السفر مع الزوج، كيفية اقناعه؟ تجاربكم

[الكيان كيانيه]

انا اللي اعرفه ان الواحد يستغفر بنية شي معين والله يحققه له

يعني تستغفرين بنية الزواج او السفر او النجاح او الرزق او فك كربه

انا اعرف وحده كانت تستغفر عشان الله يفكها من ضرتها اللي ساكنه بنفس البيت تقول استمريت شهر او اكثر وانا استغفر تقريبا اكثر من الف مره باليوم وفعلا تقول زوجي اخذها وسكنها ببيت ثاني وصار بيتي لي اتصرف فيه زي ماابي ..

وانا والله ودي استغفر بنية العمره ودي اروح مكه واخذ عمره بس بابا مو موافق يقول مشغوووووول ومايبيني اروح مع اخواني يقول اخاف يصيرلكم شي بالطريق لانه موسوس شوي بالحوادث الله يكفينا شرها

 

[ينااابيع الحب]

انا اقولك حبيبتي على طريقتي في الاقناع اول شي ما اتكلم معه الا اذا كان هادي وبعدين اطرح موضوع السفر واقول ان سفرنا مو لي انا لكن من اجل يغير جو ويرح باله من تعب الدوام ومشاكل العمل واول مايبدا يتحجج اسكر الموضوع واقول اللي يريحك اصلا انا مرتاحة ومبسوطة بسفر او بدون سفر وارجع افتح الموضوع بطريقة اخرى في وقت ثاني مثل امتدح البلد واتكلم عن مميزاتها وكذالك اذا حاول يتهرب اسكر الموضوع بدون نقاش او ابين اني متضايقة بالعكس اسوي نفسي ريلاكس وبالهداوه حصلت السفرة واستمتعنا فيها بالعكس انبسط اكثر مني

 

[زوجةزوجها]

واذا كان الزوج مسافر للعمل لمدة 3 شهووور
ولا راضي ياخذك معاه؟؟؟
كيف تقنعيه؟؟؟

 

[وريثة كليوباترا]

لما تقنعينه بالسفر في مهمه ثانيه بعد السفر عشان يستانس ويحب يسافر مره ثانيه
مو ينكسل سالفة السفر مره وحده

1- بشوشه وتضحكين على طول وتستمعين بكل لحظه

2- تاجيل الغيره بعد العوده من السفر

3- تمدحين السفره بعدالعوده وتتذكرين اللحظات الحلوه بس

4- اذا صارت مواقف محرجه او مواقف متعبه مثلا مافي مصعد في السكن او في سكة القطار او اظطريتوا تمشون على اقدمكم مسافه طويله خذيها بروح مرحه مو تعصبين ليش هالسكن سيئ او غيره...

5- لما يجون اقاربكم يسلمون عليكم بعد السفر وخصوصا قدام زوجك قولي لهم: والله مره انبسطنا في السفره .. ومدحي تخطيطه واختياراته .. مثلا بوفيصل ماقصر ماترك مكان ماورانا اياه ... بوفيصل ودانا مطعم روعه >>حتى لو كان اقتراحك المطعم

 

[ثقتي بالله كبير]

لي عودة ان شاء الله

 

[هدوء أميرة]

ارجو عدم رفع مواضيع قديمة