الشمالي الشرقي..تحت الضوء..*_^رحلة استكشاف*_^

[أندلسية]

يابنوتات في البداية نبغى ننوي هذى الموضوع لابتغاء الاجر من الله لأننا جالسين نتعلم كيف نعف أنفسنا ونستفيد من علمنا أسأل الله ان يجعله في موازين حسناتنا وحبيت أنقل لكم جمله رائعة قرأتها وأتوقع انها مناسبة للرجل الشمال الشرقي

هناك طريقة فعالة للتعامل مع مثيري المتاعب
ساعد الاخرين على أن يحبو ذواتهم اأكثر
قم باشباع جوعهم لتوكيد الذات وعندها سيتوقفون عن الزمجرة في وجهك والحدة والجفاء معك

والرجل الشمالي الشرقي العقلاني يتعب وهو مايدري خاصة المرأة الجنوبية العاطفية يعني احنا معاهم لازم نصير عقلانيين ​

مشكورة ع التذكير بالاحتساب
و(ش/ش) مثل ماذكروا البنات قبل مفتاحه الأول المدح

أما العاطفية والعقلانية
فعلا اللي بتدمر حياتها تتعامل معه بعواطف
علشان يهرب وهي تجيها سكتة

 

[أندلسية]

:icon26: .. طبعا احب نفسي .. لازم احب نفسي .. اقسى على نفسي احيانا :c014:..حتى اصل للنتيجه المرجوه !! اتعب ..
اتعب واسوى رياضه عشان جسمي يصير حلو .. (الشرقي هو اللي نبهني )
اروح للجيم في رمضان !! وارجع اتسبح وافطر ..
اروح لبنتي في المستشفى !!
ارجع من المستشفى ..
اروح لحبيبتي مامي ..انسدح في حضنها :nosweat:.. اخذ منها جرعات حنان !! تعطيني دافع للامام !!
اسوي لي جلسات مساج .. ماقدرت.. اسوي لي حمام برائحه المشمش واغطس رجولي فيه !!
اطرش بنتي لبيت مامي .. واشوف التلفزيون مع ابونا في جو هادي !!

ياسلام ع التوازن




:icon26: .. اذا حد غلط علي افكر .. هل انا طرف في المشكله .. شكثر ساهمت بالغلط .. واذا كنت حاطه نفسي في موقف .. اقول انفسي : تستاهلين .. احسن .. محد قال لج !!

رائع
وهذا يعطي دروس للأمام

أحب في مواقف الفشل مثل هالوقفات
تجبرني أراجع حساباتي وطريقتي
للأمام بدون جلد للذات عما مضى
كل موقف يمر وأشعر بألم أو أتمنى أنه لم يمر
أسأل نفسي لماذا؟؟
فأضيف نقطة لمستقبلي
فمع كل تجربة تولد لي ذات جديدة بخبرات أكثر


:icon26: كل انسان يستحق الافضل ...احاول .. بس انا ما اوقف عند هالنقطه .. طبيعتي الجنوبيه .. وتربيه امي لي ..عودتني ارضى باي شي .!! بس بدون ما اسمح ان احد بستوطي حيطي !! ارضى بالقليل بكيفي بمزاجي !!

حتى مع توفر الأفضل؟؟>>طبعا بالنسبة لتصنيفك وليس تصنيف الناس



:icon26: الحياه العمليه ,, تعلم على طوله اللسان !! :msn-wink: !! لان المحيطين اشكال وانواع .. اكثرهم ماعندهم خطوط حمرا .. كل خطوطهم خضرا !! بدايه انا ماكنت اسمح لنفسي بالعبث بجوال احد .. او درج احد .. فاحترام الاخرين لي امتداد لاحترامي لنفسي .. مثلا :
:idea:لو سمحتي .. اذا خلصتي الكتاب ممكن تحطينه عالطاوله ..
:idea:انا ماحب حد يفتح كبتي ... موشرط يكون فيه سر .. بس انا ماحب .. ومو لازم ابرر لكم..
:idea: احاول سوي اعمال المنزليه والوظيفيه .. وتكون مواعيدي مضبوطه .. حتى لا اسمح لاحد بان يمسك اي شي علي ..

