~~~ الـــشـرقـــي رجـــــــل الأصــــالـــــــة ~~~

[أميرة الالماس]

سؤال لزوجات الشرقي ....


هل الشرقي يحب الدلع الطفولي أم الأنثوي ؟؟!!!


أقصد هل يحب حركات الأطفال والبيجامات القطنية ذات الرسوم أم يحب الحركات والملابس الأنثوية الخالصة ؟؟؟

أتمنى أن يكون مقصدي مفهوما ...


لأنني أحس أنه لا يحب البيجامات القطنية !!! فهل أنتن مثلي ؟؟!!!

غاليتي ..


الشرقي يكره الدلع الطفولي او المبالغ فيه والغير نابع من داخلك بالفعل ..



يحب الانثى الرقيقة دااائما وبدون تصنع او مبالغه ..

 

[أميرة الالماس]

الشرقي

ومن خلال خبرتي البسيطة جدا والمتواضعة

يحب الدلع الأنثوي الطاغي الراقي

ولا يروق له كثيرا الدلع الطفولي

*_*

رااائعه

 

[أميرة الالماس]

سهاد الليل

يسعدنا وجودك معنا

*_*

زوجة الغامض ..

يحب البجامات القطنية بحسب ديزاينها ,,,

فهو و ان كان لا يميل للبجامات القطنية الطفولية

فهو لا يتوقع منك ان تكوني دوما بالدانتيل ...

ولكن اختاري بجامة قطنية خفيفة ..

صحيح كلامك ..

 

[أميرة الالماس]

لم يقول هدا الكلام لأن المكان كان غير مناسب وغير آمن لماجد(الشرقي)
عشان يكون رومانسي لابد من توافر الخصوصية التامة للشرقي
هو مهتم وطاير لكن المكان مو مناسب ,ومعجب والدليل المسج الصبح.
وهو مو يحاول يتغزل هو فنان في الغزل بس لازم كل الظروف تناسبه,وكل مايعبر فيه هو شعور حقيقي وصادق وبدون أي مجاملة.

مشكووورة على الاجابة المختصرة والمفيدة والرائعه

 

[ماسة نجد]

ماسة نجد

في أشياء في كلامك صح وفي غلط

مأأيده كله وبنفس الوقت ماأرفضه كله

اختي دفء سنيني " طبعا ما فيه شرقيين متشابهين مئة بالمئة
لابد ما يكون فيه فروقات وكل واحد حسب تربيته وحسب بيئتة الي تربى فيها
والضروف النفسية والمعيشة ونوع عمله وكل هالاشياء تاثر
ولا يمكن يكون اثنين متطابقين
لكن لابد ما يكون فيه علامات متقاربه فيهم وتميزهم عن غيرهم
لكن الرجال بشكل عام متشابهين كما النساء ايضا متشابهات
ولكن يتميز الشرقي عن النمط الغربي مثلا بتمسكة بالعادات والتقاليد
وحبه للاستقرار وايضا لا يمل من الروتين
ولكن الصفة السائدة بين الرجال في الغالب متشابهه
واتمنى لو توضحي ما هي النقاط التي رئيتها غلط في وصفي للشرقي
ومنكم نستفيد ونتعلم وطبعا هدفنا في هذا الملف واحد
وهو فهم الشرقي بشكل اكبر
وشكلنا بنقضي حياتنا وحنا نتعلم وما ندري هل ياترى بنفهمهم 100%
ولا بنكتشف اشياء جديدة مع تطورات العصر
شاكرة لك
​

 

[أميرة الالماس]

توقعت ميار ان ماجد سوف يحضر لها أغلى وأثمن الهدايا ..

فكرتوني بايام زمان ههههه اول هدية كانت هدية العيد طقم ذهب ابيض واللي بعدها عيد الحج بلوزة وبنطلون لكن احس فعلا انو الهدايا بالنسبة للشرقي لاتعني كثيرا وقلي هي بلسانه
وسرحت في خيالها كثيرا ..


