كلي مـــزايا
New member
- إنضم
- 17 نوفمبر 2007
- المشاركات
- 98
1- نعلم ان الشمالي شخصيه يغلب عليها الصمت ولكن ماهي المواضيع التي لاحظت تثير اهتمام الشمالي معك وفي أي وقت ؟؟
هو من ناحية يغلب عليه الصمت فهو صااامت .. يعني يتكلم في البيت في حدود 5% .. بس اوامر وقليل جدا اذا كنا طالعين مثلا يقول شوفوا الشمس شوفوا الغيوم شوفوا هالمنظر << يعني جملتين او ثلاث بعيده عن الاوامر وفقط ..
بصاحه إلى الآن ما اكتشفت شو هي الأشياء اللي تثير اهتمامه .. هو يحب الكوره .. قلت خلني اتكلم في الاشياء اللي يحبها جيت أسأله شو صار ع المباراه << يعني بفتح موضوع >> قالي >> وهو يطالعني بنظره اللي يعافيني منها : انتي شو لج في سوالف الرجال .. اعتقد هذا موضوع الحريم مالهم شغل فيه .. يمكن الشي الوحيد اللي احسه يتفاعل معاي هو موضوع المسابقات << يعني يوم نكون طالعين طلعات بعيده او في البيت احيانا و أسويله مسابقات واسئله او شطرنج وكيرم احسه يتفاعل << ينفخ عضلاته قدامي
2- مامدى استفادتك من ماتم وضعه من اشرطه وتمارين كتب ؟
بعدني أقرا فيالجزء الأول من هالموضوع بس إلى الآن ما شفت كتب وأشرطه .. في هذا الجزء نزلت المواد بس توني من امس بديت اسمع
يعني بعدني ما مداني اسمع عشان اطبق
3- هل يختلف الشمالي حين تحادثيه بالتلفون عن المحادثه المباشره؟؟
يوم يكون مسافر يكون رومنسي بالكلام اكثر ومثير أكثر ويطول معاي .. بس يوم يكون في البلاد ما يحب اتصل وايد إلا للضرورة القصوى وما يحب اني انه يتصل إلا إذا في امر مهم يعني يالله اطلعوا انا عند الباب شوهي الاغراض اللي تريدونها من الجمعيه بس ..
المحادثة المباشرة صامت .. من كثر ماهو ساكت اشك انه يسمعني اقول يمكن سرحان وانا اكلم الهوا
4- تكلمي عن فترة الخطوبة وبدايه الزواج مع الشمالي من ناحيه السمات الشخصيه وسلوكياتهوملاحظاتك عليه وبماذا تنصحين المتزوجات حديثا ؟؟
جبتها ع الجرح وكنك ما دريت ..
فرق كبيييييييير .. ابدا ما كان يرفع صوته علي .. حتى لو كنا متزاعين ايام الملكه كان يجي يزورنا ويقعد ساكت او ينسدح عدالي ساعه او ساعه ونص وبعدين يقول خلاص بروح ..كثييييييييييييير الهدايا .. كان قبل ما ينام يتكلم وياي ويسولف .. كان اكثر متعه جنسيا وتحسينه مستمتع ومتحمس .. كان يحب يدلكلي ويسويلي مساج حتى لو كنت مايمه .. كان داااايما يراضيني باسلوب غير مباشر يعني ما يعتذر مني بس يطلعني طلعات لمناطق بعيده يعني نقعد 4 ايام او اسبوع ..كان وايد يحب يطلعني مطاعم وتماشي << كان أما الحين انتهى كل شي ..
اممم ما اعرف شو انصح المتزوجات لاني الى الان ما عرفت شوهوا سبب التغيير ولا عرفت ارده مثل اول
5-في كل مرة ينتقدك فيها الشمالي تعبرين بالدموع والانسحاب فهل تعلمت طريقة افضل تكلمي عن تجربتك وعلى ماذا ينتقدك؟؟
خخخخخخ .. داااااائما .. بس من كم شهر صرت ما انسحب دموووع بس اللصق فيه وهو يقولي خلاص خليني بروحي بس مافي لاااازم اقول اللي في خاطري حتى لو ما كان عاجبه يعني الا يقتنع بكلامي ويفهم وجهة نظري ويعذرني ..
