اللي عندهم شغالات افيدوني الله يسعدكم ..

[سـارة]

السلام عليكم ..

صباح الخيرات ..

خواتي انا الحين انتظر طفلي الاول وادرس بالجامعة ..

وناوية ان شاء الله اجيب شغالة .. بس مابخليها تمسك الطفل ابدا بس للبيت وتساعد في امور الطبخ ..

تنصحوني ..

اجيب صغيرة وللا كبيرة ؟؟
مشتغلة من قبل وللا لا؟
وين اخليها تنام ؟؟
وكيف اقدر احافظ على خصوصيتي؟؟
زوجي مايبي يقابلها .. كيف اخلي ياخذ راحته في البيت بوجودها ؟؟
اذا بغيت اروح الدوام وزوجي دوامه بعدي وين احطها عشان ما اخليها لحالها في البيت وياه ؟؟
اقفل عليها الغرفة وللا كيف اتصرف ؟؟

انا مرة ماعندي خبرة في التعامل مع العمالة ..

انصحوني من خلال تجاربكم الله يسعدكم ..

 

[ام حمدان الغالي]

حبيبتي جيبي شغالة ايديدة ما مشتغلة مكان ابدا لان المشتغلات متعفرتات
واليديدة بتمشينها ع مزاجك انتي
وسويلها ملحق مفصول عن البيت اشوي عشان تكون بعيدة عنك
واذا بغيتيها شي جرس يكون معاها وين ما تروح
بس نصيحة ولدش لا تخليها معها ابد خصوصا انه ما عنده اخوان اكبر منه يراقبونها
ولما تروحي الدوام خليها مع الولد بيت احد من الاهل
واعتقد ما راح تفرق اذا كانت كبيرة او صغيرة والله انه بالحظ هالشغالات كلهن يخوفن

 

[رموش]

نصيحة لا تيبين اندونيسية ولا تفكرين اصلا و اذا بتيبين هاتي اثيوبية كبيرة في السن شوي و لا تخينها بروحها مع الولد خليها بيت الاهل احسن و امن حق الولد

 

[شـغـف]

اولا كيف بيتج؟ صغير ولا كبير؟

كم غرفة فيه؟

في غرف ملحقة قريب المطبخ؟


ثانيا:

يوم بتروحين الجامعة وين بتحطين الصغير؟



ثالثا:

بالنسبة للخادمات استخيري الله.. واختاري واحدة بعناية وتوكلي على الله..



ربي يكتب لج الخير..

 

[المدينه حبي]

هلا والله سارونه واقول ليش تاركه الملف اتاريكي هنا
شوفي ياعسل بببساطه وانتي رايحه الدوام
وديها عند مامتك
ولا اذا عندك اخت متزوجه وديها هي وولدك عنددها
وخذي وحده متوسطه بالعمر
وانتبهي تاخذين بعمر 20
وتحت
مابتحصلين خير
وخليها تتلثم بالبيت تعرفين تتلثم بالايشارب حقها
زوجة عمي تخليها متلثمه يعني فولي لها باختصار تحجبي
لازم حجاب هذا اول شي

 

[RedRose]

اول شي اشتري لها ملابس خاصة بالخدم وشبشب للبيت وحجابات كويسة وبجامة ,,, اول ما تجي اعطيها الملابس الجديدة وقوليلها ملابسك ما تلبسيها ابداااا

ثاني شي اذا انت بشقة حاولي تكون غرفتها بعيدة عنك ... واذا ما عند غرف بعيدة او ملحق ,, خليها تنام في قسم مجالس الرجال لانه اكيد منعزل واول ما تصحى الصباح تشيل فراشها للغرفة

اول ما تجي اجلسي معاها وتفاهمي معاها على كل شي ,, فهميها انك ما تحبي الكذب وقوليلها اي شي يصير بالبيت ما يطلع برا ,,, قوليلها من بعد العشا خلاص تروحين غرفتك وما تطلعين الا اذا ناديتك
فهميها ان الولد اهم شي وانها لو سوت شي للولد او ضربته او اي شي بتودينها البوليس عشان تخاف