فتارة تتخيل طقما من الألماس يعلقه على عنقها الطووويل ..
كثيرا ماتخيلنا مثلك ياميار

وتارة تقول ..


لربما أحضر لي شيء نادر ومميز يوضح لي مقدار حبه لي وتعلقه بي ..
امم افتكر قبل عيد زواجنا الاول شفت صورة صندوق هدية بالجريدة فيه عطور وشنطة وسلة فجلس يسالني هادي الهدية حلوة وقلت له رايي بس ما اتوقعت انو يجيب لي هي...
وظلت تحلم وتحلم ..

وتعد وتحسب لذالك اليوم ..


وتفأجئت ..


بل وصعقت ..


من أنه لم يحضر لها سوى هدية عادية ..
اما بعد الزواج انا دايما اهديه هدايا غاليه وهو هداياه عادية مو زيي

عادية جدا ..

جداجدا
فقد أحضر لها عطر من العوود الخالص ..

اووو ذكرتوني ايام الملكة اهديته عطر عود مرة عجبه كان يتعطر به لين ماخلص
وهي جدا متفاجئة من هديته ..


بل صعقت ..

وهو ينتظر منها ان تفرح بما أهداها
اه مشكلته انو يفهم من عيوني اذا عجبتني الهديه او لا

لكنه يفاجئ من أن الفرحة إختفت من وجهها ..



لكن ميار تماسكت أكثر ..


وذهبت حتى تحضر ما أعدته من أشهى الأطباق له ..


ولكنها عندما دخلت إلى المطبخ ظلت تفكر مليئا ..



لماذا لم يهديني هدية مميزة أو رااائعه ..



انه بالفعل يفتقد للرومنسية بل هي منعدمه في داخله ..



لكنني لن أخرب فرحتي من أجل هدية لا تقدم ولا توخر ..


رغم انها تعبر عن مقدار حبه لي ..

تماسكت أكثر وأكثر ..


إبتسمت بثقة ..


وخرجت إليه حاملة أجمل أنواع الطعام والحلو ..

ولم تنسى ميار العصيرات الطبيعية التي يحبها شرقيها الحبيب ماجد ..
جداجدا يحب العصيرات الطبيعية واللي تتسوى فالبيت اكتر كمان

فهو يعشق الإهتمام بصحته ..


ويحب العصيرات والموكولات الصحية ..
ولايحب الوجبات السريعة واكل المطاعم عموما

....


لكن ماجد عندما كانت ميار في المطبخ تحضر الأصنا ف الراائعه ..


جلس يفكر ..



لماذا لم تعجبها هديتي ..


أم انها لم تتوقع مني أن اهديها ..


ربما إنها خجلت مني ..



لالالالا



فلم تكن نظراتها نظرات خجل بالعكس كانت نظرات حزن ومفاجئة ..



انها بالفعل غريبة ..



لقد اهديتها أجمل ما أحب ..


واجمل ما أحب أن تهديني مثله ..


وعندما شاهد ميار بوجهها البشووش ..



قال ..


انها بالفعل تفهمني وتقدر ما احضره لها ..



وسأحضر لها في المرة القادمة أجمل وأغلى من هذي الهدية ..
اممم ما احس تفكيره كدا دايما هداياه عادية وبسيطة وحتى احيان اقوله اتوقعت تهديني شي افخم واحلى

حاولت ميار أن تكون طاولة الطعام في فناء المنزل ..


تحت جمال الأشجار ..


وتحت ظلام الليل الرائع ..


وفي أضواء الحديقة الخافته والرائعه ..

يعشق هذه الاجواء

لكنها تفاجئت من شدة فرح ماجد بهذه الأجواء ..

