الشمالي "افهميه لتحبيه"

[منينه]

حسوسه ياعسل نبغى معلومات جديدة عن الشمالي الشرقي فيه او لا ياعسل؟!!

 

[حورية البحار]

فديت احساس ماينداس لما تمدح الشمالي و عيونه و قلبه الابيض متى تفهمونه يااابنات ياا حلوات متى

عسى ربي يسخركم لازواجكم و تتهنوا فيهم ان شاء الله

 

[تنور ساخن]

الشمالى شرقى اللى عندى كان له صاحب جلس معاه سنين كان له مصلحه عنده بس انتهت مصلحته سحب عليه وقاطعه اخاف تنتهى مصلحته من عندى ويسحب على خخخخخخخخخخخخخ والله انهم يقهرون وينسون العشره

 

[السماء12]

تسلمين على الموضوع الرائع ​

 

[الموره]

موفقه

 

[الموره]

جزاك الله خيرا

 

[سكووون الليل]

وينك ياإحساس عندي مشكلة عويصة
ابي تساعديني فيها
ما بي اكتبها الا وانتي متصله حتى ما تضيع بين المشاركات​

 

[*انفاس الأنين*]

مشكوره اختي احساس صراحه ماأدري بأي عبارات الشكر اقولها لك
عرفت زوجي اكثر وعرفت كيف اتعامل معاه...........
تسلم يدينك.........

 

[احساس ماينداس]

(سكون الليل )
تفضلى حبيبتى

 

[سكووون الليل]

السلام عليكم

مشكلتي كبيرة ما قدرت احتويها وها انا الجأ إليكي بعد الله
لو كان امامي خيار اخر لما نشرت مشكلتي في النت
زوجي شمالي غربي اناني درجة اولى وانا جنوبية اعتقد شرقية واخذت الكثير من غربية زوجي
قبل سنتين تقريبا هجرني لمدة اسبوعين صار ينام في المجلس
(بالعادة يوم او يومين في الشهر وابين له اني متضايقة بس ما ازعل)
حاولت معه يطلع للغرفة لكن ما قدرت
كانت ايام اختبارات ولما انتهوا اولادي من اختبارتهم كان يوم الثلاثاء جهزت شنطي وانتظرت حتى
يطلع زوجي من الدوام بقوله يوديني لبيت ابوي ما دام ما يبيني
لكنه جا للبيت قبل الظهر وسويت له قهوة فيما كنت اجهزها طلع للغرفة وللأسف شاف الشنط
ونزل واخذني في وحدة من الغرف وحاول يفهم السبب واعتذر وتصافينا وسافرنا لمدة اسبوع احلى سفرة
ومشت الحياة طبيعية
في 3/4/1431هـ انا حملت بفضل الله كتبت التاريخ حتى اتذكر وقت المشكلة لأني نساية
وكل التواريخ الباقية اخذتها من اوراق مواعيدي
بعدها بشهرين طلع ينام في المجلس تركته يومين وحاولت ارجعه بس رفض كان يجلس معي الصالة
وادلك له راسه(يعشق التدليك)بعدين ينزل ينام في المجلس كان على هذى الحال شهر كامل
ثم سحبته للغرفة ونام معي اول الليل ثم طلع
جلسنا بعدها شهرين وما زال يطلع عندي اسولف له وادلك راسه
الحين صار له ثلاثة شهور .........
صار عندنا مناسبة زواج رجالي فقط في مدينة ثانية المسافة تقريبا
ساعة ونصف ذهبنا معه بعد المغرب وتركني في بيت جدي على اساس فيه عماتي مجتمعات العشاء
بعد ما انتهى الزواج جانا خبر ان عمه توفى(مريض من كم سنة وكبير في السن)
دق ولدي على ابوه وقال بنروح معك ...بنصلي على عمي...رفض ..قاله تعال مع احد اعمامك(اعمامي انا)
اللي صار انه اعطى السيارة لأخوه يجيب اخواته عليها لأنها كبيرة ......واخذ سيارة اخوه
اخوانه ثلاثه كلهم جايين يحضرون الزواج وكلهم عزابية وكل واحد بسيارته
والأخوات كلهن متزوجات وسوف يذهب ازواجهم للصلاة على العم المتوفى ايضا
طبعا انا بقيت لم اجد من يأخذني لمدينتنا
في الغد ذهبت للسوق بعد الظهر وعلم زوجي بذلك(هو لا يمانع ابدا ما خذه اذن على طول)
ارسلي يتريق احد يتسوق الظهر
رديت عليه ......ايه اكيد..... رايح وتاركنا ...ترا لنا الحق نصلي ونعزي مثلك
في الليل اتصلت عليه ابي يجي ياخذنا الجمعة الصباح ما رد كم مرة
في الصباح يوم الجمعة ايضا وبعد الظهر صار الجوال مشغول على طول..... ارسلت له رساله
انه يجي ياخذنا...دق علي مباشرة وقلت له ان جوالك مشغول من امس.... رد انه ما فيه شي
يمكن من الشبكة وصار يتلفظ علي ليش تقولين اني رايح وخليتكم(جاي في خاطرة من الرسالة)
ليش ما تجين مع فلان وعلان ......
بعد ما هاوش وسكت قلت له تعال العصر قال على كيفي متى ما جيت
هذي بداية المشكلة زيادة على انه هاجرني ثلاثة شهور يهوش ويسب انا مارضى لحد هنا وبس
انا صرت على الصامت ما عاد سولفت معه صرت رسمية واقوم بكل واجباته
وهو مطنش سلام وعليكم السلام وبس
بعد اسبوعين سافرنا وبرضه كنت على الصامت رجعنا
وبعد يومين سافر للخارج(كل سنة يسافر من اسبوعين لشهر )عشرة ايام بس رجع في ثلاثة رمضان
راجع مبسوط ويحاول يمزح معي ويسولف وانا معطيته طناش ما ارد الا ايه او لا
بعد رمضان بدا يأثث الفلة اللي جنبنا (لها سنتين فاضية)على اساس ان ابوه بيسكن فيها
مجرد انه يوهمني بالأحداث اللي صارت والا هو ما قال لي شي
وابوه يقول لولدي ان ابوك اعطاني الفلة انا صدقت
مر علينا ثلاثه شهور وحنا على هذي الحال وفي نهاية ذو القعدة نادني مرة وجلس يتكلم
يتكلم ما اعتذر ويقول انا ما سويت لك شي عشان تقاطعيني وما تكلميني وانا ساكته
لحد ما خلص (كان وهو يتكلم يرجف بشكل مو طبيعي ويتلهى في الأوراق اللي قدامه
حتى صوته فيه رجفان مو طبيعي)
ويبيني اقول وش عندي قلت ما عندي شي اقوله شوي وطلعت
من بكرة ارسلت له رساله على الإيميل اوضح له الإشكال اللي صاير لأن مالي خلق اكلمه
لأنه بيحطني انا الغلطانة
بعد الحج بفترة صار ت الدينات تنزل كراتين في الفله الثانيه انا شكيت وحدسي ما يخيب..
في يوم هو كان مسافر (طبعا صار رسمي انه يروح الأربعاء والخميس ويوم في وسط الأسبوع)
المهم معي مفتاح للفله واروح اتفرج فيها صار الأخ يأثث له لقيت غرفة نوم متكامله من كله
والمطبخ ابتدا يأثثه واشياء ثانيه مستحيل تكون تخص ابوه
اكيد انه قد تملك والأوراق يقدر يخبيها عنده شقة صغيرة في المدينة اللي يروح لها