اعملي لها دفتر صغير او ورقة توقع فيها كل ما استلمت الراتب

حطيلها جدول بشغل البيت ,, مثلا اش الشغل اليومي اللي تسويه تمسح الطاولات مثلا تنظف الحمامات ,تجمع الزبالة
اش الشغل الاسبوعي ,, مثلا غسيل ,, كذا يعني

امممممممممم اش بعد

طبعا لا تخلي البيبي معاها ابدااااااا ممكن تخليها تشيله عادي بس بوجودك لكن لا تخلين البيبي لوحده معاها

اما العمر فاعتقد في الثلاثينات افضل

والله يعطيك خيرها ويكفيك شرها

 

[بديت اغار]

بداية الله يقومك بالسلامة ... والله يطعمك خير الشغالة ويكفيك شرها.... احس صعبة توصلين البيبي لامك كل صباح مع الشغالة انا مجربة واذا ماحصلك هالشي حطي كاميرا مراقبه وحطي عند شغالتك خبر....

 

[سـارة]

حبيبتي جيبي شغالة ايديدة ما مشتغلة مكان ابدا لان المشتغلات متعفرتات
واليديدة بتمشينها ع مزاجك انتي
وسويلها ملحق مفصول عن البيت اشوي عشان تكون بعيدة عنك
واذا بغيتيها شي جرس يكون معاها وين ما تروح
بس نصيحة ولدش لا تخليها معها ابد خصوصا انه ما عنده اخوان اكبر منه يراقبونها
ولما تروحي الدوام خليها مع الولد بيت احد من الاهل
واعتقد ما راح تفرق اذا كانت كبيرة او صغيرة والله انه بالحظ هالشغالات كلهن يخوفن

بس مشكلة الشغالة الجديدة بتعب معاها بالنسبة للهجة خاصة اذا مانت تعرف انجليزي ..
بس على قولك امشيها على كيفي ..

بالنسبة للملحق مافي مجال احط ابد :sad_1:

لا مستحيل ماراح اخلي الولد معها ..

الله يجزاك خير أم حمدان ماقصرتي ..

 

[سـارة]

نصيحة لا تيبين اندونيسية ولا تفكرين اصلا و اذا بتيبين هاتي اثيوبية كبيرة في السن شوي و لا تخينها بروحها مع الولد خليها بيت الاهل احسن و امن حق الولد

ليش يالغالية ماجيب اندونيسية ؟؟ افيديني بالله لاني ناوية اجيب هالجنسية :sad_1:

لا ماراح اخليها مع الولد ..

الله يجزاك خير يارب ..

 

[سـارة]

اولا كيف بيتج؟ صغير ولا كبير؟

كم غرفة فيه؟

في غرف ملحقة قريب المطبخ؟


ثانيا:

يوم بتروحين الجامعة وين بتحطين الصغير؟



ثالثا:

بالنسبة للخادمات استخيري الله.. واختاري واحدة بعناية وتوكلي على الله..



ربي يكتب لج الخير..

صغير مش كبير عبارة عن شقة اربع غرف وصالة ومطبخ وثلاث حمامات وانت بكرامة ..
ومافيه ملحق ..

بحط الصغير عند ام زوجي او باخذه حضانة الجامعة ..

الله يكتب لي ولك اللي فيه الخير ..

بارك الله فيك ..

 

[سـارة]

هلا والله سارونه واقول ليش تاركه الملف اتاريكي هنا
شوفي ياعسل بببساطه وانتي رايحه الدوام
وديها عند مامتك
ولا اذا عندك اخت متزوجه وديها هي وولدك عنددها
وخذي وحده متوسطه بالعمر
وانتبهي تاخذين بعمر 20
وتحت
مابتحصلين خير
وخليها تتلثم بالبيت تعرفين تتلثم بالايشارب حقها
زوجة عمي تخليها متلثمه يعني فولي لها باختصار تحجبي
لازم حجاب هذا اول شي

هلا والله :icon31:

امي مش ساكنة في نفس المدينة اللي انا فيها ..

