افزعولي الله يرحم اهلكم

[تشكرات]

أختي حجازيه ذوق ...لا حبيبتي قسوتنا عليها مش معناها ان رجالنا متزوجين علينا ...عشان فيه بالمنتدى آنسات المفروض ما يتساهلوا بكلام العشق والغرام مع رجال محصنين ومستورين مع حريمهم وعيالهم فهمتي حبيبتي .....

 

[الشتاء الدافئ]

انا استغرب ايش صار للرجال كيف صاروا يتزوجون عشيقاتهم .... والله كل مالهم اردى الله يعينا عليهم ..
لكن اعذريني مع اني احاول اكون حياديه لكني اجد نفسي متعاطفه مع امرأه خانها زوجها ثلاث سنوات ثم تزوج عشيقته وطلقها واسكن ضرتها في بيتها بكل وقاااحه ...لاتتوقعين من زوج مثل زوجك اي وفاء ستثبت لك الايام ان الرجال خونه وناكري الجميل ولاحظي انه بمجرد ان حصل عليك اصبح عصبي ونسى الرومانسيه والكلام الحلو وصار يلحق ورى الزوجه اللي لفق لها العيوب والتهم ...الله اكبر عليهم من كفاريين للعشره ..اصبري وادعي ان لاتدور عليك الدوائر ...

 

[الشتاء الدافئ]

بعددين خلاص طنشيها ولاعاد تسالي عنها ولاتعتبريها موجوده في حياتك بس اهم شي بالبدايه اعرفي وش اللي يكرهه في زوجته الاولى واعكسيه بعدين اسحبي عليها لاتسالي عنها ابدااااااااااااااا

سبحان الله منطق غريب..صدق من قال بلى الحريم من الحريم !

 

[مزايا انسانه]

عاد استحملي كل ماجااااااااك
وحاولي تحافظين على حياتك
اسمحي لي اساسا علاقتكم خطا
تعرفي ليه لانه زواج بعلاقه غير شرعيه
وتأكدي انه مثل ماخان زوجته وام عياله سوف يخونك
فالله معاك
اصبري هذا طريقك اخترتيه بنفسك
الله يسعدك

 

[مزايا انسانه]

هههههههههه
جريئه ايتها الشتاء الدافئ

 

[حلم احلامي]

كما تدين تدان

حبيبتي ترى الدنيا طواره لاتحرشي زوجك على زوجته الاولى
ترى ممكن تقلب عليكي السالفه لانو هذي الاولى وام عيالو وما حيستغني عنها
وانتي الله يسامحك لو تحطي موقفك مكانها ايش ممكن تسوي اذا زوجك اتزوج
ولازم تتحملي نتيجة اختيارك..امس تحبو واليوم تضاربو..كل انسان مسؤول عن قراراته
وخافي الله في زوجته عشان الله يسعدك ويهنيكي

 

[حلم احلامي]

سوري اقصد الدنيا دواره ..ههههه

 

[الدمعه الحزينه4]

تعرفين عزيزتي ليه كانت زوجته الاولي بس تهاوش لانك دخلتي حياتها بسلوب بشع
هذا انتم تصادقون الرجال المتزوجون وتتمسكنون الين ينجذب لك وينسي زوجته واشباه الرجال ينسي زوجته ويقعد يسبها وانتم تصدقونهم
لاكن سبحان الله انقلب عليك لو انك كنتي جالسه في بيت ابوك وجاك رجل متزوج عادي لاكن متعرفه عليه ورايحه وجايه معاه
كيف تبغين زوجته تشوف وحده زيك تدخل حياتها وتروح وتكلم زوجها وماتنقهر انا مجربه حبيبتي لاكن
الله ياخذ حقنا منكم
وينصر زوجته الاولي ويسخره لها
انتي ماصدقتي سكنتي في بيتها علي طول
لو انا من الزوجه الاولي والله مارجع البيت القديم اخليه لك
لشرط بيت جديد هذا خاين لها ولازم يتدب
ولايجتمع رجل وامره الاالشيطان ثالثهم

 

[الدمعه الحزينه4]

ياحجازيه ذوق الدنيا دواره
لسانك حصانك ان صنته صانك
لاتدور الدنيا وتذوقين قهر الخيانه ومررتها ودخول العشيقات حياتك

 

[تـ ـ ـ ـرانيم]

انتي خرابة بيووت كيف ترضي تبني بيتك على خراب بيت ثاني وتشتيتي اسره حسبي الله عليك وبس

 

[قمر بعيونه]

مالك الا الصبر ولاتفكري بزوجته حاولي تتناسيها عشان تعيشي حياتك مرتاحه ولا تجبين طاريها قدام زوجك مهما صار حتى تظلي الحضن الدافىء اللى يلجا له لضاقت به الدنيا استغفر الله العظيم عن كل ذنب عظيم

 

[حجازيه ذوق]

حبيباتي اللي انتقدو ردي
انا ماقلتلها تخليه يطلقها ولا تخرب عليها بيتها لايصير اسلوبكم "اذا ماكنت معي فانت ضدي"
هي استشارت مفروض نعطيها الحلول الصحيحه ولاتبغوها تصير مسكينه عند زوجته الاولى وتدور رضاها بالطقاق فيها اذا كانت قليلة ادب اقل ادبي معاها اكثر اما اذا محترمه فاحترمها واقدرها واحطها ع راسي من فوووق
وبعدين مافي مانع انها تجذب زوجها لها بكل الطرق ولا لانها تزوجت مطلق او متزوج خلاص تصير غلطانه وخبيثه اذا حاولت تجذب زوجها لها يعني براكم بتخربه على زوجته الاولى
سبحان الله ماادري كيف تفكيركم
انا مخطوبه وزوجة اولى بس هذا كلامي والحق حق اقوله لو على قطع رقبتي
حبيبتي اللي نزلت السؤال اجذبي زوجك لك بكل السبل وحاولي تخليه يتعلق فيك ولاتستسلمي لزوجته الاولى تخليها تسحبه منك هذا زوجك وحلالك حافظي عليه قد ماتقدري

