بنات اقروا هذي القصه
في حواء
السلام عليكم
بعد ماقريت قصة الاخت شـــوكـــولاااااا وانها تبغي ولد بقولها قصة ام نوره انا قريتها في جريدة الرياض من كم سنه كان اللى حاط القصه اما هى والا زوجها والله انى انقلها لكم كما هى ولكن بطريقتى لانى مااعرف اجيب الرابط من جريدة الرياض عشان التاريخ قديم من سنوات
ام نورة من القصيم بدت قصتها من المحيطين من اهل زوجها هى عندها كان مانى ناسيه 5 بنات هى راضيه وزوجها راضي بقسمة ربي بس اللى حولها مااحد رضا مع ان مافيه انسان مايبغي الخير بس عاد قسمة الله كان الجميع يطلقون على زوجها مسمى ابو البنات كانوا قبل يقولونها بتحفظ بس بعدين صاروا يقولونها بوجهها
لاحول ولاقوة الا بالله وفكرت بالحمل وتخوفت من انجاب بنت اخرى ولكنها توكلت على الله وحملت جاها زوجها في احد الايام وقالها يافلانه ترى اذا جت بنت ترى بعرس عليك انا ابغي ولد الناس ذبحتنى بابو البنات
وجتها بعدها ام زوجها وقالت لها نفس الكلام استغفر الله ينبهونها لاتجيب بنت وكأن الامر بيدها ومن كثر ماضغطوا عليها صار لاهم لها الا معرفة الجنين ويارب يكون ولد
وفي الرابع راحت عملت سونار وكاااانت المفاجاة
حامل بالبنت السادسه اسودت الدنيا بعين المراة قالت زوجى راح والناس قهرتها زوجك بيعرس ولاتجيبين بنت ومن هالكلام اللى يسم البدن
بعدين في ليله وهى تبكي سألت نفسها اليس الله بمحيي الموتى اليس الله بجامع الناس ليوم لاريب فيه اليس الله خالقنا انا وش جالسه اسوى فرشت سجادتها وتوجهت للبارئ الحت بالدعاء ليل نهار عبدت الله واصمت اذنها عن كلام الناس طلبت منه سبحانه الولد لجات اليه بتضرع وكان موعد ولادتها للعلم كان زوجها راح يتزوج من يسمع خبر انجابها
تدرين وش جابت
جابت ولد
وتغير مسمى ابو البنات
الله يرزقك يا شـــوكـــولاااااا ماتتمنين ويفرج همك ولاتلتفتى لكلام الناس الجئي لله ان بنت او ولد اللهم صلاح الذريه خلقة وخلق