مستحيل آخذها بالعشرين .. يمكن فوق 35 لانه بيتي مايبي له ذاك الشغل ..

انا مابيها تطلع من البيت وانا في الدوام عشان تجهز لي اساسيات الغدا ..

 

[سـارة]

اول شي اشتري لها ملابس خاصة بالخدم وشبشب للبيت وحجابات كويسة وبجامة ,,, اول ما تجي اعطيها الملابس الجديدة وقوليلها ملابسك ما تلبسيها ابداااا

ثاني شي اذا انت بشقة حاولي تكون غرفتها بعيدة عنك ... واذا ما عند غرف بعيدة او ملحق ,, خليها تنام في قسم مجالس الرجال لانه اكيد منعزل واول ما تصحى الصباح تشيل فراشها للغرفة

اول ما تجي اجلسي معاها وتفاهمي معاها على كل شي ,, فهميها انك ما تحبي الكذب وقوليلها اي شي يصير بالبيت ما يطلع برا ,,, قوليلها من بعد العشا خلاص تروحين غرفتك وما تطلعين الا اذا ناديتك
فهميها ان الولد اهم شي وانها لو سوت شي للولد او ضربته او اي شي بتودينها البوليس عشان تخاف

اعملي لها دفتر صغير او ورقة توقع فيها كل ما استلمت الراتب

حطيلها جدول بشغل البيت ,, مثلا اش الشغل اليومي اللي تسويه تمسح الطاولات مثلا تنظف الحمامات ,تجمع الزبالة
اش الشغل الاسبوعي ,, مثلا غسيل ,, كذا يعني

امممممممممم اش بعد

طبعا لا تخلي البيبي معاها ابدااااااا ممكن تخليها تشيله عادي بس بوجودك لكن لا تخلين البيبي لوحده معاها

اما العمر فاعتقد في الثلاثينات افضل

والله يعطيك خيرها ويكفيك شرها

الله يجزاااااااااااااااااااااك خير اختي ريد روز ..

والله افكارك مرة حلوة .. احس اني تعلمت من ردك كيف اتعامل معها اول ماتجي ..

ماقصرتي الله يجعله في ميزان حسناتك ..

صح يبي لي اخليها في قسم المجالس ..

 

[سـارة]

بداية الله يقومك بالسلامة ... والله يطعمك خير الشغالة ويكفيك شرها.... احس صعبة توصلين البيبي لامك كل صباح مع الشغالة انا مجربة واذا ماحصلك هالشي حطي كاميرا مراقبه وحطي عند شغالتك خبر....

الله يسلمك عزيزتي ويجزاك خير ..

بيت ام زوجي قريب مني يمكن اودي الصغير بس بالنسبة للشغالة انا ابيها الصبح

موجودة في البيت عاشان الغدا ..

يعطيك العافية ..

 

[قهوتي سكر زيادة]

نصيحتي فلبينية أو هندية وغيري رايك بالأندونيسية، شوفي أنا مالي مصلحة من شي بهالكلام إلا أني اعتبرتك مثل أختي وقلت واجبي أرد وانصحك... أنا ما جربت الأندونيسيات وماأبي أظلمهم أعرف ناس يرتاحون لهم وأم رفيجتي عندها أندونيسية صار لها 7سنين وتمدح فيها كثير.. بس سوالفهم كثيرة وقصصهم خطيرة يعني سمعت عنهم بلاوي لما تغلط ،تغلط بشي كبييير مثل سحر أو تحاول تفتن أوتغري أحد من رجال البيت أعوذ بالله أو تتبلى عليهم،، كم وحدة تسولف لي أن خادمة إندونيسية تبلت على زوج أختها أو حماها أستغفر الله صراحة الواحدة منا ما تتحمل هالأمور الله يجيرنا...

