الحلم حيبقى حقيقة.بالذوق او بالعافيه حتبقى رشيقة

[حبيبة_امها]

بسم الله الرحمن الرحيم


بنوتات..
كان وزنى من سنة و4 شهور 127 كيلو
والحمد لله قدرت اوصل لوزن 78 كيلو..لكن شكلى اقل من الوزن ده بكتير
كل اللى يشوفنى يفتكر ان وزنى فى الستينات
مشوار طويل
وقلت كفايه كده..
لان كل اهلى اصبحوا يصرخوا فيا..خسيتى قوى..كفايه كده
وشك بقى معضم..بقيتى معصعصة..وشك اصفر
فقلت اخد استراحة .((اثبت وزنى))لحد ما يرجع وشى يملا تانى.
وفعلا بقالى تقريبا شهرين بثبت وزنى..ادعولى
باذن الله ناويه بعد كام شهر..لما ارتاح..احاول انزل كمان كام كيلو
المهم بقى كنت برضع وانا بعمل الرجيم..والحمد لله..الرجيم ما اثرش فى الرضاعة
وكنت بشرب اعشاب لسد الشهيه
كمان كنت بعمل وصفة للف التنحيفى اسمها وصفة ميمو لنسف الدهون


نفسى اعمل جروب تستفيد البنات من خبرتى فى التخسيس..وكمان تشجيع ليا اثناء فترة تثبيت الوزن​

 

[برآءه]

ماشاء الله عليك الله يتمم لك على خير بس ايش سويتي لنفسك وايش الاعشاب اللي تسد الشهيه اتمنى ترسليها لي ع الخاص

 

[حبوبة ابو خالد]

ازا عملتي جروب انا معاكي
حابة اضعف
انا وزني 84 ولازم يوصل باذن الله تعالى ل70
يااااااااا رب
انا بمشي على ماكينة المشي الكهربائية شي 3 مرات اسبوعي-ما بصيرلي اكثر بسبب العمل والضغوط
ما بشرب غازات
خبز خفيف جدا لا يصل لنصف رغيف يوميا واحيانا بالمرة لا
باكل سلطة
اما مشكلتي مع الحلويات ما بقدر اقاومها لما تتواجد امامي

 

[حبيبة_امها]

اهلا بيكى يا براءة
يارب كلنا نقدر نوصل للوزن اللى نفسنا فيه يارب

كنت بمشى على رجيمات مختلفة
كل اسبوع رجيم مختلف..علشان الجسم يفضل معدل حرقه عالى
وكنت باخد لاعشاب التاليه((شمر.زنجبيل.قرفة.شاى اخضر.نعناع)) اطحن الكل واخد كميات متساويه واحفظها فى برطمان زجاج..واخد معلقة على كوب ماء مغلى..واتركها حتى تبرد واشربها قبل الاكل بثلث ساعة
ولازم شرب الماء بكثرة
مش اقل من لتر ونصف
فى البدايه ما عملت تمارين رياضيه لان جسمى كان مليان جدا وده خطر على المفاصل

 

[حبيبة_امها]

اهلا بيكى يا حبوبة خالد
باذن اله لما تتجمع البنات نعمل جروب
او نعتبر الجروب انا وانتى.المهم نخس ونتمتع بالرشاقة باذن الله
مشكلتنا كلنا الحلويات.والنشويات
لكن بالتدريج حتقدرى تستعنى عنها لحد يوم الفرى..انا اتعودت اى اكل او حلويات ..اشيلها فى الثلاجة ليوم الفرى واكل براحتى منها من غير ندم او خوف من التخن
وكمان جربى اعشاب سد الشهيه..فعلا مش حتفكرى فى الاكل
طبعا مش من اول يوم حتتركى كل الاكل..لكن بالتدريج
لازم حتاكلى شى زايد فى الايام الاولى..اهم شىء اتعلمته..انى مهما اخبص او اعك
انسى اللى حصل..لان الزعل والندم بيخربوا اى رجيم
خلاص اكلت شىء زايد عن الرجيم..اكمل الرجيم عادى..واحاول اعمل اى حركة اوتمارين او حتى ارقص ربع ساعة او اكتر شويه علشان احرق الاكل اللى اكلته زيادة
ومهما حصل الرجيم ماشى..لان دى حياتى ولازم تكون افضل
ولو محتاجة مجموعة من الرجيمات الفعالة اجيبها لك

