العشيقة وجفاف الشمالي ..!

[بقلاوة]

الشمالي مايجيب راسه بعد عون الله الا الطيبه والقوه في وقت واحد

 

[نونا الحلوة]

الصراحه انا وجهة نظري أن الرجل لازم ماتعاندي لانك حتفقدي انا زوجي شمالي ولمن عاندته حياتي بدات تدمر
ولازم الوحده تسايس عشان تعيش والله يبين لك الحقيقه ياقلبي وادعي الله يصرفها عنو ويخلي لك

 

[انثى رقيقة]

حبيبتي لازم تفرقي بين الشمالي الشرقي والغربي لان الشرقي جاد جدا مايحب المزاح وهذا سبب البلوى اما الغربي يحب المزاح بس يقلب فجأة والشمالي عموما يحب المرأة القويه ونفس الوقت اللي تمدحه وتشعره بقوته , لو ودك تملكي قلبه لازم تكوني في نظره ملكة متوجة لانه هو بالفعل ملك .​

:icon31:

 

[عنقود عنب]

الشمالي يبغي له وحده دااااااااااهية

وتعرف في كيد النساء

وعلى فكرة ...الشمالي ...شخصية جميلة جدا لمن يعرف كيف تعامل معاها

 

[رحيل الوقت]

مشكورات ياعسلات <<< وش دخلك خخخخخخ


زوجي شمالي
مشكلتي انو مو شمالي مشكلتي اني جنوبيه الحين عرفت اني وش لازم اسوي ووالله عارفه اني لابد اكون انانيه اعمل معه باللي قلتوه كله بس المشكله الداهيه اني انسى يا ناس ذكي اتعاطف معه الين طاحت الفاس بالراص صراحه متعبه الشخصيه الشماليه

اذا احبه مشكلتي بعد تصير لابد اكون احب نفسي زود عنه

يا صاحبة الموضوع ترا والله اني قاعده اسوي دروس وجمعت كم هائل عن الزوج الشمالي لكن والله اعلم اني بتعب واجد والزوج الشمالي ما يوري قشارته الا للي ماين عليه يعني عشيقته يسوي فيها عندها مثاااااااالي حتى لو غثته اقرب ما عليه يجربها يمديه يمون عليها اذا اعطته الضوء الاخضر مثل ما انا سويت رح يمل منها ويتركها اذا ماعطته الضوء الاخضر يمديه يتم معها الين تمون ليه ويمون عليها ثم بعدين يتركها او يدور غيرها تشبع غروره

الان بديت اعرفمن الشمالي ومن الغربي ومن ومن حولنا طبعا

 

[نظرةعيوني ذلتهم]

السلام عليكم ورحمة الله
عندي استفسارررررات وكم سووعال عن الشمالي ..
الحين اذا الشمالي خان زوجته وتعرف على وحدة بس ماوصلت للـ....
معروف عن الشمالي انه مايحب كلام الحريم كثير يعني اكثر مدة مكالمة ممكن يقضيها وهو مملك وكان عاشق ولهان نصف ساعة (من تجربتي ومن خلال الي اقراه انه مايحب كثر الهرج)
كيف تتحمل العشيقه هذا الجفاف؟؟؟؟؟؟؟؟؟؟ يعني انا لو عشيقه اطيح على جنوبي يشبعني كلام وغرام افضل لي من شمالي ...:harhar1:

هلا اختي
صحيح الشمالي جااااف بكلامه وغامض
لكن اذا حب يحب من قلب والخيانة عنده صعبة واايد
والتعبير عن الحب عند الشماليين هي بالافعال
يعني اذا الشمالي تورط مع عشيقة صح انه ما يغرقها كلام حب او غزل .... واغلب العشيقات مب هذا المطلوب عندهم

لكن شوفي شلون راح يغرقها بالهدايا والطلعات والسفريات والمال ...... وهو المطلوب عند اغلب العشيقات
اغلب العشيقات اللي يرتاحون للجنوبي ........ بنظري واعتقادي الشخصي هم هم متعشطات عاطفيا لذا الجنوبي يحسسهم بالامان والحب والدفء