وتوقعت منه أن يقوم بالكثير من الكلمات العذبة والرومنسية ..


مثل الكلمات التي يقولها لها في الهاتف ..


لكنها لاحظت جفاف مشاعره ..


وظلت تفكر ..


ياترى مالسبب ..


بينما ماجد يفكر طوال الوقت هل يرانا أحد من نافذة الدار ..


وهل الوضع أمن ..


هل يكشفنا إحدى الدور المجاورة ..


فالوضع بالنسبة له غير أمن للرومنسية ..
هههه ذكروتني بالايام الخوالي مررة كنا مسافرين وبالخط الظلام كان وقت مناسب للرومانسية

بل هو أمن لكي يتبادلا حديثا عاديا ...


فالرومنسية للشرقي تحتاج الكثيير من الشعور بالأمن ..


...


ظلو طوال الوقت يتحدثون عن المستقبل ..

الشرقي يتحدث عن المستقبل كثيرا ويحلم باحلام كثيرة لكنه على ارض الواقع لاينفذ اغلبها

وكيف سيعيشوون أجمل لحظات أعمارهم مع بعضهم البعض ..


لكن مر الوقت بسرعه على كليهما ..


وتفاجئا أن الوقت متأخر ..


وأن ماجد لابد أن يذهب ..



ميار لا تريد ماجد يذهب بدون أن يدنو منها ويقبلها ولو قبله واحدة ..

أو أن ترى رومنسيته أمام عينيها ..


فهي لا تسمعها إلا في الهاتف فقط ..


خرج ماجد دون أن يحدث أي شيء ..


رجعت ميار إلى غرفتها وهي تبكي ..
وي وي وي

وتقول ..


إنه لا يحبني أبدا أبدا ..


لو كان يحبني لكان أحضر لي هدية فخمة تليق بحبه لي ..


ولكان همس لي بعبارات الحب والحنان ..


اليس هو من يقول حلالي ..


ولو كان يحبني لكان أثنى على طبخي الذي تعبت في طهووة كثيرا ..



بالعكس لم ارى منه سوى النقد لبعض الأكلات ..
النقد الكثير حتى تكوني اقرب للكمال دائما هذا رايه


مثل الحلى زااائد ..


او التزيين غير دقيق ..

لدرجة احيانا اتمنى انو مايعلق لوكان الاكل فيه ملح زايد او...
أنه انسان غير رومنسي ..


واذا لم احضى برومنسيته في مثل هذي الأيام متى ياترى ساحضى بها ..


وظلت تبكي بحرقة ..


لكنها سرعان ما حاولت تهدئة نفسها ..


وذهبت إلى هديته التي أحضرها لها ..


وقرأت مابداخلها من أبيات شعر لم تنتبه لها أنها بالداخل من قبل ..


واحست انه بالفعل رومنسي لكنه خجووول وقلق ..


نامت ميار وهي تحلم به ..


استيقضت في اليوم الثاني ..


لترى مسج من ماجد ..


يقول ..

صباح الخير يا أحلى البنات ..

أمس كنت مثيرة بطريقة لبسك وعطرك واكسسواراتك
لااحس انه يعبربهذه الصراحة ولايعبر بهذه الطريقة
...


تفاجئت ميار من الرسالة ..


وقالت لماذا لم يقول هذا الكلام في وجهي ..؟؟


ولماذا جعلني أحس بانه لا يحبني ؟؟


ولماذا لم يهتم بي في وجودة أمامي ..؟؟
ربما فعلا لان الجو لم يكن ملائم

وهل بالفعل أنه معجب بي ؟؟
اعجابه الذي لايعبر عنه سريعا

أم إنه يحاول فقط التغزل فقط ؟؟

لامشاعره دوما مخبئة وتظهر في المناسبات
هل مشاعره حقيقية ؟؟

لكنها حقيقية ونابعة من الاعماق
أم انه يحاول فقط الترويح عني ؟؟؟

ليس هذا طبعه

مشكووورة يالغالية على الاجابات الرائعه والدقيقة ...