 

[حبيبة_امها]

ايه يابنوتااااااااااااااااات
ماحدش عايز يخس؟؟؟؟؟؟؟؟؟؟

 

[kamesemya]

وانا معاكم يا حلوات ^^
عن جد نفسي اخس بشكل كبير نفسي قبل العيد
حبيبة امها حطيلنا الرجيمات الي عملتيها علشان نستفيد
وادعولي يا بنات انه ربنا يحققلي الي اباه واوصل للوزن الي اتمناه "^^

​

 

[وريفو]

مبروك حبيبة امها الرشاقه وموجود قروب لسبعينات وممكن طريقة نسف الدهون

 

[زهرة الشمائل]

انا معكم حبيباتي وربنا يسهل وبالزات في رمضان يكون اسهل التخسيس

 

[حبيبة_امها]

بنوتاااااااااااااااااات
ياريت نقول الوزن .والطول..والوزن اللى نفسك فيه
ححط معظم الرجيمات اللى نزلت عليها
بس انا فى الاول كنت برضع..وعملت رجيمات للمرضع كذا شهر
اهم حاجة اياكم والرجيم الكيميائى
كنت بنزل 2 او 3 كيلو فى الاسبوع بسهوله..لحد ما طقت فى دماغى وقلت اجرب الكيميائى علشان انزل اسرع..طبعا نزلت كتير اول اسبوع..تانى اسبوع اقل..ثالث اسبوع وزنى ثبت لمده شهرين..ومهما اعمل لاممكن انزل

فعملت رجيم مها راداميس لكسر ثبات الوزن اسبوع..نزلنى 2 كيلو
وبعده بدأت رجيمات متوازنة لحد ما خسيت ال49 كيلو .الحمد لله

رجيم مها راداميس لكسر ثبات الوزن

ده رجيم مها راداميس لكسر ثبات الوزن
انا جربته وفعلا خسيت 2 كيلو فلاسبوع


الافطار

علبة زبادى لايت ومعاها برتقالة
بعدها بساعتين علبة كمان وبرتقالة اخرى.

الغداء
اى اختيار بروتين قطعة لحم او ربع دجاجة او سمكة كبيرة مشوي

و معاهم طبق صغير ارز مسلوق ومعاهم طبق السلطة

بعدها بساعتين ثمرة فاكهة

العشاء
ثمرتين فاكهة او زبادى لايت

ممكن بطاطا مسلوقة يمكن حبة واحدة يوميا او 5 مرات فى الاسبوع

​

 

[حبيبة_امها]

الرجيم ده استمريت عليه شهر..كنت بنزل 2 كيلو او 3 حسب الرياضة

(( الرجيم المثالي ))
للدكتور اسامه حجازى
​

(( الأفــطــار ))


ثلاث ملاعق فول أو قطعة جبن قريش أو قطعة جبن نستو + نصف رغيف بلدي + طماطم + خيار + شاي أو قهوه بدون سكر.
​

(( الغــــذاء ))

سمكتان مشويتان أو ربع فرخه أو علبة تونه دون زيت أو قطعتان لحمه مسلوقه أو بيضتان + نصف رغيف بلدي أو خمس ملاعق أرز او خمس ملاعق مكرونه + طبق خضار ني في ني + سلاطه + بعد الأكل بساعتين ثمره فاكهه.

(( العــشاء ))

​

كوب شاي بلبن + 2 بقسماط أو كوب زبادي + خيار و طماطم أو قطعة جبن قريش او طبق جيلي + ثمرة فاكهه.

((ملاحــظــه))

​

هذا النظام الغذائي لمده شهر مع راحه يوم في الأسبوع تأكل ما تريد و لكن مراقبة الأكل حتى لا تتعب المعده.

((الوصـــفـات))
​

(( قبل الأكل بنصف ساعه ))

2 ملعقه صغيره من الكمون + 2 ملعقه جنزبيل + 2 ملعقه شاي أخضر + 2 ملعقه نعناع أخضر + 2 ملعقه قرفه + 3 أكواب ماء كبير تغلي مع بعضها لمده 2 دقيقه ثم تصفى و تشرب كوب كبير قبل الأكل بنصف ساعه.