واستفساري الثاني
الشمالي منتقد درجة اولى هل انتقاده دليل على عدم اعجابه ...كرهني حياتي
ابد
الشمالي اذا انتقد بنظره ان كلامه مجرد تعبير عن الراي وصراحة والشمالي صرييييح .......يعني ما يشوفه على انه انتقاد
لكن المراة الذكية اللي ما تحسسه بالنقص من ناحيتها ابد
حتى لو نتقدها بلبسها او طبخها او اي شي خاص فيها تقدر بطريقتها تحببه بالشي هذا
الشمالي عموما يحب البنت الذكية اللي تفحمها ع الطاير
يحبها قوية جدا جدا
عملية وامراة عاملة
مستقلة

وكماااااااان اذا سافر او شي اذا كلمت وسألت عنه طنشني ولا يرد علي ..واذا ماكلمت دق يهاوش ويخانق ماكأني متزوج واشك اني متزوج وحدة عندها مشاعر (اختر الحل الصعب؟)
مثل ما قلت لج الشمالي ما يحب التلصق سواء جسديا او حسيا
يعني لا تتصلي عليه واايد
وحسسيه بحاجتج له كرجل لكن لا تبيني انح ملهوفة عليه او مشتاقة له او تخبريه مثلا .......انج بدون ولا شي
او البيت مب حلو بدون ..... لان بكلامج هذا تحسسيه انج فعلا و لا شي وما عندج كياان او شي مميز
يعني وجودج تابع لوجوده ........ وهذا اكبر غلط لان يحب ويعشق المراة الثقيييييلة

والزعل معاه صعب يعيشك انك صفر ع الشمال وهو عايش حياته...كيف اعاااااااااقبه ؟؟اذا الزعل مو نافع معاه ؟!
:busted_red:
عاملييه بالمثل
الطناااش اكبر حل للشمالي
اذا صار بينكم نقاش واحتد وكان فعلا معصب لا تتكلمين معاه ......... اذا خلص كلامه انظري
واطلعي من المكان اللي هو فيه

وروني همتكم ياخبيرات الشمالي خلوني اجيب راسه (مأملة خخخخ :showoff::surrender
صحيح ان الشمالي صعب لكن شخصيته وااااايد حلو وكل اللي عليج انج تعرفي له وتعرفي شلون تتعاملي معاه
وان شاءالله راح تجيبي راسه
انا جنوبية شرقية و وايد احب شخصية الرجل الشمالي الغربي ....... عكسي مو ؟؟
ههههههه

اتمني اني افدتج بشي وادعيلي اتزوج واحد شخصيته شمالي غربي

 

[أم ميسوـوـو]

الشمالى فهو رجل بمعنى الكلمة وقادر تماما على تحمل المسئولية واذا احب المرأة جعلها تعيش فى نعيم معه

:icon30::icon26::icon30:

 

[قيثارة الاحلام]

حسبي الله على الظالم

 

[دلع123456]

طنشيه خلك قويه

 

[انتهت قصه هوانا]

معروف عن الشمالي انه مايحب كلام الحريم كثير عندي احساس ان المعلومه غلط او يمكن الي اعرفهم

غير معقوله الشمالي مايحب كلام الحريم

 

[ادور حلول]

ههههههه الله يسعدك باحنااان الكون
شكلك حاقده مررره على الشمالي
الله يسعد الجميع

 

[رجة بس برزه]

حبيبتي منيب معصبه ولا شي بس أبي أوضح لك .. مشاعر وأحساس ورقه لكن معه لازم شوفي الشمالي ما يبي له وحده بمشاعر ... يبي له وحده مالها مشاعر معه هو بس وإلا مع الكون كله كلها تطبقين المثل إلا يقول ( وحده بوحده والبادي أظلم )​

حساسيتك ذي بتخليك أخر عمرك معمره بشهار تبين أحجز لك عنبر :detective2:​

آآآآآآه الله يخليه لي

 

[حلاوة وشقاوة]