الحين انا على وشك ولادة
بعد الولادة وش الحل مستحيل اسكت وهو جالس يستغفلني
خلاص عافته نفسي .....ثمانية شهور ما صار بينا علاقة ومستحيل انه يطلبني عنده كبرياء

ادري ان القصة طويلة لأن مدتها اكثر من ثمانية شهور مدة حملي

لكني اريد حلا

 

[احساس ماينداس]

(سكون الليل )
حبيبتى طبعا انتى اكيد حاسة ليش الفلة
هو ناوى يتزوج
بس انتى سبب ذلك ؟
لانك ماتحاسبينة على شى
مخليتة على كيفة -يسافر بدون حدود -يزعل على كيفة ويرضى على كيفة -وانتى عارفة ان الشمالى الغربى عينة زايغة ويحب التعدد -ومع ذلك تدلعينة وتدلكينة وهو مطنشك ليشششششششششش
المهم مع ان الوضع متاخر بس مازال لامر بقية
اتوقع انة محدد موعد الزواج على موعد ولادتك -يمدية يتزوج ويقضى شهر العسل
ضعى النقاط على الحرووف
حاسبية واسالية عن السبب وانك عارفة كل شى -وشدى علية فى المعاملة واثبتى ذاتك (طالما لايوجد سبب مقنع لزواجة )
ولحقى على نفسك والله يعينك يارب ويسخرة لك (اكتبى لى الاحداث اول باول لكى اساعدك )

 

[سكووون الليل]

الله يجزاك الجنة
من ثلاث سنوات بنى فلتين دبلكس منفصل سكنا وحدة والثانية فاضية
زنيت عليه يبيعها او يأجرها رفض .....في الأخير قال هذي لأمي

لا انا ما رضيت عن سفره ابد ...حتى اني صرت ما اجهز شنطته من خمس سنوات تقريبا
ولا يروح الا وانا منكدة عليه لأنه يتركنا بدون ولي ... ومكرهته في السفر .....مع ذلك يروح
اقولك اناني درجة اولي

