الفزعة - ساعدوني- مشكلتي في نبرة صوتي..

[نبع الحياة]

انا الي اعرفه انه المشروبات الساخنه الدافيه يعني وهم تقدرين تبحثين بالنت عمري وبتلاقين اشياء وااجد

اعتقد العسل بعد

والسموحه على القصور

ويا حلات الي ردت عليك وقالت لك نجلاء فتحي صوتها فيه بحه

دمعهااا عسل <<<<< (( دموووع السحر ))

كلمتني والصوت مبحوح الحروف

 

[حب الخير]

من جد يابنات اللي بتعطو الحل عالخاص ليش
خلونا نستفيد

 

[*^ ندى الورد ^*]

انا مشكلتي غير نبرة صوتي مرررررة حاااادة (مب ناعمة ) بس تحسين الزجاج ينكسر من حدة صوتي
مافي شي يخلي صوتي يهدى شوي
بس جربت اسجل صوتي زيك واكتشفت انه لما اتكلم من طرف حلقي يطلع الصوت هاديييي
واهم شيء لاتصرخين وخلي كلامك بطييييء بالقطارة . وحاولي تاخذي نفس وانتي تتكلمين

 

[معتوقة]

السلام عليكم ورحمةوبركاته :
بصراحة انتم اللي اقدر افصح لكم عن مشكلتي وان شاء الله تفهموني
انا لي نبرة صوت جدا مميزة عالية وفيها بحه خفيفة جدا - يعني صوتي موحلو غير انثوي- وفيها دفاشه .
المشكلة ان حاولت أنعم صوتي يختفي الكلام ، الاحرف تختفي.....
وبالمرة ما يركب علي الدلع والسبب نبرة الصوت علما اني جميلة ...
ومن دون موبالغه كم مرة اسجل صوتي واسمعه انصدم من كثر ماهو خالي من الأنثوه واللي يزيد الطين بله اني أنا خلقة فيني دفاشه وعجلة !!!!!
والمشكلة ان زوجي يقولي : ابي نعومه ...
ومرة قلد صوتي والله انقص وجهي
بي مشورتكم ؟؟؟؟؟؟؟؟؟؟؟؟؟ الله يخليكم لا تخلوني !!!!!!!!!!!!!!!!!!!!!!!!!

احس انك تتكلمين عني وعن زوجي
وربي نفسك بالضببببببببببببببط
سجلت صوتي وحاولت انعمه وعدت التسجيل كذا مره ولافي فاااااااااايده
الا يطلع بالتسجيل العن ويسببلي احباط ليما كرهت ان صوتي يطلع بأي تسجيل:sad_1:
ومرة قلد صوتي.............. مثللللللللللللللك بالضبط



حتى انا اريد حلااااااااااااااااااااااااااااااااااااااااااااااااا:icon1366:

 

[الزوجه الثانيه]

سبحان الله يعني صدق يوم قالوا الجميلات اصواتهم خشنه​

وكذا وحده اعرفها

صوتها خشن لكن جميله بجد

الا وحده اكرهها واكره صوتها

حليمه بولند

مع اعتذاري لمحبيها​

 

[الزوجه الثانيه]

بس الاصوات اللي فيها بححححه تثير الرجال حسب معلوماتي​

 

[عليا قطر]

اممممممممم كنت في محاظره للدكتوره ناعمه الهاشمي وقالت لنا طريقه لتنعيم الصوت

تاخذين لب السمونه ( الي داخل السمونه ) وتخلطينه مع زبده وتكورينها وتاكلين منها دوووم

 

[دلــ زوجي ــوعة]

أهم شي حاولي تخفضي صوتك و إنت تتكلمي

أنا أحس البحة أحيانا تكون مثيرة

 

[الزوجه الثانيه]

صح تذكرت مره سمعت ابلتي تقول لوحده من الطالبات صوتها خشن وكانت تقرا قران كثري من اكل قصب السكر​

 

[زهره لاتذبل]

ابد اختي الحال من بعضه بس اهم شي تكونين هاديه ولبقه وتتنعمين وان شاء الله تضبط

 

[Hhor]

مشكورين حبايبي
بس والله مستحية اغير صوتي
أخاف زوجي والناس يقولون عني : حدها ثقه بصوتها البايخ وومنعمته بعد!!!!!!!!!!
خايفة من هالخطوة اخاف اتحطم من كلامهم لانه صوتي ماراح يتغير باول الطريق اكيد يبيله وقت

 

[T o L a Y]

اليسا


يارا


نجوى كرم


كلهم اصواتهم مبحوحة لما يتكلمون عادي

.