 

[a7lahem]

اولآ يااخواتي شكلي قصدت المكان الخطأ لطلب الاستشاره !!!!!!!!!!!!!!!!!!!!!؟؟؟؟

ثانيآ انتم مارديتم بعقل لارديتم تعاطف معها ..وهذا هوه تفكير الحريم

وقلت لكم من اول انا موظفه وبناته ااكلهم قبل لاآكل والبسهم قبل ماالبس انا وماني مقصره معاهم بشي يعلم ربي

ومو انا اللي قلت له سكني في بيتها لو بيدي ماسكنت .

وابغاك ترفي يااختي اللي تقولي ان سبب المشاكل انا ابغاكي تعرفي انه مو انا ومشاكلهم من اول والكل عارف بهاذا الشي .....

وهذا نصيب ياحلوات وانا راضيه به وانا دخلت هنا اطلب الاستشاره مو تقوموها حرب عليه من بعض الاخوات هذا وانتم في مملكة بالقيس ....

وقلت ابغى اجذبه لي ماقلت ابغى افرق بينهم ؟؟؟؟؟؟؟؟؟؟؟؟؟؟؟؟؟؟؟

وعلى فكره اللي ماارضاه لي ماارضاه لبنات الناس .

 

[fl0o0ry]

انتي اخدتيه من زوجته واولاده وفوق هالشي كله تحرضيه عليها وتقوليله يطلقها

وكمان مالك حق تغاري ويغمى عليكي حتى اذا طلعها ولا اخدها فندق وصالحها هي زوجته

اولى منك وانت اللي خربتي بيتها والسبب اللي هي فيه من مشاكل بسببك انتي

هي لها الحق فيه زي مانتي لك الحق ...

 

[fl0o0ry]

انتي لو هو جا وخطبك من اهلك كان قلنا غير هالكلام

بس انتي تعرفتي وكان بينكم علاقه وكنتي تدري انه متزوج

يعني انتي السبب لخيانته لزوجته وانتي السبب بخراب بيته

والدنيا دواره وزي ماتسوي بغيرك هيجي الدور عليكي

 

[a7lahem]

لاحول والاقوة الا بالله العلي العظيم


((( الشكوى لغير الله مذله )))

والف شكر لكم وان شاء الله مااعاد ادخل عند ناس زيكم ..



يارب لك الحمد والشكر ......

 

[حلم احلامي]

شر البلية مايضحك

اذا انك عارفه انو الشكوى غير الله مذله ...
ليش تشكي...........................................................؟؟؟؟؟؟؟؟؟؟؟؟؟؟؟؟؟؟؟؟؟؟

 

[نور كندا]

اخدتى الرجل من بيته وزوجته وجايه تشتكى كان الاولى لما يشكيلك منها تنصحيه وتعقليه او تتصلى بزوجته وتنبهيها بس انتى عاجبك الموضوع من اساسه وخربتى بيت الزوجة وبعدين كل البيوت فيها مشاكل ونقار عااادى بس انتى فرجيتيه اللطافة والظرافة لحتى يتجوزك والله بكره كل زوجة تاخد الرجل من بيته واولاده ولااجد لها مبرر لفعلتها وتستحقى من الله كل شىء يحدث معك وانشالله بيرجع لبيته وولاده ومرته وانتى الله يجازيكى على قد نيتك

 

[بقاية جروح]

ليش هو الحرمة لمن تزوج تشتري الرجال الى تقلي هو من حقها ليش هو عبد مملوك لو كان مملوك يحق لها انها ما تاخذة وهو الى دورها اختي الى تقول انتي اساس المشاكل المشاكل قائمة بها وبدونها ولكن هي ما سوت شي غلط هو الى غلط في حق زوجتة وبنتة كان تحملها عشان بنتة بعد ما يخذا هذا المسكينة يقلها انا ندمان ليش مو من البداية فكر والله ساعتها يدور الى يقهر الاولى عشان يرضيها رجال والله

 

[قطرة في بحر]

يا بنات عندي ملاحظة أحب أوضحها

ملاحظتي ماهي لصاحبة المشكلة

ملاحظتي لكل بنت تسوي علاقة مع رجل سواء متزوج أو لا ويعيشها برومانسية وكلام حلو وبمجرد ما تتجوز يتغير عليها
لأن كثير من البنات يشتكوى نفس الشكوى أنه بمجرد ما أتزوجته راح الكلام الحلو والرومانسية واتغيير علي
يابنات تعرفوا السبب ... العلاقة قبل الزواج تكون محرمة عشان كذا الشيطان يزينها في عين الرجل تلاقي الرجل عنده زوجة بالحلال أجمل وأفضل ألف مرة من عشيقته لكن الشيطان يزين في نظره العشيقة لانها علاقة محرمة وطبعاً الشيطان حريص على تزيين المعاصي

وبمجرد ما يتم الزواج الشيطان خلاص ما راح يزين العشيقة لأنها أصبحت زوجة في الحلال والشيطان ما يزين اللا المعاصي وقتها الرجل يشوف الوضع على حقيقته ويشوف أنه زوجته الأولى أفضل ويحاول يرجعها وفي نفس الوقت يتغير على الزوجة اللي كانت عشيقته من ناحية الحب والرومانسية عشان كذا لا تغتروا بكلام الرجل قبل الزواج فما بني على باطل فهو باطل

والله يهدي الجميع