الافضل السكوت بصراحه .. انا من قبل ما اعرف صفات الشمالي لاحظت هالشي في حياتي الزوجيه .. الفتره اللي اكون فيها مالي مزاج ارد واسكت هو يعتذر وتنتهي المشكله بسهوله وما تتعقد ..
اكثر شي ينتقدني فيه اني مااسمع كلامه << يريدني اسمع كل كلمه يقولها وانفذها بدون اي نقاش او اي صوت يعني امشي ع العجين ما الخبطوش >> والصراحه صعبه علي اسوي شي انا مب مقتنعه فيه ..
ينتقدني اذا ناقشته وقت المشكله يقولي اسكتي ولا تردين واذا شفتيني زعلان لاتسأليني شو فيك وليش زعلان خليني ارضى بروحي
ينتقد عنادي .. يقولي لازم تفرضين رايج << انزين انا لو مب مقتنعه بشي ما اقدر اسويه >> يوه مو غصب
ينتقد كثرة نقاشي وكثرة جدالي << اعترف انه فيني صفه ذميييمه الا وهي اقااااااتل عشان اخليه يغير فكرته ويقتنع بفكرتي << ادري اني غلط واحااول اغير هالشي فيني >> هالاسلوب بس معااه اما مع الثانين لا مب لازم يقتنعون
6-ماالمواضيع التي يزعج الشمالي النقاش فيها؟؟؟
كل شي ..
يقولي عادي قولي وجهة نظرج .. بس اذا شفتيني متمسك بوجهة نظري اسكتي ولاتفرضين رايج الراي والاخير لي انا
7-هل سبق اعتبرك الشمالي عنيده ؟؟ وتتوقعين ماهو السبب وكيف ؟؟
جدااا .. عشان اصر على موقفي ووجهة نظري .. وعشان يوم يزعل مثلا يقولي خلاص اسكتي انا ما ارضى اسكت لازم اقول اللي في نفسي << بنفجر لازم افضفض
8-ماهي الطرق التي تعبري فيها عن حبك بدون مايعتبر الشمالي انك تثقلين عليه وتلزقين فيه؟؟؟
ما ادري .. انا من فتره طويله اتبع معاه سياسة التطنيش ما عدت اهتم اني اجذبه لي << لاعت جبدي منه خلاص
يعني استخدم اسلوبه كله اوامر الزعل بزعل والتطنيش بتطنيش اذا ما بادر ما ابادر وهو فاهم الموضوع على انه تحدي فشكله حلف انه هو يفوز في هالتحدي وما زال مستمر وانا معه << حرب بصراحه مافي موده ورحمه
9-كيف لك ان تتدلعي وتتمنعي مع الشمالي ؟؟
والله من سنتين انا ما سويت اي مبادره ولا شي << يالسه احاول اتغير
10-هل جربتي تكوني غامضه مع الشمالي وكيف وماذا كانت رده فعله؟؟؟
من يومين بديت اطبق هالشي .. جدا هادئه وشاغله يومي بزحمه امور << الدستور .. ما عدا دستور الشمالي بعدني ما بديت فيه احسه صعب الجو المشحون اللي بينا وطول الجفا ما يسمح اني اطبق اللي كتبته >> وما اتصل فيه ولا اكلمهالا للضرولره القصوووووى .. ما اقوله احداث اليوم ابد ..اذا سالني جاوبته واذا عصب ما راددته ولا تهتز فيني شعره .. واذا كلمني بعدها اكلمه ولا كأنه صار شي .. لو هو موجود ما الصق فيه اروح العب مع العيال او ادخل المطبخ اشغل نفسي .. بصراحه احسه لين ومب متشنج نفس كل مره والعقده اللي بين عيونه راحت .. بس طبعا ما تودد بس هادي << مع انه الشيطان يلعب في عبي اقول لا يكون يخوني وانا ما ادري >> من كثر ما اقرا في مشاكل الخيانه واسمع عن الخيانه صرت اشك في زوجي الله لا يبلانا