(( بعـد الفطار و العشاء ))

​

ملعقه صغيره رجل أسد تحمص في الشمس و تطحن + كوب ماء مغلي يصفى ثم يضاف 2 ملعقه خل تفاح.

(( توصيات مهمه ))

​

1. عدم شرب المياه الغازيه نهائيا دايت او غير دايت.
2. الفاكهه مسموحه عدا التين و البلح و العنب.
3. مسموح لك ملعقتان سكر في اليوم.
4. التقليل من الملح على قدر المستطاع.
5. شرب الماء.
6. عند الشعور بالجوع أكل خيار طماطم جزر ثمره فاكهه.

 

[حبيبة_امها]

رجيم دكتور وليد كمال ((من ايمى روز))


الافطار اليومى كوب لبن وبرتقالتين
اليوم الاول الغدا لحم وسلاطة
العشا سلاطة فواكة مشكلة (ماعدا الممنوع )

اليوم التانى الغدا برتقالتين وخيار
العشا بيضة مسلوقة وسلاطة وبرتقالة

اليوم التالت الغدا 2 بيضة مسلوقة وتوست وتفاحة
العشاشريحة توست وبرتقالتين

اليوم الرابع الغدا طاجن صدور فراخ بالبصل والطماطم وثمرة كيوى (اخيرا اللحمة طلعت )
العشا لحم وطماطم وبرتقالة

اليوم الخامس لحم مشوى وسلاطة وبيضة مسلوقة
العشا بيضة مسلوقة وتوست و2 برتقالة

اليوم السادس الغدا 2 بيضة وطماطم وبرتقالتين
العشا لحم وسلاطة وبرتقالتين

اليوم السابع الغدا بيضة مسلوقة وطماطم وبرتقالتين
العشا بيضة وطماطم

.......................
........................
.............................​

رجيم الدكتور وليد كمال رقم 2
الافطار رغيف سن او نص بلدى +بيضة ونص كوب لبن
او رغيف سن+قطعة جبنة قريش ونص كوب لبن
او رغيف سن 4 معلقة فول ونص كوب لبن

الغدا 2 سمك مشوى +سلاطة +ربع رغيف

العشا 2 فاكهة وكوب زبادى بدون وش وخيار اى كمية


​

رجيم دكتور وليد كمال رقم 3


الافطار رغيف سن وفول وسلاطة
الغدا ربع فرخة وسلاطة +رغيف سن
او ربع فرخة وسلاطة + 4 محشى كوسة وبادنجان بس يتعمل دايت بزيت قليل جدا والخضرة طبعا كتير
او ربع فرخة وسلاطة +واحدة اندومى
والعشا 2 فاكهة وزبادى


​

 

[حبيبة_امها]

من رجيمات semsema 323



الاسبوع الاول:
الفطار:3 ملعقة جبنة قريش +بيضة مسلوقة + 1 رغيف سن او شريحة توست او ربع رغيف بلدى + شاى بلبن خالى الدسم
بعد ساعتين: ثمرة برتقالة او ثمرة فاكهة
الغدا:ربع فرخة او قطعة لحم 150جم او2سمكة مشوية او علبة تونة مصفاة من الزيت ومغسولة بالماء والخل او 2 بيضة مسلوقة او طبق فول بدون زيت ولا طحينة (على فكرة لما اذكر كلمة بروتين بعد كده يبقى احد البدائل دى )
+ سلطة خضراء اى كمية + خضار سوتية + 4 م ارز او مكرونة او نص رغيف
بعد ساعتين:ثمرة فاكهة
العشا: كوب زبادى + ثمرة فاكهة
او بيضة مسلوقة + طماطماية + كوب لبن خالى الدسم

لو جعتى بين الوجبات كلى خيار او خس او كرفس اختارى حاجة واحدة لليوم كله
مفيش اكل الا بعد 3-4 ساعات من الاكلة السابقة سواء سناك او وجبة رئيسية الا اذا ذكر خلاف ذلك