اسلوبك لمن تقولي له ياريت كنت تهديني هدية احسن واحلى ترى غلط ,..


هوه راح يقول مثل لو اهديتيه شيء وتحسي ما اعجبك راح تنقهري من جواتك صح ..
​

 

[أميرة الالماس]

حبيت اعلق على القصة

زوجي زمان كان يقولي انا رومنسي مرة واحب الرومنسية ..
بعد الزواج اكتشفت ان الرومنسية بالنسبة له جنس!! انا على بالي انه الرومنسية كلام ..
وناقشته قالي لا هذه الرومنسية لازم تكون فعل ... لانه جنوبي كنت اقوله انت شاطر بالكلام فصار يردها لي .. عشان لا تقولي اني شاطر بالكلام الفعل هو الدليل

يابنات اختبار البوصلة الجديد محذوف؟؟ من عندها نسخة احتاجه ضروري

ما املك الاختبار لللاسف ..


ههههههههههه


يبي يثبت لك بالدليل القاطع العملي

 

[ماسة نجد]

أميرتنا ...
موفقة ياااارب
واحنا مفتقدين وجودك
وعاذرين انشغالك ..

ماسة نجد ...

اهلا بك ...
في ملفك

شكرا لحن الحياة وتشرفت بوجودي بينكم
الله يجزيكم الخير على ما تقدمونه لاسعاد الكثير
فكم من بيت تم بناءة من جديد وتم انقاذه والسبب يرجع لاقلامكم التي انارت العقول​

 

[أميرة الالماس]

دفء سنيني طالما ننتظر عندي سؤالين الأول خاص بالشرقي والثاني عام ...


1- أكثر هدية يحب الشرقي إنك تهديه ياها ... بهدية ع العيد وفي شغلات ببالي لكن حبيت أشوف خبرة البنات مع شرقيهم ...

2- قرأت كثيرا بالمنتدى إن الرجل عموما ترتبط الأمور الخاصة عنده بعطر كانت تضعه زوجته أثناء هذه الأوقات وتم تحذير الزوجات من استخدام عطر شائع حتى لا يشمه الزوج مع أخرى فتجذبه لها ... فكان الإقتراح هو أن يكون لها عطر خاص ... كيف أصنع عطر خاص ؟؟؟ هل هناك محلات تقوم بذلك ؟؟

.

الهدايا للشرقي يحب الهدايا الي كان يحتاجها وبذوقه وبمقدار حاجته لهذا الشيء .



اما العطر الخاص ممكن انت تعمليه في البيت ..


تخلطي اي عطرين مع بعض اول لوشن مميز او اي شيء ..


لكن ذوق الشرقي في العطور صعب شوي فلا تغامري بكميه عطر كبيرة خلي العينات بسيطه الى ان تستطيعي ايجاد مايعجبه وكبري الكمية ببعدها ...
