الشمالي الشرقي..تحت الضوء..*_^رحلة استكشاف*_^

[الفنوديه]

معقوله هل الميزه مشتركه بين الشماليين الشرقيين ...مايحترم زوجته ويصرخ عليها جدام اهله وبالتالي تفقد احترامهم وتتغير معاملتهم معاها ...!!!

اندلسيه شكلنا طلعنا شوي عن الموضوع ونحن فالانتظار

 

[القلب الرقيق]

معقوله هل الميزه مشتركه بين الشماليين الشرقيين ...مايحترم زوجته ويصرخ عليها جدام اهله وبالتالي تفقد احترامهم وتتغير معاملتهم معاها ...!!!

اندلسيه شكلنا طلعنا شوي عن الموضوع ونحن فالانتظار

اي والله يالفنودية ... ...ما يهمه.... يصارخ علي جدام اهله ...وينزرني مرات جدام اهلي (امي ) بس مو ابوي ...الله يهديه ...ويرزقه الحلم والصبر...واحس هذه يقلل من كرامته ...مرة بعد جدام رياييل عماتي

 

[تــولــيب]

ولازم القناعة تصاحبنا في حياتنا ومافي انسان مخلوق من حجر مايلين وفيدوني اذا كنت غلطانة لان جديده معاكم والله يوفكم جميعا

مادري شلون مانتبهت حق هذا السطر ...


كلام كميـــــــــــــل خالص !! يدخل العقل على طول ..
:cupidarrow:

لا تقطعينا !!

 

[سارونة333]

فشيلة صياحهم بالذات قدام الناس
زوجي اذا عصب على يطول يطلع عن طوره حتى لو بمكان عام
بس انا لاحظت شي

اذا عصب علي وحنا بمكان عام وطلبت منه تهدئة الوضع يزيد يرفع صوته
مادري شكله يستانس يحب يذلني او نذاله منه الله اعلم
وجربت اني ما اعطيه اهتمام اذا رجع لحركاته هذي
ولاحظت الوضع احسن من السابق
بس احس طريقتهم هذي فيها نوع من التسلط

 

[الفنوديه]

بس هل الاسلوب غلط والله غلط ليش الشمالي يقلل من احترامه لزوجته جدام اهله واخر شي اذا شاف الاهل مب متعلقين فزوجته يتشرهه عليها انتي ماتزورين اهلي وانتي ماتتصلين ع امي منوه السبب منوه اللي قلل من كرامة الزوجه واحترامها جدام اهله مب هوه.....واذا تشرهتي عليه وقلتيله ماعجبني اسلوبك وعصبيتك جدام اهلي يقول آسف كنت مضايق من كذا وكذا وكذا ...انا عرفت السبب بس اهله بيعرفون سبب تصرفه سببه الشي الفلاني

 

[أندلسية]

طيب علشانكم فجرتوا هالنقطة
راح نتناولها بإسهاب


الاحترام

قناعتي أنها ليست وليدة لحظة
بل هي ردة فعل لأشياء أخرى

لنكن صريحات مع أنفسنا

هل يفعل الشيء نفسه مع أخته الكبرى؟
أو مع أمه؟
أو معك في بداية الزواج؟

لماذا أنت بالذات (اللي أكلتها)؟

كلنا نتفق أنهم بطبيعتهم يجمعون بين:العصبية+العناد+الصراحة+عدم الحساب للآخرين
لكن تهمهم مسألة (الواجهة الاجتماعية)

حبيباتي
احترام زوجك لك يسوقه:
1/احترامك لنفسك.. تطرقنا لها سابقا
تعاملي مع ذاتك كما تحبين أن يعاملك به الناس..
لبسك، نومك ، أكلك ، أسوبك ، طريقتك ، وربما انتقادك لبعض الأشياء والعادات

2/لاتجعلي مواقف عدم الاحترام تمر مرورا سريعا
بيني حزنك وأسفك
وبيني أن هذا يؤثر بتعامل أهله معك

3/ أجتهدي أكثر في عناصر الإعجاب-اللي سبق وتطرقنا لها-

4/أعيدي بناء الحدود والحواجز بينك وبين زوجك
-شيلي الميانة-

وفيه حاجة مهمة جدا أحيانا نغفل عنها: الدعاء بصلاح الحال

هذا اللي عندي الآن

أنتظر تفاعلكم
وتجاربكم مع هالموضوع الحساس

 

[الفنوديه]

طيب علشانكم فجرتوا هالنقطة
راح نتناولها بإسهاب

يسلمووو اندلسيه لانا كلنا بحاجه لمناقشه موضوع الاحترام ....احترام الزوج ياتي فالدرجه الاولى