ممكن تاخدى بران لتقليل الشهية وطبعا امن فى الرضاعة

الرجيم ده خسيت عليه 2.700 يعنى تقريبا 2 كيلو ونص



الاسبوع الثانى والرابع:
الفطار:
بيضة مسلوقة او جبنة قريش + ربع رغيف او رغيف سن + كوب شاى سادة بدون لبن (انتى اساسا ليكى 2 ملعقة صغيرة سكر فى اليوم كله قسميهم انتى بقى على مشروباتك)
بعد ساعتين:2 خيارة
الغدا: اى نوع من البروتين اللى كنت ذكرته قبل كده بالكمية المحددة + سلطة + 8 ملاعق خضار سوتيه + ربع رغيف او 3 ملعقة ارز و مكرونة او 6 ملاعق لو مسلوقين بس
بعد ساعتين : 2 خيارة
العشا: كوب لبن خالى الدسم او علبة زبادى
بعد ساعة ثمرة فاكهة
قبل الفطار والعشا 3 كوب ماء
قبل الغدا 4 كوب ماء
طبعا منطقى انك مش هاتشربيهم مرة واحدة ممكن كوبايتين وبعد 10 دقايق كمان كوبايتين واشربيهم وانتى قاعدة مش واقفة



الاسبوع الثالث:
الفطار : قطعة جبنة قريش + ربع رغيف او واحد سن + شاى بلبن خالى الدسم
بعد الفطار برتقالة او تفاحة
الغدا:
بروتين (طبعا عارفين البدائل وكميتها) + سلطة + ربع رغيف او 3 ملاعق ارز او مكرونة
بعد الغدا: برتقالة او تفاحة
العشا:
ثمرة فاكهة + كوب زبادى
او بيضة مسلوقة + خيار + خس

الاسبوع الخامس:
الفطار :
اختارى احد البدائل:
1- بيضتين مسلوقتين + سلطة بدون طماطم
2-ربع رغيف + 3ملعقة فول بليمون + خيار
3-ربع رغيف + قطعة جبنة قريش بحجم البيضة + سلطة (خيار وخس)
الغدا:
بروتين(خلاص عارفين قصدى ايه)+ خضار مسلوق بماء فقط وممكن نضيف ملح وفلفل وكمون وبصل بدون شوربة او مكعبات مرقة + سلطة
العشا:
مثل الفطار (اللى نختاره فطار هو نفسه هايبقى عشانا فى نفس اليوم (نفس البند))​

................

الرجيم السادس:

الفطار:
3 ملعقة جبنة قريش + 1 سن + شاى بلبن منزوع الدسم
بعد الافطار :1 برتقالة او جريب فروت
الغدا ربع فرخة او شريحة لحم او سمك مشوى + سلطة خضراء اوخضار سوتيه
بعد الغدا: 1 برتقالة او جريب فروت
العشا :
كوب زبادى او ثمرة فاكهة
او بيضة مسلوقة + طمطماية


الرجيم السابع:



على الريق 2 ملعقة عسل نحل يوميا
الافطار:
1سن + بيضة مسلوقة + كوب شاى سادة (يعنى من غير لبن)
الغدا:
طبق سلطة + بروتين (ربع فرخة او شريحة لحم او سمك مشوى)
العشا:
علبة زبادى
بين الوجبات لليوم كله:
نصف كيلو خيار مقشر


الرجيم الثامن:
*يتكون النظام من 3 اجزاء ويتكرر 3 مرات (9 ايام)
*تناولى الاصناف المكتوبة بأى كمية وفى اى وقت وبأى خليط ماعدا الاصناف الممنوعة
*يراعى شرب الماء بكثرة مع المشى يوميا لمدة ساعة
*عدم استخدام الزيوت والسمنة فى هذا الرجيم
*يمكن تناول الشاى والقهوة بأى كمية بدون لبن الا فى اليوم المسموح فيه بالالبان
اليوم الاول والرابع والسابع:
الكمية دى على مدار اليوم كله
.2بيضة مسلوقة
.2 رغيف سن
.اى كمية جبنة قريش
.اى كمية زبادى ولبن خالى الدسم
.اى كمية سلطة خضراء والنباتات الورقية
اليوم التانى والخامس والثامن:
فاكهة اى خليط اى نوع اى كمية ماعدا المانجو العنب البلح التين الفراولة
خضار مسلوق او نى فى نى اى خليط اى كمية
سلطة خضراء
اى كمية .....اى وقت ......اى خليط
اليوم الثالث والسادس والتاسع:
لحوم ماعدا الضانى او فراخ بدون جلد او سمك مشوى او تونة بدون زيت او بيض ملسوق (اختارى نوع واحد بروتين)
+ سلطة خضراء
اى كمية ....اى وقت