وحده .. اتفق معاها نروح السوق .. الساعه 9 .. بكون عند بابج .. ولا حياه لمن تنادي .. تتاخر .. اقولها ..احنا مو متفقين .. قالت بلى .. بس تاخرت .واخنا رايحين للسوق مو مستشفى وموعد ..:sly:
اقولها : احنا اتفقنا .. وانا رتبت نفسي على كذا .. قمت قبل عشان الموعد اللي متفقين عليه .. نمت من وهل عشان الاتفاق .. تجين اني عالبارد وتقولي مو مستشفى الا سوق !!
عشان كذا اللي يروحون مع الحين .. تأدبوا . ولا بعصب .. حتى لو كانت الشغله لي .. الاتفاق اتفاق .يا نروح في نفس الوقت .. ولا قولي لي بالفم المليان .. اسفه ماقدر .. احلى على قلبي .. من انج تاخريني وتحرقين اعصابي !!!

رائع
كل المواقف مهمة
أحترام الحدود امتداد لاحترام الذات
مايكون الشخص كتاب مفتوح
ولا أغراضه حلال مباح
ولا أسراره حديث متداول
ولا كرامته مداس
وكل هذا ينطلق من الشخص نفسه

وكل موقف يمر
إما يكون بداية لسلسة من الانتهاكات
أو بداية للاحترام

الاحترام يُؤخذ .. يكُتسب ..يستحق !!

ولا يُطلب ...

أحسنتي
هو ردة فعل
وليس فعل

 

[أندلسية]

الاستقلاليه اهممممممممم شي بصراحه او ما يسمى بالاستقلال القتصادي للمرأه وخاصه زوجه الشمالي الشرقي

اما الاشباع الذاتي فانا مطبقته تقريبا على نفسي مريحه نفسي ما ادخل المطبخ الا في العزايم بس
اشتركت في نادي صحي راقي جدا وهذا الشي غيرلي حياتي حتى اني الان انتهى شتراكي وانا متحسفه اشترك الا بعد رمضان لاني ما اروح برمضان بصراحه فقدت النادي كنت اروح استانس اشوف هالحريم مرتاحين وما يفكرون بشي والسباحه كن افرغ فيها غضبي والجاكوزي والبخار والمساج شي عجيب يا بنات
باذن الله بعد قضاء صيامي والست راح اجدد اشتراكي على طوووووول
حتى زوجي يقول انتي مع النادي تغيرتي كثير

:c014:

مشكورة على تجربة النادي
وفعلا الوحدة لما يكون لها عالم ثاني
تتغير
تتعدل نفسيتها
ويكون لها مصدر إشباع لحاجاتها غير البيت

 

[أندلسية]

لا زلت معكم حبيبتي عمري 37 و لدي 8 أطفال أنا من أساء لنفسي كي أرضيه انجبت أول ولد بعد 4بنات وكان يعشق الولد فاستمريت بالانجاب حتى أحقق له ما يريد و لكن للأسف كانت أكثر الذرية من البنات فكثر لدي العدد حتى انشغلت كثيراَ وأعاني الآن من جسم مترهل بشكل كبير وهو يرفض اشتراكي بنادي لتعديل ما فسد لدي لأسباب منها الغيرةالشديدة و عدم قناعته بذلك ,رفضه إحضار سائق, قوله لي أنه ماعندي وقت بسبب العمل - ( معلمة ) و جنسيتي سعودية - و كثرة الأطفال و يرفض الجراحة التجميلية فأصبت بالإحباط لذلك لأني متشوقة لتغيير و ضعي و استطعت تغيير بعض الجوانب و نجحت و لكن هذا الأمر صعب تحقيقه بنفسي فقط فهل أجد لديكن حل مناسب و بالذات الأخت الرائعة العروس الأسيرة و أندلسية( أم الوجيه )

ماشاء الله
رزقت برهم

بالنسبة للنادي
نفس زوجي رفض
بس أشتغلي بدائرة تأثيرك أنتي
سوي لك نادي ببيتك
وبما أنك معلمة إن شاء الله تقدرين
شوفي تجربة نحت الجسم وشده بالموضوع اللي كان مثبت >>إذا حصلته جبت لك الرابط
استفيدي منها

وحلو أنهم بنات
أسهل بالتربية
وتجددي شبابك معهم الله يحفظهم لك يارب

 