أنا عن نفسي أطلب فلبينية وتأكدي من تعليمها كل ما كانت متعلمة شوي ،ثانوية أو معهد أحسن .. وطلبيها أول مرة تشتغل.. شوي تتعبين معاها في البداية بعدين تتعود... أما المشتغلات من قبل ما أرتاح لهم..
بالنسبة للعمر مو مقياس يعني من 23 وفوق زين..

وتأكدي وهذي أهم خطوة تطلبينها من مكان يمدحوووونه وتعرفينه لأن بعض الأماكن ما يتحرون في الاختيار..

ودوم صلي الاستخارة وعليك بالدعاءلأن هذي المسألة ضرورية تتعلق ببيتك وحياتك..

إي وأنا مع الأخوات بالنسبة اللبس إخذي شي محترم ومرتب وإخذي لها منديل أو هذي الحجابات البيضا الاسترش القطن ما أعرف إشتسمونها وعلميها أن من قانون البيت تلبسه دامها تشتغل حتى لو كانت مو مسلمة..

وأهم شي بعد تلاحظين نظافتها بكل شي خاصة إنك بتسلميها المطبخ.. كل شي يتعلق بالنظافة علقي عليها عشان تتعلم لأن أكثرهم جهلة بهالأمور..
واعتبريها مثل الأطفال علميها كل شي شوي شوي وارحميها واصبري على عدم استيعابها في البداية وأغلاطها لأن البيئة جديدة عليها.. أنا بهالتفكير أعامل الخادمات عندنا بالبيت..

عموما هذا اللي تذكرته وإذا ذكرت شي ثاني بأرجع.. وأي سؤال حااااضرين..

 

[شرشف]

حبيبتي جيبي شغاله اذا انتي حاسه انك ما تقدرين علي شغل البيت والدراسه بس امانه انتبهي اتخلين النونو معاها وفيه موظوع لاستاذتنا ناعمه اتحذرمن الشغالات وتعذيبهم للاطفال وحطت فيه كم رابط انا ما اعرف انقلهم لك بس هم عموما باليوتيوب اكتبي بالبحث خدامه تعذب طفله وشوفي البلاوي بعينك الله لا يبتلينا باللي راح تشوفين واتوقع اذا شفتي بتقررين بنفسك

 

[دلع قلبه]

الله يسهل امرك ويكتب لك كل خير,,
عزيزتي انا اشوف ان الخدامة في مثل وضعك مالها لزمه اذا انتي فالاصل ناوية تحطين البيبي عند ام زوجك
وبيتك صغير مو محتاج خدامة
احسبيها معاي لو وفرتي قيمة الفيزا وراتبها وجبتي لك كل اسبوع خادمة تنظف لك البيت من إلى,اساسيات الغدا
سهله والدتي الله يحفظها لما كانت موظفه تقول كنت منظمة بحيث ماكنت احس اني احتاج للخدامة كنا 4 وقتها ماشاء الله اذا انتي اهم شي لاقية للبيبي احد ثقة تحطينه عنده فالحمدلله وجودها ماله داعي
من الامور اللي تسهل عليك
ممكن تسوي حمسات الغدا بكميات وتحطينها في علب محكمة الاغلاق تكفيك 4 ايام اذا مو اكثر
ممكن تجهزين من الليل غداك وش بيكون فيها اشياء ممكن تتفرزن وقت الاستخدام بس تطلعينها
بالنسبة للحوم وفري راتب الشغاله واشتري فيه الجهاز المقطع النظيف لان البعض يعدة غالي فاانا اقول
لراحتك وبما انك بتوفرين راتبها هذا بيكون البديل
ابحثي فالنت عن الامور اللي ممكن تنجزينها وقت ماانتي فاضية وتغنيك عن الخدامة طوال الاسبوع
بصراحة الخدمات شر قلما خيره بتقيدك في حريتك بقوووه ماتضمنينها ابدااااا !!!
لو بحثتي اكثر بتلقين بديل لها أأمن لك ولبيتك..

