اسوي له ..... ولا ما اسوي له؟؟؟!!!

[الوسمى]

اختي حمدي الله على النعمة ولا تفتحين طريق المشاكل
في حياتك الله يبعدك عن المشاكل بيالة شاهي تسوينه حق زوجك
صارت مشكله وتبقين بعد اساعدونك في حلة الله يهديك وطول بالك
سويها هذا زوجك وابو بنتك او ولدك ولا تستكثرينها عليه حتى لو كنتي
زعلانه منه خليك انتي الاحسن وبتكسبينه في كل شيء الله يخليكم لبعض طول العمر قولي آمييين​

 

[انوثة بلا حدود]

حبيبتي بسمة امل ايش دعوة يا قلبي فنجال شاهي مزعلك
ايش رايك فيني ما تزين خدماتي لزوجي وتفناني لزوجي الا وحنا متزاعليييين
بس والله يرجع ويصالحني ويقول ادري انك بنت حلال وما تمنين علي بشغل البيت وخدمتك لي

حبيبتي:
ترى الحرمة مننا ماجورة على خدمة زوجها واولادها
وغير كذا يموت عليها زوجها لمن يحسها تستمتع بخدمته وتدليعه

غاليتي:
انا اقول لك سوي دلة قهوة ودلة شاي وفطور ساندويشات وغلفيها له وحطيها على الطاولة دائما وجيبي له كاسة سيارات وياخذ فطوره معاه سواء انت صاحية او نايمة او تعبانه 0انا كذا مع زوجي دائما ومبسوط وانا ما قصرت معاه0اذا صحيت عطيته اياها وودعته الين الباب واذا تاخر وانا نمت في حفظ الرحمن وهو عارف مكانها
واوصيكي ما تخلي حياتك معاه عطني واعطيك علميه التضحيه بينكم في السراء والضراء

 

[جــواهر]

بسومة ،، ليش تظنين أنج تنزلين من قدرج لما تسوين له الشاي و هو قال لا تسوين ..
بالعكس إذا استمريتي تسوين له الشاي بعد اللي قاله دليل على إنج تسوينها له من خاطرج و قلبج و مايهمج رايه
و إذا قال شي قولي أنا أسويها لك من قلبي و بتم اسويها لأني أبي أسويها لك .. و انتي تبتسميين

أما إذا ما سويتي الشاي الحين بعد اللي قاله بيقول فخاطره بل هذي ماصدقت على الله شكلها صدق كانت تجاملني بالشاي ... بالتوفييق

 

[تصبيره]

حبيبتي بسومه انتي كم عمرك؟؟؟؟ هاي مو مشكله عزيزتي اظن انج ما قريتي المشاكل والبلاوي اللي بالمنتدى
خليج عادي وانتي ليلحين ما نسيتي انه قالج لا تسوين شاي رجعي لبيتج وانتي مطمنه اكيد هو نسى في اشياء اهم مثل انج اكيد واحشته ومتلهف وولهان عليج وانتي بعد ومن ترجعين سويله شاي محترم وانتي تضحكين بعدوالله انا لو ودي مو بس اسوي الشاي الا اشربه بعد حتى لو كنت زعلانه

 

[SOSO-HANM]

مرحبا

اكيد مثل رأى البنات السنعات أكيد تسوين لة وانسى اللى قالة هم الرجال جذى

لازم ينقدون ويعلقون حتى لو مو مقصرة اختى سويلة وعن طيب خاطر وانسى

واذا زوتيها ما راح ينسى موقفج ويكبر الموضوع

وعفوا هههههههههههه

 

[زوجة وأم وأخت]

إجتمع رأي الأخوات وأنا معهن إنك تقومي بعمل الشاي والريوق ..

يالله أختي إنسي اللي صار ، وخلي مشاعرك رقيقة معه ، لأنه سيخجل
من نفسه وسيرى أفضالك كثيرة ، ويقول في نفسه ، هي وحامل وهي
تعبانه ما تقصر فيني ، ... وسيشعر كم تحبيه وتخافي عليه يطلع
للدوام مو متريق .. ومايهون عليكي إلا يتريق ...

 

[ورده فوشيه]

الله يسخر لي ولك يارب

 

[ملاك المملكة]

وأنا بعد من رأي ميك اب والدكتورة نبضة قلب حبيبتي مافيها شئ

بلاش ندقق في ادق الامور مشي عشان الحياة تمشي

 

[وسـآإم ~]

الله يعينك لا تصيرين حساسه وتتاثرين من تفاهات الحياه علشان شاي خليك اكبر من هالشي وسويله ولا تصيرين نكديه وابتسمي للحياه والله يسخرلك يا قلبي 00000

 

[سمر ليل]

حبوبة سوي الشاي وصحية بكلام حلو وبوسات وشوفي كيف يصير معك المسألة يبيلها صبر .وبعدين هذا الشئ ماله دخل في كبريائك وكرامتك بالعكس راح تكبرين في عينه

 

[شوبارد قطر]

اذا رديتي سوي له لان بيكون الموقف اللي صار ... صار له فتره طويله انتي اهم شي مثل ماقلتي تسوين واجباتج وهذا واجبج قدام زوجج ...

 

[المسكينه]

كلا م الأخوات صحيح افتحي صفحه جديده والحمدالله ان السالفه صارت قبل الولاده ....
وبعض من الرجال يحبون يدلعون على حريمهم فأنت دلعيه قبل مايجي أحد ويدلعه غيرك ؟.....تندمين والحمدالله أنها سالفة شاي مو شي ثاني ... وتعوذي من الشيطان لأن دور الشيطان الحين يبي يفرق بينكم فلا تعطينه مجال ...

 

[غزالة ناعمة]

اختي انسي عشان مايكبر الموضوع وتصرفي كان شي ماصار

 

[كوكيز17]

حبيبتي انا اضم صوتي لرائ الدكتورة نبضة قلب
والله يسخرة لج

 

[فراشة ملونه]

انا مع الاخت .. Make up
عجبني ردج .. الصراحه مافي شي اسمه كرامه بين الزوج وزوجته .. خاصه في هالاشيا العاديه .. يعني لو كانت سالفه جايده .. يمكن الواحد يراجع نفسه .. بس انا اجوفها من الامور العاديه ..

 

[m2008]

الله يهديج كل هذا عشان كوب شاي !!!!!!!!!!! عيل لو عزم ربعه شو بتسوين؟؟؟؟؟

 

[الطايشه]

انا مع الدكتورة نبوضه
عيل اشلون يحس فيج وبوجود في البيت لازم تكون لج لمستج الخاصه
تحياتي لج

 

[واثقة]

الأخوات ما قصروا..

بس انتي وش قررتي؟؟

 

[كلي دلع وانوثة]

بسمة أمل خليج بسمة أمل في حياتك

وكل الرياييل يقولون هالكلام وخاصة اذا حبينا نذكر أفضالنا عليهم
وانا أعتقد أنه حس انج قاعدة تتمنين عليه بكاسة الشاي

أنا اقول سويله شاي واذا كلمج قوليله انا اسويلك الشاي بكيفي وبرضاي وطول ما انت تشرب الشاي انا بسويه لك بايديني الحلوين

وصدقيني بهالطريقة راح يرضى ومافي كرامة بين الزوجين مافي كراااااااااااااااامة

نفس راي الاخت

والله يخليكم لبعض يارب

 

[nonoura]

ساويلو الشاى وقولى له تعال تئبرنى ابن عمى الشاى جاهز ههههههههههههه ليش لاء