هو ما ترك النوم عندي زعلان لا ابدا تركه عشان سبب تافه(بحاول ارسله لك على الخاص ما ابيه يطلع يمكن زوجي يشوف المشاركة ومن العذر يعرف انه انا) والظاهر انه يدور له عذر عشان يسوي مشكله

اللي اعرفه ان الشمالي ما يحب التعدد

انا ادلكه واسولف له لأنه ما فيه مشكله من اساسه وهو كان يجي ويحطه راسه على رجولي .......
فاهمه انه يبيني للفراش بس ما يصرح عشان كذا انا متغابية عليه

ولادتي ما باقي عليها غير ايام الله يسهل علي....والبيت لسى ما جهز وهو يداوم .....ممكن يكون مخطط للزواج في الإجازة بعد شهر ونص تقريبا

انا ما ابيه يعرف اني على درايه بشى ...ما راح استفيد ابداا

ولا يوجد سبب مقنع لزواجه ابدا...........الا كما قالت الأستاذة ناعمة...انتهى من الركض في الحياة وجمع المال
ويبي يرفه عن نفسه ويجدد حياته مع بنيه صغيرة(عمر زواجنا 18 سنة)وعمر زوجي 41 يمكن تكون مراهقة الأربعين
وانا 39 سنة لكن شكلي يدل اني اصغر من ذلك بكثير باعتراف طبيبتي ...عندما طلبت تحليل للكرسترول
قالت انتي صغيرة احنا ما نسويه الا على اعتاب الأربعين

اذا كان كتب العقد على إمرأه اخرى مستحيل يتراجع
وانا مستحيل ابقى وعلى راسي مرة

انا انتظر الولادة وبعدها اولادي ينهون اختبارتهم حتى لا تتعب نفسياتهم كلها شهر وشوي
واضف شنطي واقوله ودني بيت ابوي واترك اولادي (اصغر وحدة في ثاني ابتدائي) حتى اصعب عليه الأمر ما يدري ماذا يفعل بهم ولن استقبلهم في بيت والدي والأعذار كثيرة

ولن ارجع الا اذا ترك لي البيت انا واولادي فقط وهو ما اشوف وجهه
ويصرف علينا غير كذا لا ......

ما اقدر اصبر على ضرة وانا ما اذنبت ولا فيه اي سبب مقنع يخليه يتزوج
هذا غير انه مستغفلني عقد وأثث وانا ولا كأني هنا

اتمنى اني اطلع من البيت قبل يخبرني عن زواجه

ابي اصير غامضة ما يدري ليش انا تركت البيت
ياليت تقرين المشكله مرة ثانيه احس انك ما فهمتيها او انا ما وضحتها زين

 

[بائعة الورررد]

صباحك ورد حسوسه

حبيبتي بغيت اسألك اذا طلب منك الشمالي فلوس

كمساعده له (كتسديد دين) مثلا

وش تسوين تعطينه او ترفضين ؟؟؟



​

 

[حورية البحار]

بائعة الوررد


لاتعطينه ابداااااا نصيحه راح تندمين شوووفي مشاكل البنات اللي ندمت انها عطته وجه من البدايه قام كل شوي يطلب منها شوي لين خلص راتبها


حبيبتي لاتعطينه

 

[حبيبي شمالي]

ليش محد رد وعطاني حل لمشكلتي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[شخص راقي]

بائعة الورد احذرررررررررررري
واعتذري منه بأدب لاتفتحين لنفسك ذا الباب ولاتضعفين
اضغطي ع نفسك وارفضي ولاتحزنين عليه
وانتي الكسبانة بالاخر نصيحة عزيزتي لاتكررين غلط غيرك
والله الغلط واحد والنتيجة وحده

 

[قصور]

سكون الليل عليك بالاستغفار والاستخاره اذا كان زواجه فيها خير لك او شر ربي راح يسر امرك ان شاء الله ماخاب من استخار ولا ندم من استشار الله يسخر لك زوجك ويجعلك المراة الوحيده في حياته ويعمي عيونه عن الحريم ويجعلك اجمل نساء الدنيا في عينه اللهم امين

 

[بووسي]

مشكورة احساس ما ينداس على ردك على اسألتنا

في موازين حسناتك يارب العالمين

جزاكي الله خير

 

[سكووون الليل]

قصور

سكون الليل عليك بالاستغفار والاستخاره اذا كان زواجه فيها خير لك او شر ربي راح يسر امرك ان شاء الله ماخاب من استخار ولا ندم من استشار الله يسخر لك زوجك ويجعلك المراة الوحيده في حياته ويعمي عيونه عن الحريم ويجعلك اجمل نساء الدنيا في عينه اللهم امين

الله يحزاك الجنة​

 

[3afraa_33]

يعطيك الف عااااااااااافيه .......