​

 

[أميرة الالماس]

أهلا بك

1- الهدية تختلف صراحة حسب شخصيته وحسب مايحبه وأنتي أعرف بالشرقي تبعك *_^

أنا هديته مرتين عطر فرنسي وماحسيته عجبه رغم إنه يقول عجبني مره

ومره كبك وطاااااااااااار فيه

وإذا ربي أراد إن شاء الله هالعيد بشتري له محفظة

طبعا الشرقي يهتم جدا بشكل الهدية الخارجي ويلفت نظره التغليف ومدى دقته وتميزه

2- سؤالك الثاني والله هنا بالمنتدى البعض يؤيد أن يكون للوقت الخاص عطر سواء فرنسي أو عود بس يكون مميز

وليس أن شرط أن يتم عمل خلطه خاصه وتستخدمينه فقط في وقتكم الخاص وناس تعارض وتقول لا ممكن يشم

هالريحه برا من أي امرأة أخرى وحتأثر عليه بنفس الشكل ، لذلك أنتي وميولك وإذا تبين عطر يكون مميز في أظن

في بودي شوب عندهم تقدرين تطلبينهم يخلطون أي عطرين تختارينهم أنتي وممكن لا تعتمدي في كل مرة عطر مميز

حلو ، أنا رايي الشخصي استخدمي كل شهر مثلا عطر بهالاوقات بس خلي ريحة جسمك هي الطاغيه ومستحيل

إن تتساوى رائحة جسدين بمعنى إنه راح يتعلق بريحتك أنتي مو ريحة العطر اللي انتي تغيريه مثلا كل شهر او كل فترة

بس ريحتك ماراح تتغير وماراح يشبع منها وماراح يشمها بغيرك

موفقه يارب وأتمنى ماأكون طولت عليك

كلامك جمييل ماشاء الله تبارك الله

 

[أميرة الالماس]

انا صارلي اكثر من اسبوعين اقرا بالملف واتردد اشارك احس اني متأخرة وايد عليكم شلون انضم لكم واصير عضوة في ملف الشرقيين خاصة اني جديدة عالمنتدى وعلى عالم النت كله كنت ما احب اقعد عالجهاز وايد والحين ادمنت المنتدى وايد وايد استفدت الحمد الله وشلون اقدر احصل كل المواضيع اللي تخص الشخصية الشرقية يعني لازم ادور بالمنتدى كله احس طلعت عيوني:crazy:

اهلا فيك يالغالية ..


ماتاخرتي ولا شيء ...

 

[أميرة الالماس]

الآن حللت شخصيتي وشخصية زوجي ساعدوني كيف اصنفها ...
أنا :شماليه 9)جنوبيه11)غربيه 8)وشرقية12)
زوجي: شمالي 9) جنوبي 5)شرقي13)غربي 7)
ماعرفت اصنف ارجوا المساعدة وانا حللت من هذا الرابط http://www.niswh.com/vb/t109230.html

انت شرقية جنوبية


وزوجك شرقي شمالي

 

[أميرة الالماس]

اهلا وسهلا بجميع الاخوات
وكل سنة وانتم طيبييين
من كم يوم شفت الملف وجلست
اقراء وخلصت كل الصفحات واعجبني تعليقاتكم ومجهوداتكم
واشكر الاخت الغاليه المخلصة أميرة الالماس
جزاها الله الخير ووفقها لخير الدنيا والاخرة
انا بنضم لكم في هذا الملف زوجي شرقي وما فيه طريقة ما استخدمتها معه
والحمد لله اخيرا لما عرفت نمط الشرقيين بديت رحلتي من جديد
وبديت في الابحار في اعماقة
وبما انني غربيه فانا اعشق المغامرات
واعشق التحدي
عندما عرفت نمطة وطبعه سهلت علي الامور وصرت استطيع التعامل معه
بدون حساسية تركت عنادي جانبا وكبريائي ايضا لاتفرغ واكسب قلبة وحبة وثقته
فعندما يثق الشرقي في زوجته فسيعطيها صلاحيات كثيرة ويطلعها على اسراره
سيتحول صمته الى ثرثرة وسيكشف الكثير \
ولكن حذاري ان يحس او يلاحظ بانه ليس في مامن
لا تقاطعينه ابد عندما يتكلم ولا تلومينه ابد واذا كان لديك وجه نظر
فيجب ان لاتقال الا في وقت مناسب وباسلوب ليس به اي نوع من الوم او التعدي
فهو حساس جدا جدا

كلامك جمييل ورائع واهلا وسهلا بك بيننا

 

[أميرة الالماس]

سوف اتحدث معكم قليل عن بعض ما اتذكر واعرف عن اطباع الشرقي
بالنسبة للهديا عاد الحريم يموتون في الهديا ويعتبرونها هي التي
تقوي العلاقات
لكن هي في نظر الشرقي يجب ان يكون لها مناسبة وليست اي مناسبة
اما ان يكون قادم من سفر او تكون زوجته مقيمة عند اهلها لفترة وذهب لزيارتها لكن الهديه في اي وقت يعتبرها من السخافات في نظرة .