الرجيم التاسع:
اليوم الاول :
فاكهة متنوعة اى خليط اى كمية اى وقت(تفاح برتقال يوسفى جوافة)ماعداالبلح التين الشمام القصب المانجو العنب الموز
اليوم التانى:
خضار ماعدا البطاطس القلقاس البطاطا القرنبيط والخضروات المجففة والبقوليات
اليوم التالت:
فاكهة + خضار
اليوم الرابع:
سمك مشوى او اسماك مسلوقة او جمبرى مسلوق او مشوى او تونة مصفاه
+ سلطة خضراء
اليوم الخامس :
لحمة او فراخ منزوع الجلد والدهن مسلوق او مشوى ماعدا الضانى والهامبورجر + سلطة خضراء
اليوم السادس والسابع:
فاكهة نوع واحد فقط يفضل تفاح او برتقال
وعلى فكرة البرتقال بيشبع اكتر


الرجيم العاشر:بس ده انا ماعملتوش
الافطار:
بيضة مسلوقة + 1 سن + شاى سادة
الغدا:
بروتين + سلطة خضراء بدون طماطم
العشا:
نص قطعة من الجبن القريش او كوب من اللبن الخالى الدسم



مفيش سناك فى الرجيم ده
مع الرياضة يا بنات



العاشر بالنسبة لى لأن ده اللى عملته
اليوم الاول:
اى كمية من اللبن اخالى الدسم و الزبادى اللايت والجبن القريش اى كمية اى خليط
اليوم الثانى:
جميع انواع الخضار مسلوقة او نى فى نى او طازجة مع عدم اضافة ماجى وعدم البطاطس وجميع البقوليات
اليوم الثالث:
اى كمية من اللحم المسلوق او المشوى ماعدا الضانى والهامبورجر والكبدة والقلب والطحال واللسان
اليوم الرابع:
اى كمية فاكهة اى خليط ماعدا الممنوعات
اليوم الخامس :
الفطار 2 بيضة مسلوقة
الغدا والعشا
سمك او جمبرى مسلوق او مشوى او تونة مصفاه ومشطوفة بالخل والليمون
اليوم السادس:
كوكتيل من الفاكهة والخضار (اليوم الثانى والرابع)
اليوم السابع:
اى كمية من الفراخ او الارانب المسلوقة او المشوية ​

 

[حبيبة_امها]

رجيمات الاء​

الفطار
1توست سن أسمه مونجيني وعليه جبنة قريش خفيفة وبيضة مسلوقة
الغدا
سلطة أهم حاجة وخضار وبروتين ولولسه جعانة كلي كمان رغيف سن
والعشا
دايما ذبادي وفاكهة

لو الوزن ابتدى يثبت ننتقل للرجيمات دى بالترتيب

(1)
الإفطار
5معالق جبنة بدون زيت أو بيضة مسلوقة ورغيف سن
الغدا
ربع فرخة أوقطعة لحمة وطبق سلطة أوطبق جبنة بطماطم ورغيف سن أو2بيضة مسلوقة ورغيف سن
العشا
3ثمرات فاكهة

اللى بعده كان فى شهر 5 اللى فات
الإفطار
يوميا كوب لبن خالي الدسم و3بقسماط سن
والعشا
يوميا 3 ثمرات فاكهة
الغدا باليوم
1ربع فرخة+طبق سلطة
2ربع فرخة +سلطة+رغيف سن
3طبق جبنةبطماطم وخيار + رغيف سن
4 سمكة + طبق سلطة
5 سمكة + سلطة +رغيف سن
6 ثمرة كنتالوب أو5 ثمرات فاكهة

الأفطار يوميا
2ثمرة فاكهة
الغدا بقي باليوم ولازم بالترتيب
الأول والثاني سمكة مشوية وسلطة
الثالث1بطاطس مسلوقة وخيار و1/2 رغيف سن
الرابع بيضة مسلوقة وخيار و1/2 رغيف سن
الخامس2كوب لبن خالي الدسم
السادس 4ثمرات فاكهة
العشاء كوب لبن خالى الدسم​

