الخصوصيه بين ا لزوجين

[AUDI]

هذي اول مشاركه لي في هاالقسم وهي في موضوع اعتقد انه مهم جدا لكل زوجه وهو الخصوصيه وماهي الاشياء الخاصه التي لاتعلمينها عن زوجك او يخبيها عنك وانت شريكة حياته فمثلا انا زوجي كتوووووم ومايقول لي اي شي يصير معه برا البيت علاقاته وتعاملاته و مشاريعه حتى مشاويره الصغيره يقول شغل وبس يعني مايشاركني في اي شي واحيانا ادري باالصدفه اعتبر هذا خلل كبير في حياتنا مع اني احاول اكيف نفسي بس تحز في خاطري كثير :icon1366::icon1366: في احد يعاني من هالمشكله زيي وكيف تتعاملون مع ازواجكم وهل تفتشون وراهم في الاوراق اوالحاسب او الجوال انا اسويها مو قصدي شك فيه ولكن علشان اعرف بعض اموره الي مخبيها عني واكتشف ا شياء واتمنا انه يكلمني ويفاتحني فيها وهو ساااااكت :crazy: والسؤال الي مالقيت له اجابه ليش الزوج يخبي عن زوجته هل هو الطبع او العاطفه او الثقه ام ماذا؟

 

[نبع الحنين]

في ازواج كثير كذا ...

ماادري وش الحل معهم !!!

ياليت الخبيرات يفيدونا​

 

[basmah]

والله عادي انا زوجي كذا مايعلمني بكل شي يقول شغل وبس لاتسألي ومرات بعض الشغلات اكتشفها وهو يكلم بالجوال واحد من اصحابه اول كان اعاتبه يقولي انتي تتصنتي علينا يعني قلبها على
وخلاني انا الغلطانه وبعد كذا طنشت ليش اوجع راسي لانه بيجي يوم وكل شي ينكشف
وكمان لاحظت اذا طنشت يجي هو من نفسه ويعلمني ايش صار معها بس طبعا بعدها بفتره فاكتشف اني قاعده احرق في اعصابي على شي تافه وبديت اعود نفسي على التطنيييييييش
وهذه حياتنا ماشيه والحمدلله
وفي المقابل عمره ماتدخل في خصوصياتي يعني لي اسرار حتى لاب توبي مايفتحه ولا جوالي عمره مافتش وراي مع انه يشوفني العب بجواله واشوف الرسايل ومرات اعلق عليها او ارسلي الرساله يعني عادي عنده فاكتشفت انه مايحب يتدخل بخصوصيات الغير ولا يفتش هم وراه وهو متوقع الشي هذه انه مو من حق احد يعرف خصوصياته
اقول يمكن التربيه او البيئه الله اعلم
بس حبيبتي كيفي نفسك مع الوضع وعيشي

 

[دلعي وغروري منك]

اتوقع ان تكوني علاقه مع زوجات اصدقائه وتتبع الاخبار بطريقه غير مباشره وانا زوجي كذلك ولكن اعطيه طرف الموضوع واطلب منه يكمل الموضوع لتعوديه على الكلام وان يحس ان الازواج يتكلمون مع زوجاتهم بخلافه وانا اخذ اخباره من اهله ايضا

 

[AUDI]

نبع الحنين مااعتقد فيه حل :icon28: وشكلنا بنصير خبيرات باسمه بس مو شي يقهر شريك حياتك ماتدرين غنه تصدقين زوجي يطلع من المكان الي فيه علشان يرد على الجوال واذا باالسياره مايرد هههههه ومثل ماقلتي مايتدخل في خصوصياتي مع ان ودي احسه اهتمام :icon26: ومن ناخيه التربيه لها دور فعلا اهله مثله كتومين وماتدرين عنهم ولا يتدحلون في حياتي جزاهم الله خير بس زوجي غير هذا شريك حياتي وابو عيالي وبينا عشرة عمر يعني ا حس خلاص المفروض ماغيه خصوصيات :shiny: دلعي الحال من بعضه والعبره مو باالاخبار ومعرفتها كان اشغلي وا حد يراقبه خخخخخ زي الافلام المصريه اول ودي هو الي يقولي احس يصير لها طعم بتقولين وشلون اوضح لك بمثال في يوم ما سمعته يكلم امه واتفق معها انه يوديها للمستشفى تزور زوجة اخوه والده وهو بيطلع سالته وين بتروح ؟ كنت متفقه معه يوديني السوق قال بروح مشوار وابرجع اوديك فيه وقت وماقال لي تصرف غريب وغبي وانا الحيت عليه ابيه يقول وانا داريه بس شي نفسي وغيرها كثير :icon28:

 

[قـطر الندى]

أنا اعاني من نفس الشي ...................................:e076:

 

[نونا98]

وأنا زوجي مثل زوجك لدرجة أشياء تخص أهلي يعرفها ولا يعلمني
عادي هما الرجال كذا لا وتعالي بس خبي عنه أي موضوع وشوفي أيش ألي راح يسير
طبعهم الأنانية (أكرههم )

 

[فيتامين]

عادي ياختي كل انسان له خصوصيه اهم شيء انك ماشكين فيه يعني تكونين واثقه من سلوكه ومن تصرفاته

 

[متابعه]

مثل مالي خصوصيات مابيه يعرفها..من شؤوني الخاصه مع اهلي وبعملي..
نفس الشي احترم خصوصياته ولا اسال



هذا بالنسبه لي

 

[ياسيدهم وينك]

لاااا ديري بالج تفتشين ورااااااااااااه ديري بالج

نصيحه التجاهل والله نعمه لاتفتحين على نفسك ابواب ومو معنى كلامي انه يخربط حشى الله اعلم
بس تجنبا للمشاكل

حبيبتي الرياجيل مو مثل الحريم المره تحب السؤالف تحب تتكلم الرجال غير
انا عن نفسي انصحج انتي تكلمين وتقولين كل اللي خاطرج تقولينه وصدقيني بياخذ ويعطي معاج بالكلام
وشيلي هالوساوس من راسج ولاتسوين مشكله من لاشيء
انتي سؤلفي وابدي بالسؤالف وصدقيني باذن الله بياخذ ويعطي معاج

 

[AUDI]

مشكوررررررين

 

[AUDI]

:dunno:

 

[AUDI]

قيل قديما : من راقب الناس ما ت هما :santa_1: وقيل حديثا : من راقبت زوجها ماتت بحسرتها:icon1366:

 

[ضياء القمر]

الموضوع عادي جدا واغلب الازواج فيهم هذا الطبع

يعني ليس مشكلة بل طبع

 

[انا الرياض]

اذا كان هذا طبع فيه مو بالسهوله تغيرينه طبيعته صامت وكتوم الله يعينك ها النوع من الازواج متعب
حاولي انك تشاركينه اهتماماته وتشوفين وش يحب وش يكره ولا تستخدمين معاه سياسه الاستجواب

 

[AUDI]

:sad_1: ضياء القمر مشكوره حبيبتي والموضوع عادي بس موعادي جدا واكيد طبع وفيه كثير من مشاكلنا في حياتنا من اطباعنا السيئه :icon1366: وحده مقهوره مررررره , انا الرياض لك الشكر ومع حق تغيير جبل اسهل من تغيير طبع اوكما قيل:blushing: والله تعبانه معه وانا اشوفه يخش عني اشياءكثيره ومهمه و اقول ليش يسوي معي كذا ؟؟؟ والشيطان يقوم بدوره على اكمل وجه:smoke1: وادري باالصدفه اوبالتفتيش عن امور كثيره و مااقول شي , واذا طلع من البيت في وقت غير مناسب او تاخر وسالته مااسمع غير الاجابه المعتاده عندي شغل , مع واحد , اجابات مبهمه ويقول لاتحققين معي :busted_red: طيب اسالك زي اي زوجه ليش تسميه تحقيق:icon28:

 

[امل الحياة]

الرجال بحر عميق بتتعبين لو غصتي في ..<<<شرايج مثل جديد...خخخخخخ

 

[ميوسه]

يعتمد على شخصية زوجك لو شمالي عادي

وعموما اغلب الرجال كذا وخاصة اول سنوات الزواج بعدين راح يتغير الوضع


موفقه

 

[AUDI]

امل الحياه حلوهههههههه :bleh: ميوسه لا والله صار لنا عمر مع بعض :blushing:

 

[فطوم حيص بيص]

الزوج الكتوم له ايجابيات كبيره لانك لوتقولي له خصوصياتك ما يروح يقول لاحد لانه كتوم بطبعه
والله انا اعاني من زوجي صح انه يقول لي خصوصياته عادي بس انا موكل شئ اقدر اقوله لانه على طول يروح يقول ما يسيب احد مايقول له عن كل شئ يسير لي وبتفصيل الممل وبدون ما احد يسأله اصلا يتبرع هوه من عنده لعنده والله مررررره معاناه غسيلي منشور والبركه في ابو الشباب