انا كنت مرررره متعقدة ومتحطمة نفسيا من صوتي :tears: خصوصا ايام الثانوي <-- توي استوعب ان فيني بحه

حتى اني فكرت اسوي عمليه جراحيه لصوتي :exclamationpoint:

بس بديت اسمع مدح من هنا وهنا .. ( ياحلو صوتك / تجنن بحتك / نبرة صوتك حلوة ...

وحده من البنات قالت لي ان اخوي يقول ابي وحده صوتها مبحوووووووح :in_love:

هنا

ارتفعت معنوياتي :icon26::icon26::icon26::icon26::icon26:


وحبيت الحياة :cupidarrow::blush-anim-cl: ووثقت بنفسي :icon31:

وبعد ما تزوجت قال لي : ترا احنا الشباب ندور الي صوتها مبحوح .. واغلب اصدقائي من شروطهم انو صوتها يكون فيه بحه :icon26:

تبين تعرفين انا صوتي كيف ؟!

شوفي لقاء يارا مع نيشان ببرنامج المايستروا انا زي صوتها طبق الاصل ،

.




​

 

[حارقني بهجره]

مرحبا حبيبتي

اول شي حطي في بالج انج انثى وثاني شي حطي ف بالج من اجمل الاصوات الصوت المبحوح مع نعومه

لاتصارخين بصوت عالي ابدا او تخشنين صوتج لان هذا يضر الاحبال الصوتيه ويجرحها ف يصير صوتج طبيعي خشن

اشربي شاي اخضر بستمرار واكلي سكر نبات وشربي النعناع

هذي كله ينعم الصوت طبعا مع تنعيم صوتج وخفض النبره


وانشالله تستمتعين بصوت جميل ولازم تحطين ف بالج انج حلوه ونعومه ودلوعه دايركت راح يصير صوتج ناعم

وبيتحسن مع الاستمرار والتعود

انشالله اكون فدتج واتمنى تدعين لي الله يرزقني الي ف بالي يارب

 

[Hhor]

جزاكم الله خير على النصايح
تولاي ههههههههههههه صدقي ان صوتك أحلى مني لاني لما اتكلم بالتلفون الكل يحسب اني رجل
او مثل ما يقولون اخونا المصريين : اوليه دكر
حارقني عسى الله يرزقج اللي بالك ويوفقك دنيا وآخره يارب ، واشكرج على النصيحة
ودي أغني لكم أغنيه بس أخاف تتكسر شاشات الكمبيوترات عندكم هههههههههههههههههههه

يالله يارب ينعم صوتي والأخوات اللي مثلي آآآآآآمين

 

[*صدى الألم*]

ياسكره ترى أخواني الشباب دايما يقولو الي صوتها حلو شكلها مو حلو والي صوتها مو حلو شكلها حلوو


عشان انا صوتي حلو ههههههههههههههههههههه

من جد بس معروف انو البنات الي مره حلوين اصواتهم مبحوحه

بس اخفضي نبرة صوتك وحتسيري جنااااااااااااااااان ان شالله

^__^ وبس

 

[هدوءالقمر]

اختي راسليني علي الخاص عندي لج حل باذن الله

شنو سالفة الرسايل عالخااااااااااص

شفيكم بناااااات ماتبووون الفايدة للكل

من جد كرهت هالاسلوووووووووووب

كلنا بنستفيد

الوحدة تتابع موضوع بتستفيد والزبدة عالخااااااااااص:shutup:

وين المشرفاااااااااات

حريم مجمعه :bleh:

 

[Hhor]

جزاكم الله خير
احم احم ترا ما عرف ارسل عالخاص
ابي اعرف ارسل علخاص شلون ؟

 

[قلبي شذا]

والله يا قلبي انا عندي بحه وكمان صوتي واطي
لازم اصرخ عشان الي حولي يسمعوني
وابغا حل
طفشت من صوتي