دائما هديا الشرقي لزوجته شئ يحبه هو وسيتفيد منه هو
اما ان يكون قميص نوم او عطر او في حالات بعيدة طقم ذهب او خاتم هذا هو الغالب
لا يمكن ان يحضر لها جوالا مثلا..
فهو دائما يربط هديا زوجته بانها مرتبطة به وبالشئ الذي هو يرغبه
لانها اتوقع في لغتة يمووون على ان يحضر لها قميص نوم على ذوقة
ينتقد كثير كثير فيجب ان تكوني قويه فلو شغلتي الحساس عندك بتزعلين كل دقيقتين مرة
يحب النقد من المستحيل يسكت وقت الطعام لازم يعلق لو كل شئ كامل
بيلقى شئ يقوله لا تشلين هم طنشي وحاولي تجيبين كل شئ يحبه حتى ما ينكد عليك
اياك والزعل او تقومين وتتركين االاكل ترى بيقلبها عليك
وبتكونين انتي الغلطانه
لانك عارضتيه وجرحتيه واتهمتيه انه متصلط وانه قليل الذوق حتى لو ما تكلمتي بس مجرد زعلك
وتركك الاكل بيفسرها انه عدم احترام له ولرغباته
انسي انه بجي ويراضيك ...!
ممكن انك لما يبداء ينتقد وانتي عارفة انك ما قصرتي بشئ
تنظري له نظره معبرة بدون ما تعكري الجو بس مجرد احساس قليل بانك تضايقتي ولا تحبين النكد
هو بيفهم وبحاول يقللل شوي من النقد على الاقل كم يوم
لكن على الغالب هذا طبعه النقد
لا يمكن ان يمتدح اي شئ اذا عجبنه اما يسكت او بيقول مش بطال وهو في الاصل عاجبه مرة
انسي يقول لك هالطبخة حلوة او هاللبس حلو ويهبل
او يقول تسلم يدينك
ولو يكون عازم ربعه وانتي باذلة مجهود لا تتوقعي يقول ولله مجهود رائع وتسلم يدينك
لا ابد بيقول ليش ما جبتي الشاي ولا لشي تاخرتي بالقهوة ولا ليش ما حطيتي صحون كافيه
هذا الي بتسمعين
اذا سكت اعتبري نفسك قمة ما فيه اخطاء
لما يكون عندك طلعه يكون دقيق ينظر لك وهو مقهور ويتمنى تهوني لانه غيور جدا
وممكن يكون عصبي وتصرفاته جافة والسبب كله لانك بتطلعين .
اذا تحبين تكسبين قلبة وتكوني مرتاحة معه على الاقل تريحين نفسك وما ترفعين ضغطك كل شوي ,
حسسيه انك تثقييين فيه
حسسيه انه مهم جدا بالنسبة لك
اذا اخذ رايك او قالك على موضوع هو مسويه امدحيه وقولي من جدا خلي عيونك معبره
خليك معجبه فيه
لو زعل لطفي الجو بسرعة ,لو تضايقتي وزعلتي من شئ وهذا لابد يصير لاننا بشر لا تطولين ولا تجلسين عنده روحي بعيد وفرغي همك وسوي ديليت وخليك متفائلة ان القادم بكيون احلى وتعالي وكان شئ ما صار
وكملي مشوارك وابتسمي وبدي صفحة جديد مهوب معه وبس مع نفسك وبتشوفين الراحة كيف .