الاحترام

قناعتي أنها ليست وليدة لحظة
بل هي ردة فعل لأشياء أخرى

لنكن صريحات مع أنفسنا

هل يفعل الشيء نفسه مع أخته الكبرى؟ لا اكيد ونادرا نادرا جدا تشوفينه منه عدم احترام اخته او ان يقلل من احترامها عند الغير بالعكس يشوفها كامله والكمال لله وحده
أو مع أمه؟...بعد نادرا جدا
أو معك في بداية الزواج؟ لا كان بالعكس يمدحني جدام امه وامه تمدحني جدامه


لماذا أنت بالذات (اللي أكلتها)؟....لاني وبدون وعي اخترت اني اكون هاديه بطبعي ساكته دايما وهذا بسبب كذا موقف شفتهم فبدايه زواجي اثرن على شخصيته ...صرت من شخصيه اجتماعيه مرحه واثقه من كلامها لشخصيه هاديه متردده تخاف تواجهه اي مشكله والسبب احترام للزوج وعشانه..

كلنا نتفق أنهم بطبيعتهم يجمعون بين:العصبية+العناد+الصراحة+عدم الحساب للآخرين
لكن تهمهم مسألة (الواجهة الاجتماعية)

حبيباتي
احترام زوجك لك يسوقه:
1/احترامك لنفسك.. تطرقنا لها سابقا
تعاملي مع ذاتك كما تحبين أن يعاملك به الناس..
لبسك، نومك ، أكلك ، أسوبك ، طريقتك ، وربما انتقادك لبعض الأشياء والعادات
للاسف ماكنت احترم نفسي يعني ماكنت اعطي الاولويه لنفسي ....كانت لزوجي الاولويه وبعدين اطفالي....

2/لاتجعلي مواقف عدم الاحترام تمر مرورا سريعا
بيني حزنك وأسفك
كنت ابين حزني على هل المواقف وكان فعلا يعتذر بعد مايبرر موقفه بس اهله اللي تاثرت صورتي عندهم مايعرفون السبب الرئيسي للموقف اللي حصل
وبيني أن هذا يؤثر بتعامل أهله معك
للاسف الشديد ما انتبهت لهل النقطه بشكل اكبر كنت اقول مب حلوه تقلل من شاني عند اهلك بس مافكرت انها بتاثر ع صورتي وبتهزها بشكل كبير


3/ أجتهدي أكثر في عناصر الإعجاب-اللي سبق وتطرقنا لها-
ان الله راد

4/أعيدي بناء الحدود والحواجز بينك وبين زوجك
-شيلي الميانة-

ياليت

وفيه حاجة مهمة جدا أحيانا نغفل عنها: الدعاء بصلاح الحال

ادعيله دايما بالصلاح والهدايه

هذا اللي عندي الآن

أنتظر تفاعلكم
وتجاربكم مع هالموضوع الحساس

يسلموووو اندلسيه ع طرح النقطه واتمنى لزوجات الشمالي الاستفاده وتدارك الموقف قبل لا يكبر

 

[غلآهم]

صحيح 100% كلامك يا اندلسيةاشهد انج فاهمه وواعيه صح وحلو تبادل الخبرات والله يوفقج بالنسبة لي فعلاانا من اول مرة عصب علي قدام اهله ما سكت بس ما قلبتها ضرابة لكن زعلت على الخفيف وتكلمة معاه بجد لانه جدي وايد ومايحب اللف والدوران وقلت له احترامك لي جدام الناس والاهل هو سبب احترام الناس لي ولك ولاولادنا في المستقبل ومدحتة في مكانتة قدام اهله وهذا رسخ في بالة لين اليوم لدرجة انه اذا شاف واحد من ازواج خواتة عصب على زوجتة قدامة انزعج ومب اذا كانوا ازواجنا ش\ش صاروا هم والزمن علينا خلونا احنا معاهم على الزمن وثقة الانسان بنفسة هو سبب ثقة الاخرين بةواحترامه لذاته يعكس تعامل الناس معاه ولحقوا نفسكم قبل ما تفقدو السيطرة على اولادكم لان فاقد الشي لا يعطيه وابدؤا مثل ما قالت اندلسية من نقطة نظرة الناس لزوجته واضيف وام اولادة والله المستعان

 

[القلب الرقيق]