 

[قلب حائره]

اهم شي ارجوك ارجوك لاتجيبي فلبينه او اندونسيه جيبي هنديه صغيره افضل لن الهنود يخافو ع سمعتهم كثير
وارجوك اكثر اياك وتحطي البيبي معاها مهمها حسيتي انها طيبه

 

[مؤاسم الدهر]

ياحلو الحياة من غير شغالة حرية وناس ومتعة في كل شيى
الراحة النفسيةمستحيلة تكون مع وجود شغالة

 

[سـارة]

نصيحتي فلبينية أو هندية وغيري رايك بالأندونيسية، شوفي أنا مالي مصلحة من شي بهالكلام إلا أني اعتبرتك مثل أختي وقلت واجبي أرد وانصحك... أنا ما جربت الأندونيسيات وماأبي أظلمهم أعرف ناس يرتاحون لهم وأم رفيجتي عندها أندونيسية صار لها 7سنين وتمدح فيها كثير.. بس سوالفهم كثيرة وقصصهم خطيرة يعني سمعت عنهم بلاوي لما تغلط ،تغلط بشي كبييير مثل سحر أو تحاول تفتن أوتغري أحد من رجال البيت أعوذ بالله أو تتبلى عليهم،، كم وحدة تسولف لي أن خادمة إندونيسية تبلت على زوج أختها أو حماها أستغفر الله صراحة الواحدة منا ما تتحمل هالأمور الله يجيرنا...

أنا عن نفسي أطلب فلبينية وتأكدي من تعليمها كل ما كانت متعلمة شوي ،ثانوية أو معهد أحسن .. وطلبيها أول مرة تشتغل.. شوي تتعبين معاها في البداية بعدين تتعود... أما المشتغلات من قبل ما أرتاح لهم..
بالنسبة للعمر مو مقياس يعني من 23 وفوق زين..

وتأكدي وهذي أهم خطوة تطلبينها من مكان يمدحوووونه وتعرفينه لأن بعض الأماكن ما يتحرون في الاختيار..

ودوم صلي الاستخارة وعليك بالدعاءلأن هذي المسألة ضرورية تتعلق ببيتك وحياتك..

إي وأنا مع الأخوات بالنسبة اللبس إخذي شي محترم ومرتب وإخذي لها منديل أو هذي الحجابات البيضا الاسترش القطن ما أعرف إشتسمونها وعلميها أن من قانون البيت تلبسه دامها تشتغل حتى لو كانت مو مسلمة..

وأهم شي بعد تلاحظين نظافتها بكل شي خاصة إنك بتسلميها المطبخ.. كل شي يتعلق بالنظافة علقي عليها عشان تتعلم لأن أكثرهم جهلة بهالأمور..
واعتبريها مثل الأطفال علميها كل شي شوي شوي وارحميها واصبري على عدم استيعابها في البداية وأغلاطها لأن البيئة جديدة عليها.. أنا بهالتفكير أعامل الخادمات عندنا بالبيت..

عموما هذا اللي تذكرته وإذا ذكرت شي ثاني بأرجع.. وأي سؤال حااااضرين..

الله يعطيك العافية على النصيحة ..

فكرت اجيب فلبينية من قرية

بس يقولون الفلبينيات افنديات مايبون يشتغلون واجد ..

بس هم صحيح نظيفااااااااااات ..

والاندنيسيات للكرررررررررف بس صح شرهم زايد ..

الله يكتب اللي فيه الخير ..

الله يجزاك خير يالغالية ..

 

[سـارة]

حبيبتي جيبي شغاله اذا انتي حاسه انك ما تقدرين علي شغل البيت والدراسه بس امانه انتبهي اتخلين النونو معاها وفيه موظوع لاستاذتنا ناعمه اتحذرمن الشغالات وتعذيبهم للاطفال وحطت فيه كم رابط انا ما اعرف انقلهم لك بس هم عموما باليوتيوب اكتبي بالبحث خدامه تعذب طفله وشوفي البلاوي بعينك الله لا يبتلينا باللي راح تشوفين واتوقع اذا شفتي بتقررين بنفسك

لا عزيزتي مستحييييييييل اخلي عندها الطفل ..

تطمني من هالناحية ..

ومشكورة يالغالية ..