استحلفكم بالله غير تردون على موضوعي

[انفاس انثى]

مساء الخير على الجميع

بنات تكفوووون قولولي ايش اسوي مع زوجي ذبحني بس جالس عالنت

اربع وعشرين ساعه بالفيس بوك تعبت انا قبل كتبت مشكلتي هنا مع زوجي

وخياناته لي مو معطيني اي حق كأني مو موجوده عنده لاغيني من حياته اهم شي عنده

النت ثم النت ثم النت ثم العمل والاصحاب مايهتم بوجودنال انا واولادي قبل كم يوم اتهاوشت

انا وياه اطلب منه الحمل انا اللي اترجاه بعد علشان يعطيني حقي وكل شهر نتهاوش على

هالموضوع اقوله مو من حقكك تحرمني الحمل وتزاعلنا مع بعض ووقتها قال لي انتي ولا شي

اصلا احاول اني اعطيك اهتمام بس مااقدر انتي ولا شي الحمار احسن منك اطلعي برا

وانقلعي لحظيرتك جرحني بكلامه كثير يقول انتي ماتشرفيني كل شي قاله عني وقالي بعد

اللي معاي بالفيس والله اهتم فيهم اكثر منك قهرني بكلامه دخيلكم قولولي ايش اسوي

معاه هو يبغى الفكه مني لو اطلب منه الطلاق مباشره بيطلق وانا ماابغى اتطلق علشان

اولادي حارمني كل شي عمري ماحسيت اني زوجه وهو زوجي نفسي مره يحسسسني

بهالشي او يحسسسني اني مرغوبه او يشتاق لي ابد بس على النت تعبت كثير حلفتكم

بالله اعطوني رايكم ايش الحل معاه كثير قالو لي اخسريه والله غير يرجع لك بس مش قادره

اخسره لان مو قادره اتحمل الوضع اللي انا فيه تكفوووون اعطوني رايكم وحلولكم

 

[بحورصمت السنين]

طنشييييييييييييييييييييييييييييه مره واهتمي بنفسك وعيالك

 

[النجمه البنفسجي]

تعاملي معاه بكل هدوء و أظهري محبتك له و إذا لم تنفعكي هذه الطريقه خذي أغراضك و روحي بيت أهلك يمكن يشتاق لك و يرجع يآخذك

أو إنتي دائماً راسليه في الفيس بوك رسائل غراميه

 

[اغاريد الشوق]

طنشيه ولا تتبعي وراه عيشي لنفسك انتي بس وبعدبن اولادك وبعدن هو
قومي بكل واجباتك على اكمل وحه تعلمي الصمت والله ليحس فيك وبيقول وش فيها ساكته
اتركيه لوحده لاتتلزقي فيه فتره وبعدها راح يكره النت او يقلل من دخوله

مودتي

 

[زوجي قاهرني]

احقريه كنه ماهو موجود بالبيت اهتمي بنفسك وباولادك حاولي تشغلين وقتك باي شي افتحي النت اطبخى حاولي تغيرين حياتك مصيره راح يمل ويرجعلك والله عن تجربه وانتبهي لالالالا تروحين بيت اهلك بس بينكسر خاطرك عندهم مهما كانوا الاهل على العين والراس لاكن خليه يحس شوي شوي وادعي الله له بالهدايه وان يرده لكي ردا جميلا ,, واكثري من الدعاء وقيام الليل والاستغفار وان شاءالله يهديه الله لك ولعياله امين

 

[انفاس انثى]

شكرا لكم بحور صمت السنين .. النجمه البنفسجي .. اغاريد الشوق
والله يسعدكم ياااااارب ويسخر لكم ازواجكم

اختي النجمه البنفسجي .. زوجي مايبغى مني شي لارسايل ولا حب ولا اي حاجه

وده بس ابعد عنه ولا اجلس عنده وهو على النت ولا اسأله عن شي ابد يقول انا مااحب الخنقه

وووجودي عنده متعبه وده اكون بعديه عنه هذا الل يبغاه يوووه لاسافرت عند اهلي يفرح

وانا مااقدر اروح بيت اهلي لانهم مايدرون بشي عن حياتي وزوجي عندهم مررره كويس مابغاه يطيح من

عيونهم ابغى حل ثاني يمكن التطنيش ينفع معاه لكن انا حاره مااقدر اطنشه كثير اتعب من تصرفاته معاي

 

[ربي رضاك عني]

عليك بسهام الليل فانها لاتخطئ

 

[انفاس انثى]

شكرااااا لك زوجي قاهرني صدقتي يمكن ينفع معاه التطنيييش

 

[زوجي غلا روحي]

