الــســفـريــــــــــات لها طعم خاص معك ولا مثلك مثل غيرك؟؟

[سموره22]

سابقى واثقه مشكوره عالموضوع بس حبيت انبهك وانبه البنات اهم شي ال لبس الساتر في السفر لان الحوادث زادت والله يكافينا الشر

 

[hghldvm]

مشكوره عالموضوع ,ومنكم نستفيد

 

[رحـى]

صباحك ورد وفُل,,
بالسفر يضيع النوم و الملل,,
وبأقضيه إما بقراءة روايةأوتأمل ما في الخارج,,
وبيني وبينك,,ما حفظت أنواع السيارات و أفضلها إلا من هذه الطريقة,,
أو دردشة و ضحك و نقاشات هادئة,,على قد ما أقدر,,
وبنص الطريق تلاقيني,,أحضن حياة روحي فجأة,,وأقوله قدّ إيه مشتاقة له,,
إلهي يسعدك بحياتك,وتكون أيامك ملونة بالسفر الممتع,,اللهم آمين يا رب,,

 

[سعودية قصيمية]

انا اشغال الاناشيد وشاي وقهوه و ساعه حبيبى وساعه الامشاكل تثور

 

[السحر الحلال]

اللمسات الخفيفة لها بصمات
ويفضل ان الزوجة ماتتكلم كثيييييييير لان صوت المراة الانثوي يسبب صداع للرجل في راسه يعني مو اكثر من 20د كلام
مره خليه على المحاضرات الدينية الزوجية ومرة منوعااااات اخرى
ومرة اناشيد اسلامية تعيد الحنين والشوق والمحبة
واجيان استعيدي الايام الخوالي اهم شئ روح المرح
لان السفر قطعة من العذاب
فجميل ان يكون رفيقك ذكر الله وحتى تشهد الارض لك بالذكر
وترافقك الملائكة اذا كان مركبك يلهج بذكر الله وتصلي عليك الملائكة وتغشاه الرحمة ويذكرك الله فيمن عنده
والاهم لاتنسين سنة الرسول في السفر من دعاء وصلاة ركعتي السفر والتسبيح والتجميد ودعاء نزول المنزل والبلدة واستودعي الله من اخلفتي

 

[سأبقى واثقه.!!!]

الورد والياسمين >>>>> يارب تسافري مع زوجك لوحدكم وتستمتعون .......بإذن الله ..

 

[سأبقى واثقه.!!!]

سموره 22......شكرا على النصيحه .....
ـــــــــــــــــــــــــــــــــــــــــــــــ
hghldvm}}}}} مرورك يشرفنا ..

 

[سأبقى واثقه.!!!]

رحى >>>أشكر لكي طرحك الأكثر من رائع ....لاعدمناك حبيبتي
وعلى طاري أنواع السيارات >>>بقولك موقف حصلي بأيام (سفرة العرس)
كنت أقرأ اسماء السيارات بالإنجليزي من ورى <<< ووخري عن ايقالك فاهمه
المهم وتمر سياره قدامنا مكتوب عليها (سوني) بالإنجليزي طبعا على حسب ماقرأته من ورى......وتجيك صاحبة المعارض اللي هي أنا وأقول لزوجي (هاذي السياره أسمه سوني صح؟؟ ))>>أكشخ ثقه........ محاوره هادفه !!!!!
زوجي فطس من الضحك وأنا علامات الحيره براسي يعني أحسي متأكده ..,,
وش يبغى يضحك ؟؟؟وجلس يتهزى فيني ويقول إيقالك تعرفين !!!!
طلع أسمه (صني ) ......يالا حظي العاثر ....

 

[سأبقى واثقه.!!!]

سعوديه قصيميه <<<<شكرا لمرورك العطر الله لايجيب المشاكل بينكم ....
ــــــــــــــــــــــــــــــــــــــــــــــ
السحر الحلال >>>>>شكرا لأفكارك صدقتي والله >دعاء نزول المكان<أهم شي وعلى طاري هالدعاء
مره كنا بالطريق المهم وليدي الله يهديه (عملها <<<ولازم نوقف حتى أغير حفاضه ..اعزكم الله...
المهم جاء زوجي نزل بالسياره طبعا شوي وكان بالليل وكان مولع أنوار السياره حتى أكون قدامه وأشوف زين طبعا هو نزل بيحط الفرشه وأول مانزل قال: أعوذ بكلمات الله التامات من شر ماخلق <<<اللي هو دعاء نزول المكان .....ألا ويشوف هاك اللي يمشي ......قالي :أصبري لاتنزلين !!!!!
ويروح يناظر ألا أثره عقرب كبير ومسرع الله يكفينا الشر وإياكم ويقعد مطارد حتى قتلها الله يجزاه خير ...
وسبحان الله نزل المكان وقتل العقرب ورحنا لأقرب مسجد وعدلت الولد....
ـــــــــــــــــــــــــــــــــــــــــــــــــــــ
وكمان ماننسى دعاء السفر (الله أكبر .......الخ .

 

[ام مقبل]

هههههههههههههههههههه اجل سوني
حللللللللللوووووه

 

[اشراقه جديده]

بصراحه موضوعك حلووووووو وجا بوقته طبعا ضروري يكون لبسك بسفر مريح وناعم ومكياجك الخفيف بشنطه والقهوه والشاي والمعجنات والمكسرات وطبعا انتي توكلي ابو الشباب ولا تخلو من المزح الخفيف مره والتقيل مررررراااات ولا تنسي التصوير له طعم تاني وعندك كتب وقصص ومسابقات تقضون فيها الوقت هذا اللي اسويه دايم مع زوجي موفقه