مها البوادي
New member
- إنضم
- 5 مايو 2009
- المشاركات
- 46
حبيبتي انتي تتكلمين وتردين ع الكرامه "دوامه وحده"
بسالج لو رديتي بيت هلج بتكون عندج كرامه جدام الناس
صدقيني الناس كلها بتقول ما عندج كرامه وحرمه مب راعيه بيت ولا ماسكه ريلها والخ...
واولهم اهلج وهالشي انتي تعترفين فيه يعني حطي الكرامه والاهل وراى ظهرج
حتى الموت ليش تفكرين فيه شكله مستعيله لموتج ومتي وبعدين شو خلفتي وراج غير ريلج الي ما تعجبينه بنترحم عليج وخلاص وبعدين شوووو ؟؟؟؟ والله الموت مب حل بل ضعف ايمان وشيطان ضاحك عليج ووقله خبره
صدقيني ريلي يقولي بلا كرامه ولا الناس تشمت فيني ؟؟ وبعدين بلا هالتزمر كل الحريم صابرات واشد عنج وهالشي اصلا الصبر مخلف على حوووواء ...انتي استخرتي الله قبل الزواج وطلعت خيره الحمدالله يعني هالريال فيه خير بس انتي ما تعرفين تكسبينه بس تعرفين تمسكين اخطائه هالشي بس ...... واما الايجابيات ابد مخج ما مرسخ شي مش معقووله هو عدم وابوج اختاره وامج مش معقووله ما فيه ذره خيره ...تر الذه تقدرين تكبرينها:32:
بقولج انتي توج مش عروسه فليش ما درستي شخصيه ريلج ؟؟ تعرفين ليش؟؟؟
لان تفكيرج محدود في دائره المشاكل وبس ما فكرتي يوم فيه صدقيني ولا كيف تروضينه ..
غير انتي تتكلمين عن خياناته بقوولج ريلج شكله قبل العرس يرمس واغلب الشباب يرمسون وفيه شباب يتوبون وهالشي تلعب دوره الحرمه وفي شباب لا ؟؟
انا بضربلج مثال ريلي عنده تيلفونين مسكت مره من المرات تيلفونه لقيت مسجااات من بنات وجدامه وهو برر موقفه اونه فون ربيعه بس انا طنشت
تدرين ليش لاني طالعت وحسبت شووو انا مقصره فيه ؟؟ ما سويتها ساالفه وضخمت الامور مثلج ومع مرور الوقت قبضت اعصابي لانه هو شمالي شرقي بسرعه يعصب ع طوول بس ماله داعي كل شي اقنعه هو بيئه غير وانا بيئه غير يعني اطنشه ع مثل اختلاف الراي لا يفسد للود قضيه
غير جي مواقف وامور سخيفه يقولي بيطلقني ومع ذلك اصريت اني اكون الاولى وبس في حياته يعني تحديت عمري ما تحديته والاحين والله تغير بعد ما غيرت عمري كنت عنيده بس رضت عمري علشان ما اخسر حياتي واموت عدم من غير عيال طنشت كل سلبياته وشفت ايجابياته
اما انتي سمحيلي شكلج في كل شي تناقشينه وغصب موقفج صح وع اتفهه الامور
اختي غيري نفسج وملي عينه شكله يشوفج انسانه مش مطوره باسلوبها ولا تعاملها ولا رده فعلج وهالشي لاحظته من موضوعج وطريقه ردج
بعد الدعاء لله ورجوته والمغفره وقراءه سوره البقره تراها تغير كل شي والله تقلب حياتج ..متى اخر مرة تصدقتي بفلوسج؟؟؟وبعدين:
غيري تفكيرج عن الغضب والاهل والكرامه والموت والكلام الي ما يسويلج شي وفكري بالاهم
تغيرين البيت وظبيه ودخنيه ورشي الطيب وسيري صالون غيري ستيلج ردي عروس سوي حمام مغربي حطي لوك يديد ملابس ناعمه رقيقه تبرز انوثتج ......والاهم الاتيكيت تعلمي اتيكيت التعامل مع الرجل العصبي ...خلي نفسج دايم الاسمى باخلاقج وسكوتج لقسوته
ريلج من النوع الي يحب التغير والتطور ف كل شي حتى الفراش غيريه ..........
غيري تراه الي مريتي فيه مريت فيه والله والله يقول " لا يغير الله بقوم حتى يغيوا ما بانفسهم" غيري كل شي علشان يتغير ولا تقولين ما اقد ............
اهم شي الاتيكيت سايره اما خيانته تراه يشوف فيهن شي يباه ما يشوفه عندج شو هو عندج الجواب؟؟؟؟؟؟؟؟؟؟؟؟
بس تاكدي انج انتي حلاله وهن حرام وكيد المراه عظيم وكيد الشيطان ضعيف
ولا تحاسيبه خلي المخلوق للخالق صبري تراه العشره تغير بس انتي تختارين للافضل او الاسوا............
صدقيني هالامور مش معقول يتغير لو واحد من المئه
الا اذا انتي ما عرفتي تتصرفين
غير جي كنت قاسيه وياج لاني ابى الخير لج ما اريد اضحك عليج واخليج المظلومه بهالشي ازيد تفكيرج نفسه واخليج نفس الدوامه
واعتبريني مثل اختج
وعندي دعاء تقرينه كل ما يطلع يعني داااومي تراه بيتغير وغيرج جربها ونفعت وانا اولهن :20:
تريني واتريا ردج علي
