اللهم ارزقنا الاولاد الذكور والذريه الصالحه ..بنات ام رفعه حياكم ..

[حواء ثقيف]

السلام عليكم
اموووله..لاحول ولاقوة الا بالله
الله يشافي ولدك ويعافيه ويقومه لك بالسلامه وكل مرضى المسلمين ويشفي فيصل ولد وصايف ويشفي كل مرضى المسلمين ياااااااااااارب
تصدقي الظاهره هذي كثرت الحمد لله على كل حال اللي هي الشحنات الكهربائيه
تصدقوا سلفتي متزوجه من 18 سنه ماشاء الله ومعلمه وعندها بنت وولد فقط ربي ماأعطاها غيرهم
وماشاء الله ماعمرها اشتكت من شئ
والسنه اللي قبل هذي يوم عودة المعلمات وكانت لابسه ومتكشخه ورايحه للمدرسه الا المعلمات قالوا لها شكلك سمنانه مع الاجازه تقول فيه منهم من قال ماشاء الله ومنهم مادري عنهم
وتقول والله ماحطيت ببالي شئ بس يوم رجعت للبيت الا هي تعبانه وجسمها كله حساسيه كأنه حرق نار اعوذ بالله
والله السالفه هذي لها اكثر من سنتين وجسمها لحد الان ويدينها وكتوفها وفخوذها وسيقانها كلها كأنها محروووووووقه بالنار اعوذ بالله من الشيطان ومكان الحساسيه اسود
وغير كذا نفسيتها تعبت مره وكانت بس تبكي واذا اكلت شئ رجعته على طول ودايم صدرها مكتوم
وفي يوم من الايام على ايام اامتحانات الترم الاول يعني بنفس السنه اللي تعبت فيها
ذاكرت لولدها ونومت بنتها وولدها ودخلت على غرفتها عشان بتنام عندها ثاني يوم دوام
الا تقول ماأدري عن نفسي الا لقت نفسها بالمستشفى
تخيلو زوجها يحكي اخوه اللي هو زوجي ويحكي اخواته يقول والله كنا نايمين في امان الله الا احس الدنيا تهتز والسرير يهتز وصحيت من نومي واولع النور الا هي مسكينه في حال يرثى له عيونها بيضاء وتطلع اصوات غريبه
بس كلم اخوها لانه ساكن مره قريب منهم
وشالوها وودوها المستشفى ويوم كشف الدكتور عليها قال هذي شحنات كهربائيه زايده سبحان الله واعطاها حبوب اشكال والوان واستخدمتها والحمد لله اتحسنت كثير بس والله ماتحسنت حالتها أكثر
الا بعد ماراحت لشيخ يقرأ عليها والحمد لله على كل حال
وقبل كم شهر كمان ولد سلفتي الثانيه نفس الحاله الولد عمره 11 سنه وكان نايم واهله نايمين عشان امه وابوه واخواته عندهم مدارس ودوامات ونفس الشئ تقول امه يوم صحيت للفجر وابصحي البنات وابصلي والبس والبسهم وبنروح للمدرسه
الا ولدها في حاله يارب عفوك وأخذوه على المستشفى الا الدكتور يقول عنده شحنات كهربائيه
ومازال ياخذ العلاج ولله الحمد كأنه احسن الحين

 

[حواء ثقيف]

ياليت اني اشوفك صافه تحت
كيفك وش اخبارك من زمان عنك

 

[حواء ثقيف]

بنات صدري ضايق مره
ابقوم اتحمم وانام

 

[سنيورتا***]

لااله الا الله
الله يلطف بحالهم يارب.والله كثر الحسد والناس ماتذكر الله ابد
ونعمة غيرهم حلوة بعيونهم مع انهم تلاقينهم بيوتهم مليانه
ماشاء الله لاقوة الابالله ..

 

[سنيورتا***]

شكل الضيقه عامه بنات الملف اليوم..
طول اليوم واحس نفسي مخنوقه ابغى ابكى ابغى اتكلم
تعوذت من بليس ..وتحممت ورتبت بيتى وجلست
على النت ..
الله المستعان ..

 

[سنيورتا***]

ياليت انى,, وين الغيبه عسى ماشر

 

[ياليت اني]