الشمالي مزاجي..ماتقدري تتقيدي معاه بقاعده تمشي عليها..لأنه انسان متقلب ومتردد.. امشي معاه زي ما يبغا.. ولا تنسي انه التربيه لها دور ..يعني ممكن يكون شمالي بس متربي مع اب جنوبي وام شماليه او العكس..وغيره من انماط الشخصيات يصلح معاه البروود..وانك تكوني معاه ثقيله بس فيكي بعض المرح,,..حتى لو هو كان خفيف..وما يحب منك الاوامر..؟لأنه عنيد..ولا يحب العناد..لكن يكسر خاطره الصمت والدمع الخفيف الي يكون بعد الموقف الجارح منه..ويكره النقاش ..
ويهتم كثيرر بالطبخ..ويحب الاكل..ويحب تاخذي منه الاوامر وفنفس الوقت تكوني قويه ما تسكتي او تتنازلي عن حقوقك معاه ابدا..
يحب البنت الخجوله بعض الشي..ويحب التغيير والتجديد والتنويع في كل شي..لأنه ملووووول بشكل مخيف..فيه غرور وغيور جدا من نجاحات زوجته..واخوانه واصحابه يحب يكون هو الناجح الوحيد ..ويحب كلمة انا وانا وانا..
واغلب الشماليين يكونوا بصريين..يعني حاسة البصر عندهم هي الي بتأثر فيهم اكثر..
هذي الشخصية متعبة جدا لمن تكون زوج فمابالك لو كانت اخ او اب..

 

[راحةالقلوب2]

لالالالا
انا زوجي شمالي شرقي وعايشة معه بالطول والعرض ولا عسكري ولا مجند


اهم شيء تعرفي كيف تملكي قلبه ​

 

[راحةالقلوب2]

واذا ملكتي قلبه صار عشيق لكي ويقول لك كلالالالالالالالالالالالالالالالام معسول ​

 

[أميرة الشيباني]

حبيباتي

أهم شي ما تاخذين على خاطرج منه

و تقولي له أنت أكيد ما تقصد أنك تنتقدني أصلن أنت تحبني

برمجيه ولو الواقع مر

وقولي له أنت قلبك أبيض وتموت فيني ولا تقصد

وعيشي حيااااااااااااتج
ولا تحطيه في حياتج أنه كل شي

 

[..ضباب..]

انا زوجي شمالي ومدة المكالمات توصل لساعه واكثر احياننا تتعدى ثلاث ساعات..تدرين ليه لان الشمالي خجول مايحب الكلام الغزلي بالوجه..
عشان كذا لما يحب وحده (اقصد عشيقه)يحب الجريئه..اللي تاكل الجو بلسانها..
الشمالي اذا حب يترجم حبه بالفعل..مو بالكلام
انصحك لو كنتي زوجة شمالي ماعليك من صمته قولي اللي بخاطرك حتى لو طنشك هههههه
​

 

[الشموخ2008]

طيب انا عندي مشكلة كبيرة مع الشمالي الشرقي صارت مواقف بيننا و انحلت الحمدلله
بس من جد غلطان اللي يقول الشمالب ما يخون انا اكتشفت خيناته بس وجدت له الاعذار
و تصافينا الان بس عندي مشكلة معاه انه بدا مشروع له دخل النساء يعني محل ما يدخله الا نساء و جايب له عاملا و يتعامل معاهم بسرية تامة و ما يطلعني على اي شي على انه انا عندي من الخلفية و المعلومات اللي تخليني امشي المحل معه و احسنه بعد لكن كل ما اناقشه يهددني انه ما افتح معاه موضوع هالمحل و لا لي دخل فيه و لا حتى يبغاني ادخله هو اساسا طبيعته معاي كل حياتنا ما يطلعني على اموره العمليه بس الان الوضع غير الوضع له دخل بالحريم و خصوصا انه احنا طالعين من مشكلة قديمة تتعلق بالحريم
سؤالي ايش تفسيركم لتصرفه و انا الان تاركته براحته لكن من جوا قاعدة انحرق ليش يسوي كذا
ودي اشيل الموضوع من راسي و انشغل بنفسي بس من جد احس انه الموضوع مهو طبيعي
ايش رايكم تكفون و لو كنتم مكاني كيف تتصرفون ارجوكم ردوا و ساعدوني

 

[ام حـلآ ..]

الله يسعدكم استفدت كثير من هالموضوع ..



اموووآآآح لكم كلكم

 

[انتهت قصه هوانا]

ضباب كفيتي وفيتي استغربت لما قالت الشمالي مايحب كلام الحريم انا طليقي شمالي واغلب وقته مكلمات مع عشيقته جواله وين مايروح مايتركه ابكي دم لما اشوفه يتكلم معاها في الساعات وانا

كلمه على بعضه مايقولها لي