الحق معك فى احساسك ولكن لاتنسى انت على زمة رجل ولايجوز ان تفكرى او تحبى غيره خلص انسى لان الدنيا قسمة ونصيب وزوجك حلالك ابو ولادك هو الزى يستاهل ان تفكرى به وتحبيه وتدلليه فقط
حبيبتي انا انصحج تهتمين في زوجج واعيالج (وعسى ان تكرهوا شي وهو خير لكم) واعتبري الماضي ذكرى بينج وبين نفسج واتحملي ريلج يعرف بعدين تتغير نظرته اتجاهج
والله يكون في عونج
ياا بنات اشفييكم علييها هي ما قالت شئ ولا قالت ليش عرس وخلاها الي تقول لها انها انانية والا تقول لها انها اسم على مسمى شو يعني؟؟
حرام عليكم هي الي فيها مكفيها وهي ما كتبت مشكلتها الا لانها تبي تفضفض
وهي ما قالت شئ كل الي قالته انها ما كانت تبي تكون في هالموقف
اختي الله يعيينج والله ويزين ريلج في عينج وينسيج هالريال وانتي فكري في بيتج وعيالج والله يسخرهم لج
والخيره في ما اختاره الله وشوفي حواليج ياما ناس تزوجوا الي يحبونهم بس حياتهم كلها مشاكل
وانا حاسه فيج لاني مريت بنفس موقفج بس العكس اني تزوجته بس صدقيني الي تحبينه غيييييييييييييير عن الي تزوجينه حتى ولو كان نفس الشخص لانه في الحب قبل العرس ما تشوفين غير محاسنه وبتبنينه في بالج ع الي انتي كيف تبينه يكون بس بعد العرس بيكون واحد ثااني صدقيني اسألي مجرب
والله يخلي لج ريلج وعيالج ياااارب
اعانك الله اخية لكن نصيحه اني في ذمة رجل يعني حاولي تنسي انك احببتي واحد حبي زوجكي ولا تحسسيه بان عقلك شاغله شخص ثاني وصدقيني هذا الشيطان يجعلك تفكرين في هذا الشخص صحيح حبيته واحبك لكن الله لم يكتب بينكم ان تجتمعو ويمكن خير لك انك لم تكوني من نصيبه وادعي الله ان يصرفك عنه ويكون زوجك ملك قلبك وعقلك وصدقيني الرجل عندما يعلم بان زوجته تفكر في شخص ثاني غيره لا يرضى ان يعيش في الظل وانتي فاهمه فكوني لزوجك كل شئ في حياته لكي لا تفقديه وفقك الله
السلام عليكم .. موفاضيه .. اتقي الله في نفسج وزوجج وبيتج .. هذا كله من عمل الشيطان وانتي مشجعتنه .. اي حب اي خرابيط وانتي علي ذمة ريال .. سامحيني بس حرام اللي تسوينه
حبيبتي مش كل شي في الدنيا نبيه نحصله ولكن اذا ابدلنا بخير منه الحمدلله هذا نصيبك والله كاتبه لك واكيد خير لك والحب اجعليه ذكرى حلوه وانتهت ولا تتمادي في التفكير به وفكري في محاسن زوجك وانه هو الباقي لك هذاك مع عروسه يتمتع وتمتعي بكل يوم يمر عليك لانه الايام التمر لا ترجع وتنقص من عمرنا اشغلي نفسك واستغفري الله كلما تذكرتيه او قومي صلي والله ان الشيطان بنسيكي اياه لانك تتمسكين بربك والله يكون في عونج
الله يكون في عونج الغلا واصبري وحاولي تحولين هذا الحب لزوجج وابو عيالج لان الاستمرار في حبج له ما راح تحصلين اي فائده لانج في الاخير انتي راح تتعبين واتعبين نفسيتج والله يكون في عونج وينسيج هذا الحب