[أندلسية]

....من ناحيه حب النفس ....اهتم بنفسي وبصحتي وبرشاقتي وجمالي لنفسي يعني ماتزين واتكشخ واتسنع لاني انتظر مدح او اعجاب منه اسوي هذا كله لنفسي....حبي لاطفالي اهتم فيهم اكثر واكثر واكيد التربيه بتعكس له اي نوم من الامهات

فالسابق كنت متردده احيانا او اكتم اللي فقلبي بس احين قرار حاسم ولازم يكون صائب هذا بيعكس له ثقتي بنفسي واهم شي اتمسك بارائي وابين له ان شخصيتي قويه بحدود من ناحية اللباقه ...( يعني اذا اي احد اساء لي ارد عليه باسلوب لبق او باتكييت ...)

:c011:

 

[بحر الآلآم]

شكرا على الموضوع الرائع
زوجي شمالي شرقي
وانا جنوبية
فعلا ما ينفع معاه الا الثقل
المشكلة انو الان اتزوج تانية وانا جدا تعبانة مو عارفة اتعامل مع شخصيته صعب جدا
الله يسهل

 

[أندلسية]

ضوء:

حينما أرى تقدما في حياتي
أتذكر: (ولئن شكرتم لأزيدنكم)
فأرفع يدي أو أمرغ جبهتي شكرا لله
وأتمتم:
الحمد لله حمدا كثيرا طيبا مباركا فيه كما تحب وترضى
اللهم زدنا من فضلك

 

[أندلسية]

شكرا على الموضوع الرائع
زوجي شمالي شرقي
وانا جنوبية
فعلا ما ينفع معاه الا الثقل
المشكلة انو الان اتزوج تانية وانا جدا تعبانة مو عارفة اتعامل مع شخصيته صعب جدا
الله يسهل

الشكر لله ياغالية

أمشي معنا بالموضوع حبة حبة
لنستفيد من بعض
:cupidarrow:

 

[أندلسية]

**لأجل أن أحترم نفسي


لابد أن أعشق ذاتي أولا

"اعشقي نفسك أولا ، ثم كل شيء آخر . فأنت بحاجة ماسة لعشق ذاتك ، حتى تتمكن من القيام بكل شيء في هذا العالم"
(من كتاب:دروس من الحياة للمرأة اللي قلتلكم عليه)

وبما أن الاحترام رد فعل
فلأجل أن يحترمني الآخرون علي أن:

:icon-mos:أضع حدود وحواجز لاأسمح بتخطيها

:icon-mos:أحتفظ بسري لنفسي

:icon-mos:لا أجعل من حياتي كتاب مفتوح

:icon-mos:لا أقتحم خصوصيات الآخرين>>بالذات الزوج

:icon-mos:لا أزج بنفسي بأي موقف>>أعرف مكاني الصحيح

:icon-mos:أعرف متى أتكلم متى أصمت

:icon-mos:ألبي حاجاتي الداخلية

:icon-mos:لا أشتكي حياتي أو زوجي أو أطفالي على أحد ولا أرمي على نفسي ولا على زوجي ولا على أطفالي بألفاظ أو ألقاب غير لائقة>>حتى ولا عند زوجي

:icon-mos:أحترم علاقاتي الاجتماعية>>مركز الدعم

:icon-mos:أتعامل مع ذاتي كالأغراب-بالاحترام-آكل بأفخر الأواني وأشرب بأحسن كاسة عندي ولا أستخدم يدي للحلا -حتى لو كنت وحدي فأنا أستحق-ولا أجلس على الأرض الا بوضع مخدة أرقب جلستي ووقفتي ولبسي وشعري بين الحين والثاني
ما أجلس بأي مكان
وأراقب المكان اللي جالسة فيه

:icon-mos:طفلتي ماأسمح بيوم تكون مصدر انتقاد علي من أي أحد
ولا أسمح لأحد يربيها عني-مثل ماأنا ماأربي عيالهم-
لها ألعابها الخاصة-أحيانا لما أروح لعائلة ماعندهم أطفال أشيل لها لعبة علشان ماتزعج وترتاح وتريحني وتريح صاحبة البيت
الله يخليني لها ويخليها لي​

أنتظر منكم نقاط أكثر
خلونا نتذاكر

 