رجيم تانى ​

الإفطار
كوب لبن دايت و2بقسماط سن
العشا
2ثمرة فاكهة
لغدا
1ربع فرخة وطبق سلطة 2
سمكةوطبق سلطة 3
سمكة وسلطة 4
ربع فرخة وسلطة
5و6 أربع ثمرات فاكهة​

ب

الثالث​

الإفطار
بيضة وكوب لبن خالي الدسم
العشا 2كيوي
الغدا
1 _ربع فرخة ورغيف سن
2 _قطعة لحمة وطبق خضار
3 _سمكة وسلطة
4 كوبايتين لبن خالي الدسم
5ثلاث صوابع كفته مشوية وسلطة
6 أربع تفاح أخضر​

الخامس​

الفطار
3معالق فول بدون زيت ورغيف سن وخيار
العشا
كوباية لبن خالي الدسم
الغدا
1_ربع فرخة وسلطة
2 _خمس معالق رز وسلطة
3 _سمكة مشوية وسلطة
4_علبة تونة دايت ورغيف سن
5 أربع ثمرات فاكهة
6واحدة كنتالوب


السادس​

الفطار
كوب لبن لايت و3بقسماط سن
العشا
2ثمرة فاكهة
الغدا1
1سمكة مشوية وسلطة
2طبق جبنة بطماطم ورغيف سن
3صابعين كفتة وسلطة
4ربع فرخة و3معالق رز
5كوبايتين لبن لايت
6_ثمرة كنتالوب​

السابع​

الفطار
تلات معالق فول بدون زيت ورغيف سن وخيار
العشا
1ذبادي وتمرة فاكهة
الغدا باليوم وبالترتيب
الأول
قطعة لحم و3معالق مكرونة وسلطة
الثاني
واحدة بطاطس مسلوقة ورغيف سن وخيار
التالت
طبق جبنة بطماطم ورغيف سن وخيار
الرابع
علبة تونة مصفاه ورغيف سن وسلطة
الخامس
ربع فرخة وسلطة ورغيف سن
السادس
1كنتالوب​

الثامن​

الفطار
بيضة مسلوقة أومقلية في طاسة تيفال بدون زيت و1توست وخيار
العشا
ثمرتين جوافة
الغدا ا
اليوم الأول
سمكة مشوية وسلطة
اليوم التاني
طبق فاصوليا خضرا ني في ني ورغيف سن وخيار
اليوم التالت
سمكة مشوية وطبق سلطة
اليوم الرابع
ربع فرخة وطبق سلطة
اليوم الخامس
كوبايتين لبن خالي الدسم
اليوم السادس
أربع ثمرات فاكهة ‎
‏ ​

التاسع
الفطار بيضة مسلوقة ورغيف سن وخيار
والعشا ثمرتين فاكهه
والغدا
اول يوم سمكة وسلطة
تانى يوم اربع ثمرات فاكهه
ثالث يوم طبق شوربة خضار وربع فرخة
رابع يوم اربع ثمرات فاكهه
خامس يومطبق جبنه بطماطم وخيار
سادس يوم اربع ثمرات فاكهه
سابع يوم كوبايتين لبن ​

العاشر

الفطار كوباية لبن ومعلقة كبيرة عسل أبيض
والعشا كوباية ذبادي بمعلقة كبيرة ردة
والغدا 1_ تونة وسلطة
2_ جبنة وسلطة
3_ربع فرخة وسلطة
4_ بططساية مسلوقة وسلطة
5_قطعة لحم وسلطة
6_ أربع ثمرات فاكهة
7_ 2ذبادي دايت​

​

​

​

 

[حبيبة_امها]

دى رجيمات عملتها فى رمضان

رجيمات رمضان

من كيم بورا
الافطار :
5 تمرات + كوب من عصير البرتقال قليل السكر

بعدها بربع ساعه :
فنجان شوربه كبير بدون دسم
+طبق كبير سلاطه خضراء متبل بالفلفل الأسود والليمون أو الخل
½+ دجاجه مسلوقه أو مشويه
أو 2 شريحة لحم أو كبده أو قلب أو كلاوي
أو 400 جم سمك أو علبة تونه كبيره مصفاه من الزيت أو طبق متوسط من السبيط أو الجمبري
طبق متوسط خضار مطهي سوتيه بالفرن او مسلوق
5ملاعق أرز أو مكرونه أو ½ رغيف خبز أسمر