الله يفرج همك يارب

انا مع (( زوجي قاهرني )) وادعي ربك وربك هو مغير الاحوال
عيشي حياتك ودلعي نفسك وطنشيه واشغلي نفسك بصحباتك وبدينك​

 

[روح الأبداع]

ادعي الله له بالهدايه والصلاح وان يسخره لك ولأولادك الله يألف قلوبكم لبعض انشاء الله

 

[انفاس انثى]

شكرا عزيزاتي ربي رضاك عني ..زوجي غلا روحي على ردودكم

طيب ياحلوات بغيت اسألكم يعني اذا جلس لحاله مااروح عنده انا قبل كنت اروح بس علشان

اقهره لاني ادري ان وجوده مو مرغوب فيه بس لما اجلس عنده احس بالاهانه وماعندي كرامه

ودي اتكون عندي اراده علشان اطنشه ولا اجلس عنده ودي ارد كرامتي والله قالي كلام مو قليل علشاني

اطالب بحقي والله قبل اشوووي نام وهو من الصباح وهو جالس عالفيس بوك تعبت بقووووه من هالشي

حاااااقرني مره ومطنشني ودي انا اكوووون زيه دخيلكم شجعووووني

 

[انثى صوفيه]

اللهم جنبنا الشيطان وجنب الشيطان مارزقتنا
الله يهديه ويهدي جميع المسلمين

 

[امنيتي ضمة طفل]

الله يعينك

 

[رحيل الوقت]

بحور صمت السنين صادقه

انتي طنشيه تدرين ليه مهتم باللي معه لان بيعاملوه على انه اذا مو انت فيه غيرك وهو عارف هالشي لكن يبيها لنفسه ليثبت ان فيه وحده ثانيه غيرك ميته عليه


التهي بعيالك حسسيه انه اخر همك والله فيه مره زوجها يموت بترابها تدرين ليه لان هي تحسسه انه اي غلط منه بتخرب حياتها معه يعني هو ولا شي بنضرها طالما جرحها


وين كرامتك يقولك انتي مثل الحمار روحي لحضيرتك يا عسل الف من يتمنى مره تهتم فيه لكن اهتمامها بذاتها وتقديرها لنفسها وانها تعز عمرها ما تهينيها بكثرة الملاحق له تخليه يتعلق بها لان باالول قدرت نفسها اللي ما يقدر نفسه وشوله نقدره انتي قيسيها كذا


وبالتوفيق

 

[اولادي كل حياتي]

[SIZE="7"ممكن أسألك سؤال طيب ?انتي ليه حاطة همك كله بزوجك
ـ ولو فكرتي انه تخلي ربك أكبر همك راح تشوفين العجب !!
ـ وغلط ملاحقته له وتشبيهه لمؤاخذة بالحمار والله لو زوجي قالها لي لاطنشه ولاأعبره ولاأسال فيه ولااعتبر شي في حياتي لا أخليه يحس انه وجوده زي عدمه واضحك واستانس واخرج واعزم الناس عندي واوريه انه هو الحمار !!!!
ـ اول شي بطلي العصبية على ايش ماتسوى حبيبتي تدمري صحتك على رجال لانه ماينفعك الاهي لو لاسمح الله طق لك عرق والله لايرميكي ولايتزوج عليكي وينبسط وانتي اللي بتمرضين زيادة !!
ـ ابدأي من اليوم التغيير بنفسك وبشخصيتك ولاتزني على الحمل لانه اذا كان كده اسلوبه معاكي مايستاهل تحملي منه وتشيلي هم عيال ثانيين
ـ ريحي أعصابك خذي حمام وواتنقعي فيه كل يوم يهدي أعصابك وهو بالبيت ودلعي حالك وامشي اضحكي وارقصي بالبيت وبيني له انه مرة مبسوطة بطناشك له
ـ
ـ وأهم شي قراءة سورة البقرة من اليوم ولدة 40يوم وشوفي التغيير باذن الله
ـ الزمي الاستغفار طوال اليوم وحتى وانتي تطبخي وتشتغلي بلبيت وقيام الليل لو ركعتين والدعاء وربي راح يفرج همك][/[SIZE="7"][/SIZE]SIZE]

 

[اولادي كل حياتي]