[العروس الاسيرة]

صباح الخير ....
أم الوجيه / هلا وغلا فيك ...
الظاهر ان ازواجنا نفس الافكار بعد انا نفسي اروح للنادي الرياضي ورفض الفكره وما عاد فاتحته فيها
بسبب ان عيالي صغار وهو ما يرجع من الدوام الا ثلاث العصر وانا معلمه بعد يعني مشغوله ......
وهونت عن الفكره وتابعت موضوع الرائعه :
ريمان 2008
اسم الموضوع / شاركيني تجربتي الشخصيه في (( نحت الجسم وشده ))
تلاقينه في قسم القوام والرشاقه
للأسف ما اعرف احط روابط والاكان حطيت ....
استفدت منها بالمره بدون اجهزه او اي شي قدرت انزل وزني اربعه كيلو .....
واذا كنتي مصرررررره على الرشاقه الدائمه اشتري جهاز الاوربت تراك تلاقين المعلومات والقصص المفيده في الموضوع اللي قلت لك اياه ......
انا الحين اتبع رياضة المشي السريع داخل البيت ( من الصاله لغرفة الجلوس للغرفه ) لان ما عندي حوش !!!! اول ما بديت ربع ساعه وتطور الوضع وصرت امشي ساعه كامله العصر وساعه بالليل
واسوي رياضة نط الحبل مرررررررره مفيده ... واحاسب لما اكل يعني ما اكثر واقول (( حرام ما بقى بالصحن غير هذي اللقمه ؟؟؟؟ )) انا ما اقول لك الحين صرت رشيقه لاني بالاساس جسمي حليو يعني زايد حبتين بس الحين الحمد لله مشدود ومنسق ....
وبالتوفيق انشالله ..​

 

[أندلسية]

أم الوجيه

هذا الرابط

http://www.niswh.com/vb/showthread.php?t=56261

كنت أعتقد أنه بالزوج والزواج
يبدو لي نقل

 

[الفنوديه]

يسلموووووووو اختي اندليسه ع المجهود اللي بذلتيه فالموضوع


وكل عام وانتو بخيربمناسبة شهر رمضان

 

[j@l]

جزاك الله كل خيراخت اندلسيه على الموضوع الحلو زوجي شمالي شرقي وانا جنوبيه غربيه كنت ابي اعرف كيف الوحده تتناقش معى زوجهالواكتشفت خيانته وياريت تناقشين وش العطوراللي تعجب شش واللبس بكل انواعه والميك اب

 

[تــولــيب]

اليوم وامس وقبله وبكره وبعده ... اسمع بعض اللي حوالي :
اف .. ماخلصت اغراض رمضان ..
يووووه .. من اللي عاده بيروح للسوق في هالزحمه !! حر موت وصيام !!
ويطالعوني : طبعا الحجيه ..(انا) خلصتي اغراضج من زمان !!
اقول طبعا .. عجل تبوني مثلكم ..:blow:



من احترام النفس ومعاملتها برقي .. هي انك ما تذبحين نفسك بالعجله والربكه اللي مالها داعي !!
رتبي امورك !! بتشوفين التقدير من اللي حواليج بمجرد مارتبتي امرك !!

:idea:قبل العيد بشهرين اشتري القطع واوديهم للخياط !! يخيطهم لي عاد عنده وقت !! ومايطردني !! :crazy:
:idea:واطلعهم بفلوس الشهر اللي وراه !!
:idea:والشهر اللي وراه مثلا اروح اتشرى الاشياء الجاهزة .. من فساتين لبنتي وقمصان لي وشنط .. واللزي منه !!
:idea:اذا قرب العيد الا انا : شاريه اللبس !!
وماضطريت اني اروح وانا صايمه !! واذا رحت تكون مره او ثنتين !!
:idea:طلعت ثيابي من الخياط !!
:idea:ماضيقت على ابونا بالبيزات وزحمه العيد !!