قبل العشاء :
فاكهه من فواكه الموسم أو طبق متوسط مهلبيه

بعد صلاة العشاء :
1 كوب لبن أو لبن رايب +
2 فاكهه من فواكه الموسم
أو طبق كبير فروت سلاد باللبن
أو قطعة واحده من الحلويات

السحور :
2 بيضه مسلوقه او 4 ملاعق فول مدمس او عدس مدمس
½ رغيف خبز أسمر أو 2 شريحة توست أسمر
ثمرة بطاطس مسلوقه+ ملعقة زبده
نوع من الخضر الخضراء ومنها واحده ورقيه كالخس أو الجرجير أو الفجل
+ كوب زبادي أو منتج منتجات اللبن .

الرجيم التانى

الدكتور عمرو رشاد
الدايت بقاااااااااااااااا اهه
السحور قبل الفجر بي نص ساعه
2كوب ماء+2معلقه عسل+2ثمره فاكهه+(واحد من الاتي......)
1_4 معالق فول بليمون +خيار+ربع رغيف
2_2كوب زبادي +خيار+ربع رغيف
3_2جبنه قريش+اطماطم+ربع رغيف

الافطااار
2كوب ماء +2عسل +صلاه المغرب+ 2فاكهه +سلطه او خضار مسلوق بالماء+بروتين(نصف فرخه او مايعادلهاااااااا)

• لازم الفطار يكون بي الترتيب كدا بي الظبط

الساعه 10 مساء من 2الى 4 ثمرات فاكهه
او قطعه حلوي صغيره جدا نونو يعني

• ملحوظه
• بين الافطار والسحور يجب الاكثار من
• 1_خضروات (خيار _خس _طماطم _بقدونس)
• 2_المااااااء
• 3_السوائل مثل (نعناع _ينسون_كركديه_تمرهندي_شاي_قهوه _نسكافيه)
• بدون سكر او سكردايت

الرجيم الثالث

السحور كل يوم ها بدا السحور بي 2 كوب ماء بي عسل + ثمره فاكهه +
احد البدائل الاتيه
1_قطعه كنافه ساده +كوب شاي
2_2 قطعه جبنه قريش +طماطم
3_2 كوب زبادي
4-2 شريحه شيدر +خيار
5_2او 4 ثمره فاكهه


الافطااااار
2كوب ماء + 2معلقه عسل ذائب في الماء+ صلاه المغرب +كوب عصير ليمون او كوب عصير جوافه + سلطه + بروتين بما يعادل نصف فرخه

• الساعه 11 من 2_4 ثمره فاكهه​

​

 

[كسرني الالم]

مبروك النزول بس عاوزه اقولك
وازاي نظامك ف رمضان
انا بعتمد ع دايت النقاط
بس باكل حلا وكذا
والرياضه اصبحت قليله ف رمضان
لضيق الوقت فبمشي نص ساعه واحيانا ساعه
واحيانا بلعب رياضه ​

 

[اللهم يسر اموري]

مبروك على نزولك الوزن وشكرا كثيرا جدا على الريجيمات اللي نزلتيها

 

[فاشون]

صباح الفل حبيبه قلبى يا غاليه
وحشانى وواحشنى الكلام معاكى
طبعا بتقولى مين دى حقولك بعدين
نييييييييييياااااااهههههههاااااااااااااااا
شريره يا بيرو شريره
ربنا يكمل الثبات على خير وتنزلى اد خمنه من غير ناشر
كفايه عليكى كده لحسن
تختفى مننا واحنا عوزينك
ومبروك عليكى العضويه ويا رب متجمعين دايما على خير

 

[حبيبة_امها]

((كسرنى الالم))
كتبت نظام رجيمى رمضان اللى فات فوق..وخسيت 9 كيلو فى رمضان
دلوقت ماشيه على نظام سعرات..بحسب كل اكلى بالسعرات((لانى بثبت وزنى دلوقت))

 

[حبيبة_امها]

((اللهم يسر امورى)) الله يبارك فيكى
ربنا ييسر كل امورنا يارب