[/Sممكن أسألك سؤال طيب ?انتي ليه حاطة همك كله بزوجك
ـ ولو فكرتي انه تخلي ربك أكبر همك راح تشوفين العجب !!
ـ وغلط ملاحقته له وتشبيهه لمؤاخذة بالحمار والله لو زوجي قالها لي لاطنشه ولاأعبره ولاأسال فيه ولااعتبر شي في حياتي لا أخليه يحس انه وجوده زي عدمه واضحك واستانس واخرج واعزم الناس عندي واوريه انه هو الحمار !!!!
ـ اول شي بطلي العصبية على ايش ماتسوى حبيبتي تدمري صحتك على رجال لانه ماينفعك الاهي لو لاسمح الله طق لك عرق والله لايرميكي ولايتزوج عليكي وينبسط وانتي اللي بتمرضين زيادة !!
ـ ابدأي من اليوم التغيير بنفسك وبشخصيتك ولاتزني على الحمل لانه اذا كان كده اسلوبه معاكي مايستاهل تحملي منه وتشيلي هم عيال ثانيين
ـ ريحي أعصابك خذي حمام وواتنقعي فيه كل يوم يهدي أعصابك وهو بالبيت ودلعي حالك وامشي اضحكي وارقصي بالبيت وبيني له انه مرة مبسوطة بطناشك له
ـ
ـ وأهم شي قراءة سورة البقرة من اليوم ولدة 40يوم وشوفي التغيير باذن الله
ـ الزمي الاستغفار طوال اليوم وحتى وانتي تطبخي وتشتغلي بلبيت وقيام الليل لو ركعتين والدعاء وربي راح يفرج همكIZE]

 

[حلى التوفي]

زوووجك مثل زوووجي بالضبط .. بس انا على طوول رحت بيت اهلي لاتغلطين مثل غلطتي الناس ماترحم ... ولاتلصقين فيه مثلي سابقا لايااعمري طنشيييييييييييييييييييه ادري صعبه بس حاولي طنشي واقهرييه وسولفي ودائما مبتسمه واكشخي لنفسك وصديقااتك واشغلي نفسك ع النت .. ولاتهتميين فيه ابد غير بالواجبات الاساسيه واعتبرييه مو موجوود ... واهم شي الاستغفاار وقيام الليل واستودعييه ربك بكل سجوود قولي الله اني استودعتك زوجي قلبه وبصره وفرجه وسمعه فاحفظه يامن لاتضيع عنده الودااائع .. ولاتهمليين نفسك اهم شي نفسك ثم نفسك ثم نفسك .. راح يستغرب ويرجع لك .. اقول لك لاني مجربه حالتك ولاني ماعرفت اتصرف وقتها والله يوفقك ياالغلا

 

[حبك سكني.]

الله يهديه ويسخره لك يآآآرب
حااااولي تطنشيييه بالبيت بدون ماتقصري معه بحقووقه
وادعي ربك داايم يسخره لك ويهديه
واستغفررري دااااااااااايم
وربي يفرج همممك ياااااااارب

 

[انفاس انثى]

تسلمووووووون كثير عزيزاتي وانشالله اني بسمع كلامكم من اليووووم
عزيزتي (كل اولادي حياتي ) انتي سألتني ليه حاطه همك كله بزوجك
لاني والله احبه كثيييييير وهذا اللي مجننني حبي له هو اللي ذابحني
ومضيعني معه هو قالها لي مره ماذبحني الا حبك والله ثم والله هو اول اهتماماتي
عمري ماقصرت معاه بشي بالعكس اطلب واتمنى بس كاشخه له اربع وعشرين ساعه
الكل يقولي ياحظ زوجك فيك مايدرون عن حياتي معاه هو مو مقدرني ابد ولا شاعر بوجودي
والله قبل كم يوم قالي شفتي هالكرين اللي في ايدي فاضي له فايده اكثر منك
يحب يقهرني بالكلام لدرجه اني اتحسبت عليه قدامه ودعيت عليه وانقهر مني وصار يرمي علي
الاغراض من على التسريحه كل هذا علشان اقوله ابغى حقي وابغى حمل واعطنا اشوي من وقتك
النت وااللي بالنت مو احسن مني ومن اولادك كل وقتك معطيه النت وعندي بس نوووووم
بس انشالله من الليله ان قال ربي بتغير وبطنشه وبخسره لااخليه يعرف مين هي انااااا
دائما يحسسني اني ولا شي وان مالي فايده باي حاجه دايما يحبطني نفسيا ومعنويا
انا بعينه ولا شي ماادري ليه يمكن علشان البنات اللي يعرفهم له علاقات كثير الله لايوفقهم يارب

 

[مغناجة]

عزيزتي من خبرات الأخوات شكله يطالع مقاطع سكس..

أو على علاقة مع أحد..

والحل انتبهي لنفسك وحبي نفسك وعززي نفسك وجملي نفسك..

اللي تشوه من الولادة والحمل والرضاع صلحيه..

وأنقي نفسك وسوي لوك جديد والأهم حبي نفسك أعشقيها دلليها..

الرجال يبي مرة ما يبي مربية ولا خدامة واذا ما يبي عيال فكة والله انهم هم..

أنا زوجي ذابحني بسيرة الحمل وانا ما ودي أحمل..