وتجي ورجعت له وسألته:ليه قلت كذا ووش صار يعني ووش شوفي لك تعويض لايكونك تعاملني كذا يعني عندك تعويض .. تقطعت كلمة تعويض مافي جملة ما انقالت فيها رحمتها مسكينه
قلت له يعني انا غلطانه اللي جيت اعتذر واصلح الموضوع قال لي : عن ايش تعتذرين ؟ قلت : اعتذر عن اسلوبي بس اني رفعت صوتي وتماديت عليك وانت المفروض تعتذر عن تصرفاتك وقلة احترامك وتجاهلك لي وبعدين انت جالس تذلني لاني جيتك واعتذرت وش هالاسلوب وليه
طبعا انا اراضيه اضمه وابوسه وحركات وبعدين جلست بعيد لما شفت صده عني وقمت اتكلم معاه لما شافني ابكي اخر شي قام مد يده يسحبني جهته بهدؤ .. طبعا انا قلت بس الرجال رحمني وحب يأدبني والحين لان .. قمت اتغلى وقلت له فكني انت كنت عارف اني ابيك تبوسني وتضمني وتسامحني وانت عارف ان عصبيتي غصب عني انت تلومني على حبي وغيرتي عليك .. قال : بس قربي باقولك شي ؟؟ قلت له : لا تقول (( على بالي بتنتهي السالفة زي كل مرة زين ما فصخت بعد )) :31:
المهم قال : راح اقولك جملة وحدة تفهمينها زييين
والجملة كالاتي )) انتي متزوجة رجل احمق واذا ماعرفتي تتعاملين معاي راح اضيع نفسي اولا واضيعك ثانيا ))
وطال الصمت واخذت نفسي وخرجت من الغرفة
رجعت له وقلت : العشا جاهز بكل هدؤ ورسمية
قال : مابي
وطلعت ونيمت اولادي وجلست على النت وشوي الا هو قام وجلس وقال ابي عشا وعشيناه مازال الصمت ما بيننا الا الاوامر..
واليوم نفس الشي بس انا قررت اني ما اكلمه الا لما يبدأ هو
وهو جالس يستغل حاجتي لاني طالعة لاهلي قريب وعندنا مناسبات وابي السوق ومافي حد يوديني الا هو وناوي يربيني بهاذي الطريقة انا متأكدة اول ما نسافر بيفرد خشته ويضحك معاي وانا اجلس بحسرتي
فأرجووو افادتي ..
وش سالفة رجل احمق
وكيف اتصرف معاه
وهو نمطه شمالي شرقي وانا ياعيني جنوبيه غربيه
اطلب منه برسمية اروح السوق والا لا
ترا سخريتي من الموضوع من القهر اللي فيني الا والله اني في هم عظيم لكن الله كريم
واسوني وانصحوني ارجوكم..
\