الاحترام​

قناعتي أنها ليست وليدة لحظة
بل هي ردة فعل لأشياء أخرى​

بالفعل هي ردة فعل لتصرفاتنا ...نحن الذي سمحنا لهم بتقليل احترامهم لنا​

لنكن صريحات مع أنفسنا​

هل يفعل الشيء نفسه مع أخته الكبرى؟​

اخته الكبرى لا​

أو مع أمه؟​

يصرخ عليها ويهاوشها اذا عصب ...بس مو جدام الناس ...وطبعا يعصب عليها اقل مني ...وما يعفس ويهه بويها ...نفس ما يسوي معاي​

أو معك في بداية الزواج؟
كان انسان اخر ​

لماذا أنت بالذات (اللي أكلتها)؟​

كلنا نتفق أنهم بطبيعتهم يجمعون بين:العصبية+العناد+الصراحة+عدم الحساب للآخرين
لكن تهمهم مسألة (الواجهة الاجتماعية)​

حبيباتي
احترام زوجك لك يسوقه:
1/احترامك لنفسك.. تطرقنا لها سابقا
الحمدلله محترمة نفسي ...بس من باب الذوق اطوف له ...وللعلم اطوف حق كل الناس​

تعاملي مع ذاتك كما تحبين أن يعاملك به الناس..
لبسك، نومك ، أكلك ، أسوبك ، طريقتك ، وربما انتقادك لبعض الأشياء والعادات
هذي يبيلها شغل شوي

2/لاتجعلي مواقف عدم الاحترام تمر مرورا سريعا
بيني حزنك وأسفك​

ابين له ....يقولي وايد تدققين ...وما تطوفين ...واذا بنسوي جذيه ما راح تمشي الحياة...مع اني اطوف ..وما اعلق الا على اللي يجرحني بالصميم​

وبيني أن هذا يؤثر بتعامل أهله معك​

3/ أجتهدي أكثر في عناصر الإعجاب-اللي سبق وتطرقنا لها-
فعلا يجب العمل على هذه النقطة اكثر​

4/أعيدي بناء الحدود والحواجز بينك وبين زوجك
-شيلي الميانة-
انا في هذه المرحلة ...قاعدة اضع الحدود اللي شلتها بنفسي اول الزواج ...بس هم يقوللي ...وايد تدققين ...لما ابين له عدم رضائي على تصرفه بنظرة او كلمه او تصرف ​

وفيه حاجة مهمة جدا أحيانا نغفل عنها: الدعاء بصلاح الحال
الحمدلل قاعدين نجتهد بهذه النقطة وهي الاساس ...لان الله قادر على كل شي سبحانه ​

 

[درة البحار]

كلامكم يدخل القلب .. مشكورين جميعا

زوجي ما يخانق كثر ما يسسسسسسسسسسسفه و لا كأني معاه ببيت أهله

الحل الي عرضتوه جيد بطبقه بعون الله تعالى

موفقين يا قممير

 

[Nonaya]

طيب علشانكم فجرتوا هالنقطة
راح نتناولها بإسهاب
كلك ذووق اندلسيه وربي يجعلها بميزان حسناتك:in_love:


الاحترام

قناعتي أنها ليست وليدة لحظة
بل هي ردة فعل لأشياء أخرى

بالفعل كلامك هو عين الصواب لكن ببدايه الحياه الزوجيه كنت صغيره
وكنت اتخبط فيما يصلح ومالا يصلح في التعامل مع الزوج
ربما هذا ماادى بي الى هذه المشكله:shutup:


لنكن صريحات مع أنفسنا

هل يفعل الشيء نفسه مع أخته الكبرى؟
أو مع أمه؟
أو معك في بداية الزواج؟

بصراحه لا لايفعلهاا


لماذا أنت بالذات (اللي أكلتها)؟
ربما لاني تغاضيت بعض المرات عنه فقام يتمادى :sadwalk:


كلنا نتفق أنهم بطبيعتهم يجمعون بين:العصبية+العناد+الصراحة+عدم الحساب للآخرين
لكن تهمهم مسألة (الواجهة الاجتماعية)

حبيباتي
احترام زوجك لك يسوقه:
1/احترامك لنفسك.. تطرقنا لها سابقا
تعاملي مع ذاتك كما تحبين أن يعاملك به الناس..
الحمد لله بلعكس اعامل الكل مو بس زوجي بكل ادب ولباقه :in_love:

لبسك، نومك ، أكلك ، أسوبك ، طريقتك ، وربما انتقادك لبعض الأشياء والعادات
احيانا اكون قاسيه في انتقادي تبعا لروح الانتقام:schmoll:
يعني انتقد بقساوه اسوي زيه لما ينتقدني:sly:


2/لاتجعلي مواقف عدم الاحترام تمر مرورا سريعا
بيني حزنك وأسفك
وبيني أن هذا يؤثر بتعامل أهله معك