لو جلستي تحاسبينه بيطنشك وبيداء ينعزل عنك ويكون حذر منك وقاسي جدا
لو جلستي معه وبديت حوار وحس ان الكلام موجه له بيسكت وبيروح في موجة صمت ولا يمكن تاخذي منه شئ وبتخسري الموقف
اذا كان عندك موضوع وحابة تناقشينه فيه اختاري الوقت المناسب الي يكون فيه مروق
وما عنده ضغوط وجاهز للحوار اسئليه قبل اذا وافق ابدي
اياك ورفع الصوت او العصبيه او كلمه انت فعلت كذا او انت ما فعلت كذا
تكلمي عن نفسك- عن رغباتك
قولي انا احتاج كذا وانا اتضايق من كذا وانا ارغب في ان نكون كذا
اياكي ان تستفزيه او تذكري اي عيب فيه او تقللي من شانه
الشرقي يسجل كل رغباتك في ذاكرته ويحب ان يعرف ما تحبين
فسينفذها في يوما مــــــــــا فلا تستعجلي
اهم شئ تكوني رزينه وكلامك موزون وعارفة وشو تقولين -

موفقين جميعا --

مشكووورة على الدرر التي سطرتها اناملك ..



ماشاء الله تباررك الله خبره ..

 

[ماسة نجد]

اهلا وسهلا بجميع الاخوات
وكل سنة وانتم طيبييين
و انتي دوم بخييييير - بإذن الله -
من كم يوم شفت الملف وجلست
اقراء وخلصت كل الصفحات واعجبني تعليقاتكم ومجهوداتكم
واشكر الاخت الغاليه المخلصة أميرة الالماس
جزاها الله الخير ووفقها لخير الدنيا والاخرة
آمين و كل من أدلت بخير في هذا الملف
انا بنضم لكم في هذا الملف زوجي شرقي وما فيه طريقة ما استخدمتها معه
والحمد لله اخيرا لما عرفت نمط الشرقيين بديت رحلتي من جديد
وبديت في الابحار في اعماقة
وبما انني غربيه فانا اعشق المغامرات
واعشق التحدي
نفسي شمالية غربية
عندما عرفت نمطة وطبعه سهلت علي الامور وصرت استطيع التعامل معه
بدون حساسية تركت عنادي جانبا وكبريائي ايضا لاتفرغ واكسب قلبة وحبة وثقته
يباله!!!
فعندما يثق الشرقي في زوجته فسيعطيها صلاحيات كثيرة ويطلعها على اسراره
سيتحول صمته الى ثرثرة وسيكشف الكثير \
صح100%
ولكن حذاري ان يحس او يلاحظ بانه ليس في مامن
لا تقاطعينه ابد عندما يتكلم ولا تلومينه ابد واذا كان لديك وجه نظر
فيجب ان لاتقال الا في وقت مناسب وباسلوب ليس به اي نوع من الوم او التعدي
فهو حساس جدا جدا
يااااااااويلي لازم انتبه صايره حساسه و ثرثارة

اختي دفا الليل
اهم شئ لازم لازم مسكت الاعصاب هذا شرط عشان تتعاملين صح وتكسبين
ولله انا ندمت على الايام الي راحت
كنت اتوقع العناد والزعل يجيب نتيجة
لقيت العكس هو الي يجيب النتيجة
ولله الي بتتصرف بعقل واتزان وتمسك نفسها مع الشرقي بتعيش براحة وامان
وبيكون لها قيمة ولها معنى كبير بحياة زوجها
وبالنسبة للحساسية لازم تستعملين مضاد قوي ضدها هي الي تخرب علينا
وانتبهي لايام الدورة او عطيه خبر قولي له ترى هاليومين عندي حساسية زايدة ولا تحتك معي كثير
عشان يقدر لو يشوفك مكشرة :busted_red:
ويعرف انه مو السبب :sadwalk:​

 

[أميرة الالماس]

الحمد الله يارب في احد حاس فيني ويعيش معاناتي :tears: جنكم تتكلمون عن زوجي تصدقون قبل ايام اكتشفت انه زوجي يدخن صارلي 4 سنين متزوجه كنت شاكه فيه واقوله انت تدخن يقولي ربعي يدخنون وريحتي من دخانهم وسبحان الله بالصدفه شفته وهو يدخن ولما واجهته يقولي ليش مسويه سالفه انا صج ما ادخن بس بين فتره وفتره اشتهيها وقفل عالموضوع ولا اعتذرانه كذب علي ولا شي ويشوفني متضايقه من رده فعله ولا همه عاد آنه تعوذت من الشيطان وقلت ماله داعي اكبر الموضوع واهو يعرف مصلحة نفسه شرايكم بنات تصرفي صح والله لازم تكون رده فعلي اقوى ؟​

انت مررة متدخله في حياته خليه على راحته الشرقي تحت الضغط ممكن يسوي اشياء غلط وانت ضاغطه على انفاسه اتركيه هوه راح يعدل من نفسه لانه يحب الصحة ,, ويموت في صحته فلا تشيلي هم ..

