الخبيرة اتجاوبني يا أخواتي كيف اتصرف؟؟اول مرة اكتب موضوع..

[mona-95]

أنت رررررررررررررررررررراااااااااااااااااااائئئئئئئئئئئئئئئئئئئئئئئئئئعه أنا مثلها

 

[اسراراليل]

نصيحتي تشغلين نفسك بعمل خارج البيت

 

[المراءه الذهبيه]

انا كنت نفس معاناتك بس تغيرت للافضل .كيف؟
اولا الرجل ما يحب الي تلاحقه بل سينفر منها
كوني قليلة الكلام وغامضه كي تثيريه
لا تساليه هل تحبني ام لا . لان هذا الشي ينفره منك ولو ما يحبك كان طلقك
لا تطيحين عليه مره بالعكس كذا بيعرف انك مو واثفه من نفسك
انشغلي بهوايات تسعدك فهو ليس ملكك وانتي لستي ملكه بمعنى لا تجعليه محور اهتمامك لا هذا الشي يخنقه منك
اذا دخل عليك ابتسمي بترحيب
اذا هو يحب المساج اعمليله مساج بينبسط منك
تجملي وترتبي وتنظفي واعدي له الاكل الذي يحبه
لا تكثري عليه الاسئله مطلقا
قوي ثقتك بنفسك
هذا الي اقدر افيدك فيه والله يوفق الجميع

 

[qo0t]

أنت رررررررررررررررررررراااااااااااااااااااائئئئئئئئئئ ئئئئئئئئئئئئئئئئعه أنا مثلها


يزاج الله خير يا اختي mona_95

 

[qo0t]

اختي اسرار الليل مشكورة على النصيحه
خلاص استويت ما اهتم عادي يعني

 

[qo0t]

انا كنت نفس معاناتك بس تغيرت للافضل .كيف؟
اولا الرجل ما يحب الي تلاحقه بل سينفر منها
كوني قليلة الكلام وغامضه كي تثيريه
لا تساليه هل تحبني ام لا . لان هذا الشي ينفره منك ولو ما يحبك كان طلقك
لا تطيحين عليه مره بالعكس كذا بيعرف انك مو واثفه من نفسك
انشغلي بهوايات تسعدك فهو ليس ملكك وانتي لستي ملكه بمعنى لا تجعليه محور اهتمامك لا هذا الشي يخنقه منك
اذا دخل عليك ابتسمي بترحيب
اذا هو يحب المساج اعمليله مساج بينبسط منك
تجملي وترتبي وتنظفي واعدي له الاكل الذي يحبه
لا تكثري عليه الاسئله مطلقا
قوي ثقتك بنفسك
هذا الي اقدر افيدك فيه والله يوفق الجميع

اختي المراءه الذهبيه يزاج الله خير على هالنصايح الحلوة وبصراحه مب امقصره معاه وخلاص استويت اشغل نفسي يعني ما يهمني كثر قبل..​

 

[وحده شرقويه]

ما عندي ما اقوله لان الا خوات ما قصرو

 

[qo0t]

وحده شرقويه
مشكورة على المرور

 

[عنقود عنب]

كلام البنات رائع

ومن خلال خبرتي 24 سنه زواج مع زوج يشبه كثيرا زوجك في صفاته

ما اسأله ابدا وين رايح ومن وين جاي ..او وش سويت او وش فعلت او تركت

كثير من الاحيان يسافر شغل وسياحة في نفس الوقت ...ويرجع ...والله يجلس ولا كأنه الا توه تاركني قبل ساعة

ولا كلمة ولا نص .. هذا هو طبعة وانا احترمة

ما اقول لك ..بداية حياتي بغيت انجن ..انا بعيدة عن اهلي وصغيرة في العمر ...وانا احب الكلام والسوالف و العلاقات الاجتماعية ..جنوووووووووبية غربية ....وهو شمالي غربي

يعني فرق السماء عن الارض

ولكن تأقلمت معه ... صرت مثله ...سااااااااااكته ...لكن لما شافني تغيرت من السوالف والمرح الى الهدوء ..هنا بدأ هو يبادر بالكلام

هو اللي بدأ يسأل عن اخباري اذا رجع من عمله ..عاد انا هنا اقول له الكلام الحلو..

يعني كلام عن العيال والمواقف الطريفة اللي توسع الصدر

ما اقول له الكلام اللي يضايق ...