بصراحه كنت ازعل وكان يقول لي ماسويت شي:dunno:
انا احسن اهلي بالتعامل مع المراه
وانا كلمه قلتها لحظة غضب ليه ماتطوفيها :busted_red:
ووووو
وان سكت تماااااااااادى



3/ أجتهدي أكثر في عناصر الإعجاب-اللي سبق وتطرقنا لها-
الحمد لله نشتغل عليها
وفي تحسن ملحووووظ:icon30:


4/أعيدي بناء الحدود والحواجز بينك وبين زوجك
-شيلي الميانة-

هاااذي مشكلتي :sadwalk:
ونفسي اتعلم كيف اشيل الميانه ؟؟لاني مو عارفه



وفيه حاجة مهمة جدا أحيانا نغفل عنها: الدعاء بصلاح الحال

الله يهدي الجميع وربي ادعي له على طووول


هذا اللي عندي الآن

أنتظر تفاعلكم
وتجاربكم مع هالموضوع الحساس

تسلمييييييييين اندلسيه على الموضوع
ماتعرفي قديش فدتي نساااء امثالنا بموضوعك
والله يعطيكي الاجر على كل حرف كتبتيه​

 

[الوفيـه]

فشيلة صياحهم بالذات قدام الناس
زوجي اذا عصب على يطول يطلع عن طوره حتى لو بمكان عام
بس انا لاحظت شي

اذا عصب علي وحنا بمكان عام وطلبت منه تهدئة الوضع يزيد يرفع صوته
مادري شكله يستانس يحب يذلني او نذاله منه الله اعلم
وجربت اني ما اعطيه اهتمام اذا رجع لحركاته هذي
ولاحظت الوضع احسن من السابق
بس احس طريقتهم هذي فيها نوع من التسلط

انا نفس الشي حتى لو في السوق :dunno: احس ودي اصيح وقتها:schmoll:

ماادري ليش حتى مع امه وخواته عادي عنده:busted_red:

 

[kraooo]

طيب علشانكم فجرتوا هالنقطة
راح نتناولها بإسهاب
يسلمووووو يااندلسية هالموضوع عندي اهم من كل شي لاني بجد اعاني وزوجي يتعامل معي بمزاجية شديدة


الاحترام

قناعتي أنها ليست وليدة لحظة
بل هي ردة فعل لأشياء أخرى

لنكن صريحات مع أنفسنا

هل يفعل الشيء نفسه مع أخته الكبرى؟ لالالاطبعا
أو مع أمه؟ مستحيل
أو معك في بداية الزواج؟ ياكثر مااكلت ع راسي من وانا عروس لين الحين وانا معي ثلاث اطفال...

لماذا أنت بالذات (اللي أكلتها)؟ مدري يمكن لاني تزوجت صغيرة واخاف واداري (وكان زوجي مسحور من اول ماتزوجتة لين سنتين وبعدين انفك السحر وكنت اقول هالتعصيب من السحر الي فية لكن طلع ابو طبيع مايخلي طبعة )

كلنا نتفق أنهم بطبيعتهم يجمعون بين:العصبية+العناد+الصراحة+عدم الحساب للآخرين
لكن تهمهم مسألة (الواجهة الاجتماعية)

حبيباتي
احترام زوجك لك يسوقه:
1/احترامك لنفسك.. تطرقنا لها سابقا
تعاملي مع ذاتك كما تحبين أن يعاملك به الناس..
لبسك، نومك ، أكلك ، أسوبك ، طريقتك ، وربما انتقادك لبعض الأشياء والعادات هذى شغلانة

2/لاتجعلي مواقف عدم الاحترام تمر مرورا سريعا
بيني حزنك وأسفك) ياما بينت يصيح ويعصب ويحررق الدنيا بصياحة وبعدين تلاقية زي الطفل الوديع شخصية غريبة بس والله احس بجررررح كبير بصدري وهو ولاكانة مسوي شي ...وياكثر المواقف ...
وبيني أن هذا يؤثر بتعامل أهل معك) بالفعل قلت لة وانتبهه بس بعد اية واحيانا لما يعصب مايحسب حساب لاي شي

3/ أجتهدي أكثر في عناصر الإعجاب-اللي سبق وتطرقنا لها-

4/أعيدي بناء الحدود والحواجز بينك وبين زوجك
-شيلي الميانة-

وفيه حاجة مهمة جدا أحيانا نغفل عنها: الدعاء بصلاح الحال

هذا اللي عندي الآن

أنتظر تفاعلكم
وتجاربكم مع هالموضوع الحساس

الدعاء وبالفعل مالنا غيرة الله يهدية ويصلح حالنا يااااااارب

ومشكككككورة مرة ثانية :icon26:

 

[العروس الاسيرة]

مشكوره يا اندلسيه على هذا الطرح الرائع تسلمين ...
انا بصراحه نادرا ما ألتقي بزوجي عند أهله ...
يمكن تستغربون !!!!!!!!!
لاني من تزوجت وانا في بيت لوحدي قريب جدا من اهله
وعنده مبدأ غريب بس والله اني مرتاحه الحين على هذا المبدأ
وهو (( تسيرين على أهلي فترة العصر من اوله لأخره وتصلين المغرب في بيتك !!!!))
عشان كذا ما اقابله كثير عند اهله ....
الله يديم الاحترااااااااااااااام
بس تعصيبة في السوق لا بد منها .. في المستشفى لازم ...​

راجعه لكم .....

 

[أندلسية]

هلا بالغوالي


العروس الأسيرة أضافت لنا نقطة (ضمنيا)

تجنبي أسباب عدم الاحترام

كمثال:
أعرف أن زوجي لو أتأخر عن موعد له، أو أترك بيتي بلا اهتمام أو أطنشه فأنه يقل منسوب الاحترام
لذا فمن الحكمة أن أبتعد عن هذا الأسباب
وإن وقعت في إحداها-ولابد فمن منا معصوم- أبتعد عن (حماه)
فأحمي نفسي بأقصى ماأستطيع من حماية

و لو حصل عدم احترام فأني أكتفي بحزن وأسى
فالعتاب بالصمت مجدي جدا مع الشمالي

 

[من اكون؟]

فعلا من اسباب عدم احترام الزوج لزوجته صغر سن الزوجه في بداية الزواج
وخاصه اذا كان الزوج عاملي فيها فاهم
انا مايحترمني قدام عيالي ومن جديد عند ضرتي يتكلم علي وخاصة لما يكلم عشان عياله بالجوال عندها شكله يعمل معي كذا عشان تتأدب هي للمستقبل يأبرني على الذكاء
الله المستعان
واهله ماقد مريت بمواقف قلة احترام لاني اتحاشى اتكلم معه عندهم واستحي اقرب له عندهم بالبدايات وتعودت
وعموما هو فعلا بيدينا نخليهيم يحترمونا اولا لازم نعامل انفسنا باحترام اكثر قدامهم علشان يتعلموا وانا الحين ماخذة اجازة ومدري حاسه انها راح تطول لاني ابي احترام وحد للمهزله اللي صايرة في حياتي

دعواتكم لي

 

[kraooo]

متابعة بكل شوق...
انتظر المزيييييييييييييييييييييييييييييييد ...

 

[لازورديه]

السلااااااااااام عليكم.. انقطعت فتره.. ريلي مرض شوي.. وبنتي.. بعد.. غير

انه عانيت من نزول في الموجه.. الله المستعاااااااان.. كلامكم مفيد جدا..

اما بخصوص الاحترام..

عانيت مع زوجي لين ماقلت بس.. وكنت كل مره اعاتبه.. يعني ماكنت اسكت له

بس ماكان منه فايده.. وايد كنت اتاثر منه.. بس الفتره الاخيره حسيته.. تغير ..

غير عن اول يمكن لاني تغيرت.. معاه.. بعد مادخلت المنتدى .. وصرت اعرف اتعامل

معااااه.. بس مازال فيه .. ولو الشئ القليل.. من هالصفه.. والتي بالكاد تباااان

قبل كم يوم حضرت دوره للاستاذه ناعمه.. وقالت فيها بالحرف الواحد.. انه الشمالي

ينظر لزوجته من منظورها لنفسها.. يعني اذا كانت تشوف نفسها تستحق الاحترام

فهو يحترمها.. واذا كانت تشوف نفسها.. جميله وواثقه من نفسها وانها محبوبه من الجميع

فهو يرى .. انها جميله وواثقه من نفسها.. ومحبوبه..من الجميع.. يعني يرى زوجته

من منظورها لنفسهااا..

 

[لازورديه]

نظره جديده.. الله يقوم مريضكم بالسلامه .. ان شاءالله..

شموخ الكويت .. فديتج يالغاليه.. ياهلا والله.. تولهنا عليج..

 

[حلا الجوري]

مرحبتين بالغوالى
الحمد لله هذه النقطه مااااا اعانى منها الا قليل فى اول زواجى

وزيارتى لاهله تقريبا كل اسبوعين او فى الشهر مره
للاسف يعصب من اخته او امه اذا غلطو عليه
مستحيييييييييييييل يسكت