احترم نفسي !!
ارتب اموري من وقت !!
اريح نفسي .. اللي حوالي يقول ياحظج .. اقول لهم : والله انا كنت اروح وانتو مرتاحين .. روحوا الحين وانتو صيام وانا مرتاحه !!:bleh:

 

[نظــ جديدة ــرة]

أتمنى من الجميع عرض تجربتهم في الحصول على القوة

هلا وغلا .......حبيبتي اندليسة.......
أنا بنسبة لي أحسن نفسي قوية.... وضعيفة...
جاه في بالي...موقف صار لي ....كنت في الجامعة...ويوم رصد الدرجات ..
وأكتشف أني ...ما أخذة الدرجة الكاملة..>>>>>طبعا واثقة أني باخذها..
وأروح لدكتورة المادة..وناقشها ليه نقصت>>>>>طبعاوأنا أتكلم ..قمت أصيح.:tears:..:icon1366::icon1366::icon1366:
اللي شوفني .يقول...>>>ميت عليها أحد.....ادري مبالغة بس هذا طبعي في الصياح...

إلا تمر في السيت وحدة أعرفها >>>تعرفين شنو قالت لي ...ياليت أعرف أصيح مثلك...القصدة ان الحرمة ماطيح منها دمعة...حسيت انها اصفعتني على وجهي.:a043:...وقلت في نفسي والله أنا بصير مثلك.....تصدقين من هالموقف...حسيت إني اتعبيت طاقة...ليه ما أدري...
بالفعل مع الايام ...صرت جامدة....وأقل حساسية...طبعا في حياتي الزوجية مع ش/ش صرت للأفضل...وتعرفين ..ش/ش يكره الدموع...
مع الايام أصبحت دموعي أقل ...وأكثر تأثير...>>>وتجيب نتيجةمثل




وشكرااااااااااااااا......
وان شاء الله ألحق... معاكم......
نظرة جديدة

 

[أندلسية]

مبارك عليكم الشهر

الله يرزقنا الصيام والقيام والعتق من النار

 

[أندلسية]

مما يثير إعجاب الشمالي الشرقي:

النظام الترتيب



ربما النقاط السابقة تعني الشمالي عموما
لكن اليوم سنلتفت لشرقيته

النظام والترتيب..

مامجالاته؟؟>>لنفتح الأبواب أمام بعضنا

مظاهره؟؟ كيف تحكمين على شخص ما بأنه منظم؟؟

آخر عمل تنظيم قمتِ به ومتى؟

 

[أندلسية]

كمثال نحكم عليها بأنها منظمة:

هي انك ما تذبحين نفسك بالعجله والربكه اللي مالها داعي !!
رتبي امورك !! بتشوفين التقدير من اللي حواليج بمجرد مارتبتي امرك !!

وهذا أروع شيء أكتسبته من شرقية زوجي

كنت أول أشوف الشرقيين بمنظار الرحمة
كيف عايشيين بهالوساسية والدقة وحب الكمال

كنت أضجر من زوجي وأعتبره مبالغ

بس لما جربت النظام بحياتي
وجربت راحة البال
وجنيت التقدير والاحترام والرضا الداخلي

إن شاء الله ماراح أتنازل عنه
خصوصا أنه أحد أسباب الإعجاب

 

[غصن بان]

مرحبا حبيباتي اشتقت لكم مرررررررررررررره
الف مبروك عليكم الشهر وعساكم من عواده
شكانى لسى في عنصر القوه ؟؟
يعني ما فاتني كثير ؟؟
لاني بصراحه مشغوله وما قدرت اقرا الصفحات كلها
قريتها كذا على الماشي
المهم اني الان بينكم الله لا يفرقنا
غصن بان​

 

[أندلسية]

الفنوديه

وأنتي بخير ..
الله يجعله شهر خير علينا جميعا


j@l

راح نناقشها إن شاء الله
لكن الآن نشيك على أعماقنا
ولا حقين عالمظهر الخارجي إن شاء الله


وردة توليب

رائع
أنا شريتهم من شهرين
بس باقي الاكسسورات وجزم لبنتي
أحب الاستعداد (قبل الزحمة)
خصوصا باللبس
وفعلا تريحي راسك وراس اللي عندك وتتجنبي المشاكل


نظرة جديدة

ياهلا
افتقدناك



وياعيني عالقوة
وفعلا أحيانا يضيف أحد لحياتنا إضافات دون أن يشعر
غصن بان

أهلا بعودتك
أفتقدتك
أنتقلنا من القوة إلى الاحترام ثم التنظيم والترتيب
شدي حيلك