اقول دام انه بادر و سأل ..لا اضايقة باخبار مو حلوة ..عشان يظل يستمتع بالاخبار الحلوة

الى ان تعود ..من يرجع من الشغل واحط العشاء ...يقول لي ..ها ...وش اخر الاخبار عندك ..شلون كان يومكم ؟؟؟ وهنا ما اخليه يسمع مني الا كل الاخبار الحلوة

واذا شفته مروق ..وعندي سالفة او طلب يغث ... اقول له بشكل مبسط عشان يستوعبه و باختصار شديد

و بعدين عزيزتي ...واضح انك عندك فراغ كبير

اشغلي نفسك بهواية ..او دورة تحفيظ قرآن او خياطة ...او رسم

المهم اشغلي وقتك

وربي يسعدكم ... زوجك انسان طبيعي ..وانت بس اللي تشوفين انها مشكلة كبيرة

كبريها تكبر ...صغريها تصغر

 

[(أم مهره)]

مرحبا اخت قوت...
انا اول ما قريت مشكلتج اتحمست اني اكتبلج رائي بس من بعد ما قريت الردود خاصة رد الاخت نور البدر والله كفت ووفت وكل اللي كنت ابا اقوله ماشاء الله عليها ما قصرت المهم انا عندي لج نصيحه في موضوع في قسم الزوج والزواج اسمه المريخ والزهره معا للابد ياليت تقرينه لانه راح يعطيج فكره عن تفكير الريايل وفي اشياء وايده يقصدونها من خلال كلامهم بصراحه انا وايد استفدت منه اتمنى انه يفيدج والله يوفقج ​

 

[الماسةالحمراء]

الصراحة من هذا المنبر اريد ان اشكر اختنا الغالية ((((( نور البدر))))) ماشاء الله ماخلت ولا بقت كل شئ في خاطري قالته الله يخليها لريلها واهلها يا رب

ثانياً اختي ابي اقولج شئ انا ريلي كان نفس الحالة طبعه كتووووم ومايحب يسولف بس مثل ماقالت اختنا ((نور البدر)) كنت افتح مواضيع عامة واخذ رايه فيها وصرت اشوف المباريات لانه يموووت فيها بس علشان يستانس ويسولف عن اللعيبه والحكام والاندية مع اني ماحب الرياضة واكرهها بس امثل علشان نسولف مع بعض حتى السيارات اعرف عنها كل شي <<< صارت موسوعة ههههه
عرفت شيحب يسولف عنه وشنو المواضيع اللي تشده وماشاء الله حياتنا رائعة

نصيحتي لك ابحثي عما يحب مثل اذا كان يحب يلعب سوني تعلمي والعبي معاه بيمووت عليج مثل وحده اعرفها زوجها يطلع دايماً مع ربعة يلعب سوني وإلا بيلوت تعلمت وصار ما يطلع ويلعب معاها ويموت عليها لدرجة انه يتضايق اذا زارت اهلها يبيها قباله مش علشان اللعب لا لانه تعود عليها وصار يستانس معاها وعلى سوالفها

وبس تطمني انت بس طبقي نصيحة ((نور البدر)) وقلبي داعيلج واهم شي حاولي تربطين حياتكم بالدين مثلاً الصلاة حاولي عندما تردين ان توقضيه سوي له حركااات حلوة لين يقوم لانه معروف اذا حسنت الزوجة علاقتها بربها وربطت حياتها الزوجية بالدين فإن الله يقذف في قلب الزوج الحب لها والاحترااام

والله يوفقج اختي​

 

[@باونتي@]

مرة قلتله خلاص بس من الحواطه يقولي كيفي انا حر ​

ماعليش حبيبتي وش قصدك بحواطه؟؟وش معناتها عندك؟؟اتمنى تردين لي لاني بنتظر اجابتك:shiny:

 

[أدمنت دنياكـ]

والله انا رائيي من رأي نور البدر وماخلت لنا شي نقوله ماشاء الله عليها

وعندك وعندنا خيييييييييييييييييير

 

[qo0t]

حبيبتي اختي عنقود عنب ماشاء الله عليج صبورة واايد
الله يعطيج العافية وماقصرتي

 

[qo0t]

ام مهرة
يزاج الله خير عالكتاب سيفته معايه وان شاء الله بقراه وما قصرتي

 

[qo0t]

اختي الماسه الحمراء ان شاء الله الحين احاول اذبح نفسي عشان السيارات <<ههههه شسوي بس عشان اسولف معاه لان يموت فيهم والمشكلة يحب النوع اللي انا احبه يالله الله يهديه
بارك الله فيج والله يوفقج

 

[qo0t]

ههههههه ضحكتيني يا اختي باونتي
الحواطه يعني الدواره في الشوارع

 

[qo0t]

اختي ادمنت دنياك مشكورة على المرور
الله يهديهم لنا جميع