هلا اختي انفاس انثى الحمد الله على سلامتك انا بقولك بس ابيك تسوين اللي اقولك عليه وان شاء الله يتغير زوجك اهم شي سوي اللي اقولك عليه
اول شي .....
صلاتك لا تفوتينها ابد هذا شي مهم جدا صلي صلاتك ولاتتركينها
وثاني شي صلي اخر الليل ركعتين بس ركعتين وادعي فيها باللي في قلبك وقولي كل شي مضايقك لله وادعي بها الدعاء (ياودود ياودود ياودود ياذا العرش المجيد يافعال لما تريد اسئلك اللهم بعزك الذي لايرام وبعرشك الذي لايضام وبنور وجهك الذي ملا اركان عرشك وبقدرتك التي قدرت بها على خلقك وبرحمتك التي وسعت كل شي ان تسخر لي زوجي وتجعله لايري من نساء الدنيا احد غيري وتجعلني قره عينه وتجعله مايرتاح الامعي يارب العالمين وانك تكرهه بالحرمه اللي معه يارب ياكريم ردلي زوجي ردا جميلا يارب حببه فيني يارب حببه فيني يارب حببه فيني وكرري الدعاء ثلاث مرات وقولي بعد المره الثالثه يامغيث اغثني يامغيث اغثني يامغيث اغثني وقولي اللهم اني برحمتك استغيث كل شوي وصلي على النبي اللهم صل وسلم عليه وادعي من عندك وابكي في الدعاء واهم شي كوني واثقه ان الله بيستجيب دعوتك وماهو رادك من الخابين كل يوم قبل النوم صليها وادعي وعصر الجمعه لايفوتك ابدا اقري سوره يس وادعي بعدها على طول الدعا اللي قلته لك وكل شي تبينها لاتنسين ابدا
وثالث شي مهم الاستغفار كثري قد ماتقدرين استغفري استغفري وانت تنظفين بيتك وانتي جالسه وانتي تطبخين بكل وقت امانه وصيتك الاستغفار
اقسم بالله العظيم انا كنت مثلك بس سويت كل اللي قلته لك كنت ادعي اخر الليل وكنت استغفر بكل وقت ومن قلب وانا موقنه ان الله بيفرجها علي وان الله بيستجيب دعاي
وبعد هذا كله اذاسويتيه
اذا جاء زوجك لاتشكين ابد لاتقولين انت ماتهتم فيني وانت ماتسوي لي وانت تري هذا كله يكره فيك تري اذا جاء عند هذيك وماتقوله كذا معيشته بحب وعالم ثاني واذا جاء عندك سمعك تقولين كذا يقسى قلبه عليك ويقارن بينكم
اذا جاء عندك مايسمع منك الاكل الحب والكلام الحلو والدعاء عسى الله يخليك لنا وعسى مانحرم منك ياحسن زوج بالدنيا كلها واذا جاك وسمعتيه الكلام الحلو جيبي لك سسوالف حلوه توسع الصدر وقوليها له سوي البيت جنه لازم اول شي نسويه نحببه في البيت والجلسه معك يعني السوالف اللي تضيق الخلق حاولي قد ماتقدرين تبعدينها عنه والبسي احلى لبس وخالع بعد سوي له جو نفس اجواء بنات اللذين فهمتي علي حسيسيه بشوقك له وتدلعي عليه واهم شي الفراش سوي كل شي له افتنيه فهمتي كل الحركات سويها لاتخجلين منه واذا مثلا بغيتيه على الفراش ورفض لاتزعلين قولي له انا مشتاقه لك وانا ابيك وانا من هالحكي تراهم يحبون كذا غيري اسلوبك معه
شوفي لازم تتحملين مو من اول مره راح يعطيك وجه لانه مافيه شي يتغير من يوم وليله اوك
موافقه انك تسوين اللي اقولك عليه عشان نكمل ....؟
نسيت اقولك ترى انا مجربه اللي انتي فيه والحمدالله سويت اللي اقولك عليه وتخطيتها وزوجي رجع لي يلاه قولي لي وش رايك