السلام عليكم ورحمة الله وبركاته
كيفكم وش اخباركم اشتقتلكم والله
عارفه اني قاطعه ومالي داعي بس والله الظروف كانت اقوى مني
بس ما اقول الا الحمد لله والشكر على كل حال
بنت المملكه عظم الله اجرك والله يغفر له ويرحمه ويسكنه الجنه ياررب
وعظم الله اجركم جميعا والله نسيت من اللي لازم اعزيها بعد ........
ام رفعه ونعومه الله يهون عليكم يارب ويفرح نظرتكم بالطفل السليم المعافى يارب
حواء وسنيوره وامونه وندو وسوسو ونسمه وريم ونوف وام نوره وووكلكم من غير قصور فيكم جميعا
اتمنى تكونون بصحه وعافيه
اما انا والاجازه طلعنا مرتين لمخيم وباقي الايام طلعات خفيفه زائد تنكيد جميل جدا من شغالتي الجديده الله حسيبهااااااا
وراحت مني امس
والله انهم يقهروووون ومافيهم خوف من ربي
وقسم بالله اني اتمنى استغني عنها بس احس صعبه
اولا لان الزوج الخليجي عامه ما يساعد الزوجه ابدا ابدا وقسم بالله اني احيانا اقول بس شوي بروح اصلي او الحمام ويالله يوافق يجلس عند عبدالعزيز >>>>> وش ذاااا مره معصبه
ثانيا الواجبات الاجتماعيه اللي ما تخلص ابد ولا تخليك تستقرين لبيتك وعيالك ترفع الضغط
وتخلي البيت دائم حايس
ثالثا الجو استغفر الله كل يومين غبار
وغير المويه اللي تشقق اليدين وتنشفها
والله طول ما انا في بريطانيا كنت اغسل مواعين وملابس ولا حسيت بشئ ابد
بس هنا غيرررر
وقسم بالله ان شعري نصه طاح كل من شافني قال وش ذاااااااا شعرك خلص مره صار شوي والبشره الله مستعان كلها مطبات حبوب موب طبيعه
خخخخخخخخخخخخخخخخخخخخخخ ملاحظين ما صدقت على الله ....
يالله الحمد لله على كل حال
وان شاء الله ان رجعتي هذي بتكون بتواصل دائم
لاني جبت لاب توبي من بيت اهلي

 

[حواء ثقيف]

انا جييييييييييييييييت
هلا سنيورتا على قولتك النفسيات تعبانه ولله الحمد من الجو الرهيب ):

 

[حواء ثقيف]

هلا ياليت اني كيفك وكيف عزوز واخته
ياستي الدنيا كذا كلها تعب في تعب والشغالات ماعليهم حسافه
والله هذي هي عندي لكن انا اللي اسوي واشيل واحط الله المستعان
وماتسوي شئ الا اذا قلت لها

 

[حواء ثقيف]

تصبحون على خير
تخدرت

 

[ام رفعه]

صباح الخيرااااااااااااات
ياليت اني ..نورتي والله يكون بالعون

تمائم ...هلا وغلااا ..اي هذا انا ام رفعه اللي بحواء الظاهر مافي غيري بالنت ههههههههههه حياج الله بيننا
واللهم امين الله يرزقنا يااااااااااااااااااااااارب الاولاد الذكور عاجلا غير اجلا يارب

 

[ام رفعه]

بناااااااااات بطني من تحت يعورنيييييي احس الوضع يزداد سووووووءاا
شسوي وضعيه البيبي مش مريحتني كل يوم اتألم اكثرر حتى الحركات تعورررررررر ...يارب تعبت
يارب سهلها ولاتعسرها علي ياررررررررب

 

[الليدي نوني]

الله يسهل عليك ياااارب يا ام رفعه ويرزقك ربي بالولد الصالح

ادعيلي وانتي تولدين :8:

قولي يارب الليدي نوني تحمل وتجيب بنوته حلوه مثل امها وتفرج همها وتسخر زوجها<<< رايقه


اللهم صلي وسلم على نبينا محمد​

 

[الليدي نوني]

الله يسهل عليك ياااارب​

وتجيبين ولد صاالح مثل القمر وازوجه بنتي اللي باقي فـ علم الغيب :32:​

ادعيلي وانتي تولدين قولي يارب الليدي نوني تجيب بنت مثل القمر:8:
^
^
^
^
قامت تخربط​

 

[حواء ثقيف]

هلا ام رفعه
كيفك الله يعينك يارب وكله بأجره
يارب بحق اسماؤك الحسنى وصفاتك العلى ان تعطي ام رفعه الساعه المبروكه هي وجميع الحوامل يااااااااااارب وتفرح نظرتها بضناها وهي والبيبي بصحه وعافيه

 

[حواء ثقيف]

الليدي نوني ربي يرزقك بالبنوته الحلوه اللي تفرح قلبك
ويرزق كل من تتمنى ماتريده انت على ذلك لقدير

 

[سنيورتا***]

صباح الخيرات
ام رفعه...الله يهون عليك ويقومك بالسلامه والعافيه
والحمدلله كل شي بأجره الله لايضيع لك تعب ان شاء الله
ياليت انى...ياعمري عليك مامداك تتهنين في خدامتك على طول
راحت الله يعوضك اخير منها يارب
حواء..الله يعين على النفسيات

 

[سنيورتا***]

الليدي نونى..الله يرزقك بالبنوته الى تفرحك يارب وكل من يتمنى
من المسلمين

 

[نجمة ليل]

اللهم صل على محمد وآل محمد

اللهم شاف ابناء اموله ووصايف بشفائك وداوهم بدوائك وعافهم من بلائك ... اللهم مُنّ عليهم وعلى مرضى المؤمنين المؤمنات بالشفاء والصحة وطولة العمر

 

[نجمة ليل]

أموله أخوي عمره 20 وكان فيه صرع والدكاتره شخصوه ارتفاع الششحنات الكهربائيه وعالجناه بالامارات لكن والحمدلله ماجاب نتيجه زينه وكان يتشنج بين فتره وفتره وبعدين وديناه مستشفى بالاردن والحمدلله رب العالمين خفت عنه الحاله ورجع ويهه منور لأنه من كثر الدوا اللي يشربه تحسينه منفخ