واذا بتغيرين شيء امدحي وليس الهجووم المخيف فهو ليس ابنك لتربية ..
​

 

[أميرة الالماس]

اختي دفا الليل
اهم شئ لازم لازم مسكت الاعصاب هذا شرط عشان تتعاملين صح وتكسبين
ولله انا ندمت على الايام الي راحت
كنت اتوقع العناد والزعل يجيب نتيجة
لقيت العكس هو الي يجيب النتيجة
ولله الي بتتصرف بعقل واتزان وتمسك نفسها مع الشرقي بتعيش براحة وامان
وبيكون لها قيمة ولها معنى كبير بحياة زوجها
وبالنسبة للحساسية لازم تستعملين مضاد قوي ضدها هي الي تخرب علينا
وانتبهي لايام الدورة او عطيه خبر قولي له ترى هاليومين عندي حساسية زايدة ولا تحتك معي كثير
عشان يقدر لو يشوفك مكشرة :busted_red:
ويعرف انه مو السبب :sadwalk:​

انت بالفعل راااائعه بتعليقك على ايام الدورة ..


هي التي تخرب عمل الشهر كاملا لتعودي صفر اليدين من المجهود المبذووول ..

 

[أميرة الالماس]

شخباركم بنات
ولهانه عليكم معليش نقطعت فترة عنكم وسبب الاول بطاقة الانتر خلصت وخوان زوجي اختلفوا على اشياء كثير تغير المدوم ومرة على نوع البطاقة ومرة في اشتراك وبعدين خلص ووو يالله يالله اتفقوا
صج لو الشراكة فيها خير جان تشاركوا اثنين في مرة ( مرأة )
هذا سبب والسبب الثاني صراحة مثل ماقالات اميرتنا هالشهر حرام نضيعه في القرائة في اشياء اهم
والسبب الثالث مافي وقت مثل الايام العادية
لي عودة انشاء الله

اهلا بك متى سنحت لك الضروووف يالغالية فلملف مشتاق لك ولتجاربك

 

[le chocolat]

هذه القصة ممتازة و جميع الردود حلوة ...وبتساعدنا كثير ....انا شماليه غربيه وهو شرقي جنوبي ....تونا في البدايه و حاسه انه انا كثبر فاهمته من هذا المنتدى واحاول اتنازل عن عنادي شوي ...الحمدلله الييوم بس وصلت لاخر الصفحه ...و انتظر بقية القصه والردود بشغف ... وجزيل الشكر ل الاشتاذة ناعمة الهاشمي و مشرفة القسم

 

[ماسة نجد]

عزيزتي اميرة الالماس انتي الاروع
مشاء الله عليك وكم من الاجر ستربحين باذن الله
اعنتي الكثيرات على امور حياتهن
والتغلب على مشاكلهن والسيطرة عى تصرفاتهن
ولله ادعي لك بالتوفيق في دينك ودينك
تساهلين الخير
والي يجب الخير لغيرة لابد ما يلقى الخير
واشكر جميع من ساهم في بناء هذا الموضوع